泰豪燒 (已結業)

每次想食串燒，無論係油尖旺定觀塘收工，一定會專程入嚟元朗，講起串燒暫時無一間能比美泰豪燒。有圖有真相，每串份量絕對唔揸流攤!厚切翠肉瓜每次必點，爽脆Juice，唔會出水出到成塊淋晒，又唔係燒到乾爭爭。今次仲叫左芝心丸，一串5粒，芝心丸嚟講第一次食呢隻隋圓波形，驚喜高質，好食過平時打邊爐四四方方個隻假芝士心。其他就唔一一介紹，隔住個mon都應該睇得出有幾高質量吧，泰豪燒絕對唔係得個殼。茄子又係必叫!!! 可以連皮食嘅燒茄子去邊搵？食燒烤好怕啲蔬果類出晒水，淋晒，無口感最後想介紹下個牛舌，上枱一刻真係嚇一嚇，一般食肆都係切到薄一薄，得兩三塊，差不多嘅價錢係呢度係原條上，仲要一串兩件！都係個句，有圖有真相，配料味道剛剛好，唔會重口味到連本身食材嘅味都遮晒！讚讚讚👍🏿

二人同行，每次點餐既款式都有限，所以今次就諗住去食串燒，行徑元朗又新街，見到昵間泰豪燒，原來是主打食砂鍋粥加串燒的，咁吸引當然要試試😊兩間小店雙連，八點鐘時段，人流開始多了！環境濶落，坐位亦好舒適！二人套餐好吸引，海鮮砂鍋粥配料有、蝦、鮑魚、白鱔、花甲、墨魚滑、蟶子等選擇，視乎當天供應！我選擇了蝦和蜆！即煮關係，等了大約20分鐘。粥底頗足料，蝦肉、蜆肉不少，加埋蔥粒，幾鮮甜。😋粥底綿滑，濃稠得宜，分量其實足夠三人食用！即叫即燒，新鮮熱辣，火喉掌握不錯，加上少許孜然粉，調味剛剛好，有需要可提供辣粉。 😋😋唔夠喉的話，另加串燒☝🏻

呢日一行二人去左元朗又新街揾食，見呢間泰豪燒嘅裝修型格又有充满異國風情，就決定入去醫肚。餐牌上套餐、單點、砂鍋粥、串燒，各適其式。我哋點左:二人套餐 ($298)，包括:海鮮砂鍋粥自選六款串燒啤酒一枝先嚟個蘿蔔雞翼尖($10) - 因為串燒係即叫即整，落單後餐廳怕人客等得耐，先送上嘅餐前小食，仲講明如果客人唔鐘意可以唔要，夠晒貼心！蘿蔔同雞翼尖都炆得夠晒腍，入味得嚟帶少少微辣，好快就畀我哋K.O.左了。海鮮砂鍋粥 - 用砂鍋烹調，粥底綿滑鮮美，鮑片肉質彈牙；白鱔肥美自選六款串燒 - 雞中翼 - 加左孜然粉作調味，外皮燒得香脆，肉質仍然保持鮮嫩。燒極品一口和牛粒 (另加$10) - 牛粒鮮嫩juicy有牛味，加上少許燒汁調味，水準之作雞軟骨 - 燒得香口爽脆，調味中加了少許孜然粉，好食又惹味燒生蠔 (另加$10) - 生蠔新蠔肥美，廚師用蒜蓉燒汁配味，正！粟米 - 原條粟米分為四件，用牛油及蜜糖調味，燒得十分好食啤酒 - 食串燒飲佢最啱另外加點左蒜香燒原條茄子 ($38) - 鮮嫩的茄子上舖滿香口的蒜蓉， 調味得宜，蒜蓉表面燒得帶少許乾身，口感同味道俱佳！呢度嘅串燒及砂鍋粥都相當有水準，

搵食搵到黎元朗, 突然之間想食串燒, 就決定試呢間 一入到去我哋嗌咗個串燒套餐, 包串燒同一兜粥, 我地一開始以為串燒先係重點, 到最後發現原本係錯既。當然D 串燒都燒得恰到好處同入味, 特別係個菠蘿甜到漏汁 我都特別推薦燒烤腸仔, 啲芝麻連腸仔一齊燒, 別有一番風味 食完串燒之後之後就嚟咗兜粥, 原來呢間舖頭最好味嘅嘢並唔係串燒, 而係粥! 一放上枱原來係勁大鍋, 我哋八個人都食唔曬粥有好多海鮮喺入面 啖啖都係海鮮勁鮮味仲有蟹喺入面值回票價如果下次一大班人嚟食一定推薦要食呢間! 因為串燒熱氣食完串燒就食粥下火咁就之啱啱好啦

放假同男朋友周圍食食食，逛逛逛最後，我地揀中"泰豪燒"作為我地晚餐落腳點。叫左個二人套餐 海鮮砂鍋粥 $298套餐海鮮我地揀左 蝦 & 蜆串燒可揀6款，揀左四季豆，海蝦，菠蘿，虎皮尖椒，司華力腸 (另外多加帆立貝，蒜香燒原茄子）汽水揀可樂同王老吉（加$3)燒帆立貝 $26上面加左蒜蓉，有口感之前仲可以辟腥燒菠蘿加左少少蜜糖，好香甜蒜香燒原條茄子 $38表面塗左厚厚一層既蒜蓉，再燒至香脆入口既有濃郁蒜香味更有軟綿綿既感覺所以，呢款茄子極之值得推介燒司華力腸廚師細心地係腸上面切開一層層，一來我地可以更容易入口，二來，每層燒得特別香脆，再加上辣粉，好香口❗️呢大碗粥先至係呢間店既靈魂依家已經鮮有食店會用砂煲煮粥，因為砂煲難清潔，所以都用不銹鋼免痴底煲黎煮。 但係用砂煲煮粥既優勝之處就係d 粥特別綿特別香特別可以煮出海鮮鮮味，呢樣係其他煲都代替吾到既另外，呢煲粥一d 都吾平凡❗️1)砂煲煮海鮮粥，d 粥又綿綿又鮮甜2)d 料爆多⚠️ 入面勁多蜆同蝦‼️ 至少有10幾條蝦係入面，勁足料‼️ 3) 入面仲加左馬蹄片，芹菜粒，同炸菜片口感更勝一籌

元朗美食何其多, 很喜歡到處嘗試不同的小店, 今晚就選了這間位置較隱閉的餐廳, 主要吃串燒和海鮮粥的, 我們叫了二人套餐, $298有一鍋海鮮砂鍋粥, 6串串燒, 汽水2罐, 見多數人也叫這樣的套餐, 較方便實惠。燒極品一口和牛粒(另加$10)果然是和牛, 脂香十足, 軟嫩細緻, 醬汁幾惹味, 但加了黑椒粒粒就有點辣。燒原條蒜香茄子$35滿滿的黃金蒜粒, 茄子燒到軟滑, 味道不錯。燒海蝦細細隻, 都幾有蝦味, 蝦肉爽口, 調味適宜。汁燒白鱔(+$10)皮燒到脆卜卜, 魚肉清爽不腥, 但有些細骨要小心。燒生蠔(+$10)醬汁也是頗惹味的, 平常我不愛燒太蠔太重蠔味, 這樣就比較易入口。燒菠蘿太甜膩, 有點不自然, 菠蘿肉也偏軟身, 個人不太愛。海鮮砂鍋粥(聖子+蜆)說要等半小時至45分鐘的粥, 在吃著串燒聊天下, 也在不知不覺中送到了, 沒想像中的久。粥份量好大, 應該足夠四人吃吧, 來到才按客人喜好放入蔥粒, 粥非常的熱, 要小心燙咀, 試了一口, 嘩, 鮮到不得了, 一試難忘, 那是很有層次的鮮味, 粥也煮得很綿, 光吃粥底已夠滿足, 但還有為數不少的聖子和蜆, 在粥內仍然有鮮甜味,

朋友新車落地，話要嚟一轉由鴨脷洲片到入元朗，跟其他朋友會合去食個涼粉。佢手車果然唔講得笑，半粒鐘就飛到入去，利害! 比預計早到，所以走去又新街食啲嘢先。餐廳好大下，裝修夠骨子。爭取時間，光速睇完有咩食，唔使點諗就叫咗個二人餐 $298。個餐包一支啤酒，好夠凍。朋友要揸車，飲少少好喇。【鹽燒豆卜】脆卜卜，送酒至啱。【燒生蠔】、【汁燒白鱔】每樣要補番十皮，抵俾。香噴噴，啖啖肉。一口咬落去，鱔皮又脆又香口，正!【五花腩】咪以為好肥膩，其實係燒到好爽口，都唔錯。【海鮮砂鍋粥】嘩! 呢個不得了! 原來咁大鍋，四、五個人都應該夠食。落咗好多香茜和香蔥，零捨香。裡面好足料，大量鮑魚粒和花蛤，所以好鮮味。再嚟係【司華利腸】和【燒菠蘿】司華利膠界咗花，易咬啲。菠蘿燒過之後，原來特別甜。朋友似是而非地解釋，菠蘿經過火燒之後，內裡嘅水份會燒乾，變相內裡嘅糖份濃度咪增加咗囉，食起嚟咪會覺得甜啲囉，聽落又好似好有道理喎。時間差不多，食完就撇，趕下場。

突然興致勃勃想食b仔雞翼尖，所以都專登提早入嚟喺附近食晚飯，胃口偏向食串燒所以就揀咗呢間，坐落後見到有個298套餐 有一鍋粥仲可以自選兩款海鮮 仲有六串串燒 兩罐飲品 跟餐， 見到咁低就揀咗呢個set食，窩粥 好鮮甜 海鮮好新鮮，我諗每人 起碼 可以分到三碗半以上，絕對係超抵食 串燒如圖 樣樣都好入味好食

聽聞又新街開咗間泰式燒烤，主打砂鍋粥同埋串燒，見出面啲餐廳都好少可主打呢兩個組合，今日就同胖侶過嚟試下。餐廳位於又新街同建業街之間嘅後街，即係稀鰭爬蟲類嗰條街，元朗嘅街坊都唔會話好難搵，一踏入餐廳，兩邊牆身嘅裝飾已經極富泰國嘅氣息，直情係有少少泰國spa嘅感覺，令平日返工緊張嘅精神為之鬆弛，如果播埋泰spa嘅歌同點埋香薰，坐喺度相信唔會分辨得到係泰國定係香港。嗌咗個二人套餐，有自選兩款海鮮嘅海鮮砂鍋粥，6串串燒，一支大啤又或者兩罐可樂，食串燒就梗係要啤一啤佢啦，即刻同侍應姐姐講要支大青島丫唔該。其中5串串燒一次過嚟，難得嘅係5串都熱辣辣，真正即叫即燒，但係又唔會話等得太耐；汁燒白鱔新鮮彈牙，魚皮燒得極度香脆，就算食到最後一啖，攤凍咗少少都依然肉汁豐富，好明顯係用咗新鮮貨；雞中翼喺孜然粉嘅催化之下，沒有不好吃的理由；碟串燒嚟嘅時候同時亦都跟咗一小碟泰式雞醬，用嚟點燒燒賣同鹽燒豆卜就最好不過喇。砂鍋粥嘅材料我哋就揀咗花甲同埋海蝦，廚師細心將海蝦開邊，除咗能夠令蝦嘅鮮甜味更加融入個粥底入面之外，亦都方便咗唔鍾意剝殼嘅胖侶進食，花甲同埋鮮蝦夾埋，唔使講個粥底經已甜到無朋友，最正係花甲一粒沙都無

一向都鐘意食串燒砂鍋粥，亦都好鐘意番大陸食，不過近排太忙都好少番去。近近地收工落元朗試下呢間泰豪燒，都係見朋友食過讚好先試下。佢地鋪頭喺又新街，好易搵，舊時好多雞煲食果頭。落住大雨入到來，見到原來佢地有兩個鋪位，各坐到十零個人，平日都幾好生意，仲聽得出好多唔止食過一次。我地坐左喺入面大枱，店員好快俾低餐牌我地，諗都唔洗諗叫左個二人砂鍋粥套餐，最抵食二人餐298蚊，包一鍋海鮮砂鍋粥（選兩味海鮮，蟹就加50蚊）、再包6款串燒、汽水兩罐。有D客人三個人都係點二人餐，粥夠食，再額外點D串燒就啱啱好，又抵。海鮮粥果度，店員會介紹番當日有咩貨，我地就有蝦、蟶子、花甲、蟹、鮑魚等等，見平時多數食蝦，今日決定加錢食下蟹！店員提議搭配蟶子，會比較鮮甜。因為即叫即煲，所以我地飲住野，食住串燒先，唔覺唔覺煲粥就到左芫茜另上，朋友唔食，所以我就唔加落煲喇。粥份量都唔少，兩個人每人都約分到三碗，首先見到隻蟹，係原隻蟹，雖然唔係好大隻，但幾好肉地，亦都冇少少膏，食落有鮮味，真係同點蝦唔一樣至於蟶子，都幾大隻喎，又乾淨，十分鮮甜，唔會好濃味。入面仲有少量冬菇片，我加少少芫茜一流。另外都鐘意呢度嘅粥水夠，唔會愈食愈杰

今日約咗朋友去元朗千色行街，之後再去食串燒， 真係爽爆！ 基於朋友極力推薦「泰豪燒」，咁緊係捨命陪君子啦！ 餐內環境十分舒服，以泰式裝飾為主。我哋見到有個二人餐$298 覺得十分抵食，所以一於叫呢個set。$298 （ 二人套餐）✅海鮮砂鍋粥（自選兩款海鮮） 😋✅自選六款串燒✅啤酒一支或汽水兩罐《海鮮砂鍋粥》餐廳提供多種海鮮俾客人選擇， 包括有生蝦、活蟹、 花甲同鮮鮑魚等等。 我哋揀咗隻活蟹 （加$50) 同鮮鮑魚。 大約等了十五分鐘， 熱辣辣， 大大煲嘅海鮮粥用瓦煲上枱。沙鍋粥真係好鮮甜， 粥底軟綿綿，又香又滑，最特別係粥底加咗馬蹄同菜莆，再加上大量蔥，真係香噴噴！軟綿綿嘅粥底加上鮮甜嘅活蟹，香濃蟹膏融入粥底，真係鮮味十足，再加上切片鮑魚，爽甜可口， 令粥底更加有層次。 仲要每人有3大碗，真係又飽又滿足!我哋升級叫咗兩串白鱔 （加10多一串） 、 一串五花腩、 一串司華力腸同兩串雞全翼。 《汁燒白鱔 》燒得外脆肉嫩，鮮味十足， 口感爽囗彈牙，白鱔鮮甜肥美。 《五花腩》燒得香脆， 五花腩肥瘦適中， 口感爽脆， 味道不錯。《雞全翼》 雞翼大大隻， 外皮香脆， 肉質又香又滑。雖然係街坊食店

雖然家庭聚會不時都會BBQ，但夏日BBQ實在太熱，怕辛苦怕流汗的我，總是匆匆燒幾燒就收手，快快躲進屋內涼冷氣! 這夜友人說帶我到一間吃串燒與海鮮粥的餐廳晚餐，而且地點相當近家，不用跨區吃晚飯真好~ 餐廳環境不算大，但裝潢都幾漂亮，皮座椅幾舒服的. 最重要是冷氣夠強勁，即使吃熱辣辣的串燒與粥品也相當舒適~ 二人套餐 ($298): 已包括: 海鮮砂鍋粥、六款串燒& 啤酒一枝/ 汽水2罐，相當抵食!! 生力清啤 酒精濃度比較低，味道淡淡的，幾適合我口味，而且吃串燒就是要配啤酒的，哈哈! 司華力腸 外皮香脆的司華力腸，香口惹味，坐在室內吃串燒就是爽~ 燒海蝦 一客海蝦串燒已有2隻，相當抵食. 蝦肉鮮甜爽口彈牙! 腸仔肥牛卷 平時只見過金菇肥牛卷，還是第一次見到腸仔肥牛卷，那當然要試試! 雞中翼 一串有3隻，皮脆肉嫩就不用說，最重要是調味剛剛好，不會過鹹~ 汁燒白鱔 (每串另加$10) 這款是個人心水推介，即使加$10 都覺得相當值得~ 白鱔魚皮相當香脆，魚肉嫩滑又爽脆，超級正!! 汁燒原條茄子 ($32) 想吃點蔬菜，選了汁燒原條茄子，賣相相當吸引. 茄子很嫩滑，仍然

今晚同娘親大人食飯去，同得娘親去當然要精心挑選一下，試左呢間「泰豪味」，質素喜出望外，真係要寫翻兩筆讚下！首先餐前小食係少少辣嘅蒜味雞翼尖，辣得埋又香，加一罐加多寶涼茶，過癮！串燒四季豆，陣味有d似咖哩加孜然粉，少油乾身，又香又好食燒厚切牛舌，一咬汁都滴出o黎嘅 juicy程度，調味恰到好處，空口可以食10寸！燒蝦嘅香不嬲都令人垂涎三尺，呢隻蝦肉仲要超彈牙，鮮爽一絕鰻魚厚身，咬落肥美香兼備，係一般食肆鰻魚不能作比較嘅蜆肉粉絲嘅粉絲索曬D汁，吸收曬D精華，食到一條不留水蟹蟶子粥鮮甜有層次，有馬蹄同冬菜係棉棉嘅粥入面，口感十分豐富，呢個一定係回頭必點之作。

在元朗實在太多選擇了⋯但好多時唔係雞煲就打邊爐，好悶呀！朋友無lala話食串燒，都好丫，即刻試開飯搵，間間都有好評有差評⋯唯獨這間只得好評⋯一於試下先⋯一去到門口，比想像中整潔喎！又唔會一大陣串燒味⋯睇下個餐牌⋯都唔貴丫⋯有餐叫，又可以散叫！我們開始是散叫的，之後見到隔離叫左粥好似好正咁？問下侍應可以轉餐嗎？佢又肯喎！最終勁飽⋯食物即叫即燒⋯嚟到食特別好味😂😂侍應有禮貌👍🏻可惜價錢貴左小小⋯3位女士食成千蚊串燒😂😂因爲我們叫了啤酒🍻😂

這星期已經吃遍這小巷的美食，星期三晚就與媽媽去了吃泰豪燒，之前跟朋友吃過不錯，所以今次帶媽媽品嚐這裡的串燒和海鮮粥。如果想吃得實惠，我真的極力推介選二人套餐，因為套餐包括一大鍋海鮮砂鍋粥，自選六款串燒及啤酒一枝或汽水兩罐。海鮮砂鍋粥兩款海鮮配料我們選了蜆肉和白鱔，六款串燒則點了雞中翼，雞肉，五花腩，一口甜薯，燒極品一口和牛粒及汁燒白鱔，另外再額外加點菠蘿與翠玉瓜這些蔬果，總不能只吃肉那麼不健康吧。燒極品一口和牛粒將和牛分切成一口可吃，在串成一串放在火爐上燒至表面酥焦，約七分熟，香氣逼人的外表，一口咀嚼肉汁還瀰漫在嘴巴中，美味極了。一口甜薯綿密香甜，散發出自然的鮮美。說到白鱔，就會想起油脂豐富的魚類，當然汁白鱔吃得到它極鮮嫩彈牙的肉質，味道鮮而且在燒的過程讓油脂香味鎖在魚肉類，在品嚐時才在嘴裡飄散。五花腩色澤燒得恰到好處，最重要它不油膩，卻脆彈無比，我愛透極了。雞肉經熱火慢燒後發出滋滋作響的聲音，外層酥脆不膩味，讓人一咬下去就可以感受到雞肉的柔嫩，正是串燒燒功了得的證明。雞中翼同樣皮脆，原本的油脂都在燒時大量烤的逼出來，本身的油份幾乎絕跡，香料烤得入味，鹹鹹香香的。原條的翠玉瓜鋪滿濃香的