泰屋

营业中

休息中

旺角彌敦道726號這間泰屋，真的很適合和好友一起來，邊吃邊談天說地。以綠色為主的設計，讓人感覺舒服，而且座位之間的空間真的很足，不會有侷促感，可以舒服地用餐和談天。如果白天的話，還有日光照進來，雖然外面是鬧市街景，但還是感覺不錯。如果是下午二時至五時，更可以選擇午餐或下午茶餐牌，下午茶餐牌普通飲品更無限添飲，真的很化算。這裡還有free WiFi ，自己一個人來也是不錯的選擇。餐飲轉青檸梳打只需加$6，味道酸中帶甜，真的夠醒神。泰式牛肉冬蔭功湯河 $46湯底的冬蔭功味偏淡，不太鹹亦只是微辣。河粉份量不少，口感頗軟滑順口，不會一夾即斷。上桌時從表面看不到牛肉，但原來湯內有很多片，牛肉切片易入口，口感軟嫩好咬，不會是那種被醃到不知什麼味道的牛肉。春卷拼蝦餅 $45春卷外層炸得香脆，內裡餡料豐富飽滿，調味恰到好處，亦沒有多餘油份。蝦餅外層炸到金黃色，內裡口感紮實彈牙，不算太油，如果口感更脆會更佳。香芒椰汁黑糯米飯 $40本來應該是黑白糯米的，可惜這天沒白糯米，不過芒果份量不少，而且夠香甜多汁，黑糯米煮得夠軟身，黏口有彈性，暖暖的配上不太甜的椰漿，感覺很不錯。地點方便，環境寬敞舒適，服務不錯，

上次食過覺得唔錯, 今次再帶朋友黎食黎過一次, 門口唔難搵雖然係夜市, 但時間尚早, 唔洗等位餐牌同上次無大分別, 所以叫左啲上次無食既, 試下新野 原隻燒尤魚十級推介 燒得好香亦完全唔乾, 口感彈牙前菜仲有小食雙拼揀左魚餅同蝦餅, 兩樣都非常香口, 魚餅好香香芧味之後叫左個馬拉盞通菜呢個絕對係膽黎, 又香又好送飯點少得泰式豬頸肉好大件 燒過都保持到肉質水分最後叫左油酥餅配黎食雖然呢間唔係印度餐廳, 但油酥餅造得非常有水準, 齋食都好好味第2次幫襯, 水準無下降之餘, 亦試左好多好味既新嘗試絕對會有第345次幫襯

這天突然想食泰國菜, 朋友選了泰屋, 一進去已感到環境乾淨舒適, 令人心曠神怡, 好像特別開胃。食物整體都好吃, 配合舒服環境, 價錢合適! 我和朋友們點了四樣食物, 先是青木瓜沙律, 一條條木瓜絲加上蘿蔔絲, 切半蕃茄仔及花生粒, 配上甜甜酸酸的汁均勻攪拌, 惹味也很開胃。接著是馬拉盞炒翡翠苗, 菜很鮮甜, 有蒜碎, 辣椒粒, 紅椒及蝦米仔! 朋友嫌它炒得不夠香, 但我個人不喜歡太鹹的菜, 以我的口味, 我覺得它炒得剛好, 加上它不算乾身,有點湯汁, 入口鮮甜又不會太辣, 不錯! 主食點了兩款, 先是椰盅焗海鮮飯, 很香椰子味, 椰醬味濃, 完全提昇了食慾, 而且當中的海鮮很軟, 配起上來很滑但不糊口, 而且有椰肉粒, 提子乾和雜菜粒, 充滿豐富咬感。最後是農夫包咖哩焗海鮮, 特別喜歡其炸蝦和炸魷魚, 很香而可口。包軟熟, 配著咖哩很易入口。如果再多點咖喱香, 其味道會更搶更香濃惹味。坐得舒服, 吃得開心, 服務貼心, 值得一試!

🍍菠蘿炒飯呢個已經唔係第一次食 今次食依然好食炒飯炒得乾身 當中有提子乾同肉鬆呢兩樣野真係為個炒飯加分好多😍--🦀香芒軟殼蟹估唔到熱既芒果都幾好食 個芒果汁又好好味炸過既軟殼蟹雖然已經唔係好脆不過吸哂啲芒果汁好好食喎😳--🍛黃咖哩羊腩羊腩都有幾多 有五舊左右 黃咖哩撈飯幾好食 配菜都好多 ok既

我本身就好鍾意食泰國菜，之前食過旺角嘅泰屋就對佢一直念念不忘，味道唔錯，價錢又合理！而且呢間又近旺角地鐵站，想食都夠方便。餐廳環境設計風格都帶有泰式風味，朋友情侶家人一齊去食飯都幾好feel！去食泰國菜最愛點椰菜苗，成日都覺得泰國餐廳先有咁呢度仲可以揀點樣炒，馬拉盞/蒜蓉/香菇/清炒等我就揀左香菇炒，感覺有菇又有菜更為豐富！椰菜苗幾新鮮，而且炒得爽脆，不會過熟！但就油左啲，好在調味適中，唔會過咸。鹽燒鱸魚 $178仲可以揀烏頭/盲鰽，揀鱸魚係因為佢屬於粗魚骨又偏少骨，而且肉質比較滑～泰式鹽燒魚主要係食魚嘅鮮味，所以魚一定要夠新鮮！看似簡單嘅菜式，但要做得出色不容易啊。魚肉好肥美！熟成度控制得剛好，食落肉質嫩滑，魚味鮮甜，魚肚塞滿香茅葉，魚肉上又放上莞茜，令其味道更為出色！食完覺得好滿意。原個椰盅海鮮焗飯 $82平時去泰國餐廳好多時都會點菠蘿炒飯，但其實我更喜歡呢個椰青焗飯！因為去其他泰國餐廳食過都唔夠呢度好食！難得今日又黎食，當然要點！今次仲多左一層椰漿係面頭，椰香味更濃厚，對於愛椰子味嘅我，感覺簡直係bonus！椰漿味道香甜，飯裏都有好多椰子肉，啖啖椰香好滿足！海鮮有魷魚，蝦，青口各

禮拜六，看過中醫，食個午飯，已是假期半日行程。中醫從來不是重點，趁外出食餐好的才值得令人期盼。中醫診所位於油麻地，餐廳選擇多，每次可以細味不同菜式。今次走到彌敦道726號的>>>泰屋<<<，一嚐泰式滋味。 整棟大廈餐廳林立，泰屋的優勢在於位處低層，萬一在繁忙時間，輪候升降機隊伍太長的話，走樓梯也非mission impossible。 陽光從落地玻璃透進餐廳。當日陽光溫絢，自然光線讓人感到非常舒適；要是陽光太猛的話，可以請侍應拉下窗簾，坐得舒服。 午市有多款套餐，由最傳統的泰式冬陰功，到比較地道的炒意粉，一應俱備。 侍應先送上餐湯，小小的一碗，酸中帶香，蠻開胃的，還附兩顆磨菇噢。 午餐是帶點港式風味的香茅豬扒炒公仔麵(HKD55)。公仔麵用辣椒炒香，以冰不受辣的程度，借助飲品減辣是必須的，但相信其他人應該會食得挺過癮。香茅豬扒加入三色椒，令顏色鮮艷，營養亦豐富。公仔麵炒得夠乾身，但又不會太過油膩，是冰的cup of tea。豬扒碎上，食得更加方便。 飲品是青檸梳打走冰(加HKD6)，甜甜酸酸，十分醒神，同時亦非常有效減辣。 午市及下午茶

3月姊妹聚，為食姊妹揀左食泰國野~餐廳為於發雞盲都睇到既726彌敦道，完全岩嗮路痴姊妹，不過佢最後都可以去錯左油麻地既餐廳唔算大，但就好full，好在醒目姊妹book左位~泰國金柚鮮蝦沙律 $92食泰國野點少得柚子沙律金柚份量多，清甜多汁，大蝦彈牙爽口，加埋泰式沙律汁食，酸酸地好開胃~泰式沙嗲(半打) $82我地揀左混合串燒，比想像中大串，四個女仔食覺得非常大份啊~燒得好香，啖啖肉，如果沙嗲醬多d就更好~菠蘿什菜炒飯 $72上次係另一間餐廳食菠蘿炒飯，入面竟然無肉鬆，提子乾同腰果，今次呢個有齊嗮，所以好開心~味道仲好好味~最後叫多個炒通菜，咸香十足好惹味~女人有兩個胃，最後最後當然要食埋甜品啦，芒果糯米飯，糯米飯係黑白混合，香糯米煙un軟糯，加入紫米一齊食雙重口感~芒果仲好香甜多汁添~

又到每月一聚嘅姐妹飯局 今次㨂左泰國菜地點當然要就大家啦。726係不二之選好彩有book位咋 7點半上到去已經九成爆滿叫左酸辣鳯爪醒醒胃先 夠酸夠辣 醒晒姐妹㨂左串燒半打 叫左雞同豬 每樣三串估唔到咁大串喎 啲肉燒得岩岩好入口唔會太乾 重有返d juicy添 不過略嫌沙嗲醬唔夠多重有菠蘿海鮮炒飯 勁大個 有提子 肉鬆 花生當然唔少得有大蝦同青口啦 香味四溢 味道唔錯喎 最尾叫左個飛天通菜 差唔多枱枱都有叫用上幼身通菜 入口好爽甜 夠晒味！

今日同細妹去做facial跟住又去shopping，之後非常肚餓，於是走去搵野食，早前同事介紹過呢一間餐廳話會有多元化嘅食品提供，最啱我哋喜歡有得選擇的人。冬陰公鮮蝦湯＄88細 最初好擔心會好辣，端上枱時已經聞到陣陣濃香，深深被佢吸引住，當你戰戰赫赫把它放進口裏，最初嘅擔心完全沒有了，鮮甜到不得了，又不太辣，辣味剛剛好，湯料食材超級豐富。原個菠蘿海鮮炒飯＄92整大個新鮮菠蘿，盛載著滿滿的炒飯，新鮮食材滿載，原隻鮮蝦，青口等等，多款海鮮美不勝收。柚子蜜 $25 食飽飽後飲返一杯潤甜柚子蜜，非常滿足。雪糕紅豆冰＄38 妹妹飲了一杯紅豆冰，一顆顆圓潤飽滿的紅豆，豆味蜜甜，非常美味，今晚我們度過非常愉快的一天。

星期日晚一早訂定枱 雖然係樓上鋪 但都坐滿左客人店鋪裝修非常舒適 環境一流😍今次做好好彩坐到窗口位 雖然唔係望海景😂 但都有一番風味😌.星洲咖喱軟殼蟹🦀 $188估唔到依碟菜式竟然有麵包😍原本打算叫碟薄餅點咖哩😂咖喱汁滿到快要湧出來 就黎流到落張枱😂軟殼蟹炸得非常香脆😝但浸得太長時間會稍為林身了一點所以要盡快食用🤗🤗最後兩個人都食唔晒 因為份量實在太多😂😂 食到有點飽滯😂😂.原個菠蘿海鮮炒飯🍍 $92睇圖片都見到餸菜非常豐富😍有青口 魷魚 蝦🦐 等等😋炒飯炒得非常乾身但每一粒都沾上了醬汁精華 夠晒入味 完全唔會dry😎😋算係令人眼前一亮嘅一個炒飯❤️.泰國椰青 $40 🥥椰青水非常鮮甜椰肉亦好容易起出來😍

本來今個假期諗住去泰國旅行架 但係朋友唔得閒 最終都係去唔成 所以我決定點都要食泰菜去補償一下😂呢間餐廳既門口真係設計得好泰國 有種好relax既感覺其實我去到呢間餐廳時都已經係晚上9點幾 但係仍然好多人 不過坐位尚算寬敞 唔會好迫〰️冬蔭公鮮蝦湯〰️呢個湯係去泰國必飲既 點會唔叫呢 我地兩個人叫左個大既size 個分量係可以分到5碗 隻蝦都有5隻呀 即係一碗有一隻蝦 好足料呀 個味有d椰汁既清甜香味 椰汁味算係好濃味道ok 而且唔算係好辣 啱晒唔係好食得辣但係又好想試下既朋友〰️泰式生蝦刺身〰️呢個生蝦刺身唔似平時咁平放既 佢係用細酒杯裝住 好得意蝦肉鮮嫩好爽口 大大隻咁 生蝦通常都會用比較辣既配料 呢度酸辣既醬料真係好鬼辣 好醒胃呀〰️泰式香芒軟殻蟹〰️一上枱已經傳黎好香既芒果汁味 因為有好多配菜好似紅椒青椒黃椒秀珍菇 所以令到個顏色好繽紛 每件軟殻蟹都係細細舊咁 但係唔等於分量少架 同埋我覺得食既時候仲方便左添

今晚去左mk, 朋友話想食thai food =]所以我地去左泰屋. 點左個海南雞飯, 同干炒牛河, 什菜豆腐湯, 仲有2個甜品.海南雞飯用油飯，雞肉都非常之鮮嫩，而且非常少骨~不過雞既份量多d會好d！而干炒牛河入面用料豐富，入面有芥蘭、牛肉、蘿蔔絲、蛋，等等，超香，而且食落唔算油膩，唔錯！什菜豆腐湯清清地，入面又係勁多料，有我最中意既玉子豆腐、西蘭花、菇等，唔覺有味精～之後同朋友一人一個甜品，超滿足～個椰汁芒果西米露甜度適中，芒果亦多；芒果燸米飯冇得輸，煙煙韌韌，芒果亦好熟，正！

朋友約食飯，話要食泰菜，要近地鐵站，就揀咗呢間，因為一出旺角地鐵唔洗3分鐘就到，而且係二樓，就算電梯排長龍，行樓梯都無問題啦其實今次已經係我第三次幫襯了，因為之前兩次掛住食，無影相，因為人太多了，掛住傾掛住食囉今晚靜靜地同朋友兩個人食，食物一定有質素，如果無，我一定唔會再幫襯，生蝦必食，但如果食唔到辣，就一定要蝦同醬分開上，因為我食得辣都覺得辣呀我鍾意佢個春卷，炸得好脆口，一啲都唔油，又夠薄身， 明爐烏頭好滑，今晚因為得兩個人，所以叫唔得多嘢，但上兩次都有8至10個人，個個餸都好好味，而且服務好好，所以值得一去再去

今日難得兩兄弟放假，相約打完波後一齊去食晚飯，到呢一間有多款嘅東南亞美食餐廳大擦一餐。泰式沙爹豬及牛＄82呢款小食非常惹味，香濃沙嗲醬汁把肉串醃製得頗為入味，肉質軟腍幼嫩，醬汁把肉串汁液完全封住，肉汁一丁點都沒有流失，完美保留，無論豬肉或牛肉，都保留著本身的肉香，各具特色，大廚自家製作的醬汁更顯功架。印尼海鮮炒貴刁＄82 份量不少嘅貴刁，多款海鮮食材配搭，大大隻鮮蝦，爽口彈牙。潤澤鮮甜鮮魷，鮮味無窮，還有多款新鮮配菜，配搭得相得益彰。海南雞＄138 半隻 呢個係我至愛海南雞，雞皮爽滑脆口，雞肉纖維夠咬口，肉質柔軟幼嫩，肉汁豐富，配有兩款醬汁選擇，各有千秋，把原本已經可口非常嘅雞肉，更加錦上添花。

食泰菜的話，多數人都想想起舊機場，但該區話近又不近，始終未有港鐵的確不算便利。最近發現旺角區都新開了不少泰國菜館，今天來到726大廈的<泰屋>，近近地一嚐泰菜以止心癮726大廈是新建的單棟式大廈，所以每一層就是一家食店。打開電梯門後可見食店用了屏封分隔出食客區，所以不用擔心別人一出電梯就看見你在張大口吃東西即使是平日的8點後，店內還是人頭湧涌，好旺場喔！Menu印刷精美外也很乾淨，其實我最怕這種質地的餐牌黏黏餬餬，沒抹乾淨。但這裡的衛生情況令人滿意友人是<包怪>，所以我們先點了蒜蓉包作餐前小吃。選用法式長麵包切成厚片，每片也造到脆邊但內裡是棉棉的。再塗上厚厚的蒜粒牛油醬，好邪惡喔香葉炒雞肉碎內的雞肉其實都不是碎，size頗大粒有口感加上豆角粒和泰式調味料一起炒，充滿泰式風味，用來送飯一流。蔬菜類是不能不點的！樣樣也很想試所以結果選了蒜蓉炒雜菜。菜類都非常新鮮不是賣剩的<下欄菜>，炒得清，不油膩。再配上大量的蒜蓉和最後灑上的黃金蒜，清新得來不寡。金邊粉絕對是吃泰菜必點的菜式，<泰屋>還有蛋包款式喔！！金邊粉炒得乾爽不油膩，