泰豪燒 (已結業)

相約左朋友係元朗搵野食，行行下見到呢間又食串燒又食海鮮粥，好似幾新鮮甘！入到去坐低見到有個2人套餐，可以簡6款串燒，一大碗海鮮粥，幾抵甘於是order 左～如果想食和牛、蠔個d就另外加錢！串燒無乜特別，可能早食無乜人既關係，上菜上得幾快～反而值得一提既係海鮮粥，店員會問你簡邊2款海鮮，有蟹呀有蜆呀鮑魚呀花甲呀，甘我同朋友簡左鮑魚同花甲！碗粥大碗到，應該可以俾6-8人食，海鮮都好足料，仲要好鮮甜！我同朋友就算好飽都忍唔住繼續食，最後只係淨左小小😂😂

今日難得約左朋友聚舊 口痕想食串燒既我地就揀左呢間由男朋友極力推介既泰豪燒呢度唔止得串燒食 最令我地有驚喜既係佢地既二人餐 — HKD298就有齊大大鍋砂鍋海鮮粥 六款自選串燒 連飲品砂鍋粥 — 我地可以自選兩款海鮮材料 今日就有蝦 花甲 鮑魚 蜆等等 加HKD50就可以揀蟹 對水蟹粥念念不忘既我地就揀左蟹同花甲每款海鮮都份量十足！粥內有極多花甲 店家亦都好細心先將蟹斬件再加入粥中 方便我地食 我地兩個人每人食左三大碗先食得完整鍋粥 綿綿既粥配上新鮮海鮮十分值得一試串燒 — 我地揀左冬菇、一口牛肉粒、雞軟骨、五花腩、雞肉同白鱔❤️串燒質素十分高，燒得十分入味！ 極度推介大家一定要試試燒汁白鱔同一口牛 驚喜十足 亦難以在其他店家找到 白鱔完全冇多骨的問題 二人套餐既CP值超高！

經朋友介紹所以冒名而來，餐廳格調很柔和。打開餐牌見到有個二人 套 餐 $298 有一鍋粥， 粥底配料可以自選兩款海鮮，我們揀了鮑魚及聖子，同埋六款串燒及兩罐飲品。串燒 種類繁多我們點了燒生蠔兩隻 ,生蠔鮮甜肥美，配合埋蒜蓉 一同放入口真係絕配！蒜蓉燒原條茄子味道香濃，一啖又一啖 完全停唔到口。燒汁白鱔，白鱔爽口無骨非常彈牙，亦都燒得非常入味。一口和牛串，牛肉味很重，肉汁停留口中，質感很不錯，唔會過熟而變得很靭。白魚蛋串好大粒，又彈牙又入味。至於蔬菜類我們點了翠玉瓜串，估唔到竟然有驚喜，瓜上面鋪滿之然粉，燒得很林，而且味道很濃郁，不得不贊這間餐廳。另外上菜時間 很有條理，唔會一次過嚟曬，最後食曬串燒才上鍋粥，粥來到的時候，我們打了個突，因為真係好大鍋 兩個人根本食不曬。熱呼呼的粥，真係急不及待放入口，材料和粥成正比，絕對不會很少海鮮，可以一啖粥一啖料，蟶子新鮮冇沙，鮑魚彈牙新鮮，粥底真係好鮮甜入味， 一啖又一啖 最後我哋 各自食了三碗，捧著肚子但仍然係食唔曬，真的多得過份！最後賣單只係370蚊，又平又性價比高，絕對值得推介！！！

因朋友誠意推介，山長水又遠走到了元朗的泰豪燒。餐廳環境舒適，不似一般的串燒店又嘈又熱，反而可以舒舒服服與朋友暢快聊天食物方面，我們點了一set 2人套餐。套餐包括海鮮砂鍋粥（自選兩款海鮮）、自選6款串燒及汽水兩罐。☝🏻自選串燒我們選了燒生蠔x2、汁燒白鱔、燒極品一口和牛粒、腸仔肥牛卷及雞中翼，另外額外加了燒溫室大蘑菇、花枝丸及長洲大魚蛋；每一款串燒其實都燒得勁香，熟度適中；其中，我最欣賞燒溫室大蘑菇，咬落去勁多汁，蘑菇亦勁大個☝🏻海鮮砂鍋粥我們選了花甲鮑魚粥，不得了，粥的份量勁大，味道極鮮甜，花甲鮑魚勁多，十分驚喜，我與朋友都各食了幾碗整體而言，泰豪燒食物高質，是回頭率極高的餐廳。

今日難得有半日假，約埋好友一同去元朗行吓，之後食埋晚餐！黎到元朗又新街，見這間泰豪燒，好想回味一下泰國燒烤，所以入去嚐一嚐有兩間左右店，幾大又寬敞，坐位都舒服，服務員都好有善同好耐心推薦好食的燒物，服務態度幾好又親民有唔同燒物，選擇都唔少，如：海鮮（蝦、白鱔、生蠔）菜蔬（翠肉瓜、粟米、一口甘薯、茄子）肉（一口牛、羊架）等等除了散叫，還有2、4、6人套餐（包海鮮粥及燒烤加飲料）我們叫了2人餐（海鮮粥-自選2款海鮮、6種自選燒烤、2種飲料）1. 海鮮粥好大鍋，2人食每人食3-4碗，海鮮選擇（蟹、蝦、蜆、花甲、蟶子等），好鮮甜我海鮮粥、粥底好綿好香，另加了莞茜可下下火、清清熱2. 串燒（每款都好出色）翠肉瓜、冬菇翠肉瓜同冬菇都燒得好香，但一點也不乾好多汁，有少少調味粉，野味好濃，冬菇上有芝麻，更香更正燒粟米及白鱔粟米好甜又好軟，燒到唔會太濃；燒白鱔真係必叫，外皮好脆口，肉又軟又肥美又多汁，一流呀！我最推薦最愛最美味可口的燒菠蘿及燒生蠔菠蘿又是必叫的，好甜好香，燒完帶出原有的甜味，好潤好正；燒生蠔也好香濃唔會乾或縮哂水，好鮮甜有口感蒜香燒原條茄子好大條茄子！好多蒜蓉好厚好香好濃蒜味，茄子好腍好

講到喺香港食串燒，其實都唔平，是日去到元朗，諗住試下新開嘅飲品店，順道食埋飯先走。同朋友揀左呢間位於又新街嘅泰豪燒，買完飲品過去都好方便。原本以為係食泰式燒烤(?)點知睇到餐牌，有串燒食不得止，仲有砂鍋粥！最好笑係，一坐低，就見到舊同事坐隔離枱世界真細小，冇約過都可以聚個小舊。以前呢邊都幾旺，附近有雞煲、宵夜，而家感覺好唔同，靜左。但呢間小店嘅生意都唔錯，平日夜晚兩個鋪位都幾乎滿座，我地被安排到最後一張枱。之後都見到有少量人等位。我地點左砂鍋粥二人餐，包左一鍋兩款海鮮嘅粥，加6串串燒，連埋飲品，298蚊，另收加一，都幾抵食。人多可以叫四人餐，又或者點二人餐再加串燒咁，好似我地撞到嘅朋友都係咁樣點，睇下你想食粥多，定食串燒多。點完野，店員就拎左碟小食過來，注意會收10蚊碟，見係雞翼尖加蘿蔔，兩樣我都like，忍唔住即刻試下。雞翼尖都幾lum，而且幾入味，蘿蔔有唔少，鮮甜多汁，一路等粥食下小食，就啱哂蝦、花甲砂鍋粥海鮮粥方面可以揀兩款配搭，可以現場問番店員供應乜野。我地當日就有蝦、花甲、蟶子、鮑魚…等。因為煲粥即時整，所以都等左十五分鐘左右，好新鮮熱辣。大約分到5碗多D，份量夠哂。蝦、花甲

聽元朗朋友介紹係又新街開左間泰豪燒，主打海鮮砂鍋粥同滋味串燒，趁今日收工一於同朋友黎食下串燒啤一啤佢～～泰豪燒位於又新街的內街，位置唔算難搵，地方細小但有足夠空間岩曬同朋友食嘢吹水～～我地叫左個砂鍋粥二人套餐，有海鮮粥，自選六款串燒及飲品，價錢合理～～先黎小食蘿白雞翼尖，由於串燒需時，我地唯有食住等～～極品一口和牛粒（另加$10）燒得香口，一口和牛粒既濃郁又多肉汁，加上香料的調味，令人忍不住一口接一口，推介！汁燒白膳（另加$10）外皮燒得金黃焦脆，但魚肉仍保持嫩滑，啖啖魚肉入口即化～～雞中翼看見酥脆的雞翼簡直食指大動，加上四川孜然粉及香料調味，色香味具備！仲有司華力腸及花枝丸～～燒粟米香甜多汁～～重點來了！海鮮砂鍋粥～～可以自選兩款時令海鮮我地揀了蟹（另加$60）及花甲用了熬粥底，未食已經可以想像粥底多鮮美！當然名符其實，海鮮粥底綿滑鮮甜，入口有濃郁的蟹香及啖啖花甲肉，加上大量蔥花及芫茜（個人大愛）簡直錦上添花，超級滿足！必定要試海鮮砂鍋粥！

※本文以用餐當日的環境、服務和食物質素為準，口味亦因人而異，文章只作參考之用。 -前身主打砂鍋粥同串燒既「金稻園」，經過一輪裝潢後變為「泰豪燒」，同樣主打串燒同砂鍋粥，但餐廳經粉飾後「靚左唔少」，初時小妹見到內裡既佈置同餐廳名稱有個「泰」字，更誤以為食泰國菜呢！由於位置實在太就腳，我倆放工後就去左食串燒晚餐，我地主打食串燒，款式多為大路食材，沒有花巧的點綴和配搭，但味道和質素係相當唔錯，特別係皮脆肉嫩既汁燒白鱔。燒帆立貝 $26燒原隻帆立貝面頭放上大量蒜蓉，帆立貝入口軟嫩不乾，咀嚼中加埋滿咀蒜香，好食，每人食兩隻先夠喉！汁燒白鱔 $28不得不讚呢串燒白鱔，薄薄的魚皮燒得好香脆，咬落有「脆卜卜」口感，而且魚肉入口幼嫩多汁，魚味明顯，必食之選！五花腩肉 $20同樣燒到邊邊位帶點微脆既五花腩肉，咬落肉質帶點油脂的味道和孜然的香氣金菇肥牛卷 $20唔會燒到肥牛好乾身，咬落金菇夠爽口，味道不錯！司華力腸 $18、芝心丸 $16呢兩款比較大路的食物說不上特別，但就鍾意佢地燒得夠熱，司華力腸咬落仲係燙口之餘仲係脆皮架，而芝心丸就流心無誤！蒜燒原條茄子 $38鋪頭放左大量蒜一齊燒既茄子，茄子肉嫩，每啖

住元朗的朋友約食飯，我問: 吃甚麼菜？友答:  唔知。這答案很奇怪，吃中菜應該答中菜，西餐就是西餐，日本菜便應該回答吃日本菜吧！他再說: 餐廳賣泰式串燒，又賣潮式沙窩粥。說是潮州菜可以，泰菜亦對，中泰fusion 也貼切。光聽餐廳提供的食物，內心涼了一半，通常餐廳提供一些九唔搭八的菜式，打個比喻，餐記賣日本拉麵及刺身，出品好極有限，未見過餐廳既賣沙窩粥，又賣串燒，未食已經打定輸數。既來之則安之，先給大家介紹環境，店面雖小，但裝修一絲不苟，用上很多木刻掛畫，室內散發一股濃濃的東南亞風味。食物由友人發辦，點了四人套餐HK$498，有一鍋以三款海鮮煮成的沙鍋粥，加12串串燒，及四罐飲品。另外再加點了串燒牛舌、四季豆、燒雞皮及粟米，還有一道辣汁煮花甲粉絲底，卻是走辣的。小店竟有供應免費前菜提供，是蘿白煮雞翼尖，蘿白帶有濃甜，用以做菜當然味美，這前菜還有着濃郁的金蒜香氣，本來對這裹的出品不帶期望，前菜卻把我的偏見一掃而空。提供的所有飲品都是瓶或罐裝飲品，自家並無自製飲品。先上的是燒四季豆，沒有想像中的油膩，本人怕油，最討厭吃大陸油澟澟的燒金菇及韭菜，原本以為這裏的食物也會油光四射，咀嚼時會油花四

難得入到元朗就試下元朗地膽朋友推介嘅串燒，坐低無耐先上前菜，店員話可以唔要架，唔係強迫消費，有得揀你話幾好，蘿蔔同翼尖正中我心，加上燒物需時有嘢咬下真係好細心。醃得非常入味，又夠淋，呢個前菜令我兩非常期待第一碟嚟嘅~燒牛柳粒，燒得非常好，唔會太硬又唔會太生 翠肉瓜係厚切，燒完好爽口，仲好juicy冬菇，鴨胸~~整體嚟講蔬菜類燒完出黎唔係出晒水林patpat，肉類都唔會燒到好乾爭爭，調味料唔係一堆味精蓋過雪藏味，材料選取得非常好，可見老闆應該係燒烤愛好者先咁有心蒜炸魷魚鬚一上枱熱辣辣非常香口彈牙，好耐都無食過咁好食嘅炸魷魚鬚，完全無油膩味，食到底都見唔到一滴油。烤魚都超高水平，無雪藏味，皮燒得香口，魚肉唔會太乾身 茄子真係要重點推介，食過咁多間燒烤店，只有呢間做得非常出色，燒完無縮水，仲可以連皮食，用刀叉輕輕一切，每啖都充滿蒜香味，又不失茄子嘅juicy

難得與表姐們食飯表姐特意約了特別嘅野食就係泰豪燒喇！位置都容易搵，由兩間鋪連住地方闊落嘅餐廳以燒物爲主同埋有粥底火鍋 想當吸引我地六個人叫左4人火鍋餐都好夠食用料亦上乘我地選擇了聖子海蝦蟹粥大大煲非常吸引粥底吸晒海鮮嘅精華，亦冇落味精，由海鮮淆出黎十分鮮甜。海鮮亦份量多，但唔會煮得太老，爽口彈牙，一人一碗都仲有突，十分有誠意黎到期待嘅燒物 我地叫左好多唔同燒物而小弟覺得最出色係雞軟骨同翠玉瓜雞軟骨唔會燒到過火過硬而瓜亦燒到金黃，外脆但內多汁另外豆卜都好野味，亦有外脆內軟嘅口感另外身為粟米達人嘅小弟，點會唔試燒粟米！而燒生蠔同燒茄子都好香口juicy 㗎！當日like jor 佢個page 仲送左份沙律添

今日星期二，同屋企人去街食飯，就去咗呢間新開既泰豪燒食。 呢度環境舒服，可以人少少同朋友傾計食飯，或者一班人聚埋食飯都得。 我哋六個人叫咗一個4人海鮮粥套餐，套餐入邊包埋有12款串燒，可以自己自由揀。我哋揀咗蝦、蟹同埋聖子做底料，個粥好清甜，而且聖子啖啖肉食落去爽身。蝦嘅份量好多，每人可以有兩至三隻，而且會貼心幫你切開一半，都可以好方便咁食到。粥同水嘅比例都啱啱好，唔會太結同太水。串燒方面，雖然要等耐少少，但係樣樣都燒得啱啱好，好入味。燒生蠔，隻隻都啖啖肉，加埋蒜蓉去燒，一啖食落去好juicy當然唔少得有我最鍾意嘅雞翼啦，肉質鮮嫩，而且都好大隻。貢丸都係我另一愛好，好大粒，食落去仲有啲彈牙！小甜薯，可以好似當係甜品咁食，一啖一粒，感覺好特別。呢度仲有好特別嘅特大蘑菇啊！一切落去軟綿綿，再咬落去啲汁彈曬出嚟，成口都係汁，感覺好滿足！

今晚一收工 同幾個朋友入左元朗買野 行行下見到呢間野排長龍 但係已經行到好肚餓 諗住走果時 前面果女仔係咁話食幾次都覺得好正 話咩最緊要又抵食 咁我地就排隊排左半個鐘終於到 好感動 一坐低嗌野 真係堅抵 我地四個人岩岩好叫左4 人餐 有蟹粥 仲可以自選兩款海鮮除咗有大大煲砂鍋粥之外 仲包12串串燒 個粥一黎到呆左 勁大煲 吾知以為叫左雞煲 勁鮮味 我最懶食蟹 點知佢扑到勁碎 一食就食到 個粥入面有冬菇又有鮑魚 有聖子 我一個人食左三碗不得不堤 我地叫左個辣汁蜆炒粉絲 好正 個蜆好鮮甜 咩料 仲要分量勁多底下嘅粉絲完全吸收左蜆鮮味如果中意食好多BBQ 野既朋友實岩 烤雞翼好入味 又有我最中意既栗一燒 燒栗米 燒牛舌先係皇者 其實已經好飽 但係忍吾住係咁嗌 因為今次吾係咁嗌 下次又要排好耐隊 蒜香燒茄子 做得非常出色 內裏軟綿綿嘅茄子肉 配上外層脆卜卜嘅蒜蓉 味道非常配合小長洲大魚蛋及燒雞皮燒雞軟骨及燒芝士蛋真心 堅好食 好耐冇食過平令正既野 一路食一路sd 相比我屋企人 佢地係咁叫我打包比佢地

今日約埋朋友嚟到元朗泰豪燒 佢個餐牌好簡單 主打砂鍋粥同串燒雖然食物沒有五花八門 俗語有句貴精不貴多 味道卻非常好我哋一枱四人 最啱叫個四人餐$498四人套餐包括海鮮砂鍋粥 粥底包左隻蟹 及 另選兩款海鮮 自選12款串燒 2支啤酒或四罐汽水自選海鮮有七種選擇 選擇的海鮮並沒有寫進餐牌 原因好簡單 邊款靚嘅時令嘅 餐廳就會採用 這樣可以令客人吃到最新鮮既海鮮先來四罐冰凍的可口可樂先來一碟餐前小吃 職員放低之前有提及過這是要付費的 可以俾我哋揀要或者唔要我哋見串燒製作需時 肚子又有點餓 所以我們要咗未到有幾好喎 清清嘅味道 但同時蘿蔔又好入味 感覺好矛盾主角登場 大大煲熱辣辣嘅砂鍋粥入面有原隻蟹 聖子及鮑魚 海鮮嘅鮮甜味道完全滲透在最底之中 仲有芫茜蔥附送真材實料 份量超多 海鮮嘅新鮮程度值100分 尤其係聖子 彈牙鮮甜(推介)粥底非常綿滑 加埋胡椒粉同芫茜蔥一齊食 香味層次更加提升 更加惹味每人起碼可以食到兩至三碗食粥既同時 串燒來了燒海蝦 香噴噴的 肉質結實有水分腸仔肥牛卷 + 豬腩肉特別要一題豬腩肉 外皮燒得香脆 肉質爽口彈牙 中間帶著一層肥膏 非常邪惡燒白鱔魚皮燒到脆卜卜 好似食薯

家姐話要請我食飯幫我補祝生日，但就要我去元朗接佢收工（點解唔係佢接我收工呢？）本來我都懶得去元朗，不過既然有人請食飯，就勉為其難去啦haha雖然我想食串燒，但我唔熟元朗呢邊d餐廳，所以家姐就帶左我去食佢公司附近間串燒-泰豪燒。牛肉方面，我地叫左一口和牛粒（$28）、金菇肥牛卷（$20）。兩款個牛肉都好嫩滑，唔會鞋口！海鮮方面，因為我對海鮮敏感，所以生蠔（$84三隻）全部都係我家姐食，佢話d蠔都新鮮。而燒雞泡魚乾（$76兩份）我自己一個已經食左1.5份，夠香脆XD蔬果方面，我地叫左牛油燒粟米（$20）、冬菇（$42三串）、四季豆（$14）同菠蘿（$32兩串）。蔬果燒得剛剛好，唔會燒得太耐而變得乾爭爭！丸類方面，我地叫左白魚蛋（$18）同芝心丸（$16）魚蛋好彈牙，而燒過嘅芝心丸格外惹味！雞肉方面，雞中翼（$20）同雞軟骨（$18）調味適中，唔會太重口味~呢間串燒真係唔錯，多謝家姐同我補祝生日，不過下次唔好要我去咁遠接你收工得唔得XD