沁沁麫 (已結業)

我同女朋友雖然經常食日本嘢，但得閒都鐘意搵一d良心小店去幫襯。結果睇完openrice，就黎食嘢。結果異常鐘意lee度沁沁麵係人蔘雞湯做湯底，好健康不過有d淡口（7/10）我會鐘意沁沁飯，因為佢有臘味飯做底，然後再加嫩滑雞肉，配搭好好 （8/10）總括黎講，佢係好平ge價錢食到健康又幾有特色ge嘢，店員仲好有耐心解釋每一道送，仲同客人傾計，真係有家的感覺

很多人都讚這家沁沁餐廳，於是同媽咪去試下。星期六大概6pm左右去到，因為晚飯時間未到，所以裡面一個客都無，如果不是多食評讚好，可能未必肯定想入去。推門時老闆已行出來迎接，等我們坐好，便主動介紹，第一樣推介的叫沁沁飯，即臘味雞焗油飯，老闆解釋臘味是特別直接叫廠留，其他地方食不到的，我是個飯筒，又好喜歡臘味，所以老闆說要等5分鐘，我完全無問題。老闆還說一陣就會聞到臘味的香味。媽咪則一般喜歡粉麵多於飯，而且怕臘味肥，故老闆推介沁沁麵，即秘製人蔘雞湯麵。老闆說湯絕無味精，全碗都飲得。老闆亦推介真材實料羅漢果茶，單點$10杯，配麵或飯則半價$5杯，有冷熱選擇。我們說不要凍，老闆說怕不怕熱，可要暖口啱飲，真的細心，服務周到。😊😊店內好多相展示好多不同食物選擇，好想試好多，如果有多些人一齊便好了。沁沁麵 (秘製人蔘雞湯麵) $41 👍😋這碗沁沁麵 (秘製人蔘雞湯麵)一上，我便試飲無味精的人蔘雞湯，的確夠濃又不會太鹹，恰到好處。配菜有肉絲、溏心蛋、西蘭花、黑木耳，麵為上海拉麵，滲了湯味好夠味，麵可轉米線或烏冬。總體全讚，$41一碗料足味濃，推介沁沁飯 (臘味雞焗油飯) $41在等的過程中，已逐漸聞到陣

Bookmark 咗一排嘅小店 終於試到佢嘅人蔘雞湯麵啦😍😍老闆好好人 落單嗰時同我講記住飲多啲個湯底 話對身體好🙈個麵份量都多 仲有西蘭花 木耳 溏心蛋 雞肉絲 好豐富💕💕配菜全部都索左人蔘湯 好正🙈湯底人蔘味聞落香 食落唔會苦 好好味☺好有家的感覺🙈好味到最後成個湯都飲晒🥰大家去開西灣河嘅話就支持下呢間小店啦👍-------價錢：$41評分（10分滿分）賣相：7味道：8性價比：7回頭率：7------餐廳資料：名稱：沁沁麵地址：西灣河西灣河街112號地下前往方法：西灣河站B出口

去番自己嘅地頭搵食 😉 適逢週末帶咗爸爸媽咪嚟呢間小店食飯 😚 其實眨吓眼我呢個 blog 就嚟滿兩歲大小店都開左一年幾 😙 好耐之前佢哋岩岩開張冇耐有嚟試過佢哋嘅沁沁飯 🍚 今日重遊舊地發現飯嘅配方好食咗 😆 重點系嘢食嘅價錢竟然仲同開張時一模一樣，老闆聽到我嘅評論 😅 親自解話：佢話因為唔得閒費時換窗口啲 poster 喎 😂 咁有人情味去邊度搵大胃王秘汁撈麵 ❤️ ($48)評分：7/10.呢個菜式之前應該係冇嘅 🤔 個人覺得就一般～味道正常但就冇乜驚喜，唔太過癮......😗 可能我唔應該嗌烏冬而應該食正常撈麵。配料方面，系豐富嘅，有燒腩豬扒雞翼等都唔錯。但整體上略嫌有啲太隨意，特別係香腸，同鹵水汁格格不入沁沁飯 ❤️ ($41)評分：8/10.爸爸平日夜晚胃口多數一般，就唔會嗌飯食 😶 不過見到呢個飯都食指大動清晒一粒飯都唔淨 😂 飯嘅口感比開張時候掌握得更好，宜家真係做到淋得嚟完全冇滲油嘅感覺，乾身得嚟帶鹹香，非常好入口 😊 老闆話係將粒鴨同雞肉放係面一齊蒸嘅，所以非常入味。呢個我第一次食時應該冇俾咁高分，但宜家嘅水準真係可以一試沁沁麵 ❤️ ($43)評分：8/10.媽媽至愛養

lunch 跟同事去食.食招牌沁沁麵.個湯底係可以飲哂.因為係無味精.當平時飲湯咁仲有益.麵底可以簡.有菜有豬肉有冬菇.健康之選！食完又無口渴飲好多水.店員服務都好

最近，在西灣河區又發現一間人氣餐廳。今晚點了新加坡叻沙海鮮烏冬湯麵$41、招牌沁沁麵$41、鹵水特大冬菇$15和凍自家制羅漢果茶$5。冬菇很大個，要用刀义來吃的，感覺好似吃牛扒，甜甜的鹵水汁，的確惹味。至於叻沙海鮮烏冬麵，老闆推薦湯底特別和好味，食落會有驚喜。湯底偏甜微辣，熱騰騰的叻沙湯底，真的不錯。至於招牌沁沁麵，主打無味精的秘製人參雞湯，味道清淡，內有西蘭花、木耳、雞蛋和雞絲，是健康食物之選。

黎到附近搵野食，行行下見到有呢1間就入左黎試下，雖然地方比較窄不過見到應該算是老板既招呼都幾好客，都有介紹邊D比較好味或者時令菜式，感覺熱情。點了：鮮茄茸濃湯麵，醉雞卷。鮮茄茸濃湯麵，湯既味道算是不錯，都有點濃，有一大舊既蕃茄，而配料就不是十分特別，而且都唔算份量多，對於我就沒有特別吸引既地方。整體上算是可以接受，不過不失啦。醉雞卷，算是有一點酒味，口感都唔錯，比上不足比下有餘吧，雖然價錢貴一點不過當嘗試一款新既菜式，醉雞卷比較少見。呢間食過一次之後，未必會吸引到我再黎食了，試一次無妨，算是食多一間鋪頭，嘗試不同既味道。總結味道還可以，熱情既招待。

每次來幫襯唔係食沁沁麵就係沁沁飯，今次來到老闆推薦我食叻沙湯麵🍜就試一試新口味啦😋叻沙湯底一樣無味精，可以配海鮮加粟米或者金菇肥牛，那我便試一下海鮮啦。麵方面，我仍然是選他的上海拉麵，因為我對他的上海麵一向情有獨鍾，不會太淋有咬口，麵粉味也很濃。湯麵未上，煮緊都已經聞到濃濃的叻沙的香料香味，麵上了香味四溢，麵上佈滿各式各樣海鮮，有青口、蝦、帆立貝、蜆肉.....十分豐富。第一口飲個湯，真的是異常驚喜😍湯有很香濃清甜的椰香味，配上濃郁的新加坡香料，再配上上海拉麵吸收了湯的精華，椰香與香料與麵條配合得極之好，整體成個麵都好好食，就是因為沒有味精，我就是連湯也都飲光了。整體來說，這一個叻沙是我吃過的叻沙中最好的一個，這一間小麵店總是會給我們驚喜😍

一入座伙計好有心介紹不同食物服務一流，用心經營，照顧不同客人需要今晚2個人黎食，點了沁沁飯，大胃王撈烏冬，魯水豆腐，羅漢果茶(凡點了食物便可半價)食得出係良心材料，無落味精，味道好好，簡單黎講，就係好好味！沁沁飯入面個雞真係超！好！食！連我唔中意食雞嘅媽咪都話好食，食完一舊又一舊！大胃王撈冬就不過不失啦😊 特別推介個魯水豆腐，豆腐滑，個汁好好味大大舊都只係$13 一定會再去👍😍😍😍下次會想試下個人蔘湯😃

本身同男朋友去西灣河係諗住去出名多野食既太安樓掃街，點知一去到人山人海，望落其實Ｄ野又唔太吸引（幾吸引都俾人潮沖淡左我想食既意慾...）於是最後放棄離開周圍行下，又上網睇下西灣河有咩好食，發現依間沁沁麫食既麵好似幾特別下，就入左去啦我叫左一份沁沁麫($41)，用上秘方人蔘雞湯，有雞肉絲、溏心蛋、木耳同西藩花，配料都幾多下。一上檯就聞到好香既人蔘湯味，但入口清香唔係好濃烈個種人蔘湯味，好易入口。醉雞卷($23)，醉雞卷其實好易整，我自己係屋企都成日煮哈哈，其實用足夠時間醃都唔會難食得去邊！佢既醉雞卷酒味都夠濃，雞肉亦嫩滑，都係唔錯既小食。

今天早上陪同家人到西灣河探望親友, 離開時已是十二時多。 想在回家前先吃午飯, 剛路過此店便推門入內。此店面積不大, 設計實而不華, 大約只能容納二十多位客人。 當我們一入内, 店員即時招呼我們入座, 並殷切介紹他們的招牌食物 「沁沁飯」, 註明是秘製臘味雞油焗飯 - 內附臘腸丶潤腸丶臘鴨丶油雞。 店員還説是他們老闆在元朗自家製臘鴨, 夠乾身而不油膩。 既然他們極力推介, 那當然要試ㄧ試。 ˊ沁沁飯 ($41): 臘腸丶潤腸丶臘鴨丶油雞每款兩件。 飯上加上葱花, 送來時飄來香氣。 臘鴨真如店員所說乾身不油膩, 有咸香。 臘腸和潤腸有香味但不會使人滿口油脂, 不錯呀。 油雞就不過不失。 而飯不是純白飯, 而是有味飯。 家傳鹵水食品類有多項選擇, 那一定要試ㄧ下。 鹵水魷魚鬚($18): 初時見它大大條, 怕它煙韌得咬不開。 但原來大大條的魷魚鬚煮得很好, 有口感之餘, 又能容易咬得開。 鹵水汁是香香的。炸鯪魚球($18): 大大粒的炸鯪魚球, 鯪魚肉新鮮丶無腥味丶「彈牙」, 本質很好。 炸出來鬆鬆的, 可口。 可點一點附上的泰式甜酸醬更惹味。 唯獨是鯪

今次去左西灣河食野，見到好多人推介這間沁沁麵店，所以就去試下😉因為同朋友放工後好肚餓，所以大約六點鐘到去到餐廳，可能因為真係太早，眼見店內空無一人，好彩老闆係門口殷勤招待，所以我地最後都坐底左。坐底左，老闆好好地介紹左佢地店鋪食物比我地，就住老闆推介，我地點左臘味飯、沁沁麵同醉豬耳 。先講一講個臘味飯，未上枱已經有陣陣香氣，再講下味道方面，真係唔錯，值得一提係臘臘飯個飯底，少左普遍臘味煲仔飯的飯焦香及痴口感覺，多左臘味本身味道同飯香，飯質感較為軟身有口感，啱晒我口味再講下個個沁沁麵，湯底十足，有少量人參味，飲起嚟仲甜甜地，值得推介，不過餸方面就一般般啦。最後個醉豬耳都唔錯，可以一試。整體嚟講，係一間有心小店，老闆殷勤招呼亦令我難忘，一個人食十分推介，好有家的感覺😉

網上見到呢間麵檔頗受歡迎，見價錢平民，又冇咩人，就入去坐低。牆上貼滿唔同嘅小食同主菜🍜店主見我地眼望望，主動向我地介紹沁沁飯，真材實料之餘又冇味精。搞到我地都心思思，最後叫左「沁沁麵」同 「沁沁飯」，仲有醉雞卷，羅漢果茶🥃沁沁飯:有臘腸 膶腸 臘味 配搭住蒸飯份量足夠，個人認為整體都好味，只係臘味有點偏鹹🙈沁沁麵:有人參味既湯底，老闆叫我地飲多兩啖，好有益👍🏻淡淡既人參味，好岩我，個人唔太喜歡太濃郁既人參味❤️羅漢果茶:飲一啖就覺得同屋企煲既差唔多，有味得黎唔會太過龍，又唔會似水👍🏻食完成餐飯感覺好健康，好似屋企既感覺😎

西灣河有質素嘅麵店不少，繼太安樓林記車仔麵，呢間沁沁麵都係值得推介嘅小麵店。一入門口，見到鋪面細但係幾整潔。座位唔逼，都算鬆動。麵店嘅招牌菜沁沁麵係人參雞湯麵，但係老闆同時都推介研發左半年嘅喇沙。我最後從善如流，叫左喇沙麵同羅漢果茶（都係老闆極力推薦）。呢度喇沙麵好食有兩個原因。第一，湯底比唔少店鋪濃味。坊間有唔少餐廳煮喇沙，但係大部分椰汁味太重，蓋過應有嘅酸辣味同香味。呢間嘅湯味道平衡，酸辣香同椰香兼備，而且唔嗆喉，也唔會太鹹。第二就係麵十分吸汁。湯麵兩者，缺一不可。呢個麵比其他鋪頭嘅麵更吸汁，令到每一啖麵，都食到滿滿嘅喇沙味。好湯頭同麵能夠融合，就係一碗好湯麵嘅象徵。羅漢果茶清甜潤喉，夏天的話飲凍羅漢果茶，更加能夠解渴。所以如果黎西灣河的話，不妨順道黎試下呢間用心嘅小店。

覺得呢間系有感覺嘅小店吾系指佢場內環境同佈置而是覺得佢的食物很有感覺 😊店員 [?主] 好熱情咁介紹店裏嘅菜式話說呢個沁沁飯岩岩新鮮出爐 好值得一試所以就點了它 😋黎到 聞一聞 好香佢吾系得鹹味嗰種香你會聞到有吾同嘅味道混合一齊 又好夾嘅香味 ~臘鴨 臘腸 秘製醬料 再加蔥 👍🏻很好 食落 每樣送都有自己嘅味道吾會得個鹹字 ~雖然撈左秘製醬汁 啲飯都系粒粒飯吾會痴埋一pet嘢 濕淋淋乾濕度 控制得十分好 ~沁沁麵 - 人參雞湯麵本身係有半隻糖心蛋西蘭花同埋木耳 我自己另外加咗火腿同埋豬潤~一黎當然試下啲湯先啦~佢嘅人參味吾會好濃烈出面有啲整人參雞湯會特登整到個湯係有啲苦苦甘甘地咁要突出 “系有人參嘅”呢度嘅人參雞湯吾系嗰種~俾我感覺反而更自然 更易令人受落 👍🏻 個湯其實幾好飲雖然清清的 但吾會淡而無味雞味反而幾濃郁 ~我食下食下 差不多飲灑成碗 🙊😂佢嘅配菜同湯底配合得好好木耳西蘭花幼麵 我另外加嘅豬膶其實同個湯底都係非常之夾 😋另外,, 佢仲有雞肉應該系煲湯時用嘅雞 煲到隻雞散左所以會有雞肉連埋湯底黎~ 好滑好香好食 😋滷水糖心蛋嘅滷水味真系幾滷水下 😂同個湯底顯然後兩種唔同嘅味道