泰屋

营业中

休息中

餐廳坐位舒適, 唯並非談天聚舊的好地方, 鄰座談天內容聽得十分清晰, 略嫌嘈吵。坐近窗邊可觀看彌敦道繁忙的街景, 與餐廳內遊閒感形成反差。食物價格合理, 選擇不少。乾炒泰國金邊粉 $46 + $3轉凍檸茶隨餐奉上冬陰功, 味道微酸, 十分開胃。忘記凍檸茶要少甜, 幸好味道剛好, 不太甜。金邊粉內雞肉蛋絲份量適中, 味道對辦, 唯整體偏油膩, 沒有乾爽感。金邊粉夾起時纏在一起, 稍為大力鬆開, 油份或會彈到枱面, 甚至衫上, 真的要小心。

太子行去旺角既時候，經過 726見到人派傳單，見到價錢都算平，就上左去食，Menu都有好多揀，唔想Lunch set都可以睇正常晚既，幾吸引。餐廳裝修田園風，以木為主，好似泰式木屋咁叫左乾炒泰國金邊粉$46，咖哩類$55可揀飯/法包，青/紅/黃，豬/牛/羊/魚/鴨，超強配搭。飲品加錢配了特飲，三色冰，紅豆冰加$10, 叫午市套餐加$18要左個Q板酸辣鳳爪沙律Q板酸辣鳳爪沙律，有幾隻鳳爪，好夠味，酸酸地，夠開胃。三色冰，三種不同口感，爽口，好飲。紅豆冰，大大粒紅豆，甜度岩岩好。仲有餐湯冬陰公，辣得好過癮乾炒泰國金邊粉，酸酸甜甜好開胃，有花生碎，口感大增青咖喱雞飯，青咖喱好大碗，仲有蔬菜，撈埋飯咖喱都仲有好多

同fd去咗泰屋食dinner，我哋都係見佢評價唔錯，所以嚟試下，一共叫咗3樣野，埋單每人先一百多d，仲要食到好鬼飽，質素又唔錯，真係值得嚟食下。農夫包咖哩焗海鮮 ($148)呢個簡單係大Boss，我哋3個人食到滯咗。佢d咖哩係超多，唔驚唔夠點d包食，上面有2隻蠔，入面有d魷魚，蝦，洋蔥，用料算係咁la，不過我覺得咖哩有薯仔仲好食。泰式蛋包金邊粉伴蝦（$82）我其實最中意呢個，金邊粉冇得輸！d蝦大大隻，d粉好夠味，而且有塊蛋皮係到，包埋d粉一齊食，正！馬拉盞炒通菜 （$72）中規中距，冇咩驚喜，正常味道，味道偏濃 ，啱哂我。😂

琴日放工，同左媽媽去食飯，突然好想食泰國菜，就去左旺角的泰屋。一入到去，裝修都好有泰國風情味。我地兩個人，食唔到太多，只叫左3道菜。野飲，我當然簡左我最愛的鮮椰青，打開果然好新鮮清甜，d椰子肉好嫩，一刮就食到。第一道菜係蒜蓉炒芥蘭，佢有馬拉盞,蒜蓉,鹹魚味選擇，不過我都係食返最簡單的蒜蓉炒。第二道菜係豬肉生菜包，佢個份量比我預期中大，食落去，肉碎酸酸地，辣辣地，好香，包埋生菜食，好新鮮，口感好好。我覺得呢個生菜包同我出面食的不同，好味好多。第三道菜係馬拉盞海鮮炒河，河粉加入泰國最出名的馬拉盞去炒，特別香，入面的海鮮都多，有青口，大蝦，魷魚，再配上我最愛的彩色椒，味道好配合。佢地所有菜式都有得簡辣道，大，中，小，好岩唔口味人食。

遷就朋友的收工地點，因為想念泰國菜，所以揀了附近的泰屋食晚飯。點了以下菜式：馬拉盞炒通菜原個椰盅海鮮焗飯甜咖哩炆金沙骨鮮芒果糯米飯馬拉盞炒通菜 通菜幼嫩不老，馬拉盞好夠味。整碟菜好惹味，不錯。甜咖哩炆金沙骨甜咖哩的味道獨特，加上椰汁，既有咖哩香，又有椰汁香，椰香四溢。金沙骨好大件，而且肉質也嫩滑。原個椰盅海鮮焗飯 椰盅用了椰子殼，賣相很有心思。 海鮮鋪滿了整個飯面。有大蝦、魷魚、青口，等等。大蝦好大隻，魷魚也很爽口。焗飯的白汁充滿了濃濃的椰子甜香，味道甜香濃郁。個飯底亦好有心思。除了普通的雜豆之外，還將椰肉切粒，再加提子乾，令到吃飯的時候，微甜和鹹香的味道相得益彰。鮮芒果糯米飯採用了熟透了的超級甜香的新鮮芒果，新鮮芒果呈現深深的橙黃色，甜香美味。糯米飯下面還有一層紫米混合，令口感豐富。混合椰汁食用，甜美煙韌。飲品方面，我點了泰國椰青，姊妹點了一支泰國生啤。泰國椰青泰國椰青的SIZE尺寸超大，多水又清甜。侍應的服務殷勤。特別是一個貌似鄭世豪的職員十分健談，很少遇到這樣健談的職員，令人感覺放鬆自然。

上星期有兩個美國來的朋友，剛到埗一落機就帶左佢地去食旺角呢間食泰菜，因為佢地話好中意泰國菜環境舒適闊落泰式珍寶拼盆(蝦餅/魚餅/素春卷/雞中翼)炸蝦餅一定要試，爽口彈牙得黎蝦味突出，直頭食到一隻隻蝦係度，魚餅都夠香，肉質結實，春卷入面有粉絲木耳，雞翼好香口泰式沙嗲(雞/牛/豬)半打各二燒得夠香，肉質唔算好滑，點沙嗲醬一起食夠野味馬拉盞炒通菜通菜炒得好爽脆，加上馬拉盞提味泰式生蝦，用shot 杯裝住晒 d 配料同主菜，成杯一次過拎起食，唔驚跌晒 d 配料，idea唔錯！蝦都幾彈牙，辣度適中。菠蘿炒飯，入面有勁多海鮮，仲有提子乾同三色豆。最後整返杯青檸梳打就飽哂

禮拜六放假，舒服地食個飯，揀咗泰屋，一來想食泰國菜，二來聽人講環境幾舒服。的而且確，入座後係感覺到環境唔錯，樓底高有空間感，枱與枱之間都幾闊落， 張凳又軟熟，約埋朋友嚟食飯傾計都唔錯。價錢都幾抵，仲要冇加一。今日叫咗個午市套餐，包餐湯同埋飲品。等緊食物嘅時候，侍應先送上餐湯。是日餐湯係椰汁雞湯，味道都幾香，又有啲雜菜食吓，唯一可惜係冇雞肉，可能咁啱呢碗湯冇。食物揀咗泰式乾炒海鮮河，類似香港人食開嘅乾炒牛河，不過食材由牛肉換咗做海鮮，調味料亦更加豐富，香味更加吸引，都係唔辣嘅。海鮮嘅種類幾多，有青口 同埋鮮蝦等等，重點係夠大隻有咬口，唔會細細粒，食咗都唔知。餐飲加咗十蚊叫熱柚子蜜，唔係太大杯，性價比嚟講唔算太高，不過喉嚨有啲唔舒服，想滋潤吓，貴少少都要畀。

第二次來泰屋, 食物繼續好味! 今次食馬拉盞炒泰國椰菜苗, 正逗逗! 味道很香但不會過咸, d 苗鮮嫩得來有咬口, yummy! 干炒泰式蛋包金邊粉也很正! 不但炒得香口, 味道惹味, 其賣相都靚靚, 蛋厚度剛好, 軟身彈牙, 蝦都大大隻, 炒得香味道惹味! 豬肉生菜包, 生菜新鮮, 豬肉碎炒得金香惹味, 吃時停不到嘴! 甜品豐富, 我們點了椰汁糕, 千層糕和芒果糯米飯。 前兩者比較甜, 但質感剛好, 不太黏也不鬆散。後者暖暖的, 有齊黑白米, 芒果新鮮, 味道頂呱呱! 店內清潔, 坐位舒適, 服務員也親切, 這兒絕對是個好選擇! 會再來!

又同朋友出旺角飯聚，今次揀間泰菜，抵食又好味，岩哂夏天食。泰國金柚鮮蝦沙律 $98，睇落細細碟，原來都有四隻蝦，金柚份量也算多。金柚飽滿多汁又甜，仲有清新果香，配爽口大蝦，醬汁微辣帶酸甜，仲有椰子香，清爽開胃。泰式沙嗲 $85，有牛、豬、雞，可選兩款，份量半打，都好啖啖肉，燒得幾香口。牛肉夠嫩腍，唔會乾，沾沙嗲醬更惹味，個醬有花生粒，亦帶果仁香，不像一般餐廳的偏甜，咸味剛好。雞肉有彈性，比牛肉更有咬感。迷你小食雙拼 $82，原本想選香葉包雞，但無哂，所以揀魚餅，而蝦餅係我常點的小食。小食即點即炸，真係好熱辣辣，蝦餅炸得香脆，個炸皮好正，蝦膠極爽彈，有蝦肉粒，啖啖肉之餘，有蝦味突出，食完唔膩。魚餅令我驚喜，估唔到冇我食香葉包雞，但魚餅都唔錯，魚肉真材實料，也微彈好咬，仲加左豆角粒增加口感，味道很泰式，因為好重香料味，食出明顯的香茅風味，好好食。原個椰盅海鮮焗飯 $88，唔好睇表面個層椰漿好少會唔夠味，的確加了椰漿味道更香更濃，但個飯加左椰青水煮，越咬越出椰子味，炒得粒粒分明夠爽口，配埋海鮮食一流。蝦爽滑、魷魚好彈牙、青口肥美脹卜卜，不會腥。整個飯份量頗多，保證飽肚抵食。鮮芒果糯米飯 $4

好朋友聽日就去英國一個月，今日約左佢去旺角食Lunch！但佢怕之後要食成個月西餐，於是就同佢去食泰國野！等佢唔好咁悶！出lift 後見到呢個頭像，已感覺到有泰國特色！餐廳都幾寬敞！由於我地12點上去餐廳剛剛開，所以無乜人！午餐都幾多選擇，而且價錢都幾抵！餐廳好貼心仲有wifi供應！我同朋友仔都減緊肥，於是將油飯變白飯！海南雞係去左骨既脾位，咬落好嫩好滑，點汁食更加一流！試下叫佢地個菠蘿咕嚕雞飯，雞肉一樣好嫩滑，配合酸酸甜甜既醬汁非常開胃！另外亦叫左我至愛既蝦餅拼春卷，即炸即上，熱辣辣之餘亦炸得好脆！整體上食物質素不錯！我地已相約好佢從英國返黎再黎食晚餐喇！希望一樣咁有驚喜！

朋友約了食泰菜， 推介有新口味可以嘗試，電梯口已經見到奪目廣告餐廳入口有一個泰式佛像擺設 綠色為主題顏色，非常養眼精緻燈飾襯托優美蘭花， 環境令人覺得舒暢先叫了杯三色冰， 椰汁味+花奶非常滑溜黑板上有每日廚師推介冬陰公鮮蝦湯二人份量唔算多， 香茅味濃， 加上鮮蝦、 秀珍菇、香葉等配料， 酸辣味適中，啱我口味泰式香芒羊仔柳色彩鮮豔， 時令芒果特別香甜，另有青椒 、黃椒、 洋蔥、 腰果、 草菇一大盤雜錦， 色香味俱全泰式青檸蒸原隻魷魚 推介菜之一新菜式未試過， 原隻魷魚用長型碟上枱，賣相有睇頭， 魷魚上面舖滿辣椒碎、蒜泥、 青檸，味道好特別，酸辣之中有蒜的刺鼻味道，好因為3風球， 食完趕住回家了。

幾個月前食過「泰屋」一直念念不忘，今日又約了朋友上黎光顧。依舊是熟悉的全場爆滿食泰菜怎能不食【串燒沙爹】今次揀了牛同雞。燒得外層肉質緊實，內面鮮嫩多汁，點一點沙爹醬，夠味【醃肉碎生菜包（豬）】肉碎小小鹹，中辣，配生菜將辣度同鹹度中和，同埋肉碎係熱辣辣，又唔太肥，食落更入味。應該係落左青檸汁，酸酸地，送飯一流。同埋好大份！【馬拉盞炒秋葵】夠入味，秋葵都新鮮，爽口，清香【特式鹵水豬手】稍微遜色小小，其實味道係唔錯，不過豬手稍微肥左啲啲，送返應該更好，不過我地今次冇叫飯，齋食就鹹左啲。但豬手好林好入味，仲有一隻蛋同番茄、配菜，係抵食嘅。另外加左個甜品【鮮雜果黑珍珠涼粉】有椰汁香甜，涼粉爽口，解辣必食。

每次嚟到旺角想食泰國菜就會諗起泰屋，之前食過一路都覺得幾高質，今晚同媽媽嚟到旺角又去食佢~❤️真心覺得佢哋嘅炒菜唔錯，調味適中，價錢合理！尤其個香菇炒椰菜苗($85)，夠足料，有好多草菇同秀珍菇。好少食炒菜覺得有香甜味🙈飛天通菜($72)我印象中呢味餸係唔辣，所以點左，但嚟到見到都幾多辣椒吓，好彩唔會好辣～原個椰青焗飯($88)呢個係每次必點，一直都keep住咁好水準！原個椰青上枱，賣相已經夠吸引，味道仲正啊！對於我呢個鍾意椰香嘅人嚟講，呢個飯簡直無得頂！返一邊有椰子肉、粟米、提子乾、紅蘿蔔、青豆，口感豐富，尤其提子乾令到成個飯變得香甜！上面淋上一層椰漿，食落係咸咸嘅椰香味，好解膩！雖然本身個飯都唔油膩，但食多都會滯，呢個飯夠曬兩人分享！平時我唔係特別鍾意食飯都忍唔住一啖一啖曬～好正！海南雞(半隻) $138食咗幾次但第一次點海南雞，點知今次令我失望啦⋯⋯平時食海南雞會有陣獨特嘅味道，但今次無，就好似白切雞咁😣要靠醬汁嚟提味。而且雞肉唔算嫩滑，總之就係好普通，唔值呢個價錢，早知食其他。最後甜品又係超正嘅綠豆糯米糍~💗今次賣相又唔同咗，有別於上面一層滿滿嘅砂糖，變咗綠色嘅椰漿～雖然上面依然

泰屋離公司不遠, 同事今天午餐想食泰國菜, 故順理成章就選了泰屋。雖然已經十二時半左右到還未到繁忙時間, 但餐廳已經坐得七七八八, 如果一點來的肯定無位坐。今天午餐叫了泰式海南雞飯和馬拉盞炒通菜。`泰式海南雞飯雖然這個海南雞飯我是叫了白飯, 但細嫩的雞肉仍然有濃厚的雞味, 雞肉已經去骨, 吃下去非常方便, 而且嫩得黎仍有彈牙的質感。吃泰式海南雞, 秘製泰式雞醬也是重要的一環, 以葱、蒜粒、醋和泰式香葉做出的泰式辣醬, 酸酸甜甜, 非常開胃。而白飯入口質地軟硬適中, 配雞同吃也不比油飯差。馬拉盞炒通菜通菜炒得青綠爽脆, 味道濃郁而不會太油膩, 有小蝦的口感, 而且味道濃香, 非常好下飯。最後我們叫了凍檸茶作結。總結來說, 餐廳坐得舒適, 味道也不錯, 下次想吃泰國菜還是會再來的。

約左舊同事食飯，佢揀左呢間喺佢新公司附近嘅泰屋。兩個人點左黄咖喱牛根腩、冬陰公鮮蝦湯(細)、印度油酥餅、泰式香葉肉碎炒飯、泰式咸青檸七喜同龍眼冰。冬陰公鮮蝦湯(細)($88)先上，材料豐富，酸酸辣辣夠鮮味，蝦大隻蝦味濃郁，雖然係細size, 兩個人飲份量啱啱好。黄咖喱牛根腩($92)，黄咖喱夠惹味，材料有牛根粒、牛腩粒、四季豆、西蘭花、椰菜花、红蘿蔔、紅椒，好足材。牛根、牛腩炆得夠腍又入味，而且根同腩每樣都有好多粒，好食👍👍👍印度油酥餅($36)，食咖喱當然要配酥餅啦😁泰式香葉肉碎炒飯($82)，有四季豆、肉碎、紅椒、香葉，呢個飯惹味得嚟夠乾身，又唔會油膩，炒得好好👍👍👍泰式咸青檸七喜($33)、龍眼冰($33)，兩個飲品都清涼解渴，用嚟配泰式美食啱晒！😋😋😋