泰屋

营业中

休息中

近年旺角726被打造為食肆大廈，多國菜乜都有得食，今次就去左勁多人推薦既泰屋。青木瓜沙律，個沙律裏面都幾多配料，個味道酸酸甜甜仲有少少辣，都幾開胃。泰式生蝦，用shot 杯裝住晒 d 配料同主菜，成杯一次過拎起食，唔驚跌晒 d 配料，idea唔錯！蝦都幾彈牙，辣度適中。蝦餅炸得香口，入面唔會成舊粉。泰式炸魚餅，炸得香脆有魚味，都好好食。冬蔭功好正好足料，唔會太咸，酸酸地勁開胃。農夫包咖哩焗海鮮，有青口，蝦，魷魚。咖啡幾甜，配埋麵包食好食，食食下食左勁多包。菠蘿炒飯，入面有勁多海鮮，仲有提子乾同三色豆，加埋菠蘿勁夾。馬拉盞炒菜，馬拉盞煮法好香，值得一試。