沙田18

营业中

休息中

趁住假期嚟沙田海悅酒店住一晚， 夜晚去咗酒店嘅中菜廳「沙田18」晚餐。 呢間中餐廳之前都去過，印像都唔錯。 今次叫咗椒鹽鮮魷、 東莞炒米粉、沙田炸乳鴿、三鮮煎鍋貼； 甜品就叫咗焗蓮蓉西米布甸 和焗黑芝麻湯圓酥皮批。 椒鹽鮮魷和東莞炒米粉水準出色， 椒鹽鮮魷炸到外脆內軟， 鮮魷鮮嫩無比； 東莞炒米粉， 炒得香口； 三鮮煎鍋貼， 皮薄餡靚， 十分Juicy; 燒乳鴿正常； 甜品佢哋真係有用心做， 蓮蓉布甸絕不欺場， 蓮蓉餡料份量夠； 焗黑芝麻湯圓酥皮批嘅多重層次感， 外面係酥皮加埋上層嘅菠蘿包皮， 食落鬆脆， 裏面包住一粒黑芝麻湯圓， 外面脆卜卜，裏面軟淋淋嘅感覺十分特別， 食落去都好好味，讚！ 我感覺到廚師係用心做嘅！ 至於佢哋嘅員工服務態度， 個個都好有禮貌， 而且有效率。 俾依個價錢係值嘅。

好耐冇飲茶，聽聞沙田18唔錯，約幾隻飯腳一齊試吓！首先，呢度好受歡迎，建議要book位，walk in 未必有位😎叉燒腸，皮滑，厚薄適中，叉燒夠新鮮，豉油另上可以按各人需要，good👍🏻潮州粉果周圍都有得食，但係要整得靚仔好食又真係要啲功夫，呢度個水晶皮做得好好，裏面嘅蘿蔔粒好爽脆，可以encore🥰蝦餃裏面嘅蝦肉好新鮮，大大隻，配埋佢嘅豆瓣醬very Yummy 😋😋😋熱辣辣嘅春卷，雖然有啲熱氣，但係忍唔住追食🙈🙈甜品令我有啲驚喜，花雕梅子雪糕加五糧液朱古力，very amazing 😍😍😍估唔到可以夾埋一齊，真係冇黎錯💕

因為Staycation有$990餐飲卷的關係才有機會前來一試甚有口啤的片皮鴨, 師傅把皮, 皮連肉, 肉分成三個部份, 鴨皮當然脆到入口即化, 而鴨肉個人認為有點乾身; 粉皮很薄身但保持不到溫度, 夾著配料和醬汁一起吃, 滋味無窮!我反而覺得醃蘿蔔是當晚最出色的開胃菜, 爽脆得超乎想像因為是炸BB鴿, 只有外皮最為美味女兒喜歡的燒腩仔, 肥瘦剛剛好, 脆皮比薯片還要脆這是值得一試的中菜館, 但收費頗高, 2人就只點了三個菜, 也差不多把餐飲卷花光光了~~

🇭🇰沙田18·呢間我哋之前有朋友推介話佢嘅片皮鴨好好食🤤🤤所以佢之前做優惠$300可以買佢哋$500嘅消費卷 我地就買左一張 但係我哋食完第一啖已經後悔我哋買得咁少 我哋應該買多幾張帶埋屋企人黎食 因為佢啲嘢食真係相當唔錯😍😍😭不過我自己覺得佢啲菜式名唔係改得特別好 我睇menu既時候冇咩嘢有興趣因為佢太多菜我都唔係特別知道係乜🤭😂但係最後出到嚟樣樣野都好好食 所以大家要俾啲勇氣😈·傳統北京烤鴨(半隻)$398生菜片鴨鬆$128佢個鴨胸皮真係超級好味 大家一定要試吓🤤🤤佢係真係超級鬆化 係一咬啲鴨油出曬黎 但係完全唔會油膩 好似一咬就融化既感覺 配埋砂糖超級正😍😍我之前淨係喺古琴雅苑食過呢一個做法 但係嗰個係完全比唔上呢度 呢度既鴨胸皮真係非常出色🤤之後佢隻北京烤鴨都係好食嘅 但係就冇鴨胸皮咁出色啦 同埋因為佢已經片晒啲鴨胸皮 所以有一部份係剩係得肉 食落就無咁香😌同埋佢呢度有個磨到好蓉嘅蒜蓉 加落個片皮鴨度估唔到係超級夾 成件事係惹味咗超多🥳·藤椒鮑魚拌箭筍$218呢一個係我男朋友嗌嘅 估唔到超有驚喜 因為其實我唔知咩係藤椒亦都唔知咩係箭筍😂😂佢個箭筍好爽口嘅 而且佢係真係好似竹咁個

其實之前都食過好多次，服務每況越下☹️但今次嚟到，全程由一個叫Lam嘅職員為我哋打點一切，我又覺得好滿意喎！兩大一小，分咗兩張枱坐，中間用咗一塊隔板隔住，食嘢就好唔方便㗎喇，不過職員每次都好好，將所有食物分開相應分量放喺兩張枱，等我哋唔駛搬嚟搬去，所以你見相嘅份量係一半嚟㗎😉。斟茶又係，天龍軒都無咁密呀，佢一見我哋邊杯茶飲完就行過嚟幫手斟，真心要比個❤️❤️❤️佢呀！食物方面，我叫咗😋北京填鴨半隻：師傅分開咗三款肉嘅切法，淨皮、皮+肉、淨肉，後兩樣包起嚟其實好食，但無話出面食唔到，但佢塊皮真係好好食，無肥膏，脆到薯片咁，加埋糖食真係食到chop chop聲，我就好推介佢哋嘅鴨皮喇😋☺️黑椒牛肉酥：夠熱！內裏嘅肉好香，黑椒味重，值得試！🙂燒賣：肉同蝦比例大約一比一，唔突出，但唔係唔好食嘅。☺️帶子腸粉：帶子鮮甜同大隻，我個唔食嘢嘅女都食咗兩件😋馬拉糕：個人口味，我係好鍾意，因為佢將馬拉糕分咗幾層，中間加咗啲蛋黃同custard嘅醬落去，食落較甜，但有咬口，層次感重咗！🥶泰式珍珠奶茶雪糕：❎❎❎我好後悔俾我個女揀咗呢個，粒珍珠係好難食好難食好難食！其實佢嘅腐乳芝士蛋糕好好食，如果要叫甜品可以試下，芝士

我曾經在科學園工作了一段長時間，為了招待本地及外地客戶，很多時都會宴請他們到這間酒店中的酒樓吃飯，對於外國的客戶，他們十分喜愛這裏的中菜，尤其是這裏的片皮鴨，可以三食，片皮鴨皮脆肉嫩，其中一道鴨皮加沙糖食法，入口即溶，那種美味實在令人難以忘懷，所以我的外國客戶來到香港，都指明要去一去這間中菜館，吃他們的片皮鴨。另外，他們的甜品選擇也真的夠多，而且也很美味。整體來說，以新界區的中菜館，沙田18絕對是水準上盛的一間。

今日我哋去左試lunch, 係慶祝生日既關係，臨急臨忙叫佢地寫生日字都ok, 可能因為都係酒店既關係，整體服務都幾好，又有禮貌，所以我哋臨走埋單個陣都有另外比貼士。講返食物方面，我覺得我地試既點心都算唔錯，而其他食物就不過不失啦，唔算話太出色。值呢個價錢，幾好食！皮夠薄，夾嗰陣要小心，好易穿味道偏淡，鐘意濃少少既我覺得加埋辣椒醬嗰啲會好食好多。一開始俾我哋嗰碟太鹹，職員聽到我地話鹹都即刻換咗新嘅一碟俾我哋，算係ok，不過唔太值呢個價錢

Peking duck is a must-order delicacy at Sha Tin 18, which takes 70 minutes to roast after your order🔥𝙒𝙝𝙤𝙡𝙚 𝙙𝙪𝙘𝙠 $628 𝙃𝙖𝙡𝙛 $398The traditional way to enjoy the crispy skin is to dip it in white sugar and it melts right away 😋I prefer to have my wrap with cucumber, leeks and sweet sauce but not the garlic paste. The duck leg meat was just good and not too greasy with optimal fat!The restaurant also offers two optional courses for the duck𝙏𝙝𝙧𝙚𝙚 𝙘𝙤𝙪𝙧𝙨𝙚𝙨 𝙬𝙞𝙩𝙝 𝙬𝙝𝙤𝙡𝙚 𝙙𝙪𝙘𝙠 $848 𝙝𝙖𝙡𝙛 𝙙𝙪𝙘𝙠 $538- 𝙙𝙪𝙘𝙠 𝙢𝙚

片皮鴨本來是沙田18的招牌菜，所以去食之前亦有所期待，可惜失望而回。片皮鴨 : 本身沒有鴨味，油香味亦不足，整體質素與價格不相稱，以這個價錢CP值真的不太高。鮑魚酥 : 算是有一點點驚喜，批底做得頗脆，食出鮑魚的煙韌感覺。XO醬龍躉水晶餃 : 外皮比較軟，XO醬味突出，內裡的蝦夠大隻、彈牙，但鮮味不足。义燒包 : 普通。春卷 : 雖然食落口沒有油膩感，但上枱賣相一般，部份春卷佔了點油。五粮液朱古力雪糕 : 入口酒味頗濃，但亦沒有蓋過朱古力味道，而且雪糕尚算雪得比較實，不會食幾口就溶掉。黑芝麻湯圓批 : 是這裡招牌甜品之一，以菠蘿包皮包住黑芝麻湯圓，口感特別，芝麻味香。餐廳環境光猛，而且坐位間闊落，三、五知己坐著傾計相當不錯。

好耐無黎沙田18飲茶，今日放假同媽媽兩個黎嘆下午餐。酒店於平日有優惠套餐，不過未必樣樣啱食，所以都係決定單點。松子菜莆粒帶子炒飯 - 夠乾身好惹味，唔同材料炒香十分有口感。炸蝦角 - 兒時最愛，而家唔係度度有得食，即炸熱辣辣，裡面蝦肉大又爽，每隻都脹卜卜，趁熱食一d都唔油，正。北京填鴨包 - 幾新穎，最啱人少食唔到填鴨既我地，可以過下口癮。包好軟熟，但填鴨同醬味竟然好似叉燒包，最終顯得無咩得別。叉燒 - 本來想叫燒腩仔，但原來週末先有。侍應推介叉燒，於是一試。好在有聽侍應講，個叉燒係超好味！肥瘦適中，燒得極有肉香加上少少燶邊，簡直係近年最佳叉燒！金萡紅豆桂花糕 - 賣相精緻，味道清新，唔會過甜，稍不足係桂花同紅豆一叉就分開。沙田18坐得舒適，環境清幽，食物好不話下，服務亦一流，教人如何不愛它？

上年年中開始發生左一系列嘅事件之後，小妹都少咗出去周圍搵嘢食啦，適逢前幾日係除夕，可以做到朋友搵咗間都幾出名嘅鋪頭去食一個中菜，大學海逸酒店裏邊嘅沙田18！其實小妹係好耐好耐之前都有聽過呢間餐廳，佢最出名嘅就係炭火燒既北京烤鴨，今次當然唔會錯過啦！今次因為人數唔多，所以我哋叫咗半隻一食北京烤鴨，另外都叫咗兩個小菜同埋一份小籠包試下佢哋嘅手勢。首先佢哋第一份上嘅菜就係北京烤鴨，可能因為係預先電話預約嘅關係，所以佢都上得幾快，服務員都有講解佢哋送上嘅部位，醬料同埋食嘅方法，如果冇記錯呢系有鴨腿肉連皮，普通鴨肉同埋鴨皮各一份。之後上嘅菜分別係小籠包，客家雞煮酒同埋竹笙扒豆腐。其實小妹去食之前期望好高，可能係因為咁，所以我覺得有少少落差。首先係食物嘅溫度方面，其實整體食物嘅溫度我唔係好足夠，佢呈上嘅溫度係暖既，只係冇咗個一股想食廣東菜熱辣辣嘅感覺。其次係小籠包嘅包皮比較厚身，雖然肉餡同埋裏面嘅湯包唔錯，但係因為包皮嘅問題所以略嫌有啲失色。最後兩味菜式就略嫌有啲普通，整體來講我都覺得佢係岩岩合格。唔知道你哋有冇試過呢間餐廳嘅菜式呢？有嘅話記得留言話俾我聽覺得好唔好食啊！

是日數人行分開枱而坐星期日一啲都唔多人同以前截然不同幸好沙田18嘅玫瑰露叉燒極之出色，燒腩仔同蝦角亦都一樣咁好食侍應推介嘅糖冬瓜檸檬薏米雪葩亦非常令人驚喜味道清新希望疫情過後再開開心心去飲茶

其實沙田18都唔洗介紹，佢哋啲水準有番咁上下，雖然近年會有時差啲啲，同埋個洗手間唔算乾淨到似五星級酒店，基本上都仲係中上餐廳。好少嚟食晏，但隔咗好耐冇出街食飯，就同business partner嚟咗食Luncheon。晏畫我少有地唔叫佢啲set menu，叫咗餐牌入面啲點心，冇叫餸食飯。兩個女仔，叫咗8樣嘢食，都幾大食吓。鮑魚义燒酥，超好味，好邪惡 帶子餃唔記得名，但好食呢個有蝦嘅餃但唔係蝦餃，好味，認住個樣小籠包必食蘿蔔糕呢個超好食嘅甜品，有芝麻及糯米包住，跟著再係一個酥餅咁，非常香非常好味花鵰雪糕，至愛晏晝叫點心抵食過叫餸食飯，叫set menu會再抵啲，呢度咁多嘢加埋酒水HK$750度，唔太大食嘅叫少啲嘢就會平啲啦～

因為疫情，不能大夥人一齊共膳，只有我和媽媽，今次是第二次到中餐廳用膳，但係猜不到午飯時間， 人流不少，服務水準也不錯，今次點選的點心也是媽媽喜愛的，比較特出的“蒸北京烤鴨卷”，包子軟綿綿內餡料烤鴨香噴噴，醬汁濃，不錯！甜品“腐乳芝士蛋糕”，也很別出心裁，猜不到兩樣濃味的食材擺在一起，引起十分特別化學作用，還有少許鹹，必試！至於蝦餃皇，皮可以再做薄些，賣相有晶瑩剔透感比較好，味道都很好，至於另外一個甜品就有少許失望，“紅棗貝殼蛋糕配橙酒吉士醬”，蛋糕做到外脆內軟 ，但是個吉士醬不點也吧， 完全橙酒香味。我也會再來試其他菜式。

補食父親節飯，一個月前已經訂檯，只有2個時段，分別係5:30 同7:30 選擇，我揀咗早輪5:30。當日一行7人，5:15左右到達，要先登記，準時5:30會安排已登記客人入座。安排坐喺窗邊位置，太陽仲未落山，光猛開揚。訂檯時順便預留一隻北京填鴨，選擇三食。第一食，填鴨都唔洗等好耐就上菜，目測填鴨皮似漏咗氣，唔太夠脹卜卜。師傅練熟咁手起刀落片鴨，第一碟只有鴨皮，服務員建議沾糖食，都唔算薄嘅鴨皮食落好乾、比較實、冇鴨油香，加咗糖食嘅話，可能因為冇咩鴨油嘅關係，真係同預期落差甚大。第二碟係只有鴨肉片，鴨肉嫩滑，不過毫無肉汁，而且鴨味唔濃，又再失望。第三碟係鴨肉連皮，其實綜合咗以上鴨皮同鴨肉嘅食感，配上厚薄適中嘅薄餅、青瓜、蔥白、蒜泥同甜味恰到好處嘅甜麵醬，靠咗啲醬同配料，鴨肉味其實已經唔濃，感覺配菜先係主角。第二食嘅生菜鴨崧喺啱啱切好晒第一食就上菜，咁即係唔係同一隻鴨同埋可能係一堆炒定。可能炒定分配上碟關係，鴨崧份量少，用上啲細size嘅大豆芽炒，調味一般，唯一可以讚吓啲生菜新鮮甜脆。三食係鴨湯，唔係一煲上，又係應該煲定一大煲，一碗碗送上，望落湯色濃白，內有津白同豆腐，飲落淡如水，一啲味道都