泰海鮮 (已結業)

想食海鮮第一時間就係呢到，自從同同事去過呢到，如果夠人嘅話要食海鮮都絕對推薦，這裡嘅特色係就係要在海鮮檔買海鮮後來這裡加工，而加工費唔貴，最緊要係個味道煮得非常好味，今次海鮮就由朋友們發板，我就先點了個海鮮湯每位$20計，呢個湯夠晒鮮味之餘重用料十足，湯還湯同湯料分開上，湯中材料有魚、有大大隻彈牙嘅蝦、沙白蜆、番茄薯仔，唔好以為啲湯料滾完湯就冇味，其實一樣咁鮮味！因為要等海鮮嘅關係叫了個必食豬扒 $96，肉質嫩滑軟熟，豬扒上嘅醬汁均勻，入口夠晒juicy ，加埋上面嘅香口白飯魚，真係開飯時必食之選！今次就有芝士焗龍蝦配炒飯底，今次比較特別用炒飯底，新口味新嘗試，一般都係清湯煮或芝士伊麵底，一試之後我估呢個真係超正！本身龍蝦嘅肉質彈牙爽口鮮味已經好正，但個芝士炒飯吸收了龍蝦嘅味道加埋個香濃芝士飯，大家都不停將個芝士炒飯𢳂到碗內，真係十分好味到差點連主角龍蝦都忘了！另一個必食推介就係白酒忌廉煮花甲配烏冬，呢個都差不多每次必點嘅食物，花甲就係朋友們見到今期比較新鮮嘅貝類，配上呢個煮法，個白酒忌廉汁配埋烏冬真係夠晒入味，花甲本身嘅鮮味加埋白酒忌廉一齊煮，肉質爽口彈牙鮮甜，而烏冬軟熟彈牙夠晒煙韌

友人說常常見我的 Facebook 也會post 不同的美食，某天突然問我，那先可食到新鮮又味美的海鮮，BeautySearch 當然第一時間想起三聖的《泰海鮮》。 不過，要吃生猛海鮮總不能一兩個人，所以，我倆約同幾位海鮮愛好者，於假日一同殺入三聖吃海鮮！ 每次來到泰海鮮，BeautySearch 均必點選這兒的海鮮湯，因為實在太足料呢！而且當中的海鮮更是新鮮的，令湯水份外鮮甜，唔腥又唔油膩，每位只需 HK$18，實在太超值。不少朋友也不會錯過品嚐當中的湯料呢！ 因為不是每位朋友也就腳，所以每次前來泰海鮮，總需要多等一會才齊人，而我們就最愛在此時先點選一個泰式拼盤來品嚐，拼盤中包括泰皇芝心蝦丸、春卷、椒鹽鮮魷、麻辣豬耳、泰式鳳爪等 (大 - HK$188) 而當中 BeautySearch 最愛泰皇芝心蝦丸，外皮相當酥脆而且有口感，不但芝味濃郁，還有那流心的效果，真的相當吸睛。 眾多海鮮中，元貝可算是我數一數二的最愛，簡簡單單以蒜蓉粉絲蒸煮，已相當味美，大大隻的元貝，加工費每隻只而 HK$15，真的比買材料回家煮更方便呢！ 想吃矜貴一點，還有薑蔥鮑魚煲，甫打開煲蓋，一陣香濃撲鼻而來

人人都睇世界盃。尤其班男人，變成日間訓覺+晚間精精神神睇波的生物!我不是場場睇波的人，悶悶地叫埋成班朋友一齊吃海鮮 lunch 。關財記買的海鮮 。雖然係休漁期，海鮮質素依然令人滿意!泰皇芝心蝦丸(3粒)  $78 先來超巨型的芝心蝦丸，外面麵包粒炸得通脆，裏面依然有流心芝士，交足功課的 。大人小朋友都喜歡呢！芝士焗龍蝦配炒飯底 今次重點係芝士焗龍蝦。芝士汁撈飯吃 ，剛剛好，令大家不禁狂在添飯底！龍蝦都有啖啖肉!!海鮮湯 (雜魚、蝦、沙白蜆、番茄薯仔湯) 一場來到，一定要飲鮮甜十足的海鮮湯，今次的蝦仲好大隻呀!抵食之選!砵酒焗桶蠔差不多每次都點的焗桶蠔 ，不會有腥味，超巨形又入味。每次都起碼食2隻。麒麟啤酒$18 汽水$10     食海鮮都會伴上瓶裝汽水或啤酒。大吃一輪後，好似暫時忙掉失蹤的男人？

每次一提到食海鮮，屯門三聖邨總是不二之選。無他，全因這裡嘅海鮮，每日從碼頭上岸便立即送到海鮮檔，海鮮自然是一手靚貨，質素佳，價錢合理，所以附近嘅酒家已經成為近年食海鮮嘅熱門聖地。早前友人相約飯聚，就揀咗三聖街三聖商場地下這間人氣海鮮餐廳「泰海鮮」。長途跋涉來到屯門，加上天氣熱辣辣，所以甫坐下，便立即點支冰凍可樂降降溫。至於選菜方面，既然友人是地膽，所以餐單就決定交由他發辦，而我地就一於坐定定等食。趁仲未人齊，先點個泰皇芝心蝦丸同必食豬扒過吓口癮。蝦丸非常巨型，成個網球咁大粒，外層香脆鬆化，而入面嘅蝦肉亦爽口彈牙，咬到中間，香濃嘅芝士就會傾瀉而出，十級邪惡。接著上桌嘅必食豬扒 ($96)  亦碟頭十足，面頭鋪滿香脆嘅銀魚仔同洋蔥，賣相吸引。先挾起一塊豬扒試試，肉質非常嫩滑，完全唔韌，醃得好入味，既鬆軟又有肉汁，加上面層的香甜嘅豉油味，風味獨特，是送飯嘅最佳拍檔！砵酒焗桶蠔 ($124)，熟識筆者的朋友，都知我絕非蠔的粉絲，不過這碟砵酒焗桶蠔真係做得非常出色，蠔肉肥美，外帶焦香，而內裡亦軟嫩滑溜，醬汁甘甜中更帶陣陣酒香，甚得我心。食完桶蠔就輪到試吓呢碟豉椒蟶子皇 ($108)，先挾起一串蟶

今日係父親節, book 左五位。去左呢間屯門三聖入面既泰海鮮,因為聽朋友講呢間都唔錯,係三聖食海鮮數一數二唔錯既鋪頭。我地自己買海鮮去加工,味道都唔錯。大斑兩味,🦐，蟶子,呢三樣係另外比加工錢既。另外叫左個通菜。可能我地屋企人食得比較重口味，所以整體感覺都幾好食。如果大家平時食得比較清淡,可能叫餸時叫廚師唔好落禁重口味。不果上菜時間就比較慢,食完一道菜要等好耐先有另一碟上。或者果日係父親節,可能平時會快啲

第一次嬲到要上嚟寫食評。今日專程由旺角，嚟到三聖食海鮮。我地先到附近海鮮鋪揀咗6隻大蟶子，2隻賴尿蝦。之前已經幫襯過泰海鮮四五次，水準可以，所以今次再嚟返呢到，等咗大約10分鐘就可以入座。坐低之後，我地一如以往選擇豉椒炒蟶子，同椒鹽炒賴尿蝦，另外再叫多個雜菜煲。等咗15分鐘，椒鹽賴尿蝦率先報到。（心想：奇怪了，以往都是蟶子先登場……）再過15分鐘，賴尿蝦食完，另外2道菜仍未出現，飯都漸涼。我哋擔心漏單，所以搵咗其中一名女侍應問問，她只敷衍地說：「係咁耐嫁啦！」，然後就調頭走咗。（咩態度？）再過10分鐘，我哋搵咗另一個女侍應問，問佢會唔會調亂咗送咗上第2枱？佢亦只係敷衍地答：「無可能嫁，出緊嫁啦！」（你無入過廚房點知出緊呀？）再過5分鐘，海鮮煲黎啦。（蟶子呢咁？）後面個枱遲過我哋坐低，蟶子都煮好了。再過多5分鐘，我哋再追另一個男侍應，結果一啲都唔意外又係得到廢中之廢嘅答案，佢話：「而家好多單，廚房出緊嫁啦！」我地話：「15分鐘前你哋同事已經話出緊，就嚟等咗成個鐘啦喎！」之後佢先行入廚房望吓，但出返嚟又無答我哋。過多5分鐘，再問返個男侍應，佢只係用不屑嘅眼神望一望，然後話煮緊。（我俾你煮一

朋友住屯門 千里迢迢入去當然要食吓好西🧐食飯前飲個湯是常識吧這個湯不得了！睇我重點影湯渣就知🤣🤣🤣！！賴尿蝦拎去滾湯！！立即令到個海鮮湯勁左！佢主要味道來知蕃茄薯仔 不過就比平時的蕃茄薯仔湯更鮮更甜！有圖有真相🤣味多湯渣點會唔鮮甜？！聞說奄仔蟹是好正的🤔比大閘蟹更正果然冇令我失望🤔🤔睇吓！！好多膏真係咁黃咁多冇P圖架🤣啲膏好鮮 好香膽固醇超標人士要小心！！好大粒蒸扇貝！！佢係我食過最大粒既扇貝！個殻完全可以當碟用！！好大粒肉！！不過成個餸的靈魂在粉絲🤣吸晒啲鮮味 完全係精華所在好滿足

夏天黎到又係去沙灘游水既季節中午同家人去黃金沙灘游完水後，搭巴士坐幾個站黎到三聖食埋個海鮮下午茶先走 ~泰海鮮~青山灣焗芝士龍蝦有三款芝士舖在龍蝦上， 就係叫青山灣焗龍蝦，由來唔知點解， 但好好食個芝士面非常厚身，焗得又香脆龍蝦肉肥大肉厚白酒忌廉煮花甲配烏冬之前睇facebook見到黃秋生介紹過 勁鐘意食旋風式被ko忌廉味濃， 有少少酒香配上烏冬口感份外香滑蒜蓉粉絲蒸元貝粉絲入味， 元貝蒸得剛剛好鮮味十足彈牙口感佳，每人食左兩隻必食豬扒 $98小朋友來到必叫推介佢令小朋友食到一碗飯呀泰海鮮食海鮮係來貨加工嫁海鮮在關財記買

今年的母親節媽媽有興趣食個海鮮大餐, 雖然在家吃是經濟一點, 但無理由當天還要她煮吧! 於是就帶她入三聖邨食海鮮, 上次和朋友在泰海鮮吃的一餐實在太值得回味了。好彩之前已訂了位, 在周末真的很多人。我們一行幾人拿了位後, 我們便先到附近的海鮮檔買海鮮。早幾天剛看了影帝嘆的海鮮大餐實在十分吸引, 於是我們便跟着餐單點了幾款。這碟雜錦海鮮有有蜆有瀨尿蝦, 一看就知足料大堆頭, 其實只是湯渣!!$20 一位的海鮮湯真心覺得抵, 每一口湯都是海鮮精華, 鮮甜得要命。加上雜魚, 番茄薯仔等, 味道濃而不濁, 簡單又好味。要不是還有其他海鮮, 我會一定要飲三碗。咸蛋黃金醬的熱潮繼續火熱, 所以我們也點了香口的黃金鮮魷。魷魚肉厚味鮮, 咬吃來彈牙爽脆。脆炸後再加上惹味的咸蛋醬, 外脆內軟, 咸香又惹味, 實在是送啤酒的好物。我們很快便把它清碟了。這個豉椒蟶子皇配煎米粉底是我上次吃完後念念不忘的, 今次再encore。蟶子大大隻的啖啖肉, 加了豉椒加了香味亦帶走泥味。而煎米粉底既脆口又飽肚, 濃味的豉椒味和淡味米粉的真是個很好的配搭, 咬下去還能吃到點點點的米粉香。接着的兩個海鮮就是跟着影帝點的, 白

我自己好鍾意食海鮮, 所以定期也會相約友人一齊去, 今次便去了屯門泰海鮮食海鮮. 客人可以先係旁邊的海鮮檔選自己鍾意的海鮮. 今次我地選了幾款菜式. 豉椒蟶子皇配煎米粉底. 上枱時已香味撲鼻. 蟶子算大隻, 肉質夠爽口彈牙. 而且以豉椒整, 特別惹味, 也令人特別開胃. 另外, 配上煎米一齊食, 雙重口感. 蒜蓉粉絲蒸元貝. 食完較濃味的蟶子, 就食番一款蒜蓉蒸的元貝. 元貝相當大隻, 蒸的時間剛好, 夠鮮美. 粉絲係重點所在, 吸收晒所以精華. 青山灣焗芝士龍蝦. 鍾意食芝士的朋友不能錯過這個. 龍蝦面全是芝士, 真係好邪惡. 入口時感覺幾香濃的芝士味道, 而且龍蝦肉相當彈牙. 砵酒焗桶蠔. 桶蠔好大隻, 蠔味夠濃郁. 一口氣食了數款海鮮, 真係令人回味無窮. 最後飲番個海鮮湯, 滋潤一下喉嚨. 為這一餐寫上完美句號.

前陣子 Dayz 有幾位加拿大的親戚回港旅遊他們指明要吃鑊氣十足的 Hong Kong style 海鮮所以 Dayz 就帶他們去三聖的泰海鮮囉～之後還去了黃金海岸走走呢！加拿大親戚們對於（客人）要先去海鮮檔購買食材表示驚訝自己挑選的海鮮才夠新鮮嘛～我們從關財記買了蟶子、花甲、元貝、奄仔蟹等海鮮再帶到餐廳加工泰海鮮周末及公眾假期的加工費是每斤HKD 56 起 首先要來一支樽裝可樂～這樣子才夠風味嘛！在海鮮加工期間，我們點了一份泰式小食拼盤邊吃邊等有芝心蝦丸、春卷、椒鹽鮮魷、麻辣豬耳及泰式鳳爪其中 Dayz 最喜歡爽口紮實、又流心的芝士蝦丸還有酸甜當中帶辣、惹味的泰式鳳爪呢！海鮮蕃茄薯仔湯以蕃茄及薯仔作湯底加入了魚肉、蜆及瀨尿蝦等海鮮烹煮味道非常鮮甜喔！說到 Hong Kong style，又怎能少了用豉椒炒的海鮮呢？豉椒蟶子皇配煎米粉底豆豉的咸香加上指天椒的甜味帶出了肥美蟶子的鮮甜舖在蟶子下面煎米粉充份吸收了蟶的甜味及微辣的豉汁滋味十足今次好幸運，買到珍寶Size 的元貝用來做蒜蓉粉絲蒸元貝就最適合了！蒜蓉只是簡單地用糖、鹽和麻油調味不會搶走元貝的鮮味元貝蒸得剛剛好，肉質彈牙而粉絲吸收

間中就會拉大隊黎食海鮮，就揀左今日好日子，黎個海鮮宴先。叫左泰式拼盤，有芝心蝦丸、春卷、椒鹽鮮魷、麻辣豬耳、泰式鳳爪，十分豐富，蝦丸勁彈牙，芝心爆漿，鳳爪勁爽，辣得過引，豬耳有咬口，辣辣地又香口，薑粒生蒜勁正，春卷同鮮魷不過不失啦，新炸起香口野都唔會唔好食。豉椒蟶子皇配煎米粉底，呢樣係每次黎必食，豉椒夠惹味，聖子爽無砂，最正係米粉底，煎到成塊薄餅咁，吸了汁勁正。白酒忌廉煮花甲配烏冬又係無得輸，忌廉汁好香酒味，又香又滑，花甲鮮甜，同樣無砂啖啖食好正，但最正係撈左汁嘅烏冬，起好味，啪啪聲搶食。薑蔥鮑魚煲，上枱超香呀，啫啫聲啲薑蔥味湧出黎，鮑魚爽口彈牙，鮮味十足。蒜蓉粉絲蒸元貝，豉油加埋黃金蒜無敵好味，元貝又爽又甜，粉絲吸了豉油汁蒜香同元貝嘅鮮超正喎，食到一滴都無淨。好味好味好味十個讚！！

住屯門有個好處, 就係食海鮮無難度, 很容易便到了三聖村, 係海鮮檔買完交比酒樓就OK! 今次買左5款主要海鮮, 大約九百幾蚊。 花甲 (白酒忌廉煮花甲配烏冬) 每次食呢個都覺得烏冬才是主菜, 因為烏冬完全吸收了白酒忌廉的味道. 當然, 新鮮的花甲地大大地提升了整道菜的味道. 鮑魚(薑蔥鮑魚煲) 火喉剛好, 鮑魚沒有過熟, 鮮甜的鮑魚加上薑蔥的香味, 真的要趁熱食啦! 元貝(蒜蓉粉絲蒸元貝) 這麼大的超級元貝, 簡單地用蒜蓉粉絲蒸已經是完美的了, 真的不須要再配上其他味道, 食前加少許豉油提鮮, perfect! 龍蝦(青山灣焗芝士龍蝦) 青山灣焗芝士龍蝦是這兒的名菜, 龍蝦熟度剛好, 芝士香而不膩, 除了這兒, 真的想不到有什麼地方可以食到. 奄仔蟹(鹽油焗奄仔蟹) 又是時令的奄仔蟹, 多膏鮮甜, 又是最簡單的煮法就是最能保持原味的了! 除了這些, 也多點了鮮料海鮮湯, 每位都只是收$18, 我們只要在海鮮檔執少許海鮮(雜魚、瀨尿蝦、沙白蜆) 加埋番茄薯仔湯, 就成了鮮味的一個湯了. 一人都有兩碗的. 除了海鮮, 也點了出名的泰皇芝心蝦丸, 香脆, 芝心是流出來

雖然米芝蓮係飲食指南，不過佢哋鬼佬嘛，講到香港菜，真係識條鐵咩。生抽皇黃秋生就唔同，雖則佢都係半個鬼佬，但最少係香港土生土長，佢話好食嘅，我信嫁。早排見到佢去屯門食海鮮食得咁開心，梗係跟，做唔成影帝都可以食影帝餐嘅﹗餐廳就酒樓格局，無咩特別，最多就係坐房同坐大廳有唔同收費。平時食飯就頭痕揀咩食，今次簡單，黃秋生食咩我食咩，唔夠飽就搵伙記推介，完全係思想殘廢餐。唯一要揀嘅，咪汽水定啤酒囉，畀我見到佢哋係玻璃樽版本，一定係飲汽水，啲氣「鋸」好多～影帝餐第一道係白酒忌廉煮花甲烏冬，花甲係啲肉係飽滿到貼邊而唔係空殼公司，抵食吖，同埋就算有忌廉汁係度都食得出隻花甲嘅清甜。作為好酒之人我當然希望白酒味再濃啲，不過食得出白酒嘅香味已經好夠。而忌廉就比平時食西餐嘅白酒忌廉黃身同多幾份甜味，量多但唔係水汪汪，就算攤凍咗入口都唔會好膩。烏冬本來無太大期望，又估唔到佢食落夠滑溜，口感唔會過鬆散或太結實，唔係我買開十蚊幾包果種純醫肚Cheap貨。泰皇芝心蝦丸就係成粒手榴彈咁嘅炸芝士蝦丸，香脆嘅麵包粒食落去無油膉味，裡頭包住嘅蝦丸亦彈牙唔係一口麵粉，而且仲有個一咬就爆嘅芝心，除咗要小心啲芝士係口裡面爆出嚟，仲要

本來已十分多人來食海鮮的屯門三聖，自從某某明星介紹過後，晚上是完全book不到枱。是日的飯聚為避開人羣，改在下午食，一來容易book枱，二來買海鮮不用同人爭崩頭，慢慢食傾下偈都不用有壓力。餐單由朋友拍板，一口氣叫了多款海鮮，每款也是約十人份量。黃金鮮魷近期大熱的黃金菜式呢度都有得食喎，犀利呀，每塊魷魚的外層都包滿鹹蛋黃㗎鹹香爽口，勁正，一上枱就清碟啦。海鮮湯海鮮湯同樣驚豔，濃濃的鮮味真係唔講得笑，蕃茄薯仔湯底加上超級鮮甜的海鮮味，每一啖都是精華，一定要襯熱飲，凍左會有少少腥。湯渣，幾多料喎！瀨尿蝦（超大隻），白沙蜆，鮮魚等，睇呢堆湯渣就知煲湯有幾甜啦。薑蔥鮑魚煲上枱個陣薑蔥香好正，啫啫煲喎，鮑魚勁爽口彈牙，好正。好彈牙，好滿足呀蒜蓉粉絲蒸扇貝嘩，好少見咁大隻扇貝，會唔會離譜左呀？蒜蓉蒸又香又鮮，無得頂呀。帶子位好鮮甜，蒜蓉香口，加少少豉油啱啱好。青山灣焗芝士龍蝦仲有萬眾期待的龍蝦，又係大隻都誇張，開半用芝士焗，隻隻都超飽滿。龍蝦半隻，個芝士面又香又脆，超厚芝士，芝士控表示心心眼內裏的龍蝦肉仲好嫩滑好鮮味㗎，焗得剛剛好一啲都唔過火，超正椒絲腐乳通菜最後整返碟菜埋尾，夏天就食下通菜啦。好滿