沾仔記 (威靈頓街)

营业中

休息中

聽朋友講過呢個地方, 佢話呢度以3樣0野就獨霸中環, 講到咁誇就梗係要試試啦!是日平平地來個細"YUNG"熱熱身先雖然得果3粒雲吞, 但粒粒都幾重量級喎!!!D蝦好多, 好爽實!!麵都幾爽口, 不過鹼水味未去得清...會再ENCORE, 試牛肉同鯪魚球!! ^^

中環返工的，都知道呢度食嘢嘅三大問題：又貴、又逼人、又無咩選擇(高層及老細級除外....)雖然我在中環返工的日子唔係太耐，知道的好去處又唔係咁多，但我會不斷努力，試多啲不同嘅餐廳去同大家分享。好入正題，第一間要介紹的便是沾仔記。呢度只得三款餸可以揀，雲吞、鯪魚球同鮮牛肉。選擇需少，但每款品質每次我去幫襯都可以保持到。呢度要試的一定是雲吞，每一粒又大又爽又足料；鯪魚球看上去賣相十分吸引，食落去也十分好食。係個麵底...一般啦，有待改善...重點係呢度價錢唔貴，就算係雙拼麵加嘢飲都係廿六蚊，係中環已是超值。

主人與奴隸獸每次經過『沾仔記』都想光顧，店內總是高朋滿座，而我們亦沒有排隊等位的習慣，無奈，唯有緣慳一『麵』。不過，皇天不負有心人，終於給我們遇上了。1. 雲吞麵（HK$16）：雲吞大大粒，食落爽脆。麵無鹼水味，爽口煙韌彈牙。味道果然OK。2. 牛肉麵（HK$16）：牛肉滑一滑，夠腍，有肉味。味道與雲吞相比，亦不遑多讓。

apr 3, 08, 自己來quick lunch,叫咗 : 1) 雲吞麵-1碗3粒大雲吞,皮薄,粒蝦餃的確充斥住分明嘅蝦肉,鮮味ok啦,但就無嘜肉,就算有都比較鬆散,所以味道唔喺太豐富-個麵就爽同彈口,呢個就唔錯 2) 檸檬茶x 1盒

辦事到晚上八點，胡亂吃個晚餐，附近數間店子坐無虛席，點了客雙拼麵「牛肉鯪魚球麵」（$20）。等了約五分鐘才上桌。期間，見食客多係遊客、單拖的上班族、年輕夫婦，絕無拖男帶女的家庭。牛肉係蘇打滑牛；鯪魚球以巨稱霸，亦彈牙好肉地！麵很爽！廿塊錢的一碗話題麵食，沒什麼好挑剔！

要左雙併麵我揀左雲吞同埋鯪魚肉嘩..2樣野都好大笠,特別係鯪魚肉@@雲吞入面幾乎全部都係蝦黎架,所以笠雲吞都好鮮味而鯪魚肉都幾有魚味..唔錯麵就幾彈身,不過我覺得鹼水味重左少少..整體黎講..成碗麵真係唔錯!抵食到笑

近日女朋友話要減肥,做男朋友既當然都要遷就佢揀既食物,話就LUNCH時,佢要食米粉,我第一時間就諗起沾仔記,一去到,人山人海,門口已經排晒長龍,但唔緊要,等左一陣就已經有位....佢地反應好快,食物係大家排緊隊既時候已經要大家落ORDER,就係希望客人一埋位就有得食,唔使再等...所以客人就好快黎好快走...而且因為款色較少,唔會落錯單同漏單..沾仔記既雲吞麵,雲吞大大粒,而且冇胡椒粉味,粒粒都好新鮮...不過我最鐘意既,其實係牛肉麵,因為鮮牛肉麵,牛肉真係好淋,唔會有筋,更唔會咬到牙到痛...而且間鋪頭就算有好人既時候,坐既位置都算係寬敞,唔會人撞人,逼黎逼去...

講的是雲吞。欠了蝦肉鮮，又欠了豬肉香，沒特別；鯪魚球也一般，感覺就是一大舊肉，沒啥吃頭。　不過麵質真的幾好呢，有咬口之餘還有點點的痴牙；湯底也鮮，兩者相得益彰。　而意料之外是環境不錯，且價錢相廉，雙併也才$20，難怪一面倒笑評啦!

三大粒既雲吞麵,令我覺得,只係食雲吞,唔係食麵!不過可以話,味道係好好,上湯做得唔錯,有種甘香既感覺!麵有靭力,口感頗佳!雲吞大大粒,一咬落去啖啖蝦肉,正!的式既一碗雲吞麵,用嚟做下午茶最好!

一說到沾仔記,反應幾兩極化.正方大件夾抵食,雲吞蝦多兼大大隻.正!)反方雲吞搞到成個腫瘤咁?蝦肉多過乜,家陣我地食蝦餃咩X你?)有別傳統雲吞老字號,沾仔賣的,是大大粒雲吞.難怪有些死硬派,一眾認為沾仔是崩壞正統雲吞規格之"元兇".說起,又好多年無去過這間同麥奀打對檯的沾仔,數一數,今個世紀好像又真的未踏足過.又是那幾味,但環境比以前未裝修是更為舒適.樣樣都大,不如一闊兩大,雲吞拼鯪魚球.價錢$20一碗.雲吞依舊,蝦多過豬肉.蝦肉幾鮮甜且爽口.現代人覺得蝦高級過豬,吃雲吞的標準大多以蝦肉為標準.如果這些人去到大光燈,比硬劣評都得了.曾經熱愛這店的鯪魚球,如拳頭大大粒很難一口吃.鯪魚球未算爽,魚味頗濃,但亦頗濃陳皮味.下面的湯底混合上羅漢果,麵質鹼水味不重,所以其湯底也尚感受到其甘甜.口味大不同,喜愛沾仔的,會嫌那些傳統細蓉又貴又吃不飽,相反的又會覺得好一碗雲吞麵,搞到咁大碗.又似乎有違細蓉細細碗,少食多滋味之原則.但當批評人地碗雲吞麵又細又貴之時候,也好希望大家知道是甚麼,才去下定論.

我總喜歡到沾仔記吃雲吞麵, 比麥奀的便宜, 但我卻認為比較好吃. 雲吞大大粒的, 蝦肉十分爽口, 難怪午市永遠也有人龍. 就算己不停加價, 但仍然物有所價.

本來想到勝香園吃蕃茄通粉，但這天正是他休息的日子，那麼我們便轉到這裡吃大大粒的雲吞麵了。本來以為在中環吃東西，應比其他地方貴得多..但這個價錢也可接受，沒記錯的話..我點了雲吞牛肉麵，約二十多元。遺憾的是..這裡沒有套餐，如果要飲汽水那些，便很貴了。雲吞挺大粒，味道不錯，蝦也是爽爽的。而牛肉也挺好啊，只是湯好像加了味精，吃過後，有點口渴。

早２日，係中環買野，口痕想食雲吞麵，聽過沾仔記大名咁多次都冇食過，所以決定試下係咪咁正！要左雲吞牛肉，真係大粒到冇朋友，食完一粒好似食左勁多野落肚，飽肚感超強，食哂一碗岩岩飽，１５蚊，抵到爛！雲吞有３隻蝦，好足料，牛肉唔會好稔，又幾好，有講既只係服務態度，真係唔多好，要改善下！中環，貴有貴食，可以大拿拿３０蚊食麥奀記，亦可以１５蚊食沾仔記，任君選擇，相信係呢度咁耐歷史既原因

食左個3拼面, 鮮牛同雲吞好食, 魚肉就一般d

兩個人lunch time食碗麵,就到了沾仔記牛肉麵:牛肉好吃,十五蚊碗,但係好細碗,好彩我今日唔係太肚餓!魷魚撈麵:又係細細碟,食唔飽嗰隻,但係魷魚煮得好林,好好食!呢間餔,好想話俾我地知少食多滋味,多食壞肚皮呢個道理,但係我唔buy!!