泰豪燒 (已結業)

今晚同娘親大人食飯去，同得娘親去當然要精心挑選一下，試左呢間「泰豪味」，質素喜出望外，真係要寫翻兩筆讚下！首先餐前小食係少少辣嘅蒜味雞翼尖，辣得埋又香，加一罐加多寶涼茶，過癮！串燒四季豆，陣味有d似咖哩加孜然粉，少油乾身，又香又好食燒厚切牛舌，一咬汁都滴出o黎嘅 juicy程度，調味恰到好處，空口可以食10寸！燒蝦嘅香不嬲都令人垂涎三尺，呢隻蝦肉仲要超彈牙，鮮爽一絕鰻魚厚身，咬落肥美香兼備，係一般食肆鰻魚不能作比較嘅蜆肉粉絲嘅粉絲索曬D汁，吸收曬D精華，食到一條不留水蟹蟶子粥鮮甜有層次，有馬蹄同冬菜係棉棉嘅粥入面，口感十分豐富，呢個一定係回頭必點之作。