泰屋

营业中

休息中

星期六是出旺角掃貨的黃金時間，掃完貨就當然要醫肚，順便休息一下，地利成了重點 😁😁 隨緣到了彌敦道商廈內的泰屋，環境滿有氣氛。由於時間尚早，不用等位，但感到編位頗緊張，以乎生意甚好，不消一會，客人陸續到來，轉眼已滿座。😎甜咖哩炆金沙骨 $88恰如其分的甜咖哩，適合想吃咖哩但怕辣的朋友，因為全個餐牌只有這款咖哩是不辣的。咖哩香甜，金沙骨入味肉不韌，大大件的，味道不錯。另配雜菜，有紅蘿蔔、青豆角、椰菜花等墊底，混合了咖哩汁，不就是咖哩雜菜嗎？今次賺到了 😂😂😂干炒泰式蛋包金邊粉 $88熟悉的泰式金邊粉，不同餐廳吃了無數次，味道來說中規中矩。這客金邊粉勝在夠熱，湯後再吃仍有蒸氣冒出，將格仔蛋推散，連同碎花生、芽菜一同撈進熱辣辣的金邊粉，撈吓炒吓，香港特色，會心微笑😊😊。隨碟的辣椒粉是堅辣的，受不了辣的要當心，別太興奮的撈呀撈呀，撈過界就收不了科。😂😂😂咸魚炒芥蘭 $72鹹魚芥蘭都是喜愛的，味道還不錯，也吃到鹹魚粒粒，可惜芥蘭有點老及有渣，所謂不時不食，我想芥蘭還是留在冬天點比較妥當。🤗🤗冬陰功鮮蝦湯 $108 （大）很喜歡的泰式湯，每次吃泰菜都必叫，這個湯味道蠻好的，夠香夠濃郁，瞬間已經喝完

泰屋喺太子同旺角中間 一幢專做食肆嘅建築物裏面 ， 無論從太子或者旺角嚟都幾方便易搵。 餐廳位處二樓， 但有大量落地玻璃內裏通透光猛非常光鮮， 並且有不同的 泰式擺設 讓人感覺置身泰國之旅。今日與朋友同行， 叫了兩份午餐， 價錢由40多元開始， 並包括飲品 算是不錯。 扎肉米粉扎肉米粉有幾嚿扎肉， 又有蘿蔔兩舊，米粉份量對女士來說都算夠多，但男士就可能不夠了。 蘿蔔煲得清甜， 扎肉都幾彈牙。泰式海鮮炒麵另外又叫了泰式海鮮炒麵， 材料豐富， 有蝦有青口等等， 另外又有青紅黃椒及粟米芯作為配菜，炒麵鑊氣夠，又炒得香口， 都幾不錯吃㗎！總括來說泰屋的食物有質素算是不錯吃， 中午十二時半所有餐廳已經坐得九成滿， 人氣看來不錯呢！

八點幾嘅晚上都唔知去邊食好同女朋友兩個人上openrice搵下旺角有咩食其實openrice係咪真係有齊晒所有嘅食肆？唔理呢樣先 去到旺角 揀咗間726大廈嘅泰屋一出𨋢就見到佢啦 得個頭嘅另一個角度先唔駛等位 仲好多位添睇下裝修幾好望落整潔影咗主食嘅兩版當然仲有其他啦 但我冇影啦飯 粉個啲都七十以上湯粉都要五十價錢唔平 泰式手撕雞湯粉 $50都算幾多雞絲嘅一碗糃粉份量適中 湯好好飲 比碗粉出色清甜嘅湯 飲落都滑粉就冇乜特別 原個椰盅海鮮焗飯 $88見佢張圖好似幾過癮所以我就點返個黎食個椰盅幾得意炒飯唔算出色 冇乜獲氣 炒得唔香上面有椰汁 甜甜地 個椰汁幾好味海鮮一般般 但可以接受菠蘿冰 $30好甜 甜度好高 高到飲唔到菠蘿味咁滯但佢有差微菠蘿味嘅係太甜囉總括黎講價錢偏貴嘅食物質素可接受 唔算特出 人客量都唔多

同小胖男友行完旺角新開既商場 突然泰癮起好想食泰國菜 諗起近近地既泰屋天氣開始熱 食又辣又惹味既泰式生蝦刺身就最開胃呢個泰式生蝦賣相好似杯cocktail咁精緻 刺身蝦頗大隻 蝦肉好爽 味道都幾辣下 但辣得黎又好過癮 好食同小胖男友食親泰國菜都離不開冬蔭公湯今次再食 仍然好足料 除左有小妹鐘意食既草菇 仲有原整一隻大頭蝦抵飲又好飲另外仲點左馬拉盞炒通菜同泰式香辣香葉肉碎炒飯馬拉盞通菜好惹味 真係多多都食得晒炒飯既份量就一如既往咁大碟 不過就略嫌唔夠辣 可以再辣d可能係要迎合其他想食辣但又怕辣既港人口味總結而言 泰屋既味道同服務係值得再幫襯既

係旺角返工～大熱天時又唔想係條街度排隊曬～就黎呢座７２６睇下食咩好～一黎到班同事諗都唔諗又話食泰屋啦～因為上次食完大家都覺得可以再食～哈哈～平時食Lunch set，今日人多可以叫個４人set試下，有＄３６８／＄２８８，我地叫左個平的($288)，再加多個set lunch!冬陰功鮮蝦湯２隻大蝦，又有好多菇，甜甜地甘，份量都夠，一人都飲到１－２碗醃酸辣鳳爪夏日炎炎，食個冷盤又開胃呀，鳳爪好爽口馬拉盞炒通菜正呀，有鑊氣呀，有蒜味又有ｄ咸香味，少少辣，勁惹味青咖哩雞雖然係稀左ｄ，不過都幾夠味，我地仲叫多個＂油酥餅＂，可以點埋ｄ汁黎食干炒金邊粉份量好夠，聞到酸酸地又炒得幾香追加~肉碎煎蛋飯 ， 肉碎炒得好香口，少少辣，又食到香料味，唔錯！仲有隻雞蛋切開係流心嫁，冇影流出黎個下添，ｄ蛋汁撈埋ｄ飯黎，夠香！4個人食咁高質都係每人100左右真心一定會番黎再食呀!!!

公司位於太子、旺角附近，所以食飯經常有好多選擇，而呢棟大廈都係我同同事成日去嘅地方，今次就去咗二樓食泰菜~由於工作不時令人疫累，所以大家都同意今次食餐好，我地就選擇咗個4人午餐B，睇落都幾豐富滿足先黎就係開胃嘅小食醃酸辣鳳爪，鳳爪已經去曬骨，好爽口彈牙，而且味道都幾辣下，千其唔好睇少佢，食完係幾開胃口，準備好迎接其他菜式喇之後黎嘅係同小食一樣咁開胃嘅冬陰功鮮蝦湯，個湯都幾足料，除咗有蝦肉之外，仲有大量草菇，同一啲香草，整體味道非常濃郁，晏晝可以飲到冬陰功都真係幾爽接住係干炒金邊粉，食前要將花生碎同金邊粉拌勻，令口感更加好，炒嘅火候將握得好好，唔會燶之餘，味道仲好惹味，但係略厭份量比較少同事好開心，因為揀呢個餐有青咖喱雞食，而佢最鍾意食青咖喱，辣味都幾突出，有淡淡椰汁香，不過佢就比較稀，所以配印度薄餅或者白飯，佢地就會吸收或者沾唔到啲咖喱

朋友黎左香港，今日帶左佢去食泰國菜我們大約6點上到去，食個早既晚餐泰式珍寶拼盆拼盆包括有蝦餅、魚餅、素春卷和雞中翼，炸蝦餅爽口彈牙而且蝦味又濃；魚餅都炸得很香口春卷內裡包有粉絲木耳，最後就食雞翼的味道都唔錯泰式沙嗲（半打）有豬牛雞簡，我地就簡左雞和牛肉，兩種肉都燒得好香肉質唔算好滑，但唔韌配上花生味嘅沙嗲醬馬拉盞炒通菜通菜炒得好入味，豐富著馬拉盞的味道泰式生蝦用杯裝住試枱，很特別帶點辣生蝦十分鮮味！菠蘿炒飯飯入面賣相好靚，菠蘿飯入面好足料，又充滿海鮮和菠蘿椰青點左個椰青飲，好清甜美味好岩夏天去飲

同大學同學一聚，今次就黎左呢間好受歡近既餐廳～餐廳雖地方不大，但勝在樓底高，有空間感。我地點左：椰汁🥥雞湯$88非常足料，湯底酸酸甜甜，用上了香茅、紅蔥、金不換...味道很豐富！車厘茄、草菇、秀珍菇增添口感及鮮味，雞肉嫩滑。冬蔭公鮮蝦鮮蝦炒飯$85炒飯的辣度配合了香港人的口味，不會太辣。飯粒軟韌，粒粒分明。味道帶微微的酸辣，虎蝦爽口彈牙，蝦味十足。青咖哩羊架$138羊架是炭烤的，沒有多餘餡料，味道較鮮，肉汁豐富。配上青咖哩汁，非常開胃。底部有椰菜花及西蘭花🥦點汁食唔錯～芒果糯米飯$42芒果鮮甜，糯米飯是紫糯米及白糯米，熱辣辣的！口感軟糯。椰汁甜度恰好。推介！當晚餐廳7點後已經全場爆滿😳下次食最好卜卜位先～

最近係旺角發現咗呢間唔錯嘅泰國菜，性價比頗高。一入到去已經坐滿咗8-9成人，好彩今次book咗唔洗等位，staff都好nice。前菜係炸蝦餅，香脆得嚟唔油，個餡有咬口，配泰式辣醬一流。主菜叫左一個香芒蟹肉炒飯同椒鹽鮮魷。炒飯嘅料好足，飯入面都收埋唔少芒果，好甜。椒鹽鮮魷夠鑊氣，好大份，最後要打包。仲有個炭燒扇貝，想比象中大隻，值回票價！最後甜品要咗個椰汁芒果西米露，平時我係唔會食的，但聽講呢到ok就試下。好彩都冇失望，重點係好多芒果，滿足。

泰屋是旺角區中鮮有的泰式餐廳，地理位置方便就腳。餐廳環境光鮮企理。第一道菜叫了道馬拉盞炒通菜，爽口之餘亦火喉十足，內裡有以小小香辣，口味能夠迎合大眾。緊接的是冬蔭公鮮蝦炒飯，冬蔭公味濃，酸酸辣辣的冬蔭公味道醒神開胃，而整碟上枱亦十分整齊，賣相滿分。其後連上兩道菜，分別是西貢牛柳以及香芒軟殼蟹，牛柳相比其他菜色之下味道平平，但香芒軟殼蟹卻令我相當驚喜，軟殼蟹脆口，再配以煮熟的香芒，酸酸甜甜的味道讓人胃口更為大開。飲品方面，點了芒果汁以及椰汁冰，芒果汁相對淡味一點，假若味道更濃更好。

同事做到今個月便離職，說真內心總有點不捨。下班後大家均有空，於是便去食其至愛泰國菜。泰屋之前已食過，不過從沒叫過海南雞飯！海南雞件嫩滑不嚡口，蘸上醬汁特別惹味！油飯粒粒分明，配上雞件食，送飯一流。沙嗲串燒(牛、雞) - 賣相挺不錯，串燒燒得恰到好處帶點焦香，入口肉質嫩而不失其肉汁味，蘸上醬汁更加味美！咖喱牛筋腩 - 醬汁香濃帶點椰香，配料豐富有豆角、西蘭花等。牛筋腩炆得軟稔，煙韌有嚼勁！芒果椰汁西米露 - 芒果甜甜，西米脹卜卜有豐富口感，食得挺滋味！香蕉沙冰 - 香蕉味挺濃，沙冰打得幼細，入口滑溜！炎熱天氣下飲杯沙冰確實降溫不少。阿華田沙冰 - 同事獨愛阿華田，他大讚阿華田味濃厚，味道不死甜。

同朋友仔去左旺角行街行到攰攰地去左附近個大廈食泰國菜上到去見到d裝修擺設已經勁泰國曼谷feel以為自己返咗泰國我哋叫咗個柚子沙律 好多汁又甜個柚子 仲有啲花生腰果同埋蝦好清新叫左一個小的小食拼盤其實叫個細份量都幾多有四種小食分別係春卷 炸蝦餅仲有雞翼好新鮮仲係熱辣辣嘅之後仲叫咗個青檸檬烏頭魚 我揀烏頭因為冇乜骨 哈哈配搭埋青檸味道 幾特別 好鮮味叫咗個農夫包咖喱軟殼蟹超好食呀 多汁勁野味好濃郁配埋個包食係超好味容易入口 我仲食咗成個包添啊 記得一定要撈汁最後個小菜就係馬拉盞炒通菜味道剛好。不會太鹹

泰屋我一向食開，因為我覺得好食又平，所以今晚再同朋友幫趁今晚我係刻意6點就到餐廳，因為唔想排隊，所以一去到就即刻有位坐啦，到左7點左右餐廳差不多爆場！坐底後即刻叫返個泰式小食拼盤(細),但我想講呢個真係一d都唔細，勁大碟！雞翼烤到好香，好食！而蝦餅，魚餅同春卷好香口而且夠熱，好味！推薦之一農夫包咖哩焗海鮮，呢個我係第一次食，估唔到係咁好食，包好脆，而咖哩唔辣但就好香，水準極高！麵包點左咖哩汁，食到停唔口，而海鮮份量多，超值炒金邊粉，呢個賣相好得意，好似值物咁，而味道就正常，唔錯馬拉盞炒通菜，夠野味，爽口，好味

尋晚放工晚了少少, 打電話原來爸爸都未食晚飯 所以近近地就選址太子揾間餐廳食飯~ 因為爸爸想食THAI菜既闗係, 係旺角中心近太子果邊行左一陣 見到係大母指樓上有一座商廈係成座食店來的 我地就揀左呢間泰屋來試試~ 地方闊落好座, 而且最欣賞食客想坐闊少少既位, 服務員都會盡量滿足要求,而且態度親切勤快, 個人覺得係度食得開心~ 食物選擇都好多,平時常點既都可以係度揾到, 價位中等, 可以接受~ 太熱既闗係, 先來二個椰青解解渴~~呢度既椰青好墜手好重, 入面有好多椰青水喔~~~ 而且椰青水解渴清甜, 仲可以解熱氣添~ 海南雞(半隻) - 份量都幾多, 雞脾肉滑嘟嘟, 雞味都好濃郁, 再沾埋薑蓉同酸甜醬, 可以送成碗飯~~ 烤蜜糖雞翼 - 蜜糖令到雞皮又甜又脆又香口! 好好食!!! 一啖咬落去, 雞肉汁BI晒出來, 好JUICY好嫩滑呀! 椒鹽鮮尤就一般少少, 個避香塘蒜蒜係好食既, 夠香又脆卜卜, 但鮮尤就真係唔夠彈牙, 淋左少少, 不過碟頭夠大, 二個人都食唔晒呀! 泰屋 旺角彌敦道726號2樓 28073366

今日約左d fd去傾行程，約係旺角就最岩啦！！我地黎緊會去泰國旅行，係時候plan下行程啦！我地又係食泰國野喎！我地先叫左個冬蔭公湯，食泰國野點可以唔叫冬蔭公呢？由於我地叫左個大既，有成4隻大蝦同好多菇，好足料！湯雖然可以見到好多辣椒，但係飲落其實一d都唔辣，我反而覺得佢偏甜。之後就係一個小食，叫左「酸辣鳳爪」，份量比我想像中多，全部都係無骨既，味道酸多過辣，我覺得可以再辣d，鳳爪夠晒凍，醃得都好入味，酸酸辣辣咁幾開胃，用黎送支泰國啤就岩啦！泰國菜我最中意就係食串燒，我地叫左半打雞，黎到仲熱辣辣架，雞肉燒得唔錯，串完雖然會有啲硬但係仍然feel到𠴱種嫩，燒起上黎個皮仲有d脆脆tim！我地最後叫左個主菜：咖哩海鮮包，呢個包夠4個人食！咖哩一d都唔辣，甜甜地咁，有d似青咖哩𠴱種，咖哩汁內仲加左d雞蛋tim！個包好大個好鬆軟，至於配料方面，海鮮都幾包羅萬有，有三隻青口、魚塊、魷魚等，青口絕對唔痴牙，好爽口，魷魚就好煙靭，好有口感！將麵包加入咖哩度食，咖哩令麵包更加軟林林，味道拍得住油蔥餅架！下月就出發啦，一齊過一個熱辣辣既假期啦！