海南雞專門店

营业中

休息中

海南雞併雞腎飯.性價比不錯的海南雞飯😌 雞肉都算嫩滑入味 沒雪味 但調味可以再做得好點 油飯則做得不錯 不會太乾或濕 有油香👍🏼 整體雖然沒有什麼大驚喜 但這個價錢可以一試☺️

呢一區來講，這家海南雞是抵食的，幫襯過幾次，今晚要了一隻及加了10元腎同潤，老公至愛，點知個姐姐仔唔老實，埋面個阿叔斬完遞比佢，佢望過先比我，我問2次系要有骨同加左10元，佢答我系，雖然10元腎同潤唔會好多比我，但返到屋企一打開就好失望，冇比囉????

係西灣河掃街食小食多，今次係附近做野就真係要食飯啦呢頭要搵一個平嘅lunch都有小小頭痕，不過好彩記得呢間啲海南雞飯，索性試一次排左一陣買完就去附近公園食海南雞飯 ($25連湯)份量黎講其實大約得一碗普通嘅湯咁大碗，不過雞嘅比例係唔差嘅啲雞印象中係去晒骨(始終過左咁耐都唔係好肯定)，而且食落係覺得幾滑，加上食海南雞必備嘅三種source直接淋落雞度，更加惹味至於湯呢就係得一杯，普普通通有啲瓜，反正對湯唔講究就冇所謂抵食嗎？抵嘅，不過$25嘅份量對男士黎講可能差左啲，強烈建議加底

今日瞓到三點幾先出去搵食，去到太安樓一定會諗起呢間海南雞，原因好簡單，就係平、靚、正。雖然只得外賣，但係絕對值得等、買、走。大家睇下三點幾都已經3、4個人喺度等緊。門面實而不華，根本就係open kitchen.主打只係得2、3樣：海南雞、雞油飯、㗎喱牛根腩。最估唔到既係好多人會買雞腳，今日錯過左呢個機會Tim.我買左㗎喱牛根腩飯加一隻海南雞，隻雞就當今晚加餸，所以下午就第一次食牛根腩飯。張相影得遲左d，喺食到一半先影既，食到一半都仲有咁多👍🏻都係要講果句：㗎喱有㗎喱味。最重要有㗎喱香，唔太辣。超多牛根，中意食牛根既人，一定開心死。牛腩就比較少，好食就ok啦。仲有皇牌海南雞跟薑蓉同漿，可選去骨、跟頭、頸、尾，雞肉滑滑流流，超正。

西灣河太安樓多平民野食係人都知，最近有間人氣好高的海南雞專門店長期都排隊。而且價錢真係好親民，今日經過就決定買返個海南雞飯黎做午餐。呢度就係海南雞專門店(第二分店)。$25蚊就可以有一飯一湯。唔止價錢平，仲要份量都唔少，而且D雞好嫩，飯又入味。唯一挑剔的就是比較多雞皮，不過25蚊你仲有咩要求?而湯就有好香的冬瓜味，而且飲唔到味精的感覺，唔會愈飲愈口渴。讃!!

吃過新加坡的海南雞都知道它美味之處，不過對個人口味而言，新加坡用的是白雞，雞味未夠在香港吃的濃。 這間位於西灣河太安樓的「海南雞專門店第二分店」，第一店就是位於新加坡的「海南雞專門店」，太安樓那間是香港的首間海外分店。每次行過總見排有一條小隊，買原隻雞、半隻雞，去骨或是不去骨也只要說一聲，站在企檔位的師傅也快捷地為食客完成，當然賣得最經濟是$25一碗雞飯連湯，淋上的三色醬，除了新加坡黑豉油外，薑茸和辣椒汁都是自家做的。海南雞雞肉的肉質嫩滑，入口有雞味，因為店方採用雞味重的黃油雞 ; 額外再多買兩份各$5的雞腎及雞潤，好味尤其來自軟滑雞潤 ; 油飯以雞湯及香料炮製，粒粒分明而味道不錯。售賣海南雞外，還有$33一碗咖喱牛筋腩飯連湯，無論雞飯還是咖喱飯都會送一杯冬瓜湯，冬瓜始終有冬瓜的功效，吃完飯喝個湯，減飽滯及消暑！

這間位於西灣河太安樓的「海南雞專門店第二分店」, 每次行過總見排有一條小隊 ....除了售賣海南雞外, 還有售賣 $33 一碗咖喱牛筋腩飯連湯 ~咖喱牛筋腩飯 跟湯 $33這咖喱是清真煮法, (但我不肯定它是清真咖喱, 因為 Halal Food 是要認証的) 咖喱底炒得不錯, 可惜油份偏多及味道偏鹹, 鹹味也蓋過了咖喱本身的香味 ~  牛筋腩煮得腍, 但未去到腍透的腍, 食這個咖喱牛筋腩一定要撈飯食 ~無論雞飯還是咖喱飯都會送一杯冬瓜湯, 冬瓜始終有冬瓜的功效, 吃完飯喝個湯, 減飽滯及消暑 ~本篇完 ~

太安樓係一個覓食好地方！難得黎到緊係要做足research黎睇下有咩好食啦！不少人都推介我食海南雞飯！黎到嘅時候好多人排隊呢。海南雞飯💰HKD25 + 半份雞腎💰HKD5雖然唔係話好大盒飯，但係質素撘救！成個飯係偏凍嘅。油飯唔會食到成口油又唔會太硬，又有油香味。而海南雞一早已經去晒骨，十分方便我企喺到就咁食，而且雞皮夠薄雞肉十分嫩滑，配撘超多嘅薑蓉，好好味呢！雞腎亦好爽口。30蚊食到一個咁好食嘅海南雞加雞腎飯，扺啊😉😉😉對於比較細食嘅女仔黎講，份量已經好夠。

最近網上不斷有人推介太安數報章甚至稱上此地為 平民美食天堂太安樓位於西灣河 A2出口地鐵站對出交通十分方便太安樓內貌似街市沒有空調十分熱夏天會很辛苦 海南雞專門店 門外排長長的人龍店內職員做不停手差不多半個鐘，終於到了海南雞飯$25 (只供外賣)雞肉嫩 沒有骨 非常方便雞油飯好香 又不會過份油醬料有豉油/酸辣/薑茸混醬吃超來十分開胃價錢便宜， 絕對值得一試

男朋友知我胃口不大，就特意帶我黎太安樓覓食，款式多，揀到自己喜歡，有大份亦有細份呢度有間出名海南雞，佢仲特意推介點了海南雞飯加面雞肉的確嫩滑，雞皮滑溜入口，香味十足，雞皮食落更雞香十足，加面另加八蚊，但加的份量，個人覺得並不多，飯夠香，入口軟硬適中之餘，香而不膩，醬油帶少少甜，令人覺得滋味但薑葱略過咸整體份量也不多，個人覺得偏貴可作一試嘅

自從係太古返工，同事經常推介我去西灣河食飯，特別係呢間只有外賣既海南雞飯，每次經過都排晒隊！今次放工就特登去買個外賣回家食！總共排左25分鐘，買左海南雞飯$25！返到屋企已經急不及待即刻食，飯粒較乾，而且唔夠雞油香，海南雞醬汁落得唔夠，整個飯就係唔夠味，好似食白飯咁。全部雞當然是無骨，幸好肉質較嫩！雞皮薄而無肥膏，感覺健康點本人覺得有更好味的海南雞飯，不值得排隊25分鐘，唯一是價錢非常吸引，$25就可以填飽肚子！

太安樓多美食已經街知巷聞, 今次終於由朋友帶路四處覓食. 原來有點似夜市感覺, 因為很多小食店, 而且價錢較平好吸引. 當日下午三點去到, 發現大部份小店都未開門, 大約五點之後才比較熱鬧. 先試人氣長龍店之一的海南雞專門店. 三點的時候是二十人排除, 後來我們五點經過都是二十人左右在排隊. 真正的人氣長龍就是接連不斷, 長做長有. 即是我什麼時候來都要排隊. 專門店選擇唔多, 清一色就是海南雞, 但分別有貴少少的雞脾位, 還有雞翼配內臟. 而且仲可以加每份$10的雞腎, 雞潤, 雞雜等等. 至於加底就是增加飯量, 加面當然是增加海南雞份量. 原來仲有咖哩牛腩飯.選擇了海南雞飯配餐湯$25, 還加了半份雞腎$5. 由於是只有外賣, 所以就找了附近的公園坐下來慢慢品嚐. 當日非常局熱的天氣, 剛好餐湯是冬瓜湯. 沒有一點油份的湯, 很清甜清暑.雖然海南雞切得比較亂而且雞味唔算濃, 但雞胸肉也好嫩滑, 皮薄爽彈.  最吸引我的是雞油飯, 滿口油香潤澤, 拌薑蓉醬油同食, 調味到位, 超香超好味. 半份雞腎的份量很多很抵食, 也很爽口.

平價都會買到人間美食，全城最抵食就系西灣河的海南雞飯。新加坡海南雞專門店，用上約兩斤重的黃油雞，雞肉嫩滑，師傅在上碟前已經將雞肉去晒骨，平時最討厭食雞皮既我都肯連皮食，雞皮又滑又香，難以抵擋，味道不錯，另外，油雞飯唔會太硬，口感煙靭岩岩好，唔會太油。雞飯仲可以配埋佢嘅豉油、酸辣醬同埋薑茸3種醬汁(第一次食就當然3樣要哂)真係不得了一盒$25 仲跟埋個湯，可能只是茶餐廳一半價錢，物超所值。湯係冬瓜湯，細細杯有兩三粒冬瓜粒。

久違了十多年的筲箕灣，在搬離筲箕灣十多年後第一次入太安樓(掃樓)😈雖然有的小販檔都不見了，不過卻吃了海南雞飯專門店！我起初看到人龍，多人得以為眼花！當準備到我點餐的時候，我便已經想好了要海南雞飯，我建議各位愛吃內臟的人加五元有雞腎或雞潤，我便點了一客雞潤。用這個價錢，能夠吃到如此質素的海南雞飯，確實令人鼓舞，油飯的油量適中，吃下一口油飯能夠帶出油的香味。吃了一口暖飯後，便夾下一塊主角*海南雞*雞肉非常嫩滑，吃雞最重要的金黃雞皮的雞油夠香，去雞骨後令到《站立式進食》更為方便。最後加五元的雞潤令我回味無窮，愛吃雞潤的人相信會喜歡那令人滿意的鮮味及口感。

每到夜晚6點半後都係好多人排隊,買海南雞飯, 皆因, 真係好抵食,一盒夠哂一個女士食, 男士就可能要加底,一盒$25 仲跟埋個湯真係好抵,加多幾蚊又有埋雞腎,雖然多人排, 但都排得好快, 師傅斬雞手法好快,所以唔洗等好耐,雞飯唔會太硬,口感岩岩好,D雞好滑,雞腎普普通通啦,湯係冬瓜湯, 細細杯有兩三粒冬瓜粒,唔錯, 一個人唔知食咩, 可以買返盒返屋企食而家香港地好難搵到$25有飯又有湯既外賣啦