影片
更多
2009-05-08
15 浏览
繼上次試過元朗"泰好味"之後....成日都好想發掘下屯門會唔會有D咁出色又抵食既泰國菜...今日就再接再厲.....試下其他泰國菜先~一如以往...最緊要收得夠夜....但以我倆公婆晚飯時間...都幾難試到好野~印象中....泰味村既招牌燈夜一夜都仲著住,睇埋食評資料...嘩...收3點?打去CFM下先~正........收2點~等梗食好野其間(老公收十點) 梗係要做足功課啦~~其中兩個必食心水:生蝦刺身,泰式炒蜆.依度都幾易搵,環境都幾空曠...有電視睇....一坐底,先黎一份蝦片,兩杯清水及2大份MENU.<<泰式鐵板蠔仔>>$58蠔仔同蛋既份量唔小...整整成個鐵板都係滿既...出面有D舖頭,會加入好多芽菜去增加份量,但佢就絕對真材實料..蛋唔會煮得好熟..仲有D蛋汁,感覺唔乾,而蠔仔細細隻,唔腥..~<<泰式炒蜆>>$55初初見到食評D相...想像唔到上面一個個啡色,咩黎架??嘩...好得意..原來佢既器皿係一個有7個窿既瓷器,D窿就放左約4隻蜆仔+大量牛油+大量蒜蓉~而上面就用個啡色野蓋住...應該係保溫..因為
今日就再接再厲.....試下其他泰國菜先~一如以往...最緊要收得夠夜....但以我倆公婆晚飯時間...都幾難試到好野~
印象中....泰味村既招牌燈夜一夜都仲著住,睇埋食評資料...嘩...收3點?打去CFM下先~正........收2點~
等梗食好野其間(老公收十點) 梗係要做足功課啦~~其中兩個必食心水:生蝦刺身,泰式炒蜆.
依度都幾易搵,環境都幾空曠...有電視睇....一坐底,先黎一份蝦片,兩杯清水及2大份MENU.
<<泰式鐵板蠔仔>>$58
蠔仔同蛋既份量唔小...整整成個鐵板都係滿既...
出面有D舖頭,會加入好多芽菜去增加份量,但佢就絕對真材實料..蛋唔會煮得好熟..仲有D蛋汁,感覺唔乾,而蠔仔細細隻,唔腥..~
<<泰式炒蜆>>$55
初初見到食評D相...想像唔到上面一個個啡色,咩黎架??
嘩...好得意..原來佢既器皿係一個有7個窿既瓷器,D窿就放左約4隻蜆仔+大量牛油+大量蒜蓉~
而上面就用個啡色野蓋住...應該係保溫..因為最尾食個2個,都仲係熱既
論創意-滿分! 味道 - 配埋多士,好香,變左一個自制蜆肉蒜蓉包~
<<簿餅>>$25
依度有2種簿餅,一種係酥皮,一種係PANCAKE,我叫左酥皮個隻~
約8塊.凍既..好乾爭爭..唔好食!!沾滿咖哩都仲係硬班班咁...!!後悔..後悔!!
<<椰青咖哩焗海鮮>>$88
小辣!杰身既,但冇蛋個種滑溜~汁多,但料略為小左D~以泰國菜黎講,佢個咖哩合格~
<<生蝦刺身>>$78
有8隻...蝦爽,但醬汁就差左D...醬汁唔夠辣,而且太酸..感覺好一般!
<<芒果冰+菠蘿冰>>$30/2杯
芒果冰 - 糖水份量唔多,但估佢水同冰落得頗多..成杯芒果冰都好淡!
(( 依餐除左簿餅之外,都係碟碟清晒~但大殺風景既係眼見地下有大大隻曱甴行黎行去~唔止,店主又有養兩三隻貓仔,對於我依D對小動物較為敏感既,就一路食一路吊起隻腳坐~ ))
是日消費: + 白飯$8 +1服務費 = $389
擇日....再為置樂小曼谷進發!!!!!!!!
张贴
