海南雞專門店

营业中

休息中

今日瞓到三點幾先出去搵食，去到太安樓一定會諗起呢間海南雞，原因好簡單，就係平、靚、正。雖然只得外賣，但係絕對值得等、買、走。大家睇下三點幾都已經3、4個人喺度等緊。門面實而不華，根本就係open kitchen.主打只係得2、3樣：海南雞、雞油飯、㗎喱牛根腩。最估唔到既係好多人會買雞腳，今日錯過左呢個機會Tim.我買左㗎喱牛根腩飯加一隻海南雞，隻雞就當今晚加餸，所以下午就第一次食牛根腩飯。張相影得遲左d，喺食到一半先影既，食到一半都仲有咁多👍🏻都係要講果句：㗎喱有㗎喱味。最重要有㗎喱香，唔太辣。超多牛根，中意食牛根既人，一定開心死。牛腩就比較少，好食就ok啦。仲有皇牌海南雞跟薑蓉同漿，可選去骨、跟頭、頸、尾，雞肉滑滑流流，超正。