海南雞專門店

营业中

休息中

太安樓小食遠近馳名，其中出名的仲有D間海南雞專門店(第二分店) ，次次來都要大排長龍先買到，如果太遲到分分鐘仲會買唔到。今日難得早左到，竟然唔洗排隊就買到，搞到我仲以為去錯地方。因為冇堂食一定要外賣，好多人都係會買半隻或者一隻雞返屋企加料，但佢既油飯同樣好食。由於早餐食得唔多，所以叫左海南雞脾飯($38) 加腎(+$5)加底(+$5) (不過平時唔餓底個時都係咁叫法) ，咁遠水路來到，當然要食好D啦~海南雞脾飯 (加腎加底) + 冬瓜湯 - 雞脾肉超級滑，仲要去左骨，加埋雞皮一齊食，啖啖肉都又滑又好食。另一方面腎夠彈牙，係兩種不同的口感，反而青瓜得兩條，如果可以俾多少少就好啦~冬瓜湯唔會好似味精湯飲完好口渴，仲有幾粒冬瓜可以食，真心抵啊!整體而言，雖然買到返屋企已經唔係最熱，但味道真係冇得彈，值得一試啊!!!溫馨提示：買到返屋企如果想整返熱，只需要加熱個飯就可以，雞係可以不用加熱的，雞加熱後反而會冇咁滑的。

太安樓出名野食平靚正！海南雞飯仲好馳名添！想去好耐了 不過就真係偏遠左啲今日豬先生豬小姐終於的起心肝 千里迢迢入到尼西灣河太安樓啦 好感動！地鐵站一出轉右手面即到！充滿懷舊感覺 歷史痕跡嘅太安樓 係一個另類小舊區終於搵到海南雞飯專門店！店鋪門面少少 只供外賣下午兩時多 週圍其他店鋪都無嘜人 唯獨佢keep住有客幫襯 聽講尼度每日都排長龍 豬小姐只係等左五分鐘倒 係咪算好彩呢？ 所以timing真的很重要！ 叫左一個海南雞飯 另外會送一杯湯仔海南雞有五至六小件 全都是無骨的 食時相當方便雞皮薄薄 雞肉嫩口滑溜 並唔會鞋口 果然係老字號專門店！醬汁方面有甜豉油 薑蓉 甜酸醬全部平均咁鋪係雞及飯上面！(我仲叫左多醬添^_^) 份外美味不過飯方面 我就覺得無嘜黃油香 唔知係咪醬汁太濃烈嘅關係掩蓋住呢？隨飯附送嘅湯係冬瓜雞湯 落左啲味精就唔出奇啦 不過都頗有雞味 而且有幾粒冬瓜粒食下 有點偏咸！山長水遠入到尼都值得嘅 終於一嚐滋味 係性價比非常高嘅海南雞飯 但又未至於要被吹捧上天相信會再來幫襯 下次想貪心試海南雞髀飯加雞潤

家住港島西但又鐘意掃街嘅我，其實係一個好大既不幸… 因為港島區最近嘅小食區，都已經要去到太安了了….不過為咗食我最愛嘅小食，那怕係一串魚旦，我都會衝去食架! 第一站，我就9秒9衝咗去排最愛嘅海南雞飯…呃次次都要排好耐好耐，但又真係好值得一排呢~ 呢度主打海南雞飯，又可以單買一隻雞，仲有其他如牛腩等等嘅選擇，所有嘅飯都送例湯一杯，不過其實係味精湯..哈哈..一路排隊，一路望住姐姐整啲雞，你就明白到每一碗都係佢地嘅心血呀~ 終於終於到我喇!! 每次佢地PACK嘅時候我都一定會叫多醬，如果唔係就會唔好味喇~~ 一開個飯~ 雞肉唔少架!! 雞肉好滑，配埋甜鼓油，薑茸同辣椒汁一流! 再講講個飯，因為係用雞湯煮過嘅關係，米飯完全吸收雞湯嘅精華，實在太好味了….

趁仲放緊新年假，專程山長水遠去太安樓揾食。我地其實都算早到，大概10個人度啫...不過d叔叔姨姨都算快手，佢地真係好分工合作咁做單，所以我地其實等左10分鐘都無✌🏼識食一定係食我最愛的雞脾啦😻😻😻我地叫左個雞脾飯(心諗:被迫要跟餐湯既🙄)不過好彩冇乜味精，由我唔鐘意飲出面既湯既人黎講，飲左大半都唔差架啦😌而個雞脾飯既份量對男士黎講可能未必夠，不過雞肉都嫩但唔夠雞味，油飯仲好有油香味😋😋個油飯仲驚喜過雞😂都值得排一陣買既。

又係太安樓，一嚟到太安樓諗起啲乜，一定係食。太安樓一定係個食物黑洞，專吸我呢啲肥仔，今次究竟又係啲咩吸引到我呢。原來就係呢一間係太安樓好多人排隊嘅海南雞飯。今次我自己都忍唔住要排隊買你唔好睇佢細細碗，其實佢裏面都好足料，今次仲好貪心咁加左雞腎如果個店員話你要啲乜嘢醬料，你最好就話乜都要，因為佢啲醬油同埋汁，加起來就好似魔咒咁，有一股好強嘅吸引力。首先，佢嘅雞全部都好滑，每啖連埋啲醬汁食，好幸福啲黃油飯又香，真係食到停唔到口

有一天晚上只有自己一個, 於是去了太安樓.中午時間我其實來過很多次, 但晚上的氣氛完全不同.本來打算吃海南雞飯及手抓餅, 但細心一想可能分量太多.內心掙扎, 還是先吃海南雞飯吧.店外的人龍不是太長, 約十個左右, 我趁機偷聽其他人的選擇.我選了海南雞脾飯. 店員問:"要甚麼醬?" 我說"全部."她熟練地把醬噴在雞飯上, 和噴醬在腸粉的手勢一模一樣. 我未看過這麼的粗野的雞飯, 反覺新鮮.買雞飯送雞湯. 我想站著吃, 惟有先喝湯, 才能拿著雞飯吃.飯很熱, 雞嫩滑, 加上醬汁, 十分惹味. 我快速的吃著, 不到五分鐘就吃完了.平常吃雞飯, 你會夾起雞點醬汁. 這裏則把雞飯變身成街頭小食, 儀態已不用理會了.

次次行過太安樓都發現有一間食店大排長龍因為呢一間食店只限外賣所以一直都無機會一試而今日我終於忍受唔到佢嘅誘惑同挑釁即使企係街邊食都一定要一戰呢間餐廳只專門賣海南雞飯，不過就有唔同部位揀今次就試個最基本既海南雞飯先所有嘅飯都送例湯一杯，加入左冬瓜係入邊略帶清涼，不過都係味精湯期待已久嘅海南雞飯入邊除咗有雞胸肉之外，仲有雞脾肉！食落極之幼嫩！滑到d雞肉可以啜入口可恨既係份量比較少而佢個米飯一d都唔簡單，應該係用雞湯煮過，數以千計既飯粒都以365度吸收雞湯既精華，濃而不膩！再配佢既黑醬油同薑茸辣椒汁，層次極之豐富！題外話，我一直都唔明點解係第二分店，搵返相關報道發覺原來佢原本第一間分店喺新加坡開設，所以香港呢一間係第二間分店，難怪啲醬汁咁有特色埋單28

海南雞飯（$28）海南雞肶飯（$38）👅西灣河太安樓呢檔海南雞舖長期都有人排緊隊🤗🤗雞肶肉啖啖肉超滑，而另外個雞肉相對就無咁滑，不過味道一樣都係好夠👍🏻👍🏻最正緊係啲油飯啦😋😋😋加埋啲酸辣醬同薑蓉掂哂😎😎呢個價有埋湯飲仲要碗飯都唔細碗，仲想點😜😜

太安樓出名係掃街勝地各間食店都有棒場客當年海南雞飯開店時 我仲諗住佢做得唔耐始終太安樓競爭咁激烈幾年之後呢間海南雞飯成為最長龍既名店 甚至日本傳媒都介紹過原因無他 四個字：價廉物美不知不覺依家已經賣到$28一個雞飯雞飯+腎 一共$33附送既冬瓜湯偏鹹最欣賞佢既雞腎唔硬 咬落爽脆唔洗同佢鬥牙力海南雞飯 雞肉雖少 但肉質唔鞋 雞肉雞皮分開切同埋醬料薑蓉撈埋食 好味份量較少 女仔食一個飯只係啱啱好聖誕節平安夜唔食火雞 一條友食個海南雞飯都唔錯吖

太安樓海南雞飯 Hainan Chicken Rice🍗🍚$25/ $33 (雞脾); 7.5/10🍴好耐之前試不過果日6點幾去到已經好多人排隊😝😝無想像中咁正不過都算係性價比高👍🏼要左淨雞脾🐔 肉質好滑不過覺得醬汁濃過頭蓋過左雞肉本身嘅鮮味😝

次次黎都大排長龍，大家都預要等十五至三十分鐘，但人龍係會愈來愈長。呢度只有外賣(店內冇位，只有廚房位置），外賣到家大約半個鐘左右，雞飯就變到微暖，但雞同黃油飯既香味仍在！雞係冇乜骨既，唔算嫩滑，食落雞味一般，不過就啖啖肉。除左鼓油，你仲可以加薑蓉同辣汁。薑蓉不太咸，美中不足是比較多渣。辣汁我覺得唔辣，但係好開胃既。飯係有驚喜既，佢地既飯較為乾身、落身，食落去有爽既感覺。媽話呢D係靚米黎既～外賣雞飯會送是日例湯，普普通通都似係味精野。雞飯份量唔多，每盒盛惠$25。大食D既男士就要考量一下加碼，又或者係同場再搵多D野食啦～

入左太安樓搵食，打左一圈見海南雞飯好多人排隊，於是跟隊尾排，套餐有雞有油飯有湯，二十幾蚊真係抵食，仲加左十蚊雞腎。外賣回家路途遙遠，坐左成個鐘頭車先番到屋企，打開盒飯仲係好香，不過因為放耐左啲醬汁已經乾晒，先試油飯，乾身又香，一啖搏一啖無停口，雞肉普通沒有特別，我唔覺得特別滑，雞腎都係普普通通，不過不失。下次經過可以只買油飯，就咁食都好好味，印象好似十五蚊一個飯，所以貴係有原因既。

實在是好離奇 還是第一次遇到用APP版一CLICK入這間店就彈APP朋友試也一樣還好家中有電腦 仍可用電腦寫食評傳統的我總覺得PAD取代不了電腦又一次証明 保留電腦是有用的海南雞飯排隊人數大約十個以內等了約十五分鐘難得一來當然要食雞脾海南雞脾配餐湯$33雞脾滑滑的水嫩水嫩雞有雞味 加上醬汁更有風味略嫌雞件較少 不夠"送"飯食又可能是飯量多吧飯是雞油飯來的 十分之香應該是頗肥但間中一次吧附送的冬瓜湯味道天然又好夠味是無味精的湯總括黎講價錢好抵食雖然只得外賣 拎去附近公園食只係五分鐘也都無問題

聞名不如見面，已經知道西灣河開咗間海南雞飯一段時間，今日終於有機會試。一去到已見到大排長龍，有約10個人。只有他一間有咁多人，旁邊的食檔比較靜。不要忘記，這店只做外賣。🚶🏻🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️🚶🏻‍♀️Have heard about this Hannan Chicken food store in San Wan Ho for a long time, finally found a chance to try it. It was already a log queue when I arrived, about 10 people waiting and it is only this food stall, other around it seems a bit quiet. Oh don't forget it is only for take away.🚶🏻🚶🏻🚶🏻🚶🏻🚶🏻🚶🏻🚶🏻🚶🏻🚶🏻‍♀️🚶🏻出名嘅原因，主要是好的老傅賣平價飯！一個字：抵！25元一盒海南雞飯＋例湯。💸 因為抵，所以加碼！加多8元換脾飯，又加多10元雞腎。The reaso

海南雞專門店完全排隊冇停過，我地都排埋一份，好想試下點解咁多人買。25蚊碗海南雞飯價錢實惠，仲有冬瓜湯送，冬瓜湯零味精煲，而且飲完好清熱。想食多少少小食可以加5蚊雞腎，5蚊唔係得一，兩片，而係一大堆，仲非常爽口添。講番主角海南雞飯，飯竟然出色過雞😬飯吸收哂海南雞油，每粒飯都帶著油香，撈埋薑蓉豉油同其他醬汁風味十足。鋪頭都係比雞胸肉，如果想食其他位置就需要另行加錢叫。雞皮唔肥膩，肉質尚算嫩滑，可惜雞唔夠雞味，可能都去哂飯中? 不過都值得排隊買黎食😄