沾仔記 (威靈頓街)

营业中

休息中

第一次食係一年幾前，個陣每碗雲吞麵係$14麵，今日黎食，要$16麵，不過水準還可以!!!!另外叫左一碟通菜，雖然細碟左tim.menu無轉過，都係得雲吞麵、鯪魚球麵同牛肉麵咁。不過地方窄同埋d人會催你快d落單。

呢一日bb考完試~ 我地黎左呢度食碗麵佢先返屋企抖一抖~我地叫左牛肉麵同雲吞粉呀d雲吞好似幾大粒, 幾足料, 碗粉呢~ bb話唔好食呀我果碗牛肉麵就真係好好味呀!!d牛肉好嫩唔老, 又好味, d麵都軟硬適中~ 仲有係好多塊, 好似食極都仲有咁呀!!其實同bb食~ 食咩都寧舍好味ge~ 同埋望住bb讀書咁辛苦真係好想佢食多d, 放鬆既時間真係放鬆d~ 開心d呢間沾仔記都算fulfill到我地呢個want啦~~^^下次唔好叫粉, 要叫雲吞牛肉麵!!

8月2日 星期六同女友去左愉景灣行下街影下相 晚上7點搭船出番中環仲記得上次行中環搵麥奀既時候... 誤打誤撞撞左去呢間沾仔記既門口......當然仲唔知呢間係咩黎... 淨係覺得好多人 今次... 有目的地前來試食同女友每人叫左一個雙拼 - 云吞鮮牛肉麵... 兩粒勁大粒既云吞同埋一塊塊鮮牛肉鋪左係碗麵上面.......見到已經覺得半飽... 食落其實都OK的... 鮮牛肉好爽好嫩滑...個麵底當然比不上麥字頭的門派... 尚算不俗的... ABOVE AVERAGE之作湯底... 都稱得上甜... 和美味... 不過味精略多.... ^^"兩粒云吞好足料... 非常巨大 -_-"... 然而味道普通... 用既蝦好似唔係好新鮮...... TO CONCLUDE...係中環黎講真係好難搵到一間咁平又味道不錯既麵店...16蚊單 食送... 21蚊雙拼... 26蚊三拼..............咁既價$$... 係其他區都未必做到啦 在我而言...如果經濟情況還可以的話下次再出中環食云吞麵... 麥奀會係我既不二之選... ^_^"另值得一讚係呢度既STAFF好幫得手好勤力無野做

下午時間，選吃雲吞麵，唔會好像中午要等位，大大粒雲吞，喜歡吃蝦的朋友一定喜歡，因為一個裡面有2隻，另外，麵沒有梘水味，正﹗

七月十五日(星期二)因為plan左做gym, 所以之前決定食得輕一點, 早前看飲食雜誌, 睇到原來沾仔記都係香港米之蓮候選之一, 所以順道來試試…我食左呢度最出名既大大粒雲吞麵, 雲吞的確好大粒, 每粒雲吞入面都有兩隻蝦, 但正宗的雲吞就唔係咁既size, 當係一個創新之作la…唔錯la老公仔就叫左鯪魚球加牛肉米粉, 鯪魚球兩大舊, 幾彈牙, 又唔腥, 係賣相差點, 而牛肉就不過不失la…我地仲食左腐乳通菜, d菜好似有點營養不良喎…論價錢, 其實已經不可多強求, 不過真正論味道, 似乎未必係米之蓮之選呢

試過云吞同埋魚丸，味道都幾好，D蝦好彈牙，真材實料。不過D面堿水味道太重，湯底唔得。

１．同女朋友公眾假期下午約２．３０pm入去有張卡位坐念住好開心啦．．．２．因第一次同女友來所以拿起menu解釋同女友看看．．．這時３．阿姐就大聲問我地”食D咩？！”.我坐底無３０seconds. 因為還要選擇食什麼所以回應話”轉頭叫”4. 無耐阿姐又用同樣聲量又問”食D咩？！”．．．我又回應話”轉頭叫”．．5. 無耐阿姐又第三次問”食D咩？！”．．．已經心情大跌．．6. 叫了一般大家話好食過D. 7. 再問佢地比兩杯暖水都話”無暖水喎．．”我心諗．．”無暖水點煮麵”8. 最後收錢又係一個老D既阿姐四萬咁既口講多謝．這時我已沒有反應了．．**結論：一間好既食店不只是煮出大大碗好食的麵（這是硬件），有禮及誠懇的serve 客態度（軟件），一杯讓客人清清口也是細心的服務．***唔通出名的食店就唔憂無人來．無視一般香港市民是不是第一次來．我想，　經過的話買外賣算了．　看見那班做又36唔做又36既”阿姐服務”，心情會大減．

沾仔記聽就聽了很久,幫襯都是第一次,叫了一碗雲吞麵($16)&通菜($9)雲吞好大粒,蝦爽口,雲吞味道是ok的,至於碗麵就,麵身雖然爽口,但就超超超級重梘水味,食到我反晒胃！

哈哈.係第2次黎呀第一次同媽媽今次同男友特登去a好開心呀^^"因為覺得好好食又抵wor^^開始喇!!!我同男友都要左個3拼($24)2粒雲吞+好多牛肉+一粒好大的鯪魚球雲吞入面d蝦好爽好足料而且有肉汁好好牛肉都係爽的..都ｏｋ新鮮鯪魚球呢>.....彈牙的唔會好"聲"都不錯呀叫左油菜($9)個日係通菜..沒特別唯一覺得佢地服務唔係好好姐而且好逼呀><最重要男友喜歡下次會再去的不過太far喇..

第一次幫襯,覺得好好食,最衰住得遠,如果唔係一定成日幫襯,唔知九龍區有冇分店既呢??全店獨沽三味:雲吞+鮮牛肉+鯪魚球,可選單併或雙併或三併,因本人唔食鯪魚球的(不過同卓朋友食過鯪魚球話都好好味),所以選了雙併(雲吞+鮮牛肉),唔係誇張,真係好好味,如果唔係太飽,真係會食多碗;d雲吞大大粒,好有咬感,入面d蝦又冇雪味;d鮮牛肉冇呃人,真係好新鮮喎!!!我要求"加色=加腩汁"之後,嘩,夠味到,連辣椒油都唔駛落呀!!!至於價錢.三併都只係24蚊,認真又抵食又好食啊!!!(雙併21蚊,單併16蚊)至於油菜,只得通菜,不過質素普通,所以不在此詳述了...

很久沒到這個地方閒逛了....今日一行7 人來到這地本來的計劃是去蓮香樓飲茶的...不過在炎熱的天氣下,各人都汗流浹背於是便入內進餐每人一碗"雲吞麵",有兩個叫了雲吞河"一碟 通菜 和一碟 芥蘭先講麵質,沒有"簡"水的味道 而且非常爽口陣牙值得一讚...再讚就是主角雲吞 皮薄而且蝦身新鮮蝦肉比豬肉是8 : 2 的比例通菜亦很嫩綠,又是非常好的河粉也很滑本人來了這店已經很多次了,但要保持水準亦不容易由他十三元一碗 食到現在十六元一碗在中環 這個價錢 可以說得是非常划算!服務方面算不俗吧,由於我們要分開兩張桌子坐下order 時 比較混亂,但他們也沒有不耐煩,哈哈,挺好!

好耐都無幫襯沾仔記. 果晚, 咁啱經過先至知原來間舖裝修過, 見約咗人食飯未到時間, 又想睇吓裝修咗之後有咩唔同, 加上好耐都無食過呢度啲雲吞, 於是坐低叫咗碗淨雲吞. 當我睇到個碗入面只得4粒雲吞, 跟住睇埋個價錢牌就 "吓" 咗一聲, 唔係吖(16蚊4粒), 雖然仲係好大粒, 但好貴啫! 比起另一間, 一樣係乒乓波咁大粒既雲吞既數量, 呢度少咗2粒, 但價錢就一樣. 人哋就(16蚊6粒) . 最慘係食完都好似無乜嘢到肚咁, 唔通係我大食? 已經食咗 (4粒) 大雲吞架嘞! 如果遇啱果啲勁肚餓又好食得既, 要食幾多碗至夠飽呢? 我又諗係咪因為裝修咗要加價呢? 其實未裝修前, 間舖都唔差吖, 傳統式雲吞麵舖. 裝修之後, 視覺上似乎靚咗, 高檔咗, 但未又係賣雲吞麵, 無乜分別. 反而令人覺得有啲拘謹添, 連裏面做嘢啲阿姐亦欠缺笑容, 果晚見到果啲. 無咗以前果種無拘無束既感覺. 其實要改善店內既環境, 要煥然一新係無問題既, 但改完之後, 4粒雲吞賣16蚊, 就離譜啲. 雖然, 而家乜都貴哂, 加價係要既, 但加得嚟都要合理. 唔通真係羊毛出在羊身上? 定係要走高檔

已不是第一次吃的了, 前前後後吃過十次都有, 吃來吃去都覺得幾好食。兩人點了....... 1) 雲吞麵 (3粒雲吞 + 幼麵) 2) 淨雲吞四粒 3) 淨鯪魚球三粒。先說雲吞, 一如以往, 粒粒雲吞都似ping pung波咁大粒!! 入面大約有4-5隻蝦, 所以食落去好爽口, 本人一直覺得不錯。至於鯪魚球, 似網球咁大粒, 要食哂佢都食得幾狼狽....不過好彈牙, 我自己幾鐘意。很多人說他的雲吞沒蝦味, 但試問一碗16蚊既麵, 仲想點? 有時話人地d野唔好食時, 都要諗下個價錢。我覺得以佢既價錢, 佢已經交足功課。哈哈~~我和男友臨走仲買了一打生雲吞走tim!!

本來是想去勝香園,但我找不到於是把心一橫去沾仔記16蚊一碗ga招牌雲吞面面尚算彈牙雲吞大大粒環境乾淨整潔總之有下次

一個月時間, 又搞好公司所有交接既野, 惟有OT, OT, OT. 8點了, 吃點東西再返去 Finish 盤數, 快快趣食碗麵走叫了雙併, 鮮牛肉加雲吞, 牛肉的確又爽又滑, 兩粒雲吞, 大大粒, 大大隻蝦.湯底好正, 但在唔知有沒有味精的情況下, 只是飲了半碗, 坐我對面位仁兄, 成碗飲晒.相比奀果間, 阿沾認真唔奀, 直頭大大碗