沁沁麫 (已結業)

黎到附近搵野食，行行下見到有呢1間就入左黎試下，雖然地方比較窄不過見到應該算是老板既招呼都幾好客，都有介紹邊D比較好味或者時令菜式，感覺熱情。點了：鮮茄茸濃湯麵，醉雞卷。鮮茄茸濃湯麵，湯既味道算是不錯，都有點濃，有一大舊既蕃茄，而配料就不是十分特別，而且都唔算份量多，對於我就沒有特別吸引既地方。整體上算是可以接受，不過不失啦。醉雞卷，算是有一點酒味，口感都唔錯，比上不足比下有餘吧，雖然價錢貴一點不過當嘗試一款新既菜式，醉雞卷比較少見。呢間食過一次之後，未必會吸引到我再黎食了，試一次無妨，算是食多一間鋪頭，嘗試不同既味道。總結味道還可以，熱情既招待。