沙田18

营业中

休息中

這夜又再來到沙田凱悅酒店內中菜廳「沙田18」。雖然自己並非沙田友，但由於酒店位於港鐵大學站旁，對無論區內抑或區外朋友同樣可算交通便利。這晚大家沒有預訂吃「沙田18」的名物烤鴨，但就預訂了另一道讓人人印象極深刻、回味無窮的菜式 - 「堂弄玫瑰露叉燒配豬油撈飯」！ 先一口氣選了6款前菜，當中我最喜歡的就是「醋黑豆木耳海蜇頭」($168) 及「川椒家鄉口水雞」($168)。爽口木耳與海蜇頭，加上帶點微微酸甜的醋黑豆，清爽開胃。「川椒家鄉口水雞」雞肉香辣醒胃，當然還少不了口水雞的最佳配搭涼粉。其他前菜如「芥末秋葵拌仙掌」 ($168)，「五香滷牛腱」 ($188)，「毛豆小碗耳拌腐竹」 ($128) 和「香麻爽口貢菜」 ($118)，清新又清爽，炎炎夏日吃很不錯。接著來碗熱呼呼燉湯「天籽蘭珍珠貝燉肉汁湯」。湯頭清甜，帶份來自天籽蘭的幽幽甘香（類似石斛的味道），飲完感覺清潤舒心。 說到這夜的highlight，就絕對是色香味俱全的「堂弄玫瑰露叉燒配豬油撈飯」。大推介給所有愛吃叉燒（及相機愛食先）的朋友！「堂弄玫瑰露叉燒配豬油撈飯」只限在貴賓房內供應。記得必須要最少1日前預訂，午市與晚市均可，定價

生日既朋友好鐘意食中菜 所以就㨂左呢間沙田18 酒店既中菜廳環境當然不錯 食身就重點講d值得推介既食物 燒味併盤 有叉燒 燒腩仔 牛油果 牛肉粒 麻醬波菜 超好食 冷盤 麻醬入面加左芥辣油 同芥辣醬好似 好正 好match😋北京水餃乳鴿 鎮江骨 好入味 肉好稔 好味肉餅蒸蛋膏 好多膏 紫米露燉蛋白花鵰話梅雪葩 好味 😋五糧液朱古力雪糕 五糧液味好濃 又唔會蓋過左朱古力既味道 好正好match腐乳芝士蛋糕 好特別 咸味既芝士蛋糕 腐乳味就唔係太出 本人都鍾意食整體黎講都好Good

我家小包子大愛片皮鴨，原本想食大都，但係同事話沙田18好味d，所以就即刻book枱+留半隻鴨。叫左3食都係一般配料一食佢分開三款上第一款係淨皮個staff recommend點糖食，d皮都好脆下，但我個人覺得有d油，所以都係加鴨肉包皮食第二款係淨鴨肉staff話包d 皮嚟食~第三款係皮+肉其實我都無乜點分，都係包個皮食其實都幾好食！二食就係生菜包鴨鬆非常麻麻地，可能因為我唔食芽菜，但係碟野入面又加左大量切碎左嘅芽菜。三食係鴨湯非常之咁蘇，飲一啖已經唔想飲...食飽咸食雪糕怪梗係要叫雪糕啦～左面係花雕話梅雪巴，右面係五糧液朱古力雪糕。兩個都好好味，小包子激讚個五糧液雪糕，話先有酒味再慢慢出d朱古力味出嚟，正！總括嚟講同樓下d食評conclusion一樣啦，叫一食得啦！三食半隻成5百蚊真係有d貴！反而雪糕有驚喜！留意銀聯白金卡有88折。

同事升職，為左同佢慶祝，我地黎左位於沙田凱悅酒店既沙田18食飯，呢度既晚飯要分兩個時段，分別係5:30 -7:30同埋7:45 - 10:30，本身想訂七點既我地，唯有揀食7:45。呢到話晒都係叫酒店餐廳，環境都算唔錯，座位都好闊絡，亦都唔會太嘈，係傾計既好地方。見到開飯網上大部分人都介紹呢到既北京烤鴨，今次趁人多，所以都訂左一隻烤鴨，亦都叫左個三食。一食係片胸皮，胸肉，腿肉，連青瓜，大蒜，黃麵醬同薄餅。 大廚會係你地面前表演片皮，佢真係片得好薄，隨後職員就會將片好既肉連埋其他配料送到你檯上。二食係生菜片鴨鬆，鴨鬆味道奇怪，亦都好似有點兒overcooked，生菜好似有少少過生，整體感覺非常一般。三食係紹菜豆腐鴨骨湯，湯係用剩返既鴨加入豆腐同紹菜煲成既，入口帶有豆乳味，可惜有點兒過濃，建議可以加多少少水，咁就完美啦。服務方面，呢到話晒都係教學酒店，亦都剛好係暑假，所以有大量既學生黎做暑期工，有甩漏都在所難免，但係仍有好大既進步空間。

為慶祝家有喜事，便訂座希望吃一頓有水準的晚飯。晚飯要分兩時段，下午5:30 -7:30，7:45 - 10:30，第一時段覺得太早，便訂了7時半。聽聞這裡的招牌菜是北京烤鴨，所以雖然只有5人，也訂了一整隻烤鴨，準備來個三食，即片皮、生菜片鴨鬆和紹菜豆腐鴨骨湯。食物上桌是頗有心思的，除了員工即場表演片皮功架外，還將鴨胸皮，胸肉，腿肉分三碟上桌，配上青瓜、大蒜和自家制的黄麵醬，的確是十分美味，可惜後來的二食，要再三催促才再送上，不知道是員工忘記下單還是將送餐次序弄錯了？因為鄰桌下單比我遲，三食的流程卻流暢得多。等待良久，送上來的炒鴨鬆和鴨骨湯卻令人非常失望。炒鴨鬆口感有點奇怪, 加上調味不足，用生菜包上感覺很淡。鴨湯雖然濃，但有點鹹，而且有鴨膻味，不甚討人喜歡。我覺得這裡燈光柔和，環境很舒服，座位也算寬敝，但服務和食物水準，以五星級酒店來說，似乎就有很大的改善空間了。

原本冇打算寫食評，所以冇乜同d食物影相。但食完餐飯之後還是想同大家分享下食後感。酒店中菜館，可想佢地有心打造與衆不同既環境同食物。環境係好既，餐牌睇得出有心思。是日叫了3點心，3小菜。同大家續一介紹下⋯1）炸春捲：炸得夠香脆冇油，蝦肉大粒夠爽，唔錯2）鱈魚腐皮卷：外表乾脆，咬落⋯說好的鱈魚呢？d餡細細粒，醬油多，魚肉既texture係咬唔到嘅3）蝦餃皇：皮靚既，蝦同肉比例都好好，出事既係條粗嚡咬落有渣既筍。要做靚蝦餃就唔好慳，用筍心呀4）麻醬菠菜：醬料味道調教得好，但d菠菜嚡到要lur渣喎（原來之前已經有人係openrice講過）5）沙田炸乳鴿：雖然係乳鴿，但乳到冇乜肉既鴿，究竟係未夠秤定係厭食嘅呢？比$128食骨？6）川椒口水雞：呢個最抵死。川椒汁調教得好好，雞都肉嫩皮爽。但斬雞嗰個搞乜呀，斬雞係要同雞骨呈90度落刀㗎。點解？想像一下雞骨同竹支一樣，90度落刀，切口位係平既，打斜45度落刀，切口位咪尖咯。師傅今日打斜斬雞，斬到好幼身（睇落多件d掛），紅黑醬料鋪滿成碟雞，冷不提防一件雞放入口⋯嘩，比件尖雞骨拮到牙肉出血💉碎骨多到呢⋯自殺式食雞都係第一次，我同友人都中招💉7）不得不提個水

好少喺酒店飲茶，價錢預左貴，但最緊要食物有質素，沙田18冇令我哋失望。一早book左位，所以唔使等，我哋係坐bar果邊，環境比較寬敞，個view都好d。有d座位係圓形梳化位，果d位置比較暗﹝唔知點解唔開呢d枱嘅燈﹞。各服務人員都好有禮，仲有笑容，非常好！食物方面也很好，尤其是燒腩仔同埋叉燒腸粉。燒腩仔件件size都一樣，唔似係酒樓果d，仲有係皮脆肉嫩，肥膏唔多﹝見個碟剩返咁小先記得影相就知﹞。而叉燒腸粉，係我暫時見過最多叉燒的，快要多到漏出來，腸粉皮也滑。其他點心也很有水準，而且好夠熱。我哋問服務員要辣醬，竟然有3款俾客人任用，加分位!

沙田18裝修幾有風格，坐得幾舒服，不過接近1:00pm就好多人，幾嘈下，要傾計的話，要早啲到。今日選咗個午餐，包括以下食物: 前菜前菜睇落無乜特別 ，不過其中嗰碟蘿蔔，似乎係用陳醋同埋糖去醃，食落去味道相當好。大頭菜雞柳脆春卷春卷上枱賣相污糟，因為好多油喺個碟，好彩春卷本身好夠熱好夠脆，味道唔錯。芹菜鮮蝦帶子蒸餃蒸餃皮煙韌和滑，蝦好爽，做得相當出色。脆皮燒五花腩五花腩皮脆，但太硬，要扣分，反為伴碟嘅油泡櫻花蝦+大豆芽菜，做得幾有心機，櫻花蝦經過油泡後，脆和甘香，配上大豆芽菜，出奇地好味。粟米蟹肉豆腐羹好夠熱，有粟米嘅甜味，蟹肉分量唔少，豆腐夠滑，不過蟹肉鮮味就差啲，都算佢啦。粗葱南瓜炒鱈魚粒份量好多，整碟菜就普普通通，南瓜係屬於爽嘅質地，我個人喜歡比較冧同粉，鱈魚本身鮮味唔多，我唯有用調味架嘅醬油點下鱈魚粒，咦！好味好多，醬油應該係靚野！豉油銀魚乾蒸茄段淡淡哋，味道普通。豬油渣銀芽撈麵雖然用咗豬油渣但係無乜香味，麵本身都幾肥膩，我個人認為呢碟麵普普通通。合桃圓肉杞子酥皮卷普通過普通茉莉花茶冰淇淋茉莉花茶味濃，一流👍🏻整體來講，地方好，食物唔錯，但亦有瑕疵，以呢類高檔中菜，必須要改善，更

今天是父親節，我們一行四人同father in law 到沙田18慶祝一番。可能是節日關係，人手不足，每上菜要等待良久。北京水餃這八隻小型水餃，索價百多元！水餃皮薄，餡料味道唔鮮，十分一般，超市灣仔碼頭的水餃好得多。👎胡麻醬菠菜也是索價百多元！這道菜真的太差了，菠菜又老又韌，咬不開。胡麻醬稠到像漿糊，完全很難拌勻。👎北京鴨三食從來吃烤鴨，以比較有質素的，無論皮或是皮連肉也不會肥到這樣，真的很膩！鴨肉更是瘦到像肉乾，又乾又無肉汁，同傳聞的烤鴨有好大出入，一如快餐店水準👎👎食左成個鍾，又再等了半句鐘，待應問我們要不要加甜品，但事實是他們漏了單，連鴨二食也忘記上了，五星級酒店的水準是這樣的嗎？而鴨湯應該是鮮味的，但完全像普通例湯一樣，就是一碗平凡的豆腐湯。唯一比較好少少的是炒鴨鬆，比較惹味同夠熱。最差勁的是一枱都是碟都無人收，五星級酒店餐廳是這樣的？水也要自己去添。老實説，上次週曰食點心還可以，今次就連老人家也覺得真的不行，點知同家人節曰慶祝真的中伏了！

片皮鴨食過幾間，最後都係番黎哩度。食過五六次，要寫番個食評每次黎到哩度，都會必食兩樣嘢。片皮鴨(有一二三食) 同五糧液朱古力雪糕✨頭盤有酸蘿蔔花生，純紀錄今次三人行晚餐點了個拼盤，片皮鴨三食同雪糕拼盤特別提名欣賞燒肉，牛油果質素係中高鴨鴨來了第一步先係食皮侍應會推介你點糖香口嘢但我都會留番小小一陣配鴨肉第二步鴨肉肉地係會實身啲，鴨味濃如果想有皮就要自己加番😂第三步就是鴨脾有小小肥肉同皮會嫩口啲，係好食啲架😍分三步食，個人感覺係有口感層次既唔同而又係好好食👍🏻二食係鴨鬆生菜包個人認為水準ok 三食係鴨湯清清地有有菜胡椒味五糧朱古力雪糕❤️( 左)酒味濃朱古力味香不甜好酒者會有好感✨但若只喜樂甜食朱古力既朋友，可能不適合你了。今次試左白果腐竹雪糕豆味香，淡淡的甜味有小小好似豆腐味雪糕。個人認為沙田18環境好好適合傾計，慢慢食同家庭聚會中菜水平中上建議訂定位😊

每次一想起要食北京填鴨，除了有幾十年老字號的"鹿鳴春"之外，便只有到這裡.... 第一次來吃這兒的填鴨，感覺是讓人驚艷的 ---- 那鬆化甘香的鴨皮，再加上那嫩滑帶微膻的肉，真令人回味.... 今天晚上再臨重溫好夢，而且更是坐在之前從未坐過的廂房。除了有一張大圓桌外還有舒適的大梳化一張。小友一看見便馬上馬騮精上身，在上不斷的在打筋斗，好不興奮.... 但想不到的是，除了鴨之外，其他的菜整體上真的蠻有水平的.... 循例先吃些爽脆的醃菜甫及淮鹽花生來熱熱身，不知不覺就嗒了大半碟.... 菜式一手一腳由小弟發版去點。務求每一類別的菜也想試試，而且儘可能不點太貴，家常一些的菜，這樣才可試出廚房的真功夫.... 頭盤小食來個三道。叉燒用的是靚脢頭grade的肉，肉質淰中帶輕微爽彈，蜜味也相當濃重。若然可以燒至帶些燶邊的話，便是完美.... 小蔥舟山海蜇味道酸咪咪挺開胃，海蜇雖稍覺散碎但很爽脆，咬入口嗦嗦聲的.... 以豆麻醬來拌撈芥菜條，質感同樣脆爽。芥菜獨有的甘苦味並沒因醬料之存在而弱掉，不錯.... 此時看到帶著廚師高帽的阿姨推著盛有一整只鴨的小車徐徐步入，第一時間便將它們風采攝

沙田18地點一點也不便利 。對於新界人來講都覺得有點遠。但係點解呢間餐廳咁受歡迎。一定有過人之處。。黎到沙田18，一定要試吓佢哋嘅正宗片皮鴨。片皮鴨正宗食法呢淨皮。鴨皮連肉。淨肉三種食法😍😍😍三種食法各有特色皮脆肉嫩。脂肪匀稱，唔會一口肥肉。。豉香蒸鮮膏蟹砵亦都係另一回味菜式。但睇相就已經見到爆膏了😍😍。等左成晚，我的摯愛來了。一直都覺得甜品係每一餐令到整晚飯局作個完美嘅完結。腐乳芝士蛋糕五仁朱古力餅黑糖薑話梅奶凍焗蕃薯西米布甸話梅芝士卷鳳梨山渣雪糕相思梅蘋果醋雪芭。每一到甜品都各具特色。腐乳芝士蛋糕，但係兩個味道。超級搭配不會太突兀。為了甜品為了片皮鴨，我一定會再訪

出了大大個花紅，所以豪一餐請自己及老公的家人一起吃片皮鴨。沙田18位於大學站，其實有點遠，但是總算在東鐵沿線。早兩星期打電話來留位及預訂一隻片皮鴨。晚餐當日師傅會即場為你切片皮鴨，師傅切得啲皮都幾薄，好好吃。而鴨肉絲會用來炒松子，夾生菜一起吃，然而鴨身會用來煲湯，一鴨三食。後加的嬤嬤皮要每份＄25，每份只有5個，略貴。叫了一個櫻花蝦煎餃子。櫻花蝦煎得很香，餃子皮亦很薄，這個值得一讚。其他的餸菜都不過不失。而值得一讚是他的甜品，因為甜品都比較特別，而且亦幾好吃，選擇亦算多， 值得留肚試試。這裏如果用Citibank信用卡結帳會有八五折。

The location of the Hyatt regency sha tin gives you the feeling of a quick getaway into the "woods" of HK. Many of the staff I suspect are interns from the neighbouring university. The famed Peking Duck is worth a try but I don't think it's any better or worse than those you come across at other on-par restaurants. The veggie dishes can be as pricey as the meat dishes which is, forgive my straightforwardness, a bit of a rip off. Overall speaking the taste of all items are quite heavy and salt

Like many people, we purchased the "Buy 1 Get 1 Free" through the visa special promotion. We had to pay in advance which was around $300. With many bad hotel food experiences in HK, I went to Shatin 18 with no expectations. We sat down near the windows and it wasn't too busy yet so got to enjoy the green scenery for a bit as if it was a lovely painting. Because of the promotion, we chose not to waste time looking through the menu and just went with the only choice for set lunch. Surprised to se