影片
更多
2018-09-25
40 浏览
每次想食串燒，無論係油尖旺定觀塘收工，一定會專程入嚟元朗，講起串燒暫時無一間能比美泰豪燒。有圖有真相，每串份量絕對唔揸流攤!厚切翠肉瓜每次必點，爽脆Juice，唔會出水出到成塊淋晒，又唔係燒到乾爭爭。今次仲叫左芝心丸，一串5粒，芝心丸嚟講第一次食呢隻隋圓波形，驚喜高質，好食過平時打邊爐四四方方個隻假芝士心。其他就唔一一介紹，隔住個mon都應該睇得出有幾高質量吧，泰豪燒絕對唔係得個殼。茄子又係必叫!!! 可以連皮食嘅燒茄子去邊搵？食燒烤好怕啲蔬果類出晒水，淋晒，無口感最後想介紹下個牛舌，上枱一刻真係嚇一嚇，一般食肆都係切到薄一薄，得兩三塊，差不多嘅價錢係呢度係原條上，仲要一串兩件！都係個句，有圖有真相，配料味道剛剛好，唔會重口味到連本身食材嘅味都遮晒！讚讚讚👍🏿
有圖有真相，每串份量絕對唔揸流攤!
厚切翠肉瓜每次必點，爽脆Juice，唔會出水出到成塊淋晒，又唔係燒到乾爭爭。
今次仲叫左芝心丸，一串5粒，芝心丸嚟講第一次食呢隻隋圓波形，驚喜高質，好食過平時打邊爐四四方方個隻假芝士心。
其他就唔一一介紹，隔住個mon都應該睇得出有幾高質量吧，泰豪燒絕對唔係得個殼。
茄子又係必叫!!! 可以連皮食嘅燒茄子去邊搵？
食燒烤好怕啲蔬果類出晒水，淋晒，無口感
最後想介紹下個牛舌，上枱一刻真係嚇一嚇，一般食肆都係切到薄一薄，得兩三塊，差不多嘅價錢係呢度係原條上，仲要一串兩件！
都係個句，有圖有真相，配料味道剛剛好，唔會重口味到連本身食材嘅味都遮晒！讚讚讚👍🏿
张贴
