1
多得弟弟一早上網訂左位，我地今晚先有機會試到咁高質嘅食物
同埋有個咁舒服，開心嘅晚餐體驗～
1
呢間餐廳聽左咁耐… 第一次黎食
結論係不論環境、服務定食物 都好滿意👍🏻
🐥北京烤填鴨 (三食) $888
呢個真係必食… 係我暫時食過最高質嘅片皮鴨 !!!
分為:: 鴨胸皮、鴨胸肉、腿肉連皮
1
師傅即場片比你睇.. 片緊個陣已經陣陣飄香, 我地流晒口水…
最impressed嘅係個淨皮, 不得了!!! 入口即化🤤
店家建議配砂糖食~ 口感先脆後酥, 實在係人生必試
胸肉同連皮腿肉 都係配薄餅, 青瓜, 大蒜, 黃麵醬 ~
特別嘅係 皮連肉 會沾少少蒜泥 ~~ 刺激到味蕾 !
1
二食同三食分別係:: 生菜片鴨鬆, 紹菜豆腐鴨骨湯
呢兩樣相比起黎 就比較普通~ 鴨香唔算太突出
孜然紅蔥炒羊肉 $280
少驚喜😳 初初叫都係抱住博一博心態
因為怕會太重孜然味 太咸, 但佢個處理剛剛好
做到惹味得黎 唔過火, 羊肉帶微微羶香, 入味又夠鑊氣 !
份量仲不少 ~
🍍彩椒鳳梨咕嚕肉 $255
咕嚕肉份量超多, 每件都啖啖肉, 無乜骨頭/肥膏位
炸粉薄 ~ 鳳梨係鮮鳳梨, 有天然酸甜味
整碟都不錯 但唔算太特別 ~
🥃五糧液朱古力雪糕 $48
加入左五糧液嘅雪糕, 會唔會太特別 !!
食到有酒味 但朱古力味亦都足夠將件事balance返 !
口感係濃滑, 仲有一片香口嘅脆片, 值得一試~
1
黑糖合桃杞子蛋糕 $68
我地今餐係同爸爸慶生~ 落單時偷偷同員工講想加生日牌同蠟燭~
員工都好幫得手 ! 上枱時亦有同爸爸講生日快樂 ~
估唔到有成4件蛋糕 ! 口感比較raw 有粒粒合桃肉
面頭嘅醬汁係杞子汁, 可以pump落蛋糕入面~
味道不過不失 ~ 都係雪糕正d 😛
茶芥 $23/ head
員工超勤力咁 幫我地斟茶同加水
又好禮貌, 同時又唔會太殷勤, 恰到好處 : )
p.s. 片皮鴨 係訂位時已經要留定～
p.p.s. 訂位時已經知道 因為沙田18已經FULL左
所以我地被安排坐入 天天吧 度食~
環境相對比較暗, 但都坐得舒服同幾有情調
