海南雞專門店

营业中

休息中

久聞大名, 專程到此美食之地, 重點是這裡的海南雞飯。人人話$25一個飯,無要求啦。但好唔好食同價錢係兩回事。海南雞可配白飯或雞油飯, 總覺得配白飯的, 像燒味飯多於海南雞飯,所以二話不說選了雞油飯。一路排隊,一路聽到d人話要肶, 叫得幾個之後, 老闆話無肶喇, 邊有咁多肶! 岩呀, 況且其他部位都脫晒骨, 試雞胸都唔乾唔"鞋"，先試到真功夫。味道濃郁,充滿雞油香味, 淋上醬汁, 加碗湯, 十分滿足, 其實邊洗山長水遠去泰國食吖。美中不足是只有外賣, 揾地方坐低食比較困難。

一開始不打算食的，但好多人排隊，就買來嘗嘗誰知....25蚊連湯，老實說，不貴，亦可話好抵。但前提味道是正常。外表ok,食第一口，雞皮好厚，努力咀嚼10秒，個感覺好噁心，好似在吃一舊肥豬肉，沒有任何調味料的感覺。好，不吃雞皮，只吃雞肉。但是好嚡，調味醬的味道嚴重不足，除了咸，只輕嚐到蒜蓉味。另外，雞皮的份量是雞肉的5倍。而油飯沒有雞油味。我只吃了5口，但真的好難食。我不想浪費食物，但是我也不想浪費我的卡路里。以為好抵食，誰知好貴的一餐。

I have always wanted try this but there is always a long queue.Siezed the chance because the queue was short.I ordered the chicken with liver but he put gizzards in the bowl, luckily the lady who took my order realized and told him which wiped the smile off his face.Since it was already there, I got the gizzards as well for an extra $5 which put the smile back on his face!!The portion was slightly bigger than my expectation but the PFC smell was stronger than the chicken, ginger puree and the ri

喺香港要食海南雞飯絕對唔難，但係要揾到咁抵食嘅就真係唔容易。雖然加左價，但係都只係需要$25就有飯有雞有湯。雖然啲雞嘅份量真係唔算話好多，不過勝在夠入味，啲雞皮厚薄啱啱好，即使係雞胸肉都唔會話食落好老，而且啲肉亦唔會話好乾，有足夠嘅肉汁。當然叫雞脾更加能夠享受到滑嫩嘅口感。佢亦有雞腎等特別小食供售，包保大把選擇。配埋佢畀你自己揀嘅豉油、酸辣醬同埋薑茸3種醬汁(可以要哂3樣)真係不得了，絕對係自己一個人買翻屋企食嘅好選擇！

店名：海南雞專門店地址：西灣河筲箕灣道57-87號太安樓地下A32B號舖好味指數:7.5/10價錢：$20海南雞飯 配餐湯一直都想試這間，每次經過都見到很多人排隊。假日晚上大約八時，人龍依然，餐湯送畢。飯很入味，可能是人多太心急關係，米還未熟透，咬上來有點生，雞尚算嫩滑。醬汁會放在飯面，不會另外分開。如果你不算大食的話，份量是足夠的，另可加$5加底。

廿五蚊，一個早餐都食唔到啦，仲要有飯、有雞、有湯，黐線咩！真係黐線，聽講之前賣廿蚊添。 藏身太安樓呢檔海南雞飯，只做外賣，廿五蚊一個套餐，食雞脾就＄33。雞實在好少，切得好細，接近雞絲狀態，但雞肉鮮嫩，冇雪味；飯是重點，係油飯，不是白飯，好勁香茅味，同我在某店吃幾舊水一煲的差無幾，好似仲冇咁硬。 醬有三種，豉油、酸辣、薑蓉，我走薑蓉，由於醬料係直接加落飯，也由於阿姐有少少重手，太多豉油 ，所以咸咗啲。好想叫佢啲醬另上，不過一諗到廿五蚊，就算啦。 跟餐個冬瓜湯，一啲都唔馬虎，仲有幾件冬瓜。 以呢個價錢，呢個水準，真係唔知去邊度搵 ，600萬一層樓唔係窮人恩物，呢啲先係。

S先生極力推薦佢，今日黎到西灣河就試試佢啦！小店細細間，同太安樓其他鋪差唔多，餐牌上就有雞同牛腩揀，由於今日要留肚食其他，所以試下雞肶飯啦，普通雞飯$25，雞肶就$33，可能對響西灣河住開既街坊係正常價錢，對住尖沙咀既我黎講就係平到爆既價錢（尖咀閒閒地都$50個海南雞飯）同埋留意番，呢道仲有例湯送。主角黎勒，第一次黎食唔知頭唔知路，見其他街坊都好純熟咁同老細講要加咩，我就....後尾S先生話加酸辣，好啦酸辣，但一般路人都一定加薑蓉，我話我唔食薑，此時老闆娘話：唔食就唔好勉強😅哦，下次會醒d架勒我。講番個飯，S話雞肶同普通雞版個樣冇分別wo,食第一啖，雞好滑，個酸辣汁落左都冇味，個飯又冇話特別有咩好食😅食完一啖我冇講野😂可能佢推介得太勁，我期望過高，不過好多人買係真既，可能我揀錯醬啫，下次揀個咸少少試多次。至於個湯，我連樣都未見過就比人飲晒😒有機會再比comment。

This is take out shop inside an old residential complex 太安樓 in Sai Wan Ho for Hainan chicken rice at very cheap prices (starts at HK$25 though it used to be only $20!). I got the chicken wings & gizzard combo and the portions were quite generous for the price. The chicken was very soft and tender while the rice was the real deal oily kind which was fragrant but also a tad dry. They toss in the sauces instead of separating it so you'd end up getting a mix of everything in your rice. I think I'd a

今日在乘車的途中，我遇然聽到司機與一名男人的對話。「有乜唔好？最好全部野都跌哂，到時生活一定好好多！」司機這樣說道。我的好奇心就是被這句話所挑起，吸引我放棄正聽著的音樂，開始偷聽下去。然後，司機又繼續說：「我而家食緊d菜成廿蚊斤啊，以前都係十蚊斤嫁炸，你唔覺日子越黎越難過咩？」聽罷，男子搖一搖頭，笑兩聲回應：「依D通漲黎既姐，根本唔關經濟事。到D經濟真係差起上黎既時候，個個都失業，你就知死嫁喇。」「我唔係咁睇，跌咪跌囉，最好跌到嘔，大不了咪成個社會大洗牌，重新再玩過，有乜唔好啊？」司機依然堅持自己的觀點。男子對於司機的反問非常訝異，連忙說出自己的理論，希望能糾正司機的想法：「嘩，你咁諗點得嫁？到時工你都搵唔到啊，幾十個人搶一隻飯碗，人人無工開，有工開，人工又低到嘔，到時野再平都好，咪又係同而家無分別，到時重慘啊。」男子的話說得焦躁，也很激動，司機卻沒有以相同語氣回應，只是淡淡然地說：「我地人工重唔夠低咩……？到時最多咪跌多一千蚊？如果到時d菜跌到落十蚊斤，份糧已經好洗好多啦！起碼唔洗再租劏房，可以買到樓啊。」聽起來，司機對現在的生活也許有著種種無言的不滿與無奈，而且感到無助，但時勢迫使

呢間店成日排長龍唔係講笑, 我都成日排, 但就未有寫食評。今次有機會，緊係要大大讚揚佢！＄２０一碗海南雞飯，扺到爛，雖然細碗，但味道贏左！Ｄ雞好滑，真係去曬骨，好方便！Ｄ汁有幾隻，隻隻都咁正！飯都唔可以講笑，係油飯，唔係白飯黎架～最緊要，佢買＄２０飯系有湯送架！冬瓜湯，解暑，好味！想攞多幾碗走呀～＄２０八隻滷水雞腳！入味，唔咸，夠肥美，必加的菜！

同Opp Ma食完林記車仔麵,,便向下一站海南雞進發。中午12點零抵達,,保守估計人龍最少有二十幾人,,慶幸早一步抵達省卻排隊時間。海南雞飯 - 今次三種醬(豉油,酸辣,薑蓉)都落的關係,好好味。油飯有啲偏硬,,但粒粒分明。雞也是約五六塊薄薄的連皮,,很嫰滑一啲都唔嚡口,,唔錯。😊雞腎 - 呢個係半份份量,,只需要$5蚊,,好有嚼勁,,煙煙韌韌。配埋海南雞飯一齊食,,超正。👍😊 

離遠已經見到店外的長長人龍 就知道來到又一馳名的海南雞店據知第一分店位於新加坡 因此對小店期望好高 食物方面 可選海南雞 (原隻) 海南雞翼配雞腎飯  海南雞飯等等才8時多 雞腎已售罄 可見人氣有多旺盛$20~30已經有成交 飯採用的是正宗的油飯 見到店員預先將飯放入布袋中而布袋放入一個器皿中 相信入面是油 透過這樣的浸法可以令油飯更入味叫了一客$20的海南雞飯 連湯 不過因為怕食不到其他美食 所以最後沒有取湯留意只供外賣 不設堂食 可要求多汁 一開始以為飯好少 但2個人share都可以雞肉滑 已經一早去骨 所以啖啖肉啖啖滋味 油飯比想像中少油 但可以接受略嫌飯身硬了點 醬汁一流 雖然講不出每種醬的名字 但與平時到食店配的醬是一樣的薑蓉足 重口味之選 這裡的出品令我回想起在thailand的正宗海南雞飯同樣是平靚正

太安樓我以前很少去,,自從在港島區上班後便有機會到此及筲箕灣一遊。😊內裡有很多食物譬如有車仔麵,,拉麵,,炒麵,,雞蛋仔,,漢堡包,,可以滿足到不同人士的要求。飲完杯珍珠奶茶降降溫之後,,心癮起想食雞肉同雞腎所以就去幫襯海南雞飯店了。平日時份下午出現一條微長的人龍,,足以證明店舖頗有人氣~😌要了份$20蚊海南雞飯加雞腎半份$5蚊,,同店員閒聊才得知辣醬薑蓉全是自家製作。其實份量可圈可點,但對我黎講加埋半份雞腎已十分足夠!!!有五六塊薄薄的雞連皮,,半份雞腎店員會斬成細細件方便進食,,實在貼心。😊 雞腎入口好有嚼勁,,好正。👍整個飯盒瀰漫著蒜香及油香,,六塊薄薄的黃油雞連皮,,多得誇張只賣$5蚊的半份雞腎,,青瓜,,粒粒分明的油飯,,再加附送冬瓜湯。這個$25的一餐,,我好滿足!!!!!

試過黎幾次都買唔到, 一係收左,一係賣哂,今次終於都俾我食到啦,要左個雞飯,送左個湯,都係$20,呢個時勢好難搵到地方有甘平而又好食既飯啦.豌雞飯, d雞都ok滑,d薑蓉好味,個汁都唔錯,配埋黃薑飯一流,仲有一杯冬瓜湯好正, 女仔食一個夠飽,男仔就可能要多個,不過都係甘啦,$20仲想點,總之一定會再去食,好味夾抵食

二十大元一盒的海南雞飯配餐湯，你敢買來吃嗎？小妹一直抱著懷疑態度，遲遲未敢幫襯位於太安樓的分店。是日，決定踏出一小步，給小店一個機會。店面尚算整齊企理，以外賣為主。白底黑字的招牌寫著「海南雞專門店」六個大字，並有一隻肥雞Logo，煞是可愛，恨不得一口咬下。 店門口擺放了一個有一人高的鐵製攤檔，貼滿各大報章雜誌的訪問報道，以及白底黑字的簡單餐牌。透過玻璃，可見攤檔內存放了製好了的海南雞翼、青瓜條、雞腎等食物和其他配料，一男子正在切這切那。攤檔左側是外賣打包位置，另一較年老男子負責搯湯、搯飯、添加醬料及打包飯盒等，生意蠻不錯的﹗遙望店內，應是食材儲存及製作地方，除了煮食用具外，空洞洞的，較為凌亂。店內的飯餐，二十大元一份，價廉物美，還附送餐湯，分別有海南雞飯、海南雞翼飯或海南雞翼拼雞腎飯可供選擇。另外，還有較為貴的香濃咖哩牛根腩飯$28和海南雞脾飯$28，均附送餐湯。若嫌飯少，可加底$5，加麵則$8。若嫌餸少，可自行加錢加餸，海南雞全翼$8/隻，雞腎半份$5、一份則$10，或滷水雞腳$20/8隻。小店又為無飯主婦提供數款餸菜，如例牌咖哩牛根腩$35、秘製BB鴿$29/隻，以及海南雞半隻$6