沾仔記 (威靈頓街)

营业中

休息中

今日上晝，原本諗住同太座去九記食牛腩，點知上到去差幾個字仲未開，就行番落去食沾仔記。都唔明d 樓面點解係要人買飛先坐低，坐低諗下先都得掛，雖然都冇乜選擇可以諗。叫左個雲吞河同鯪魚球麵加碟油菜。個雲吞同鯪魚球大就真係好大粒，但味道卻似乎欠水準，雲吞裡的蝦肉唔得新鮮，沒有鮮味。鯪魚球的腥味頗多，其實可以加多d 胡椒落粉去打，辟辟d 腥味。個麵亦硬了一點，鹼水味頗重。有時真係覺得會唔會係將貨就價的關系，質數反而是次要。反觀對面的麥奀記就完全相反，又細碗，價錢又貴d。但兩者卻又可以同時生存，可見客人都有不同的須求。