泰味村泰國菜館 (已結業)

一直想試不過假日冇BOOK位, 經常好多人, 好在今日早到(7:00前)可以坐到外面位, 冷氣位已經俾人BOOK哂~環境非常有特色係度食野絕對有哂泰國風味加上夏天真係覺得自己好似去左泰國咁~我地5個人散叫左幾款經常食嘅泰菜冬陰公 - 同去泰國飲的差不多 , 夠辣重味道!炸蝦餅 - 略微鬆, 不夠彈牙泰式炒椰菜苗- OK串燒半打- 個汁最正, 依個要推介推介!!!!!青咖哩雞 - 汁OK, 份量小泰式金邊粉- 依個勁酸, 下次唔叫..

本來唸住同媽咪去主題樂園慶祝生日，預訂埋銅鑼灣嘅餐廳食晩飯，點知不停落雨，去唔成，打亂我哋陣腳，因為父親節關係，好多餐廳都滿座，因為媽咪鍾意食泰國菜，家姐話呢間比較大機會有位，就去咗碰運氣晚上7時半到，都仲有位，不過指定要8時半交枱，餐廳有室外同室內，比我哋一張室內圓枱，5大3小坐都舒服，見我哋有小朋友，侍應主動問使唔使BB椅，不過原來BB椅即係將3張有扶手膠椅疊埋一齊 不過無所謂，做到個效果又穩陣就得！餐牌選擇都好多，又有套餐，不過套餐內食品唔係樣樣啱食，所以都係散叫，叫咗：串燒沙嗲半打（豬）（$48）---豬肉面積不大，點沙嗲醬食，正常！泰味村炒蜆肉（$78）---講真只係見個食具特別，所以叫，每個鉢仔蓋住啲蒜茸蜆肉，不過份量少，每鉢只有兩隻蜆肉，仲要好油，用多士盛住食，香脆，但唔抵食！泰式蝦餅（$58）---唔熱，雖然蝦肉都彈牙，而且好厚身，不過味道一般！炭燒泰腸（$48）---見係廚師推介，熱辣辣，有肉汁，雖然見到黑椒粒，不過一啲都唔辣，好味！泰式蝦膏炒通菜（$48）---只係普通蒜茸炒通菜，我一啲都食唔出有蝦膏味，而且唔講蝦膏味，浄係蒜茸炒通菜都唔合格，味道好淡！泰式炒米粉

今晚我們又走去泰味村吃晚飯~沒有訂枱的我們，好在是二人前，還有一排卡位沒人訂坐。原來內堂的三張大枱已經被訂了，看到有一家人入來吃飯，被安排近門口的最後一張大枱，看到他們說好熱無風超級不願意坐，老闆娘前後幾次客氣地和他們解釋，以及提示他們下次來訂枱就可以坐入一些位置，會較涼快。奉上的歡迎蝦片依舊香脆可口，充滿蝦味，很是好吃﹗例牌重溫炒椰菜苗，明明點了蒜蓉炒，不過可能阿姐落漏註明吧，用了泰式方法去炒，裡頭下了很多指天椒啊，辣勁當道，有時不小心吃到辣椒粒，咳到飛起﹗可惡的是這味道又辣又香，令我吃到不停口，唯有吃一口菜就飲一口水吧，哈哈。$30兩杯的飲品點了蘆薈汁和荔枝汁，清清甜甜，甜度不太重，亦加了不少椰果粒，幾好飲。小食分別叫了兩樣，首先是泰式蝦餅，炸得金黃通透，實在誘惑非常。蝦餅有四件，每一件再切開了一半，哇~那橫切面真是厚到呢...!!炸面薄薄的，勁脆又不油膩，而蝦膠沾滿99%，口感勁彈牙，蝦味很鮮，絕對足料﹗另一樣是烤香茅雞翼，六隻的雞翼也較瘦小，幸而味道拉回分數。雞皮烤得薄脆非常，雞肉非常多汁及嫩滑，除了有香茅味之外，還有醃料的甜味，食了三隻都不覺膩，好好吃。泰式飯款也有不少選擇，

每次乘輕鐵614系號線由元朗返屯門，一定經過"新墟站"，站頭附近有一間裝潢突出的餐廳，不過咁多年都沒有上去吃飯。以前門口那幾棵假椰樹燈閃呀閃，近幾年樹影消失之外，在外面看都好似杳無人煙...我就以為此餐廳沒再營業了。不過早前在開飯看到食家間中掛單 --- 子陵寫的一篇關於泰味村的食評後，終於確定這餐廳原來仍有運作。今晚不想在市中心食飯，所以就帶友人前來一看究竟。由市中心行過來是好方便，十分鐘就到到了。因為時間尚早，我們決定先上餐廳看看'架步'，如果價格貴就轉場去。在預備晚市的老闆娘見到我們，立即前來招呼，不過我說要"看看先"，她沒有黑面之餘，更好識趣話拿個餐牌給我們看看。(知道我們在格價吧)。我們看過餐牌後，覺得餐價都很公道，然後和老闆娘說一會過來晚飯，老闆娘仲好開心話會留座給我們呢。在附近逛了半小時，六點鐘就回來食飯了。餐廳分室外和室內，兩邊的裝潢都有很風味，本想坐室外的我，老闆娘小聲示意說室內是吸煙區，還推介冷氣室內好坐一點，於是就被帶進去了。進來後，一陣陣的涼風送爽，身上的汗黏感很快吹走了。室內的位置原來都相當廣闊，有卡位亦有圓枱，地方亦好乾淨，連洗手間都好清潔架，所以去得好放心

每逄清明打後週日，全家也會去清松觀「探訪」先人，完事後午餐一頓，跟著便會打道回府。今年情況倒有點不同，家妹的外家們也是好客之人，除邀請往其府上作客之外，到了傍晚，更帶咱們前往附近新墟村屋內的一間泰國菜館，據知此店在屯門亦薄有名氣，正值假期前夕，食客來說不算太多。身處餐廳的露天位置，恰好還有點微風送過來，坐得還算舒服。此時華藉的老闆娘前來打個招呼，主人家也順道詢問當日有甚麼時令之選，得知有約斤半的青殼肉蟹時，也立時留了一隻。店家也送來了炸蝦片等香口小吃，如剩吃之下不色有點口乾，親家們亦點了數枝啤酒，名為Maisel's Weisse的冷們品牌，除有原味及濃味兩款，還推介了一種獨特飲法，按原味及濃味作二比一的比例溝製，喝起來也算別有風味。不嗜酒的亦有芒果汁等凍飲作選擇，三十元還有兩杯。先來的是醃生蝦，即使大家所言的活蝦刺身，活蝦的水質固然乾淨，生劏之後還要鋪上蒜塊，擔保事後不會染上手尾。肥美的蝦肉確來得鮮味，再沾上秘製的醬汁，酸辣的味道可十分開胃。家父母是比較老派的人，面對生吃之物，最初還是不敢下筷，到吃上後還不是讚不絕口。多數泰國菜館會以咖喱炒蟹作主打，今次應老闆娘的推介，改為另一種用上

一向愛食泰國菜的我, 今日足之都有機會去到位於屯門有口碑的泰味村泰國菜館.我們一行四人點了冬蔭公湯, 咖哩雞, 小食拼盤, 活蝦剌生, 泰味村炒蜆等了一陣....先上枱的是活蝦剌生, 食落口已經不是很鮮味, 不過都尚可接受, 但已經心知不妙, 諗住之後的菜都應該ok啦, 點知.....第二上枱是冬蔭公湯, 味道其實普普通通, 再食隻湯內的蝦, eee "梅" 一啲都唔新鮮.第三道是他們說的招牌菜泰味村炒蜆, 仲以為有幾好味, 其實都不外如事...之不過個樣上枱時幾特別而已後來的是咖哩雞, 此道菜無失望亦無驚喜, 而小食拼盤上枱時見到好似好好味咁, 不過食完之後就真係十分失望雞翼有點像土匪雞翼, 不過別家米線的土匪雞翼好食過佢芝士腸我無食, 同行的朋友話ok 啦豬頸肉及串燒普通得沒有特別牛仔骨最差.....淋到好似有用野"嗱"過咁, 我本身都食得唔少牛仔骨, 未試過整得咁差!!!!!!!!!d人服務其實幾好, 不過野食就真係麻麻地, 我地四個食完之後都話....應該都唔會再有下次.

一向來說食品都ok, 而且有免費車位,就算撘輕鐵都可到達,設有室內及露天區,可以帶同寵物,不過無啦啦冇得碌卡,只收現金...附近也沒有ATM,好在幾個朋友加加埋埋都夠找數,唔係就魚皮!現在來說這個消費價位冇得碌卡真係唔係好得,以前一路都可以碌visa 及master .... 希望可以重設

上星期同朋友聚會來到泰味村,事關朋友想食泰國菜,屯門區出名的泰國菜---小曼谷實在太逼太多人,唔啱我地今晚聚會傾計嘅飯局,所以就嚟到較為偏僻嘅泰味村,只可惜食完真係太後悔............book左檯當然唔駛等,星期食飯時間都未見爆場心感不妙~~隨menu附上的蝦片,算係脆,但係係都幾硬,好明顯放左有一段時間.....局你食$10咁細碗蝦片,未免有少少昆水成份!!!生蝦,朋友一夾上手未放落口就覺得唔新鮮,果然真係唔新鮮,仲有少少梅梅地......菠蘿炒飯,上檯時完全唔熱,只可以叫暖,又無原隻菠蘿上,賣相欠佳,好多菠蘿好少其他料......蒜蓉包,細細舊,好明顯烘過龍,好硬,跟本咬唔開.......紅咖哩雞,最後落order,最早上檯,好明顯係筆出嚟,又係唔熱.......一D咖哩味都無,何謂咖哩雞????得幾粒雞柳,成兜汁,會唔會有D過份?!?!?!鳳爪,我唔食嘅,但見食剩大半兜都知道咩水準啦~~~~蜆肉配多士,蜆肉油到爆,完全無味,都唔知點煮?!?!多士只係兩塊白面包一開四,成本會唔會低左D???沙嗲串燒,前後落左2次order都未到....串燒細串到.....一支長竹籤吋嘅3

忘記了什麼日子, 和家人及狗狗去了離家不遠的泰味村 三人一狗來到這裡, 因為有狗狗, 所以安排坐在較最角落位置, 由於天氣太熱, 我想掉到前兩張台的位置, 因為有風扇對著, 坐得都會舒服一點, 點知被一口拒絕, 原因就是因為我有狗狗, 有客人會驚, 我明白, 我接受, 但心裡是不好受, 所有在香港的狗狗都是會受到歧視, 所有養狗的人都好似一個做錯事的賊一樣, 帶狗出街都要偷偷摸摸, 被人指罵, 沒法子, 人家舖頭有這樣規距, 唯有坐在一個死角落, 風扇吹不到的一個角落頭三個人點了不少食物, 豬頸肉, 蜆肉, 鐵板蠔仔, 馬拉盞通菜, 菠蘿炒飯, 泰啤, 菠蘿汁~~鐵板芙蓉蠔仔, 好愛這味泰菜, 吃過那麼多間泰菜館, 只有這間的鐵板蠔仔是濕的, 通常出面吃的都是干身, 樣子同芙蓉蛋一樣, 各有各好, 干身就香口一點, 濕的味道也不會遜色, 然而這裡的都很出色, 蠔仔很多, 粒粒都脹卜卜牛油蜆肉配上牛油多士, 其實普普通通 有時覺得太油了其他的豬頸肉, 菠蘿炒飯, 炒菜, 與其他泰菜館沒兩樣, 唯獨今次的菜很咸, 吃剩了半碟!!!菠蘿汁, $30元兩杯, $25一杯, 味道都算幾好! 今

今晚是我2010生日celebrate2,今晚和我預祝的朋友就是住在屯門區,認識我的人也知道我十分喜愛周圍食. 今次我特登叫這位住在屯門的朋友帶我到我在openrice睇中一間屯門很有風味的泰國料理-泰味村.由屯門市廣場步行到這一間泰味村都有一段距離,反而我喜歡這樣,愈偏僻既地方遠離市中心我愈喜歡,這樣才有"周圍搵食"的精神.由屯門市廣場步行約15分鐘,終於到了. 一來到便看到有露天座位,我便開心了,因這樣才令我感覺到有泰國夜士的風味.由於天氣太熱,朋友都是想坐冷氣位,所以我們便入了餐廳的卡位坐坐,一坐下,姐姐便送來一碟蝦片給我們,之後又見到牆上貼了很多啤酒廣告,而且也不是一般的藍妹,嘉士伯,是一些酒吧及酒店才有的啤酒,所以我也order了Maisels' Weisse,.嘩.這間泰國料理真的很用心,啤酒杯是雪凍,剛由雪櫃裏抽出及加上啤酒也是超冰凍的,真的很合適夏天這季節,超開心呀!講完啤酒,係時候講講今晚的美食.在炎熱的夏天,除了來一杯超凍的啤酒外,我也order了一碟1) 活蝦刺身-$78本人真的很喜歡吃魚生刺身之類,泰國料理竟然有活蝦刺身,就試試吧. 不過,雖然活蝦是新鮮的,但味

本想帶屋企人去食較少有既泰北菜~可惜去到發現冇開門~唯有再搭車黎呢度食泰菜啦~呢度平日夜晚不愁搵位..多數都係區內人~勝在有位泊車~一座低會遞上menu同蝦片($10), 我地order左泰味村炒蜆肉-$55,青咖哩雞-$48, 粉絲蝦煲-$78, 泰式炒椰菜苗-$45, qq薄餅$20, 白飯 x 2, 特飲 x4 -$60我每次黎必叫泰味村炒蜆肉..何況今次帶家人黎當然要介紹比佢地食啦~此菜特別在於有7個小洞既容器.放入蜆肉再蓋住小砵..而下面就有爐heat住保溫~食法係將蜆肉放上附送既小多士上..不過多士上枱時已經淋左d~做成蒜蓉蜆肉多士~因為用左大量牛油蒜蓉炒~食落當然好味…當前菜食唔錯~總共有8片小多士~但只得7個小洞既蜆肉..即係話有兩片要share蜆肉份量喇..泰式炒椰菜苗唔係間間泰菜館都有~今次炒得略油~但椰菜苗好味~偏硬帶爽既口感..而份量都唔少..青咖哩雞..椰汁味唔太重..愈食愈辣~但仍然o係可接受既程度以內…雞已去皮..幾嫩滑~除左雞肉,另外仲有蜜糖豆同香葉令到顏色更豐富..好多青咖哩汁呀~good…多到用黎伴飯同蘸薄餅食都用唔晒~青咖哩味調較得唔錯~熱辣辣既粉

由十幾歲食到而家廿幾歲，依然覺得好好食..最喜歡它的招牌炒蜆肉﹕熱辣辣的倒三角椎體瓷器上有七個窿，每個窿入面有裝滿的牛油、蒜蓉、五六粒蜆肉，再用七個小小的三角椎體蓋住以保溫。看到這個特別菜時，心中已有無比興奮。打開七個小三角椎體時，那些garlic和牛油香味會撲到你鼻前，一下一下地冲擊著味蕾。貪婪地將蜆肉連蒜蓉勺在3cm x 3cm的mini多士上，舖得滿滿快要瀉掉，一口吃進去… 難以形容的滿足！蒜蓉和貝殼類食物總是perfect match，再加上牛油，完全忘了健康的考量了。另一撚手菜當然是咖哩炒蟹了﹕點了咖哩蟹包，是挖空大大的法包，淋上咖喱和蟹。咖喱和蟹膏融和在一起，滋味無窮，但略嫌蟹膏份量不多。法包浸泡在咖喱內，漸漸到達"爛"的程度，但因為完全吸收了咖喱和蟹膏的精華，仍是可口非常，停不了口地吃。蟹肉是普普通通的味道，不算驚喜。串燒和泰式拼盤中規中距。飲品普通。屯門區，算是比較貴。但勝在有特別菜式，食物也算頗有水準。希望三四十歲都仲食到。

　　生存了十七年，終於得到了人生的第一份薪水，當然要孝敬一下家人，答謝他們的養教和支持！於是便在網上搜尋美食指南，最後選擇了這家泰味村以交出我的「第一次」，在千百多間的好評食店臨立下，為什麼我還選擇這評分次數不多而且還有劣評的餐廳呢?原因在於它接近我的家，而且附近有桌球會，方便飯後娛樂......當然，我亦因為讀過其他食家的食評，受它吸引才會作一試的！　　泰味村雖然外表上像一般普通的大排檔，但配合著泰國餐的古色古香，而且附近的一些村子建築，的確是多令人陶醉的！　　至於食方面，不得不提泰味村的炒飯，用料新鮮(當然不包括飯)，味道極佳，那種感覺深深的陷入我心中。還有閹生蝦，泰味村所用的蝦很大隻，而且鮮而不醒，咬碎時的感覺像水霸缺堤般令人震撼，值得一再推介！　　唯獨有一件事令這一餐美中不足，就是燒蟹斤兩不足，蟹肉小得非常，母親認為老闆或者廚師必定知道此蟹非佳品，所以「呃生客」，最後我們向老闆娘投訴後，老闆娘亦親自道歉，肉蟹價減成膏蟹價，並送上泰式甜品拼盤，以示誠意。　　雖然發生不快事件，但我仍然要為大家強烈推介泰味村，並希望大家日日食好餸！！(PS:最後結帳為$726)　　

尋晚個好姊妹生日, 諗左好耐終於去左泰味村,因為貪佢收得夜同埋有室外坐 !!我地一行六個人,叫左一個四人餐, 4 碟生蝦剌身, 咖哩牛肉, 雜錦拼拌, 蒜蓉包, QQ薄餅, 一打串燒, 仲有啤酒 & 紅酒 !!佢呢度 D 生蝦比其他地方貴,不過好似比出面既大隻 D 同埋爽 D,個四人餐就有碟豬頸肉, 炒蜆, 炒雜菜, 泰式鳳爪, 蝦醬炒飯同埋冬陰公,冬陰公味道偏酸, 如果唔食得辣可以試(我個人就覺得唔夠辣),炒蜆就大家都讚, 不過一定要即食, 個多士好快"林",QQ薄餅就好硬, 紅咖哩牛肉就普通( 因為本人鍾意食炒蟹個種咖哩汁多 D) ,如果帶紅酒去開要收$50 , 所以無帶去,結果係個度叫左兩枝$165既,我 D 朋友話味道 OK , 不過價錢就..........(因為好似百佳有得賣, 唔洗咁貴 !!)我地飲開有隻百佳野只要幾十元,早知帶枝酒去開比埋開瓶費都仲平靚正 !!啤酒就有好多選擇(30多款), 我地就好似試酒家咁,每款要一枝開出來一齊試(溝酒溝到爆),有隻我地改左佢個名做香片( 因為飲落口好香 ),前前後後試左十幾種( 因為有 D 果汁味同埋平日成日飲開既都無要) ,啤酒總

繼上次試過元朗"泰好味"之後....成日都好想發掘下屯門會唔會有D咁出色又抵食既泰國菜...今日就再接再厲.....試下其他泰國菜先~一如以往...最緊要收得夠夜....但以我倆公婆晚飯時間...都幾難試到好野~印象中....泰味村既招牌燈夜一夜都仲著住,睇埋食評資料...嘩...收3點?打去CFM下先~正........收2點~等梗食好野其間(老公收十點) 梗係要做足功課啦~~其中兩個必食心水:生蝦刺身,泰式炒蜆.依度都幾易搵,環境都幾空曠...有電視睇....一坐底,先黎一份蝦片,兩杯清水及2大份MENU.<<泰式鐵板蠔仔>>$58蠔仔同蛋既份量唔小...整整成個鐵板都係滿既...出面有D舖頭,會加入好多芽菜去增加份量,但佢就絕對真材實料..蛋唔會煮得好熟..仲有D蛋汁,感覺唔乾,而蠔仔細細隻,唔腥..~<<泰式炒蜆>>$55初初見到食評D相...想像唔到上面一個個啡色,咩黎架??嘩...好得意..原來佢既器皿係一個有7個窿既瓷器,D窿就放左約4隻蜆仔+大量牛油+大量蒜蓉~而上面就用個啡色野蓋住...應該係保溫..因為