泰屋

营业中

休息中

尋晚放工晚了少少, 打電話原來爸爸都未食晚飯 所以近近地就選址太子揾間餐廳食飯~ 因為爸爸想食THAI菜既闗係, 係旺角中心近太子果邊行左一陣 見到係大母指樓上有一座商廈係成座食店來的 我地就揀左呢間泰屋來試試~ 地方闊落好座, 而且最欣賞食客想坐闊少少既位, 服務員都會盡量滿足要求,而且態度親切勤快, 個人覺得係度食得開心~ 食物選擇都好多,平時常點既都可以係度揾到, 價位中等, 可以接受~ 太熱既闗係, 先來二個椰青解解渴~~呢度既椰青好墜手好重, 入面有好多椰青水喔~~~ 而且椰青水解渴清甜, 仲可以解熱氣添~ 海南雞(半隻) - 份量都幾多, 雞脾肉滑嘟嘟, 雞味都好濃郁, 再沾埋薑蓉同酸甜醬, 可以送成碗飯~~ 烤蜜糖雞翼 - 蜜糖令到雞皮又甜又脆又香口! 好好食!!! 一啖咬落去, 雞肉汁BI晒出來, 好JUICY好嫩滑呀! 椒鹽鮮尤就一般少少, 個避香塘蒜蒜係好食既, 夠香又脆卜卜, 但鮮尤就真係唔夠彈牙, 淋左少少, 不過碟頭夠大, 二個人都食唔晒呀! 泰屋 旺角彌敦道726號2樓 28073366

今日約左d fd去傾行程，約係旺角就最岩啦！！我地黎緊會去泰國旅行，係時候plan下行程啦！我地又係食泰國野喎！我地先叫左個冬蔭公湯，食泰國野點可以唔叫冬蔭公呢？由於我地叫左個大既，有成4隻大蝦同好多菇，好足料！湯雖然可以見到好多辣椒，但係飲落其實一d都唔辣，我反而覺得佢偏甜。之後就係一個小食，叫左「酸辣鳳爪」，份量比我想像中多，全部都係無骨既，味道酸多過辣，我覺得可以再辣d，鳳爪夠晒凍，醃得都好入味，酸酸辣辣咁幾開胃，用黎送支泰國啤就岩啦！泰國菜我最中意就係食串燒，我地叫左半打雞，黎到仲熱辣辣架，雞肉燒得唔錯，串完雖然會有啲硬但係仍然feel到𠴱種嫩，燒起上黎個皮仲有d脆脆tim！我地最後叫左個主菜：咖哩海鮮包，呢個包夠4個人食！咖哩一d都唔辣，甜甜地咁，有d似青咖哩𠴱種，咖哩汁內仲加左d雞蛋tim！個包好大個好鬆軟，至於配料方面，海鮮都幾包羅萬有，有三隻青口、魚塊、魷魚等，青口絕對唔痴牙，好爽口，魷魚就好煙靭，好有口感！將麵包加入咖哩度食，咖哩令麵包更加軟林林，味道拍得住油蔥餅架！下月就出發啦，一齊過一個熱辣辣既假期啦！

朋友gathering 一致通過想食泰國野，今日就黎到網上好多人推介既泰屋地點非常易搵，就在彌敦道，往太子方向旺角中心旁。泰國很多人信奉佛教，店內不乏佛教裝飾。我地約左7點，大概7點半已經人山人海，好在一早book左位.泰式拼盤先黎既係去泰國餐廳必叫既泰式拼盤。拼盤有泰式春卷，魚餅，蝦餅，雞翼。非部都新鮮炸起，熱辣辣非常香口！春卷是齋春巷，入面有好香既芋頭餡蝦餅啖啖肉，非常足料，外面炸到脆卜卜，入面蝦肉非常彈牙。雞翼味道偏甜泰式酸辣鳳爪另一最適合做前菜既冷盤。做得冷盤，最緊要夠凍，最岩夏天做前菜，解暑開胃。鳳爪去晒骨，最岩我呢啲懶人。隻隻鳳爪都爽口彈牙，酸酸甜甜，更上少少辣，全部人都讚不絕口，仲想encore!沙嗲雞 半打非常驚喜！雞肉大大串，雞肉燒完之後仍然好多肉汁，好滑，相信定必即叫即做，並非放係火爐上任意燒到乾爭爭。沙嗲醬非常美味，好重花生香，同雞串非常夾，大家都食唔停口！冬蔭公湯 （大）店主提議我地有4個人可以叫個大既冬蔭公湯。一上台，聞到同埋就甘睇就知非常地道！聞到既係聞聞香矛，椰奶香，夾住青檸，辣香，睇到鮮橙紅色更加流晒口水！內里都非常足料，有3-4隻大蝦，磨菇等等。飲落非

昨天一行八人book位book左8點去到這間泰國餐廳想試一試，我們因爲準時收工，我同另一位同事7點已經去到餐廳等希望可以早食早走，點知...時間一直一直咁過，到了8:30分反而先放一班book咗8:30一行19位既人客入咗先(個班19人未齊人）反而book 咗8點位8人到齊未唔可以入坐，我於是話佢我話有無搞錯book8點都未入到位，8點半19人先入先，佢話19人長枱剛剛四張枱拍埋，佢話另一張8人位留比你(我心諗8人枱隔離食客唔會走既）點樣我book 8點都係輪我地先...所以衣間野唔會再黎，未食飯都已經一肚氣... 由7點望住一間餐廳半數枱book時間但都要等多一個鐘才齊人開始食(有d book 7點可以8:30先齊人叫餸食飯)食物方便，冬陰公-唔夠辣、菠蘿炒飯-飯唔夠乾身通菜-夠辣、小食拼盤-蝦餅少鹹、雞翼-無咩味.個大隻服務生都幾好.唔會再黎....

今天我要檢討保險經紀相約最好大家都就腳想到旺角726 的泰屋因其豬手飯非無別家吃泰國午飯是今夏一個心頭好氣溫超高胃口不開叫兩個午餐先送上血紅經典泰國式冬蔭功湯快餐價格兩個凍飲超強一個珍多冰一個本人至尊凍泰啡在綠色環境下吃一款62$ 極多料豬脾肉飯跟翡翠般正的芥蘭菜豬手連皮好吃不肥！這樣一個海南鮮雞飯兩樣調味品本來不算有胃口的人被冬蔭功辣湯刺激作用⋯⋯吃掉所有飯餸竟毫不猶豫地把海南雞下面鋪碟的生菜都食光！

一行四大一細，2000(事前電話訂位），2005便有位安排！食了8個菜，串燒，生蝦刺身，炒菜，農夫包咖哩軟殼蟹，炸蝦餅，濕炒牛河，生菜包。。樣樣都好好味！熱度味道都非常適中！特別是個農夫咖啡軟殼蟹，連汁上，但d 蟹炸得好鬆脆，沒有被汁攪到淋哂！大家最欣賞是餐廳環境坐得舒服，招呼好好，不限時，外切餅帶又不另收費，在現在舖租咁貴的時代，任座，對於一d 難得約到的聚會實在非常重要！是晚消費hkd 1000, 非常商宜，會繼續幫襯及推介！

今次我地小花聚會揀左食泰國菜，食呢間店既朋友，要有心理準備，喺食飯呢個繁忙時段，樓下等電梯會好多人排隊，幸好呢間喺二樓，步行上去都可以。我地四個人叫左小食拼盤，柚子沙律、泰式鳳爪、青咖哩配薄餅、炒飯同炒青菜。小食黎講，春卷較好食，蝦餅魚餅比較鹹，雞翼油左啲。嗰炒飯好食，可惜啲配菜蝦片已經唔脆口了。有啲辣，但惹味好食，甜酸度適中。呢個識食一定會配咖喱一齊食，食一塊已經夠了，太多又會膩。蔬菜…水準不錯。青咖喱，唔辣既，甜甜的味道，最啱配薄餅。柚子沙律，柚子清甜，蝦好大隻，抵

1. 泰式珍寶拼盆(蝦餅/魚餅/素春卷/雞中翼)（細$128/大$208）當中炸蝦餅特別出色，爽口彈牙，🦐蝦味又濃，炸粉夠晒薄，魚餅就冇炸得咁香脆，肉質結實D，素春卷入面有粉絲木耳，配甜酸醬就最啱🤤雞中翼都唔錯彤樂評分：8.5/102. 原個椰盅海鮮焗飯（$82）🥥未食都聞到好濃椰香味，味道香甜，加上飯入面夾集左椰子肉🥥，啖啖飯都有椰香味好滿足😍海鮮唔算特別多，但夠鮮甜，有魷魚、蝦、青口各兩隻😁彤樂評分：8.5/103. 醃肉碎生菜包(豬)（$82)🌮🌶提提大家，依款食物接近二至三小辣架🌶加上辣味，醃肉碎勁惹味，放係爽脆生菜一齊食就啱晒🤤彤樂評分：9/104. 泰式沙嗲(豬/牛/雞)任選兩款半打（$82）所有肉都燒得好香，肉質唔算好滑，但絕對唔韌，一定要點有花生味嘅沙嗲醬🥜，咁先食到個精髓😂😂😂彤樂評分：8/105. 海南雞(半隻)（$128）個樣係唔差，但真心唔夠溝，仲有D韌，好失望彤樂評分：4/106. 泰式香芒軟殻蟹（$138）香脆軟殻蟹沾上濃濃芒果味，食落又幾清新😍，不過唔知點解D配料有D辣味😅彤樂評分：8/107. 馬拉盞炒通菜（$72）通菜炒得好爽脆，加上馬拉盞提味，點都唔

近年旺角726被打造為食肆大廈，多國菜乜都有得食，今次就去左勁多人推薦既泰屋。青木瓜沙律，個沙律裏面都幾多配料，個味道酸酸甜甜仲有少少辣，都幾開胃。泰式生蝦，用shot 杯裝住晒 d 配料同主菜，成杯一次過拎起食，唔驚跌晒 d 配料，idea唔錯！蝦都幾彈牙，辣度適中。蝦餅炸得香口，入面唔會成舊粉。泰式炸魚餅，炸得香脆有魚味，都好好食。冬蔭功好正好足料，唔會太咸，酸酸地勁開胃。農夫包咖哩焗海鮮，有青口，蝦，魷魚。咖啡幾甜，配埋麵包食好食，食食下食左勁多包。菠蘿炒飯，入面有勁多海鮮，仲有提子乾同三色豆，加埋菠蘿勁夾。馬拉盞炒菜，馬拉盞煮法好香，值得一試。

旺區都有食泰菜的好選擇， 環境充滿東南亞風情， 適合幾位朋友聚會的好地方。 泰式沙嗲串燒友人戒牛肉的緣故， 便選擇了雞肉拼豬肉。 串燒肉質嫩滑， 外表燒至香脆，蘸上花生味香濃的沙嗲醬一絕。馬拉盞炒芥蘭芥蘭鮮嫩， 沒有半點苦澀， 配上馬拉盞十分惹味， 推薦。原個菠蘿海鮮炒飯不過不失， 份量足夠幾人享用。醃肉碎生菜包肉碎酸酸辣辣， 包生菜食用十分清新。星洲咖哩軟殻蟹用巨形的農夫包盛載， 咖哩汁滿溢。 咖哩唔太辣， 加入蛋白炒香， 醬汁充滿香軟的麵包。印度油酥餅香口小吃， 入口香濃酥化， 推薦。

與朋友日遊朝夕相對十日之後鮮有再見，皆因時間夾不到，是晚很開心終於能食晚飯，她選擇離公司不遠處的泰屋。之前蒞臨時，不是繁忙時間故人不多。是晚正值相反，輪候的人擠滿在出面。幸好稍等一會便能入座！泰式鹵水豬手 - 份量多到兩人也吃不消！豬手肉質嫩滑，肉汁豐富之餘還散發一種濃濃的肉香。皮脂部分不算太肥膩，偶爾食食可以吸收豐富的骨膠原！馬拉盞炒通菜 - 通菜非常青綠，而且炒得香甜爽脆。除了品嚐豐盈的肉類之外，亦要食食青菜平衡一下營養！原個椰盅海鮮焗飯 - 香噴噴得很！海鮮有青口、魷魚、蝦🦐等，挺豐富。飯粒焗得分明濕潤，伴有提子乾，口感不寡挺開胃！芒果黑糯米 - 芒果果肉厚實清甜。白糯米味道清淡，熱熱的挺易入口，黑糯米相對較為濃味及黏身一點，兩款點上椰汁均更味美煙韌。芒果沙冰 - 甜酸交雜，味道適中。芒果打得細碎，而且冰凍解渴！炎炎夏天是不能缺少的消暑飲品。珍多冰 - 椰汁香濃不死甜，入口滑溜細膩！綠色啫喱粉條煙韌彈牙，不錯的一杯飲品！

今日沿彌敦道搵野食，發現有棟大廈好多人排隊，望上去原來有食肆，就揀左泰國野食！一上到去環境闊落，6:30左右時間未係好多人，到7點陸續滿座，見好多也是已預先留座，那幸好早到，不用等位！泰國菜必點冬陰公，呢款配上鮮蝦熬製既濃湯，偏奶香味濃，酸辣味剛好，熱飲更惹味！我選了細碗，配菜都好多，蝦都有4、5隻！酸辣鳳爪清新爽口，偏酸唔會太辣，！串燒 沙嗲有豬、牛、羊揀，看上來烤得剛好，串燒最重要係醬汁，沙嗲惹味！芒果味重既沙冰，食完辣野解渴一流！有飯落袋系列揀左蟹肉炒飯，買相已加分，滿滿蟹肉鋪響面，飯與飯中間有一絲絲既蔥花蛋絲！蟹肉絕不吝嗇，大大舊啖啖肉！餸菜也上得幾快，整體服務也不錯！在場仲有見到一家大細、朋友聚、慶祝生日既食客，相信又一晚餐之選吧

之前食泰國菜一般都是去九龍城，不過由今日開始有改觀了，偕因我今日在旺角的泰屋食晚飯。今日來到旺角的泰屋。上到二樓，嘩，真可謂人頭湧湧，很多人等位，我們等了約二十分鐘，終於有位了。泰屋裝修非常清雅別緻，以綠色為主調，令人覺得心曠神怡。炭燒豬頸肉沙律$85。燒豬頸肉外皮帶著炭燒的金黃，十分誘人，份量比九龍城的要多。入口帶有炭燒的香味及泰式特有的酸甜汁的味道，十分濃郁爽口，配菜洋蔥及西芹酸酸甜甜，十分可口清新。特色軟殼蟹$118。軟殼蟹表面有經過油炸的特有的金金黃黃，非常吸引，面上鋪有炸過的一絲絲的香茅，侍應擺上枱，已聞到一陣的香味，軟殼蟹咬落表皮蘇脆，裏面軟淋，好香的香茅味及蟹味，真是濃香脆充滿口腔，十分推薦這個軟殼蟹。原個菠蘿海鮮炒飯$92。炒飯帯著雞蛋的金黃，都很香口，炒飯的配料十分豐富，有青口，雞肉。椰汁鮮芒果西米露$28。西米露有很香的椰汁味，酸酸甜甜的芒果十分惹味，令西米露十分好味。原來旺角的繁華地方也有如此好味純正的泰國菜，所以以後食泰國菜不用再去九龍城了。

放假日來到了位於旺角彌敦道726號的泰屋，餐廳裝潢有古典味道，座位寬敞午市餐牌有不少選擇呢，食物由泰國廚師主理，而且價格很親民~ 身材健碩的男店員熱情有禮😂我們點選了兩個午市套餐，午餐奉送例湯: 椰汁雞湯，酸酸甜甜，味道很特別先來既係乾炒泰國金邊粉色澤光鮮，濕潤度剛好，金邊粉煙韌有咬口，內裡好足料嚕但略嫌唔夠鑊氣🙊炸蝦餅配春卷•炸蝦餅爽口彈牙，蝦味濃•春卷裡有滿滿的素菜餡料泰式燒雞扒飯份量十足，香噴噴的燒雞扒撒上咖哩汁🐔惹味又嫩滑，配上粒粒分明的泰國香米一齊吃，好味道呢！！

家人向來也喜歡到泰國旅行，長假剛過, 又要等一段日子先可以「回鄉」, 為解「鄉愁」, 經街坊推介位於旺角的泰國菜, 決定一試。泰屋處於近太子始創中心的彌敦道, 從太子地鐵站行過來10分鐘左右, 如在旺角出可能更快。餐廳坐椅間不算太逼, 不用背隻貼背隻, 而且樓底高, 如果人多不算太吵嚷。一行三人來到, 我們就隨便叫了幾樣食物。午市套餐包餐湯和飲品各一, 價錢在旺角一帶來計也不算貴。今天的湯是椰子雞湯,雖然細碗, 但內裡也有有幾粒菇。A. 泰式冬蔭公雞肉河粉可能係剛剛喝了那個酸酸的椰子雞湯, 這個冬蔭公湯略嫌不夠濃郁, 但最開心的是雞肉份量算夠多, 彌補不足。B. 泰式海鮮炒飯這個飯可能係因為要等埋未落單的一起炒, 所以都等左好耐下。配料方面不算很多, 海鮮其實是指青口、魷魚、和蝦。整體而言味道不算出色, 泰式的味道平平, 飯也不是炒得乾身, 很普通。另外加錢可以配各式小食, 看見有C. 泰式青木瓜沙律, 就不加思索地叫了。最喜歡吃泰式青木瓜沙律的原因, 是因為醬汁甜甜酸酸, 配上花生等佐料, 開胃之選，讓人食慾大開。而另一款小食, 也實在非常不錯 – D. 春卷拼蝦球蝦球的炸粉很薄,