海港薈

营业中

休息中

星期日同屋企人去飲茶媽咪話想試下去d有靚景gei地方我地揀左呢度今日大霧如果唔係個景觀會更靚不過入到來感覺好開揚舒適春風得意腸外皮好滑入面脆卜卜鮑魚花膠灌湯餃呢個好補感覺好豐富招牌三色包其中有兩個係奶黃包一個係核桃包小🐷奶黃包好可愛整體味道唔錯叉燒包外皮好鬆軟西班牙黑毛豬叉燒包d叉燒好香呢個d🐷肉係用西班牙黑毛豬調味惹味十足yummy yummy南美花膠煲螺頭幾清甜好好飲懷舊瑤柱餃餡料飽滿D蝦肉好爽口彈牙整體我地好滿意

星期日梗係最好搵個地方飲茶啦。今次揀咗北京道1號9樓嘅海港薈，一去到門口已經覺得好有氣派。環境非常闊落，燈光光猛，窗邊仲可以見到非常靚嘅海景。點心賣相非常特別，而且仲有好多選擇。南美花膠煲螺頭，非常足料，花膠厚身，湯非常清甜。鮑魚花膠灌湯餃，湯與餃合為一體，上湯清潤鮮甜，鮑魚大大隻，加醋之後更添風味。春風得意腸，外滑內脆。懷舊瑤柱餃，餡料彈牙，皮厚薄適中。西班牙黑毛豬叉燒包，內餡用矜貴嘅西班牙黑毛豬，口感軟腍香甜。招牌三色包，賣相非常可愛，一次個試晒唔同口味嘅包，餡甜度適中。

好耐冇同屋企飲茶，今天難得weekend 就去左尖沙咀海港薈，之前老闆請過我去食，我覺得都吾錯，環境裝修幾靚，所以今次帶屋企人去試下。有阿媽喺度就一定要食飯嘅，脆米海鮮泡飯，個湯好好味，加埋配料十足，最重要係啲脆脆，阿媽係咁加，淨係食佢都好似已經飽左🤔一人一碗鮑魚花膠灌湯餃，等阿媽補下😂一人一隻鮑魚邊度夠，所以再叫多個鮑魚燒賣皇，黎呢度就係要食得豪啲😋仲有黑松露野菌餃，黑松露個味都好濃下，仲幾大件tim 。

今晚一家人食飯。媽不在家，係時候陪下老豆了。為左滿足嘴diu既老豆，去左海港薈食中菜。拿起餐牌，爸爸竟然懷疑這兒的食物質素，話什麼好睇唔代表好吃🤦‍♀️🤦‍♀️🤦‍♀️🤦‍♀️我只好答佢，食完你未知龍與鳳。心諗，你估我地唔知你嘴diu咩，點會帶你去無質素既地方食飯呀。壓力下，我地幾兄妹為爸爸揀左幾款小菜。不過，我對海港薈有信心爸爸突然話想食鮑魚🙄🙄唔好玩我地啦，普通食飯乍。酒糟鴨舌 $52係我既至愛小吃酒味香醇，肉質軟嫩，超讚👍 大部分都係進晒落我個胃到金沙炸魚皮 $68不得了之炸魚皮，爸爸停不了口，要我制止才肯停，可想而知佢既威力驚人金沙即鹹蛋炸魚皮。色澤金黃大大塊，香脆鬆化，啖啖鹹蛋黃和魚香，有起沙感但又不覺油膩感，難怪爸爸吃完一件又一件😆脆皮咕嚕黑豚肉 $168皮薄而脆，黑豚肉厚身，大大件得來很易入口，因為師傅煮得很腍，有口感又鮮軟。味道甜中帶酸，很開胃。爸爸吃了四件咁多。高山菌燒豆腐 $128爸愛吃豆腐是因為易咀嚼，所以叫了豆腐吃。豆腐很滑，似山水豆腐花，還有豆的香味👍。高山菌生長優良，全部都又鮮又壯。黃金有米魚是東星班，有1斤4。師傅先起肉，然後加入龍蝦湯，配以大量黃金色既脆米，分四

今日同哥哥家姐帶老爸吃飯，算是興祝他雙眼重見光明。以前要我們服侍，現在他看得見會自己夾餸，他吃得高興，今餐是很值得了。老人家牙力不夠，大部份餸都以他吃得到為大前提下叫的。但當然有例外😏。酒糟鴨舌。酒味香醇，少骨，肉質軟嫩，超讚。👍 金沙炸魚皮。就是很流行的鹹蛋炸魚皮。色澤金黃大塊，香脆鬆化，啖啖鹹蛋黃和魚香，有起沙感。老爸夾完一件又一件😆。脆皮咕嚕黑豚肉。脆皮薄而脆，吃時會聽到口中響起卜卜脆的聲音😊。黑豚肉很厚身，大大件有口感但很鮮軟。味道剛好，甜中帶酸。高山菌燒豆腐。豆腐滑到似山水豆腐花，吃起來有一股黃豆的香味，是貨真價實的新鮮👍。高山菌生長優良，全部都又鮮又壯。黃金有米魚。這麼好意頭的名，當然要試試。是東星班，有1斤4。正想大塊朵頤時，原來還有工序，很意外。原來是連湯吃的。大家記得看餐牌上的英文字呀，有寫配龍蝦湯的😍。部長即席為我們烹煮分好碗。龍蝦魚湯鮮甜，魚肉鮮嫩無骨，而脆卜卜的米，浸了湯後口感更得意，不過份量多了少少。因為等於吃了一碗粥，我們還叫了飯呀。😅鮑魚堤岸炆飯。原本怕鮑魚會硬老爸吃不到，怎知炆煮得很軟腍👍。另外還有很多配菜：貝柱、菜粒、蛋等，口感很豐富而味濃。我們吃不完

今日放假，帶爸爸到尖沙咀北京道一号九楼嘅''海港薈"茗茶。喺公司聽同事大讚哩度嘅海景好正，裝修優雅，點心精美。 爸爸茗咗幾十年茶，重質不重量，哩度佢一定滿意嘅……嘩！果然！來到眼前一亮嘅大銀幕維港海景，真係心曠神怡呀！睇睇餐牌、雖然係旅遊區，啲定價 唔算太高，款式精美多選擇！小點 : $22 中點 : 26 大點: 30 特點 : $ 38 茗茶 : $ 15特別哩個……西班牙黑毛豬叉燒包 $ 48熱騰騰嘅包好軟綿，餡料非一般嘅叉燒，用左黑毛豬果然係有唔同嘅口感！肉質鬆軟！淋滑！唔肥！醬汁份量恰到好處！超滋味！爸爸大讚！佢愛食香口嘢，我點左個;腐皮素鵝 $ 42外層炸到好鬆脆，啲餡有好香嘅菇味，好鮮嫩！木耳同其他材料……好爽！好香，脆！多重口感！鮑汁鳳爪 $ 48鳳爪淋度剛剛好，醬汁都好鮮！XO醬炒腸粉 $ 58熱辣辣！煲仔上枱，腸粉煙韌得來滑，爽口彈牙！味道好！鮑魚花膠灌湯餃 $ 48湯底濃郁鮮甜 ！有隻鮑魚仔同花膠，好有睇頭嘅灌湯餃！真係視覺，味覺嘅超級享受！好正！值得下次同佢再來！

和爸媽到海港薈嘆茶。海港薈一排落地玻璃,可以清晰看見到維多利亞港迷人的景色。海港薈內裡裝潢華麗, 坐得舒服。杯碟都既新又乾淨香茜牛肉腸我喜愛芫茜的香, 牛肉腸有陣陣的芫茜味道,十分正, 牛肉腸很香滑, 這個是必吃。黑松露野菌餃黑松露野菌餃皮好薄,餡料足料,黑松露香氣四溢。原隻鮑魚燒賣皇燒賣面鋪了一隻鮑魚仔, 何其矜貴呢!翡翠筍蝦餃皇蝦餃滿滿的蝦肉。鮑魚花膠灌湯餃灌湯餃的湯底味道清甜,有花膠,鮑魚。以$48一碗,都幾抵食。西班牙黑毛豬叉燒包叉燒包軟熟, 味道不俗。

又到星期三同媽媽撐枱腳嘅日子咁岩今晚係尖沙咀做完野 順道附近食個飯去左北京道一號睇下有咩岩食最尾媽媽都係㨂返中菜- 海港薈 地方大 坐得舒服 服務又好 重要對住大海景 正我地叫左個腐皮素鵝做小食 即叫即整熱辣辣 而且涵料十足 口感豐富對住個咁靚嘅海景 緊係食豪少少啦叫左兩隻鹽燒六頭鮑魚 堅大隻喎 而且入口彈牙面頭嘅炸蒜令到鮑魚入口更加鮮味 重有牛柳粒又係好好味 入口唔會太老 保持到應有嘅牛味 最尾重叫左惹味醬爆西班牙黑豚肉咁樣食我真係第一次 黑豚肉加埋9菜同洋䓤粒等等 再夾埋生菜一齊食 估唔到又幾好食喎

放假陪屋企人去飲茶，近近地選左尖咀呢間有景既食下點心，舒服咁休息下。一坐底便落好單，笨左咁連飯后甜品芝麻糕都點埋仲好快上埋枱。佢既黑松露野菌餃真係好足料，大大件。西班牙黑毛豬叉燒包，外面鬆軟，里面叉燒好多汁，好香。生磨黑芝麻糕，芝麻味好濃，好睇又好食。脆米海鮮泡飯，很大㷛，用料很足，加脆米一起食好搭。呢個鮑魚花膠灌湯餃，湯底好好味，灌湯餃同花膠夠大件，正。西班牙黑毛豬叉燒，口感好軟又夠肉，上面夠肉汁，下面又很多蜜糖，配飯吃正好。

又有將會結婚的朋友準備婚宴，她知道我喜歡飲飲食食，所以找我來參觀場地和品嚐一些主打的出品。今次我們來到位於北京道1號的海港薈，特來探個究竟。這裏佔地估計大概7000餘尺。盡頭的地方設有特大的LED電視，並有設有很大的舞台，可以擺放婚禮蛋糕和鋼琴。舞台背後是新娘房，環境舒適，裝修精緻高貴，很有氣派的。朋友一看，立是賞心悅目喜出望外。最緊要的大廳中間沒有什麼柱位，即使飯桌位置給柱位這掩着，也有小型電視，可觀看到舞台發生什麼。珍惜食非常適合舉辦婚宴和公司聚餐。場地環境裝潢是非常滿意的。因此我們也點算了一些精緻和主打的出品，品嚐一吓是否也同樣滿意。吉法扣日本岩手25頭吉品鮑魚澳洲、南非、中東等地都有出產乾鮑，更以日本吉品為上品。鮑魚外型完好、鮑身飽滿。口感肉質煙韌輕彈，富有香軟溏心效果，細滑美味，鮑魚汁更豐富而不漿口。上湯焗龍蝦件脆麵盞龍蝦肥厚多肉，肉質新鮮飽滿結實，彈牙爽口。上湯濃郁，配上香脆麵盞，入口麵帶湯汁，搭配也算一絕。羊肚菌花膠燉螺頭湯頭以豬肉、雞腳、羊肚菌等長時間熬製，再加入花膠及螺頭等昂貴食材。湯頭清澈乾淨，味道鮮甜濃郁，質感棉密細滑。花膠大片厚肉，質感彈性，煙韌富膠質。元帥三弄

3月22日(星期五)下午兩点到達北京道1号9樓, 因為有免費優惠券一客，早一天已訂位及预訂。由於已經過了午飯時間，場地只有一半顧客; 落地大玻璃窗，眺望維港海景，心神為之一振。可是餐牌沒有下午茶時段優惠，午飯時間十一至下午三時半。 本人點了一客@$118、一碗@$48、@$48.... 最先登場的是, 上莊(鵝的上半身), 鵝胸肉厚、皮脂肥膏，可是温度不夠，是早已斬好的。隔鄰4位客人也是叫了1客。半隻@$220、一隻@$438。 等了15分鐘，上桌，终於可以配搭肥鵝一起吃，以減低油膩感。海鮮包括配上冬菇、菜心、幼麵。用料上乘，讚！👍 再等了20分鐘, 胃口也差不多飽了！本想取消［鮑魚花膠灌湯餃］, 此時终於端上枱來, 唯有頂硬上試試味道如何。可幸也合格過關。 最後埋單時，本人到收銀處用信用卡找數，收銀員只给我信用卡收據，我問她要埋, 她竟告訴我那是,不是....很多客人平時都要求以便可以証明消費，拿取泊車優惠的。收銀阿姐有需要教育顧客嗎？另外本人在剔了1客，也被部長訓示不可以，因為是用。😠😡 似乎不愁生意，不止没有下午茶優惠、也要顧客聽员工訓導才行。😫😥😣😖

今日同個friend去完海港城行街，想食中菜又唔想係海港城入面食，就決定走去對面北京道一號試呢間中菜廳。到左坐底，見到差唔多每枱都叫大隻長腳蟹黎食，好似好正咁，但我地得兩丁友，淨叫一隻蟹應該已經飽左，所以今次試小菜，下次再試過蟹。腐皮素鵝前菜，好味，料算多，腐皮脆口但唔會太乾身。燒鵝(例)，望落幾靚仔，食落啖啖肉，咬落標汁出黎又有少少脂肪係皮同肉中間，皮脆香，燒得認真唔錯！脆皮咕嚕黑豚肉用黑豚肉整又香又滑，件件都大大件，送飯一流。菜本來想叫金湯珍菌羽衣甘藍，覺得幾特別，但賣曬，所以叫左個南乳齋煲。好大煲，勁多餸喺入面，啲知竹好入味。鮑魚堤岸炆飯呢個又係好有份量，大大煲，足料又好味，抵食。性價比還不錯的中菜廳，下次要食蟹！

▬ ▬ ▬ .令人回味嘅黑毛豬叉燒▬ ▬ ▬ .之前要同屋企人係度飲茶，中午嘅時候，一路食點心，一路望住為多利亞港嘅醉人美景，上一次嘅用膳經驗已經非常愉快，成家都食得好滿意。過咗一排，媽咪又話想再食多次黑木西班牙黑毛豬叉燒。既然屋企人有要求，一定會盡量滿足，況且呢間中菜廳，不但環境靚，食物質素真係有水準，所以事隔一個月再來幫襯。。今天晚上，由於有部份位置，大排筵席，所以晚飯小菜的地方便縮小了，話雖如此，餐廳也差不多八成滿，而且有很多也是一家大細來進食。晚上看到看到的維港景色更是醉人，再這樣舒適的環境下進食，心情也豁然開朗。。❤️好食嘅叉燒真係可遇不可求❤️西班牙黑毛豬叉燒$168 例不需要多作介紹，賣相已經滿分，色澤亮麗，唔會有太多色素，肥瘦均勻，咬落不黏口，幾美味。.西班牙黑毛豬，比一般我們吃到的叉燒更加爽口，所以特別美味。.▪️避風塘牛柳粒$118 （必食推介）呢一碟餸，真係無法抗拒，因為非常香口，個人已經可以一口氣吃下¾碟。牛柳粒上枱時熱辣辣，炸到香脆咬落去冇渣亦都冇筋，好入味，真係超級好食，另牛柳粒旁喺炸茄子，食咗幾粒都完全唔覺得係茄子，口感好軟棉棉又滑溜，而且一點也不油膩，因為係避

尖沙咀海港薈樓底夠高，環境寬敞又光猛，加上另一邊仲有落地大玻璃，可以欣賞維港景色，所以係我嘅侯選婚宴場地之一，話晒結婚都係人生大事，所以決定婚宴場地之前就同屋企人黎試下呢度D 野食先 厚切上碟嘅叉燒啖啖肉，口感比傳統的更軟，而且肉質細緻，可能係因為用左黑毛豬所以先有咁好嘅口感 脆米海鮮泡飯粒粒分明，連埋卜卜米食一齊食，又脆又軟嘅口感非常特別蜜椒雞中翼外脆內嫩而且腌得夠入味，好食黑松露野菌餃粒粒都非常飽滿原隻鮑魚燒賣睇落夠矜貴花膠鮑魚灌湯餃好足料，有大大隻花膠

響尖沙咀行完街，同朋友想找中菜酒樓，因坐得較舒服，去了北京道一號的海港薈，都是海港集團，但這間海港薈又超乎想像，質素真的其他海港有明顯分別，怪不得菜色款式又多左，價錢也相應提高了，但確實物有所值。入到酒樓，先被窗邊的維港景色吸引住，剛到8:00 ，更可欣賞幻彩詠香江。腐皮素鵝 $42頭盤點了素鵝，外皮的腐皮酥脆，餡料有爽脆的木魚絲，甘荀絲，蘸了喼汁，更開胃。 西班牙黑毛豬叉燒(例) $168到重頭戲～西班牙黑毛豬叉燒，厚切，色澤非常有光澤，面層蜜糖包住成舊叉燒，再加上表面有微微燒焦令肉質更香，味道好多層次，肉質又彈牙，中間有少許肥肉，令肉質唔會鞋口，非常美味。另外，特別墊底加了蜜餞黃豆，黏滿蜜糖甜味，豆味夠濃，唔覺食曬成碟。脆皮咕嚕黑豚肉 $168再點了至愛的巧手小菜，脆皮咕嚕肉，仲少有地用黑豚肉作食材，非常有質素，外皮脆口配上甜酸汁，還有鮮菠蘿和士多啤梨，食到停唔到口，超正。鮑魚堤岸炆飯 $148還點了個富貴海鮮飯，材料有蝦肉、 元貝、鮑魚粒，鮑魚粒好香呀，好煙韌，雖然細粒但有濃濃的鮑魚味。再點了個避風塘炸牛柳粒，好刺激的麻辣味道。還有脆炸豆腐，非常酥脆。超好味的中菜，款式，環境都一