沁沁麫 (已結業)

以為食評差唔多清一色全部畀Like👍, 去試食實唔差得去邊?!結果中哂伏😾.... 因為...將價就貨, 嘥Quota.😾如果以為叫人畀多like就可以呃多d人去幫襯?!😾錯哂喇。唔係門口貼幾隻紙話健康食材, 就可以偷工減料。有冇心去做, 其實真係一食就知!!😾一定無下次😾😾#沁沁飯(秘製臘味雞油焗飯)臘腸臘鴨只係普通貨色.滑雞唔滑, 雞扒貨色.雞油飯明顯淡而無味, 無用雞湯去焗飯. 😿飯焦好韌, 一食就知放咗好耐, 睇得唔食得。😾#新加坡叻沙辣湯麵配粟米什錦海鮮叻沙底還可以.什錦海鮮真係不知所謂. 蝦唔鮮, 青口有D臭味😾,元貝蜆帶子細到差d搵唔到.😾😾跟舖頭原圖簡直差天共地!!😾😾#招牌醉雞卷一睇就知雪櫃攞出嚟, 因為仲有啫喱殘留碟內.😹雞卷跟本就無咩味可言? 完全無花雕酒香. 😿明顯浸雞卷嘅醃底就無料?!😾😾

今晚好好彩❗️一行入舖頭店員就問我食唔食佢哋個招牌沁沁飯（即秘製臘味雞焗飯），因為剛剛煮好係最香最好味😋嘅時候。個飯送過嚟已經香氣四溢，急不及待先食一口飯。嘩❗️飯底煙煙韌韌，原來唔係糯米飯，係白米煮嘅有味飯，吸收咗臘味味道，但絕對唔油膩。臘味瘦肉多過肥糕，食落去唔會成口油，起碼食完唔會有罪惡感。另外叫咗碟蘿蔔牛坑腩🐂，由於今日蘿蔔賣晒，所以換咗豆卜比我😆😆。牛腩嘅口感更亦係極好👍👍。煮到軟腍入味，濃郁牛香味，食起來又不太膩。小店絕對係尋美食嘅好選擇💯，可以食到個性化嘅菜式同味道。

沁沁麵是我的飯堂，除了溫補無味精的招牌沁沁麵(韓白蔘湯雞麵)外，亦推薦"邪惡"之選：香口惹味、鹹甜交錯的【芝士蜜糖炸雞翼】($25)－－老闆熱情友善，告訴我雞翼要首先炸熟、加芝士、用火槍燒芝士、再淋蜜糖，難怪味道酷似BBQ燒雞翼的焦香！但是比較熱氣，我叫多杯自家製羅漢果茶(好甘甜,無溝水)下火。另外，推薦用料鮮甜、香而微辣的【海鮮叻沙烏冬】有1隻連殼蝦，6-9隻蜆，1隻青口，2隻迷你帆立貝，2件魷魚圈，3粒帶子仔(小柱)，1件西蘭花和大量粟米，啖啖足料，只賣$43真是良心小店。從今晚這碗，能看見湯頭的原始狀態：一半淺黃椰漿在左邊，一半橙紅辣湯在右邊，看起來就像鴛鴦飯 <3喜歡清淡的朋友，可以試試【鹵水特大冬菇】，大過我手掌心，菇身好厚肉，用刀叉鋸開當肉扒食，香甜獨門鹵水入味，咬落似吉品鮑，幸福感滿滿~而且環境實在好坐、舒服愜意，有時約friend去食完、hea完，個人就叉足電，可以心滿意足回家。

醉雞卷 $25醉雞卷啖啖肉，肉質鮮嫩彈牙，花雕酒味香濃入味，$25有六大件好抵食滷水豆卜$8豆卜無滷得好入味，自己再點滷水汁就岩岩好，否則會好咸沁沁麵 (秘製人蔘雞湯麵) $43人蔘雞湯好鮮甜，一飲就飲得出無落味精，有淡淡既人蔘味，唔會得個苦字。配料有肉絲、西蘭花、黑木耳，仲有半隻流心蛋，食落有香濃既滷水味，甜甜地好好食。我無額外加其他配菜都已經夠食。沁沁飯 (秘製臘味雞油焗飯) $43配料有臘腸、潤腸、臘鴨同滑雞，店員特別介紹臘鴨好新鮮，食落鹹香十足又唔會好肥膩。個飯有好香臘味油香，食完唔會好漏。個面仲有小小飯焦，好香好正

二次到訪呢間小餐廳，上一次我地叫咗換沁沁麵（人蔘雞湯底），食得出真係冇味精，成碗湯飲晒，而男友叫咗喇沙麵，也不錯。今次我地分別試咗大胃王祕汁撈麵同鮮茄茸濃湯拉麵，當然仲有必點既醉雞卷。至於飲品，也是必點既自家製羅漢果茶。先來醉雞卷，入口啖啖肉，有酒香之餘又唔苦，確係唔錯，以$25有大約6件來說，簡直係抵食👍！男友既大胃王袐汁撈麵有豬扒、雞翼、冬菇、香腸同豆卜，香香既滷水味，而每件都煮得好入味。我個碗蕃茄湯麵就有木耳、雞柳同半隻滷水半熟蛋，好健康呀！但我就略嫌佢既湯甜左少少😬這間小店還有一個沁沁飯每次到訪都賣完，期待下次再試！整體來說，這間小店用心經營，價錢合理，值得再來到訪！

好耐以前第一次食唔知揀咩好諗好耐，同朋友喺度傾，佢會主動過你問係咪第一次食，可以介紹餐牌。😍 今次再去食， 見到朋友食豬扒食得唔方便 (撈麵得筷子匙羹)，會主動問需唔需要刀叉，呢個舉動好貼心。--🥢 大胃王秘汁拉麵 HK$50材料豐富，有特大冬菇、雞翼、豬排、雞肉腸、西蘭花、豆卜。真係超大冬菇。😛 另外，值得一提，豆卜吸晒啲汁好有味道。揀咗上海拉麵，如果麵嘅汁味道可以再濃啲會更吸引。.🍜 新加坡叻沙辣湯麵 HK$43海鮮有青口、帆立貝、帶子、蝦、墨魚、蜆等等。好多粟米，好似食極都食唔完咁。我喜歡。🤤 叻沙湯底，佢本身係standard咗少辣，唔食得辣都食到。如果喜歡辣，可以要求多辣。幾有椰汁嘅味道，但唔係特別濃郁。感覺撈麵做得比較出色。

位於「西灣河」「太安樓」斜對面，「西灣河街」旁邊有一間麵店，麵店的名稱叫做「沁沁麵」。「沁沁麵」在「開飯喇」裡面的食店資料裡面顯示，指「沁沁麵」店內沒有裝置電視機，沒有播放電視節目。但是事實上「沁沁麵」實際店舖的樓面裡面，位於收銀櫃檯的旁邊，其實放置了一部小型電視機，而且收銀櫃檯小型電視機，電視機播放新聞報導噪音聲浪其實蠻大，蠻吵耳的。所以我光顧「沁沁麵」，發現雖然看不到「沁沁麵」的「電視新聞報導」，但是卻能夠清楚聽到「電視新聞報導」裡面的噪音，這樣的「沁沁麵」食店資料，其實是跟擁有「電視播放」幾乎沒有分別。因為看不到畫面，但是卻聽得到電視新聞報導噪音，跟在食店放置一部聲音響亮的收音機，整天不斷滾筒式定時播放新聞報導一樣。很多電臺都會每半小時播放新聞，在中午黃昏還會播放新聞專輯，頻密程度絕不遜色於電視臺。所以我進入「沁沁麵」店舖之後，就立刻發現電視機裡面的新聞報導聲浪很嘈吵，令我覺得渾身不自在。雖然「沁沁麵」屬於麵店，但是不等於裡面沒有飯食品可以選擇享用，只是沒有提供牛肉飯而已。由於我中午在西貢墟阿媽舖頭裡面想食牛腩飯，偏偏又食不到，所以唯有在「沁沁麵」裡面尋找牛肉食品，結果我「沁沁麵

收工後一支公，諗住普普通通食個飯。呢間小店開左一段時間，好耐之前食過一次，今日經過決定再幫襯。店面不是很大，大約可以坐廿位客人。當時大約晚上七點半，間舖大約七成滿。我和另一個單人食客搭枱，坐一張四人枱。店舖主要供應面食，例如招牌沁沁面。雖然食物種類不多，但食過好幾款，味道都很好。👆🏻落單紙。街坊價，食個面再加個餸都只係幾十蚊。埋單唔駛加一。抵食!我點了一個沁沁面，加8蚊加了豬腩肉。沁沁面的湯底是人蔘湯，人蔘味濃郁，食得出冇加味精。好味到當湯飲，飲左大半碗。特別要講下隻溏心蛋，食落有香濃嘅鹵水味，texture 好似滬菜嘅燻蛋。食到一半發現了一小截人蔘，果然真材實料。店舖嘅裝修、燈光，同埋食物嘅擺盤，令拍攝出黎嘅相一 d 都唔 ig-able。可能單憑相片你會覺得沁沁面唔吸引，食落先知真係好好味。平實但高質嘅小店，值得支持。

今次嗌咗四樣嘢。首先係前菜醉雞捲，一共有六七件，每件都好入味，食到有酒香， 件件都有骨膠原。然後係人蔘雞湯面，有黑木耳、西蘭花、糖心蛋、同幾件雞片，湯底濃郁，飲得出係落足料，而且冇味精，麵底就普通上海麵，糖心蛋係茶葉蛋味道。再黎係番茄濃湯淨湯，雖然冇面，但係配料十足，一樣有黑木耳、西蘭花、半舊蕃茄、同埋四五塊肥腩肉。湯底帶甜，個人認為有少少甜得滯，所以最後冇飲晒啲湯。最後係一個蒜蓉炒西蘭花，幾有鑊氣，味道唔錯。飲品就嗌咗杯自家製羅漢果茶，幾好飲。

今次覓食嘅地方就係"沁沁麵"西灣河站B出口過一條馬路行去西灣河街就到 非常方便小店舖面不大 用上open kitchen 所以可以見到廚師制作食物staff姐姐好主動介紹 同問我地係咪第一次黎食咩野叫做"沁沁麵"同介紹返出名小食咁就當然要揀返最出名嘅 沁沁麵 秘制人蔘雞湯上海拉麵$43配上肉絲 溏心蛋 西蘭花同木耳鮮茄蓉濃湯上海拉麵$44配上雞肉 溏心蛋 西蘭花同木耳醉雞卷$29 花雕酒味好出 係無骨凍醉雞片 良心小店 好值得再encore 份量好足 味道好住家

有一次去到西灣河食面，叫了碗滷水發現滷水是甜的，另外面的湯底也是甜的，難食到飛起 雖然老細幾有禮貌，不斷問人啲麵好唔好食，但係老實講我就覺得好難食，因為食麵最緊要個湯底，都唔好咁甜，一碗類似糖水嘅湯底嘅面，試問又點可以食得入口呢 另外鹵水如果係甜嘅話，咁就好有問題啦心心面真係唔識點講，總之如果一碗湯底係甜嘅話，食落去就覺得好難食啦，你有冇心做都好啦，甜咗就唔知點算 ，解釋唔到嘅甜 其他餸都係例牌，食到一半就食唔到落去啦

第一次黎沁沁麵，佢地既款式好多元化，有廣東特色，有馬拉風味，有養生湯底等等...原來想叫沁沁麵，係秘製人參湯麵，店員見到我地係度討論叫咩食物，就話我地知沁沁飯岩岩煲起好好味，我地就改變左主意叫沁沁飯(秘製臘味雞油焗飯)！佢地廚房係開放式既關係，未上菜既時候已經聞到一陣香味，原來就係我地既沁沁飯，里面有臘鴨腿、臘腸、膶腸同滑雞，老闆話佢地既臘鴨腿好新鮮，食落果然好香，肉質鮮嫩，連皮都有小小Q彈既感覺。臘腸、膶腸不會硬，而且入面好juicy。飯粒粒粒分明，但係唔會油笠笠，有一種獨特既味道，食得出呢碗飯花都好多心機煲出黎，大家一定要試！另外我地叫左新加坡喇沙肥牛米線，老闆話我地叫唒2樣佢鍾意食既野😆，用料方面有4大片肥瘦適中既肥牛，金菇同埋西蘭花，湯底好有椰香味，濃度恰到好處，平時食麵唔飲湯既我都忍唔住飲埋👍🏻

今日同女朋友落到黎西灣河搵食，上網睇到評語不錯既呢間小店就入去試下，食物種類都幾多，幾有特色店員推薦佢地岩岩煲好既沁沁飯，甘我地就決定試下芯芯飯-新鮮臘味焗既油飯！d飯味好香，而且唔覺得油，好開胃，有臘腸、潤腸、鴨肉同埋雞肉，臘腸好香好好食，唔會*梅*，鴨肉偏咸一點，整體感覺係呢個飯用料好新鮮，非常值得推薦肥牛金菇喇沙米線-可以選擇栗米雜錦海鮮或者金菇肥牛，喇沙湯底感覺很有新加坡既風味，肥牛也不會多根，不錯

要到久違的西灣河區辦點公務，完事正好給我有機會到此覓食一下....集中火力向一眾小店埋首。本來是要到太安樓走一圈的，但聽許多食友大讚這店的出品，也就專道走過來試試....值得一讚是，這兒的侍者非常的有禮貌的，而且不斷作出窩心的推介但又不會太令人煩擾，我就最喜歡了....先來一杯他推薦的自家製羅漢果茶，味帶微甘甜十分溫和潤喉，就像是媽媽家裡煲的一樣....點多一份有不少稱讚的小食醉雞卷。雞肉瘦但不柴嚡，酒味調較得剛好，不會奪去雞肉之味道....對餐牌中的那招牌泌泌飯十分具興趣。一聯想到臘味配搭上雞油焗飯，口水不期然就流出來啦....飯份量不多但嗒落真的油香十足而不膩口；臘味當中以homemade的臘鴨最出色，鹹香十足亦不太肥膩香得不得了；潤腸甘味夠而不過濃；臘腸個人認為可以肥一點就更好，但說實在要找回從前口味豐腴的貨色絕對是難如登天；貼心的是置頂放有一小片炸飯焦，從而吃出一個不同的口感來....真是可惜，西灣河於我而言真的是太遠，不然的話，我一定會成為此店的常客....

野食真心大件夾抵食。職員又nice同健談，去到職員會問係咪第一次食，如果係佢會介紹同埋講唔同嘅details。又會主動問對野食有無咩特別意見。--🍜 大胃王比汁撈麵 HK$48材料款式同麵份量都多，豬排、大冬菇、雞翼、腸仔、 豆卜、西蘭花。佢個汁有啲似滷水汁，撈麵汁嘅味道唔特別濃，但面份量都多。😂 不過老實講佢擺碟真係怪怪，但野食幾吸引。.🍅 鮮茄濃湯雞肉烏冬 HK$41雞肉唔會有好冰鮮味，蕃茄味道比較淡。.🧀 芝士蜜糖雞翼 HK$23食咗咁多野已經好飽，芝士都厚，加埋蜜糖食到好溜。