影片
更多
2017-08-04
196 浏览
今晚（又）係尖沙咀拍拖，突然想食越南野，就上openrice search。見到河內大娘都算排得高，又見女友豌姐已經食厭左芽莊就決定由海港城山長水遠行去尖東試新野。餐廳真係係正P3出口，一黎到見到已經有四檯人等緊位，令我不其然地對間餐廳嘅期待升溫。而旁邊嘅豌姐好快已經不耐煩，開始來回踱步。等左15分鐘左右就有得坐低，我同豌姐叫左一個小食拼盤、一碗蕃茄蟹肉湯檬、一碗香茅豬扒撈檬、一杯珍多冰同一個椰青。小食拼盤有一塊蝦餅（豌姐指明要食）、一條開半春卷、兩個蒸粉包同兩隻炸雞翼。蝦餅都幾香蝦味亦算彈牙，唔錯，而粉包d外皮蒸得剛剛好，餡都幾好食，亦都唔錯。只不過其他野就真係—普普通通。春卷—普通，炸得少少過龍。雞翼完全無味，炸粉無味，雞翼都完全無雞翼味。如果唔係睇住佢一副雞翼噤嘅容貌，我真係唔會知佢係雞翼黎🤷♀️我默默食完之後見到對面嘅豌姐用左極多泰式辣醬去塗抹隻雞翼，我諗古人講嘅「食之無味 棄之可惜」就係講緊呢對雞翼。我嘅香茅豬扒撈檬同樣係算不過不失，豬扒無香茅味同時亦無豬扒味，但起碼係熱辣辣，d檬粉又乾乾爽爽，都唔算太差。默默食完碗野抬頭望豌姐碗野好似完全未食過，豌姐愈食愈頭dupdup又一
餐廳真係係正P3出口，一黎到見到已經有四檯人等緊位，令我不其然地對間餐廳嘅期待升溫。而旁邊嘅豌姐好快已經不耐煩，開始來回踱步。
等左15分鐘左右就有得坐低，我同豌姐叫左一個小食拼盤、一碗蕃茄蟹肉湯檬、一碗香茅豬扒撈檬、一杯珍多冰同一個椰青。
小食拼盤有一塊蝦餅（豌姐指明要食）、一條開半春卷、兩個蒸粉包同兩隻炸雞翼。蝦餅都幾香蝦味亦算彈牙，唔錯，而粉包d外皮蒸得剛剛好，餡都幾好食，亦都唔錯。
只不過其他野就真係—普普通通。春卷—普通，炸得少少過龍。雞翼完全無味，炸粉無味，雞翼都完全無雞翼味。如果唔係睇住佢一副雞翼噤嘅容貌，我真係唔會知佢係雞翼黎🤷♀️我默默食完之後見到對面嘅豌姐用左極多泰式辣醬去塗抹隻雞翼，我諗古人講嘅「食之無味 棄之可惜」就係講緊呢對雞翼。
我嘅香茅豬扒撈檬同樣係算不過不失，豬扒無香茅味同時亦無豬扒味，但起碼係熱辣辣，d檬粉又乾乾爽爽，都唔算太差。默默食完碗野抬頭望豌姐碗野好似完全未食過，豌姐愈食愈頭dupdup又一路搖頭嘆氣，原因不明，問佢做咩事佢又唔出聲🤷♀️ 無咩事我當然唔好亂加把口啦🤷♀️🤷♀️🤷♀️😀
講埋杯珍多冰，你無咩事真係唔好叫，除非你特別鍾意飲椰漿水加好硬好硬嘅綠豆粒（d「珍多」就唔洗提，佢地存唔存在你係好難察覺得到）。豌姐就話椰青呢d來佬野就唔會點出事嘅，唔係噤講呀豌姐，之前咪飲過d又「叔」又酸嘅囉。所以呢個椰青係ok嘅。
最後結論係，噤嘅價錢噤嘅質素噤嘅環境噤嘅服務（相請自行睇其他食評，我會形容係屋村樓下舖噤嘅環境），我都係返去食芽莊算數。豌姐，芽莊都唔錯丫係咪？
PS 題目係豌姐諗嘅，形容緊佢為雞翼塗抹辣醬時嘅心情，亦都總結左我地呢餐。事後行出餐廳，豌姐見到噤多餐廳，講左句：「噤多餐廳我地偏要揀呢間」。係囉可🤷♀️
张贴