沙田18

营业中

休息中

趁住假期嚟沙田海悦酒店住一晚， 夜晚去咗酒店嘅中菜厅「沙田18」晚餐。 呢间中餐厅之前都去过，印像都唔错。 今次叫咗椒盐鲜鱿、 东莞炒米粉、沙田炸乳鸽、三鲜煎锅贴； 甜品就叫咗焗莲蓉西米布甸 和焗黑芝麻汤圆酥皮批。 椒盐鲜鱿和东莞炒米粉水准出色， 椒盐鲜鱿炸到外脆内软， 鲜鱿鲜嫩无比； 东莞炒米粉， 炒得香口； 三鲜煎锅贴， 皮薄馅靓， 十分Juicy; 烧乳鸽正常； 甜品佢哋真系有用心做， 莲蓉布甸绝不欺场， 莲蓉馅料份量够； 焗黑芝麻汤圆酥皮批嘅多重层次感， 外面系酥皮加埋上层嘅菠萝包皮， 食落松脆， 里面包住一粒黑芝麻汤圆， 外面脆卜卜，里面软淋淋嘅感觉十分特别， 食落去都好好味，赞！ 我感觉到厨师系用心做嘅！ 至于佢哋嘅员工服务态度， 个个都好有礼貌， 而且有效率。 俾依个价钱系值嘅。