沾仔記 (威靈頓街)

营业中

休息中

雲吞米, 好耐冇o黎, 原來改o左買飛,同間舖好似唔係好襯, 不過冇咩關係jer!快d一落order即到, 驚人速度!雲吞依然係pingpung球咁大粒,蝦爽口彈牙, 試問仲有邊到$10粉麵o既雲吞咁正~不過疑問係, 點解呢間平過下面$1 ga 呢??

今日上晝，原本諗住同太座去九記食牛腩，點知上到去差幾個字仲未開，就行番落去食沾仔記。都唔明d 樓面點解係要人買飛先坐低，坐低諗下先都得掛，雖然都冇乜選擇可以諗。叫左個雲吞河同鯪魚球麵加碟油菜。個雲吞同鯪魚球大就真係好大粒，但味道卻似乎欠水準，雲吞裡的蝦肉唔得新鮮，沒有鮮味。鯪魚球的腥味頗多，其實可以加多d 胡椒落粉去打，辟辟d 腥味。個麵亦硬了一點，鹼水味頗重。有時真係覺得會唔會係將貨就價的關系，質數反而是次要。反觀對面的麥奀記就完全相反，又細碗，價錢又貴d。但兩者卻又可以同時生存，可見客人都有不同的須求。

今日番學前黎左食呢間出晒名既雲吞麵家因為想留肚食芝士蛋糕所以叫左碗雲吞米食晒d 雲吞但只係食左好少米粉雲吞無錯係大大粒入面全部都係蝦仁但係一d蝦味都冇只係爽口冇用架幸好d米粉煮得好淋呢樣先加番d分咋服務反而比之前d食家所講為好佢地都好有禮貌同耐性解釋呀服務唔錯但唔駛專登去搵黎食囉

今日係星期日, o係中環返工, 食lunch時候唔知去邊食, 諗起openrice 好多食家都覺得沾仔好食~~~ 所以決定一試!!今日lunch 去都好多人, 好彩我一個人去食, 所以好易搵到位~~~ 原來要買左ticket 先~~ 立即叫左一個雲吞米~~同油菜!! 只係15蚊~~~~ 碗米粉講真就真係冇咩特別, 但係加左3粒雲吞就即刻唔同哂!!! 本人覺得佢真係有ping pung 波咁大喎~~~ 入面有成3 -4隻蝦, 而且d蝦好爽~~~ 好食~!!仲有, 果度d staff 都幾好, 好落力, 但落力得黎又唔會冇禮貌喎~~~~不過真係好多人, 間鋪真係細, d 氣氛會攪到你要食快d, 費時阻住人啦~~~~~ 但係又平又好食, 唔緊要啦~~~

見大家成日用乒乓波去讚美沾仔記,今日路過終於入左去試一下價錢-10蚊碗雲吞麵,大大碗,仲要響中環,好抵.雲吞-3粒,只係比一般街邊雲吞大粒,未至於係乒乓波.不過將貨就價,10蚊黎講算係好大粒.麵-份量好多,有鹼水味.我唔會用個"彈"字黎形容,用"靭"比較貼切,頂胃果種.湯-無飲到,反正唔吸引.服務-不是peak hour去,只係坐左一半人.拎住野,想坐底先買野都唔得,比人叫停響門口,要買左飛先搵位坐..響麥奀隔離,自然會比較.如果隔離唔係有間麥奀,唔會有賣點.單獨睇係平同雲吞較大,食完會覺得都幾抵,但未至於要大事宣揚,只係有比較之下覺得特別平同特別大份,吸納左d食完麥奀覺得太貴太細碗既客.近近地去開果頭要平平地開飯飽肚可以一去,山長水路遠既就無必要試.食開麥奀覺得25蚊係值既朋友,就無必要去試"乒乓波"咁大碗既雲吞麵了.

11點唔係好肚餓但又想食d野，以睇過依家多數都係讚價錢又抵所以揀左依到。叫左一碗淨雲吞加腐乳通菜。雲吞得四粒確係唔係好夠喉，裡面既蝦好大隻比去飲既白灼蝦更肥大而且爽口。不過碟菜既腐乳陣味有d怪怪地。但成餐就十分之抵食。

如果係中環找一間好抵食得黎而有水準, 我會推介呢一間第一價錢不在話: 抵~ 而且d雲吞,仲有d魚球好fresh, 口感好好(都係大大粒)食得好飽..第二係快個日放左工去食, 落完order無奈就好快有得食...最後係清潔而且光線充足~~~叫埋油菜+野飲20蚊有找~ =)

$10一碗雲吞麵,有三粒大大粒足料雲吞,誇張點說大得像個乒乓球!麵的份量亦尚算足夠,若以一個女仔食量來說,一定會飽肚~唯一美中不足之處便是麵底有鹼水味,但麵質尚算彈牙!$10~已是物超所值!抵食!!!

去開中環,lunch 時間見好多人,所以又去試下10 蚊一碗好扺吃雲吞夠爽口和大粒不過noodles 太多鹼水味,要下醋中和,有d 失望不過真係好多人個老闆亂咁按排人坐有張桌坐多個小朋友都嫌迫佢竟然想按排我坐落去!好彩個枱客反對咋if not 我個餐都唔知點吃

雲吞超正~~ 重要係$10 一碗, $5一碟菜, 加$2 有野飲~ 簡直無得彈~~ 之前食過麥x 記, 發覺沾仔記水準同佢有得揮, (可能更好~, 起碼, 比麥X 記平好多啦~~) 雲吞大大粒, o的蝦又好大隻. o個日, 我同個fd 去食, 2 個人叫左3 碗~鮮牛肉, 雲吞, 鯪魚球~ 牛肉, 茶餐廳梳打牛肉, 爽爽滑滑咁, 無咩特別~ 但雲吞同鯪魚球就好好食~~ 一定要try~~

雖然中環地方，雲吞麵、鮮竹牛肉的確不錯，$10一碗雲吞麵，低食。麵質依然爽滑，去開中環應該要試。

我同男朋友試過麥奀記後，就再試試呢間舖頭o既雲吞麵..一試之下，我o地都覺得呢間好好多^.^^.^個麵又夠大碗，雲吞大大舊，口感極佳!!!最重要o既係少一倍價錢，多一倍質量..我下次仲打算試o下大大舊o既魚球添!!!!!!

平就唔洗講，流量快所以新鮮，新鮮就好食啦。<br />佢地的湯底有羅漢果，甘甘地，好好食。油菜5元好抵食，強烈建議叫油菜時話「通菜放湯」，佢會將菜放到靚湯底中，一來少油健康，二來好食。

$10一碗雲吞麵, 3粒鮮竹牛肉咁大粒, 又好味wor~~~ 正呀!

20/10，今次第一次o黎食，地方唔算大，有4張長台，一張圓台，如果坐滿哂都會幾迫！我叫o左碗雲吞米，個friend就叫左雲吞麵同菜心。D雲吞都幾好食、幾大粒，D蝦亦都幾爽口，10蚊碗，真係好抵食，碟菜都只係5蚊，真係超值！