泰豪燒 (已結業)

大件夾抵食難得入到元朗，當然唔好放過搵美食嘅機會！今日黎到又新街行行見到有間有得食粥又有得食串燒嘅地方喎，等一陣都有位了。睇一睇個餐牌好多種類又多元化，有粥品揀又有串燒食？由於身邊人話好想食羊架同公仔麵所以我地就放棄叫套餐啦～決定散叫食串燒必食韭菜，每次都係必點串燒之一MUST EAT ITEM！當然唔小得我至愛燒雞翼我自細鍾意食～燒到好香口仲加埋調味料，味道十分之可口！仲有串燒無敵牛柳粒，肉汁JUICY仲啖啖肉。呢到仲有平時好小有得食嘅白鱔！無骨嘅白鱔燒到啱啱好，個皮燒到卜卜脆，之後忍唔住ENCORE咗多次！到紐西蘭羊架出場，夠哂羊羶味！肉汁鮮嫩，配埋檸檬汁，一絕！帆立貝原隻上，$26一隻，無錯係$26一隻，好大隻唔係講笑，不過味道就咸咗小小，整體都值得一試。辣汁海鮮炒公仔麵，海蝦份量真係唔係講笑，我地數過大大小小有成接近20隻開邊蝦，啱哂我呢D懶人，咬一咬就食到哈哈，公仔麵身偏＂林＂身索哂D汁充滿海蝦味道加埋蔥花，我覺得不錯！食串燒點小得啤酒，呢度仲有幾款生啤叫添，揀咗百帝王生啤味道易入口又大大杯，一啖啤酒一啖串燒，最佳享受 ^_^*最後每人百幾蚊食到我地捧住個肚仔回家去，抵食又大

我成日都會入元朗搵好嘢食因為價錢會比市區平 環境又舒服 又算無咁多人.好多朋友都住元朗屯門果邊上星期就約左好朋友食呢間泰豪燒我地點左個2人餐 再加個茄子咁300多埋單食到好飽好滿足.佢係有一個好大既海鮮粥底自選2款海鮮整個粥再有6款串燒 都係自選同2個汽水咁樣.我地粥底揀左蟶子同鮑魚講真 無諗過個粥係咁鮮甜 而且好大煲一人可以食到5碗倒海鮮係已經切好掉入粥入面好好食 好新鮮.串燒我地揀左雞中翼 雞肉 雞軟骨廚師腸 四季豆同菠蘿菠蘿超juicy其他都好正朋友表示佢燒得好好連四季豆都好多汁 唔會好乾通常呢啲豆都好難燒得好好.另外蒜蓉茄子好大條蒜蓉有少少焦 茄子肉汁仍然好多成餐飯都好滿意 捧住個肚走

呢間食店依家要轉過彎先見到，雖然位置唔明顯，但竟然是隱世好店！主打海鮮粥和串燒，但由於我和朋友不太好粥的關係，所以食了一餐豐富嘅串燒餐。不過見到在場都好多人叫粥食，都好香。雖然等待串燒嘅時間有啲長，但識食嘅都知串燒是不可能快的，送到上嚟熱辣辣先好食，比起有啲一早煮定嘅食落差好遠。全消嘅調味料不會太鹹，價錢中等，但材料質素10分高。特別推介辣炒蜆，好大份而且好好食， 10分驚喜。除咗蜆之外仲有好多其他海鮮揀，如果食材唔當造，餐廳為咗保持質素都不會做👍🏻👍🏻現場仲有好多啤酒款揀，同一班朋友chill住飲酒食宵夜都很不錯🥰 而且老闆娘都非常好，第一次去都好似朋友咁同你傾計。會繼續介紹多啲朋友去！

海鮮砂鍋粥 二人套餐 $298套餐包一個海鮮砂鍋粥自選6款串燒啤酒1支 / 汔水兩罐海鮮有好多款，要問返店員當日有咩新鮮海鮮有蝦、蟶子、蠔、白鱔、蜆、鮑魚等等選擇留意返如果想食蟹就要另外加錢個粥好大個水既比例會多DD，無咁米飯感個粥加左好多麻油，搞到好鬼香叫左蝦同白鱔兩款海鮮，食落都幾鮮，無腥味海鮮份量好多，蝦雖然細隻D但滿鍋隨便撈都會撈到，實在太多白鱔無骨，蝦仔已經開左邊，食便都幾方便粥面重有好似加左D類似馬蹄既野爽爽地有D咬感串燒大約有30款選擇揀左其中6款燒生蠔 加$10呢$10加得一D都唔冤枉蠔肉唔會燒到縮埋一舊食落去熱辣辣重會爆汁五花脯粒粒肉都好大粒D筋位好好食，咬落去煙煙韌韌雞翼都幾有肉汁，不過味道無特別主要都係孜然粉既味道雞軟骨中規中矩，好正常既雞軟骨菠蘿非常厚切真係好鍾意燒菠蘿爆晒汁咁好好食翠肉瓜呢個就唔知點解，食落有少少苦可能落太多孜然粉。之後我地再另外試左兩款蒜香燒原條茄子 $38又係無論去到邊我都一定會叫既茄子茄子夠大隻，多汁蒜蓉好幼身，直頭係醬條茄子密鋪左保証每啖食到蒜蓉汁燒白鱔 $28呢個好好食，皮好脆，而且無骨。肉唔乾身，好香，值得一試！

元朗出名多美食 屋企人喜歡食砂鍋粥所以今次選擇到這間店舖雖然位置較僻 裝修簡單勝在店員親切有禮 食物味道不錯海鮮砂鍋粥沒有加任何味精之餘鍋內盡是海鮮鮮甜滋味味道！真心推介！炒蜆今個月做個優惠價一大碟只係$28 濃郁味道多蜆肉 超抵食！小食方面一口和牛粒 嫩腍多汁燒生蠔脹卜卜juicy惹味二人套餐$298包兩款海鮮(不包括蟹)自選六款串燒啤酒一支或汽水兩罐海鮮鍋方面點左聖子同桂花魚大大鍋內盡是聖子同桂花魚足料十足！每一啖粥都是鮮甜的海鮮味可加上蔥花或芫茜聖子鮮甜肥美且彈牙 口感豐富桂花魚滑溜鬆軟 特別可口！串燒有花枝丸、雞軟骨、燒極品一口和牛粒燒雞泡魚乾、燒生蠔、雞中翼燒極品一口和牛粒肉質嫩腍多汁滋味可口！燒生蠔脹卜卜juicy惹味！燒雞泡魚乾襯熱燒完食爽身有咬口香脆可口！辣汁炒蜆 $28可以揀唔辣大大碟滿滿嘅份量都係$28有大排檔嘅小菜味道夠鑊氣 味道濃郁送粥一流而且蜆肉多！推介！

市區最低十二度入到嚟元朗仲凍 梗係要搵啲熱食暖暖個胃 行到去b仔附近 轉咗入一條細街 呢度有西餐 有串燒 有大排檔 不過最後都係揀咗 呢間泰豪燒 因為之前食過 性價比都高 所以決定再食多次 可能因為太凍嘅關係 我哋九點呢個時間入去 客量都不太多呢度有黑啤飲一坐落即刻嗌過二人套餐 套餐包括 兩款自選海鮮粥 而我就揀咗鮑魚同聖子 另外仲有六款串燒 鍋粥真係好鮮甜 香口美味 材料 十足 蟶子同鮑魚 都好新鮮 爽口 沒有過熟 粥入面仲加咗少少麻油 完全將鍋粥嘅精髓 帶咗出嚟 我自己一個食咗四碗芝士蛋串 係 啲蛋入面 包住咗啲芝士拉絲 外脆內軟燒雞翼 好似食緊土匪雞翼咁 好正和牛 串燒 幾乎入口即溶 和牛味很重燒白鱔 完全沒有骨 帶出一點點鮮味燒生蠔 隻生蠔嘅size真係好大 燒得恰到好處 入口滑捋捋 好鮮甜燒牛油粟米 粟米好甜 牛油味重 好正蒜蓉燒茄子 超級重蒜 幾乎啖啖都係 食到停唔到口

元朗大把好嘢食，今次就睇下有冇邊度可以食好食嘅串燒。行過呢間鋪頭，發現佢有砂鍋粥食，又有串燒食！所以就即刻入去試吓啦。入到去，燈光好昏暗，唔算好多人，好鍾意呢個氣氛。好啱同朋友一路傾計一路食嘢。我哋叫咗一個套餐係$298有一煲砂鍋粥，可以自選兩款海鮮放入去，同埋六串串燒。個砂鍋粥一嚟到，忍唔住哇左一聲。因為實在太大兜啦。兩個人都唔知食唔食得晒。不過賣相真係好吸引。我哋叫咗蝦同埋蜆肉。食落去兩款都好新鮮同埋分類有好多。同我哋嘅想像一樣，煲粥真係好大，我哋每人食咗三四碗先勉強食得晒。值得一讚係，啲粥真係好鮮甜同埋好有味，食到個人暖笠笠。串燒方面，我哋叫咗墨魚丸，肥牛腸仔，雞皮，和牛，五花腩同埋鴨胸，仲加咗$10要一隻生蠔。佢全部串燒都好有味，但係又唔會好鹹，連埋啲粥一齊食，真係好鬼夾。兩個女人食到超級飽咁返屋企。真係好滿足。下次再嚟會想試吓佢其他串燒，冬天一定會好掛住佢煲砂鍋粥

鋪頭係元朗舊B附近，輕鐘站西鐘站行過黎大約十五分鐘。雖然係食海鮮砂鍋粥同串燒，但鋪面裝修非常泰式，好新好靚兩間鋪連住，都好多位。餐單有set同埋單叫串燒，串燒種類好多，有肉有菜有海鮮。最後叫左2人餐，有粥有串燒，砂鍋粥可以揀兩款海鮮，有聖子、鮑魚、蝦、蜆等等。蟹就要加多50蚊。而餐可以叫6串串燒，同埋2氣水或者一支啤酒。不得不讚，依到串燒非常出色，唔係港式個隻有醬，濕身既串燒，係好惹味既孜然味，有辣有唔辣，燒冬菇平時燒得好乾，依到係勁多汁，雞翼外脆內嫩，其他菜都燒得岩岩好，一啲都唔乾。司華力腸同燒栗米真係必嗌而砂鍋粥黎到，真係嘩出聲，我地加左$50要蟹，係足足一隻，另外蝦都好多應該有十幾隻，開邊連皮，好大一煲，成煲都好鮮甜，加埋入面有小小馬蹄，好好味最後粥食唔曬，下次可以3個人食叫2人餐再加串燒，嗌埋啤酒，宵夜真係一流

又新街是元朗居民開飯好去處，主打砂窩粥配串燒的，就只此一家。🤗🤗全店都充滿著泰式風情，牆身裝飾估計都是泰國直送的 😍😍我們點了$298的二人套餐，套餐有海鮮砂鍋粥、串燒6串🍡🍢🍡及飲品兩杯。海鮮粥可自選海鮮兩款，用蟹煲粥好味就人所皆知，決定加$50，來個蝦蟹海鮮粥。砂鍋粥份量較預期多，中蝦新鮮，開邊易食；蟹肉鮮甜，回味無窮。粥底鮮味綿潤，用上湯煮成，放入大量碎切蔥花莞茜，確實惹味 😍😍。這煲粥確實好好味道 😋😋🔷串燒篇🔷⚀燒牛油粟米，粟米本身爽口清甜，吸收了牛油後，多幾分牛油的咸香滑潤。⚁燒鴨胸，鴨胸夠腍，調味不錯，撒上香料，分外滋味。⚂燒芝心丸，外層烤香，內裏鬆軟，一啖一粒，再三回味。⚃燒菠蘿，味道甜甜酸酸，入口暖暖，甚是有趣。⚄燒貢丸，外撒香料味粉，入口肉味香濃，迅速秒殺。⚅燒腸仔肥牛卷，喜歡這個，牛肉熟而不韌，配腸仔多點味道跟咬口，很不錯。跟餐飲料，烏龍茶及罐裝忌廉粥堅好味，串燒亦可，價錢合理，環境泰式，服務貼心。香港小店，要多支持。🇹🇭😘🇹🇭

🔥🍢🍆🍺泰豪燒 (元朗)元朗又新街37-51號富祐閣地下14號舖🍢🍢🍢味道：4.5 / 5🍚哩間食店最出名係海鮮沙碢粥本身只係想去食串燒 因為本身麻麻地嗰粥不過見過二人套餐幾抵食有兩款海鮮既蔥花粥仲可以任選六款串燒個粥方面 叫咗墨魚滑同聖子做料好香甜 啲海鮮好足料 仲附送埋冬菇啲粥咬落有口感 因為加咗爽口嘅馬蹄 正但份量實在太多啦 裝到成七碗粥 飽🍢啲串燒實在有驚喜事關平時出去食串燒都會有外熱內冷嘅情況但哩到絕對唔會咁樣 外脆內軟分別叫咗豆卜 雞肉 燒賣 司華力腸 腸仔肥牛卷 同埋 花枝丸每一款加埋泰式辣醬 真係想encore所以再叫埋燒茄子 同 牛柳粒燒茄子個口感似薯蓉 好得意🔥🔥🔥如果用四個字形容我會以用心製作 哩形容呢間餐廳🍆🍆🍆位置：3 / 5輕鐵站大堂路又新街直入 第二個街口轉右🍡🍡🍡環境：3 / 5兩間舖位 地方寬敞舒適裝潢好有泰國feel🍺🍺🍺價錢：4 / 5價錢方面我覺很幾平 因為覺得大件夾抵食二人套餐 $298燒茄子 $38一口和牛 $28

我個人比較少食粥，因爲覺得粥好淡無味，而且又熱辣辣，食完個人好'慶'。但因為最近天氣涼左，又有朋友介紹話好好食，所以都跟住一齊去食。去到覺得個舖位好特別，分左兩邊，一邊係比人食煙，一邊係非吸煙區，對食同唔食煙既人黎講都好方便。我地三個人叫左個二人套餐，可以揀兩款既海鮮粥、六串串燒同二罐汽水。我地最終揀左蝦、加$50蟹粥，仲有雞肉、豆卜、菠蘿、五花腩、雞軟骨、翠肉瓜。串燒個粉好惹味，唔洗再點漿都好夠味，我地覺得雞肉串最好味，好juice。個粥好鮮味，個店員仲好好咁將蔥分開上，啲海鮮食得出好新鮮。最終我地三個女仔食到好飽，如果細食既女仔應該可以四個叫二人餐😋😋

唔係第一次黎食泰豪燒，天氣稍為涼少少，又掛住呢度嘅砂鍋粥、串燒喇。泰豪燒位於又新街，雖然唔係住區內，不過要黎都唔難，有直車到，所以偶然都會選擇喺元朗食晚飯。作為無飯夫婦，都盡量周圍食野，搵啲新鮮感俾自己。餐廳有兩個鋪位，我地黎嘅時間唔早，一邊通常滿座，多數我地都係坐闊落啲嗰邊，冷氣充足，食粥唔怕食到成身熱辣辣。估唔到平日去到九點幾接近十點都仲有人入座，最鐘意呢度餐牌彈性，人多人少都食到餐牌主打海鮮砂鍋粥，即點即煮，有九成人係點套餐，分2/4/6人，包括海鮮砂鍋粥、串燒、飲料。套餐定價$298/498/798，人均百五蚊可以食粥、串燒，價錢合理。至於視乎當日供應，有例如蝦、蟶子、蜆、魷魚等，如果鐘意食蟹或者想煲粥再鮮味，可加錢轉蟹。串燒方面，套餐中嘅自選選擇都算多，例如雞翼、芝心丸、雞軟骨、司華力腸、雞皮等超過廿款小食雞翼尖入口離骨，幾入味，蘿蔔炆得夠腍，無渣。香辣炒蜆 $48是日推介係炒蜆，見隔離枱嘅幾吸引，就點黎試下，話哂我都係個蜆控，男朋友都讓我食哂咁濟。蜆肉雖然唔係好大隻，但勝在份量多，唔會得啲空殼，而且調味得宜，加左紅、青椒、蒜炒起，好香口惹味，辣度唔高，食得過癮二人套餐 $2

呢間隱世泰式串燒店一入到去好有泰式風味既擺設同裝修 店員好有禮貌咁招待我地 $298二人餐有自選海鮮粥 自選串燒 同汽水串燒食左 肥牛腸仔、雞軟骨、甜紫薯、鴨胸 所有食物尼到都香噴噴海鮮叫左鮑魚同墨魚挖做粥底 尼到既時候好香 店員仲有細心介紹材料 可以自己揀落唔落蔥同芫茜 串燒總括係每一種都燒我岩岩好唔太乾唔太濕鴨胸肥牛腸仔豬軟骨全部都有肉汁 唔硬 估計係用慢火燒留住左肉汁甜紫薯唔會太濕粒粒 仲有少少脆口 甜甜地好新鮮見串燒燒得咁好食再叫多咗：菠蘿翠玉瓜一口牛 菠蘿又甜又多汁 翠肉瓜食唔會因為燒完而得番熱氣 保存到蔬果既鮮味 一口牛最好食 牛肉味濃同鎖得住水分 廚師好細心唔會燒到支竹籤癡笠笠 (出面好多串燒店都做唔到) 今次比好高評價😍👏🏻

今早和同事上深圳開會，晚上與他搭B1巴士🚌回家。車程中傾開元朗區有很多美食，講到就肚子餓，即興吃埋晚飯先返屋企😊，於是在又新街落車，附近見到間食串燒🍢「泰豪燒」又去試下啦！進入餐廳內感覺環境舒適，座位寬敞，我們可以一路吃東西一邊傾吓計👍👀睇睇餐牌先，不單止食串燒🍢仲有砂鍋粥🍲套餐😋咁就叫個二人餐食啦！好驚喜✨店員送給我地一個小吃，雞翼尖味道不錯喔！再來一碟不同種類串燒🍢🥖，👃聞到香噴噴燒烤味，可以吃到多款精選，啱晒我眼闊肚窄既人😬「汁燒白鱔」睇落乾爭爭，咬落卜卜脆，估不到肉質保持鮮味爽口，好好味😍最後來個海鮮砂鍋粥🍲，味道鮮甜，鱔片彈牙，傾吓計不知不覺我吃了四大碗😆

元朗又新街美食好多，唔知食邊樣好，發現到後邊街有一間泰豪燒，有砂鍋粥同串燒選擇，就決定入去試吓啦😍店舖的裝修簡約舒服😌座位與座位之間都有空間餐牌上的套餐好抵食，有多款串燒選擇。得我同媽咪兩個所以選擇咗二人套餐。店員好細心，知道串燒同粥都要時間去烹調，所以即時捧上一碟小食醫肚先😍😍😍熱辣辣串燒到，五花腩超好味，腩肉半肥半瘦，岩岩好👍燒豆卜，豆腐皮燒到脆卜卜，配埋甜酸醬，簡直一流👍👍👍燒鱔-魚皮燒得好脆，咬落去索索聲，魚肉爽口😋😋😋套餐的砂鍋粥我選擇兩款海鮮，我就選擇左鱔再加鮑片，煮出來的粥超甜，每人食左三大碗😍最後當然飲番罐加多寶，大滿足