沾仔記 (威靈頓街)

营业中

休息中

中環返工的，都知道呢度食嘢嘅三大問題：又貴、又逼人、又無咩選擇(高層及老細級除外....)雖然我在中環返工的日子唔係太耐，知道的好去處又唔係咁多，但我會不斷努力，試多啲不同嘅餐廳去同大家分享。好入正題，第一間要介紹的便是沾仔記。呢度只得三款餸可以揀，雲吞、鯪魚球同鮮牛肉。選擇需少，但每款品質每次我去幫襯都可以保持到。呢度要試的一定是雲吞，每一粒又大又爽又足料；鯪魚球看上去賣相十分吸引，食落去也十分好食。係個麵底...一般啦，有待改善...重點係呢度價錢唔貴，就算係雙拼麵加嘢飲都係廿六蚊，係中環已是超值。