沾仔記 (威靈頓街)

营业中

休息中

十四元一碗粉麵，我覺得在中環區來說是很抵吃的，而且味道也不賴~我愛吃這店的鯪魚球米($14)。大大粒兩顆鯪魚球，味道不錯，很好吃。我也愛吃這店的通菜($7)，配腐乳吃，很不錯。我尤其喜歡菜不太油，感覺較健康。不過不能否認，吃完麵後會有口渴的感覺，不知是否太鹹...還是有味精??儘管如此，我仍然會繼續捧場，因為十四元吃一碗味道不錯的麵，我覺得也算抵吃。

今日係中環最後一天開會日, 梗要搵下新野食, 呢度見咁多笑臉, 即管黎試下, 不過, 睇食評都覺得奇怪, 點解黎黎去去都係得雲吞, 鯪魚球同牛肉? 原來個餐牌只有數項, 分別是雲吞/鯪魚球/牛肉麵, $14, 雙併就$19, 三併就$2x, 灼油菜/飲品就$7, 我要雲吞(兩粒)併鯪魚球(兩粒)米, 雲吞大大粒, 蝦夠爽, 食鯪魚球時好似食緊酒樓既牛肉, 太大粒, 我食唔哂, 老公既三併...佢話雲吞同牛肉較出色....油菜只有腐乳通菜, 太硬唔合格, 值得一提既係辣油有味...!

香港地，一碗雲吞麵的價碼真的會差天共地，老字號細細一碗的三數十元是等閑事，平至十元一碗的亦大有人在，當然價錢跟食味未必成正比，但以老牌港式雲吞麵，佔仔歷史都算猶久，但這裡絕沒赫人的價錢之餘，大大件的份量真的比足。是日經開威靈頓街，雲吞麵之選離不開麥奀或這裡，見佔仔沒有嚐過，當然馬上進座。環境裝修座位不錯，而招呼有姐細心招來，沒有一般老店的冷眼，歡心一趟。見雲吞麵滿足不了貪食性格，就來碗鯪魚球雲吞麵。鯪魚球雲吞麵上檯差點赫到，像酒樓的蒸牛肉球的一樣大粒的兩粒鯪魚球已經佔了大半個碗的份量，一口咬下不是腍腍的那種，是爽口彈牙的，個人認為需不能說有鯪魚鮮味，但已經比起坊間的不俗了！雲吞不是散尾的，是大大粒的那種，鮮蝦及豬肉的七三比例，加上一碗三大粒，絕對夠份量。全蛋幼麵沒有鹼水味，雖然不可以用爽口彈牙來形容，跟老牌名店的手打竹昇麵不能相提並論，但亦算可以了。簡單一句，大件夾抵食，況且食味可以，有時間可來試試！

我終於明白點解d人會話香港人去外國返o黎會想食雲吞麵, 我終於食到會令我有依種感覺的雲吞麵la~~食o左一碗雙拼, 雲吞同鯪魚球, 雲吞真係好好食, 個皮好薄, 有3大粒鮮蝦, 係爽口ga, 蝦同豬肉的比例接近8:2, 超正; 鯪魚球都不俗, 但比起雲吞就失色好多, 有d似牛肉球, 一d都唔腥, 唔會有骨, 好淋.麵完全冇梘水味, 好正!我覺得依間o野係絶對值得人特登去食ga~~~

本來一心走來食麥奀記，不過名店啎憂做，八時多去到已經關了門，但又好想食碗餛飩麵，惟有退而求其次，走過對面的沾仔記吧。都係賣$14一碗，相當廉宜，選擇亦極少，餛飩、牛肉、魚皮餃，就是那幾款，那幾道板斧，足以贏得薄名。點了雲吞麵加碟芥蘭。素來筆者都不喜歡雲吞做到大大粒的浮誇模樣，雲吞就是應該細細粒，一口一粒，食落先有風味吧。蝦很大很爽，湯很鹹，是死死的鹹，蝦味是有的，不過很少，麵亦只屬一般，可幸沒有鹼水味。整體來說只屬一般貨色，以其出品而言，十分普通，未有資格登上名店榜。

今日同肥B食LUNCH,差不多2點,好彩唔係好多人,一見餐牌,無乜得選擇,雲吞,鮮牛肉同鯪魚肉,一,二,三併,就係咁簡單,我同肥B都叫三併,佢要河,我要米,再加碟油菜,每碗都好大碗,LUNCH一定夠食,雲吞好大隻,D蝦都新鮮,食落唔會"林PAT PAT",鯪魚肉都好味,但好似有D果皮味,我麻麻地,食一半我就比埋肥B食,鮮牛肉好林,好新鮮,但又無乜梳打粉味,OK,個湯返宜我覺得淡D,唔夠濃,肥B話D辣椒油OK,肥B話以中環收咁價錢,算平啦,係選擇少D!

到中環辦點事,索性到此試一試它的雲吞麵,因通常午飯時間經過,人龍長得很,沒有耐性排隊,今天下午三點半,不满座,竟然有卡位,很舒服的坐下,忽然又想食水餃,點知阿姐話無,一時錯愕,順口便要了雲吞麵,才拿起餐牌看,簡單過簡單,只有雲吞,牛肉,鯪魚球,菜.和其他的沾仔記不同.五分鐘後,麵來了,雲吞足有乒乓球那麼大，有三隻，大口一咬，很爽甜，豬肉的份量剛好，蝦很大隻，可惜鮮味不足，只是人造味道．麵也爽口，沒有梘水味，湯底不錯，味精不多．辣椒油很香又夠辣．不錯．意尤未盡，再叫了淨鯪魚球，有三大個，像小兒拳頭大,很爽滑,加大量辣椒油,食得很過癮.吃得飽飽的,只需28元.是很滿意的.只是還用竹筷子,雖然清潔,但要扣分.出門見對面麥X記,只有伙記,沒有客人.

食左碗雲吞麵同碟油菜, 雲吞同麵都OK, 但略嫌湯底太油(我落order時已講左全部走油), 油菜一般, 而價錢是抵的

第一次到威靈頓街的沾仔記，看見大家都一致好評，於是我就要了一個三拼麵。兩粒雲吞，一個鯪魚球，十數塊牛肉，份量豐富雲吞內的蝦肉十分爽口鯪魚球有很香的陳皮香味麵亦十分彈牙，沒有鹼水味整個麵給我的感覺是很用心的結晶再加上它的價錢十分大眾化，難怪平時午飯時間都有一條長長的人龍在外等候了！

進駐咗中環幾個星期, 仲未習慣喺呢頭搵食, 所以全部都靠同事同朋友帶。同朋友講要平靚正, 佢就帶咗我嚟呢度, 好彩我哋早, 所以唔洗等位。我叫咗碗雲呑河, 朋友叫咗個雲呑牛肉河, 仲叫咗碟油菜share。D雲吞好大粒, 幾爽口, 河粉都唔少架, $13/碗, 真係喺邊度搵~果然係中環抵食之選~~

誤打誤撞來了這兒吃晚飯。一坐低，侍應姐姐便站在你隔離等你order，也難怪，menu只得五樣選擇。叫了兩個麵，一個雙拼一個三拼，加一個油菜。麵很快便來。麵很爽口彈牙，兩粒雲吞是兵乓波那樣的大粒，還有兩件比雲吞更大的鯪魚球，淨看著已很滿足。雲吞內的蝦很大隻，佔的比例應比豬肉大。鯪魚球嘛，味道就只是一般。三拼還有牛肉，但不知味道如何。芥蘭是吃落索索聲，可惜不是和我最不喜的蠔油分開上。兩人吃得滿足僅需四十多元，不能說不超值。環境是很雅緻的，不過人頭湧湧，吃完就要走，無暇風花雪月。

Dunno how it can survive wif such a low price...the won-tons are great with the fresh shrimps inside.but the 'leng yue kau' (fish) is not good...but newayz, it's unexpectedly good~ =)

my friend just came back from UK and we wanted to try something local and Wonton was a good choice. It was 1330 in Central and there were lots of people waiting outside this restaurant. So we decided to go to " Mak Un" since there was seat available. However, we were so disappointed at " Mak Un" as their noodle was too soft, the soup was only warm and the wonton was hard. We still felt not satisfied and therefore we decided to eat wonton again in "Chim Chai Kee". We then lined up and it

20061213晚上一放工就趕去參加龍應台的讀書會，幾個同學仔都沒時間吃飯，所以會後齊齊去隔離條街的沾仔記。擔心它關門，所以一行五人兵分兩路：留下等龍老師簽名或先行前往落單。事實證明戰略正確。當我與另一同學M急急趕到時，門口已架起梯板，阿姐大大聲說收鋪啦乜都唔賣啦~誰知同學A、B、C連連招手指著兩碗剛好從廚房裏面端出來的面，阿姐也沒辦法，搬開一條縫讓我們進去。三隻大個頭的雲吞，鮮蝦清甜，摻了少許豬肉，恰到好處，面底彈牙，連湯都蝦香逼人。在這氣溫驟降的冬夜，真是無比溫暖。還有比我們遲來的客人，一一被拒之門外，呵呵，真是幸運啦，享受到今天的最後一碗鮮蝦雲吞面，仲要甘好味添：）

一年多沒有來過沾仔記，以前在附近上班也幫襯過數次，因為呢度好平呀。本來專程來蓮香，點知茶市收o左，好好好失望呀。再來這裡，裝修過，靚好多。以前午飯時間好迫，今次坐倒卡位，好好多。又係叫我喜愛的綾魚球米，好似拳頭咁大，好好味。老老的牛肉麵亦不錯。論盡豬仲打翻左少少。如果呢度會有多點選擇便好了。