沁沁麫 (已結業)

今日放假陪媽媽去西灣河買菜，原本諗住去食碗車仔麵，見到隔離新開這間餐廳沁沁麵，門口寫著不落味精，健康食材，有人參雞湯，都是40幾蚊一碗左右，我媽睇到二話不說就要入去。一入店內就聞到好香的臘味飯味道，我媽忍唔住講了句好香，老闆好熱情，介紹因爲是剛剛蒸好，臘味出味最正，老闆話自己日日都食😂餐牌有3種麵食，同一個飯餐可以揀，另外可以再加小食餐飲加5元有羅漢果茶，自家製，一飲下去，真的跟外面罐裝沒有得比，甘香清甜，我媽媽大讚，好飲過自己煲👍主角黎啦，秘製臘味雞油焗飯$41價錢好親民，一碗飯裏面有臘鴨，潤腸，臘腸，油雞件，好香好香臘鴨是新鮮製造，平時食的臘鴨是非常乾身和很柴的，這裏的臘鴨沒有那一種油益味，而係非常之新鮮，新鮮是剛剛風乾那種新鮮，皮很薄，食落好享受臘腸，潤腸，腸皮非常非常薄，咬落去多汁，肥瘦均勻，味道剛剛好👍好大件雞，黃油雞件，肉嫩滑，臘味的香全部渾入去白飯裏面，很香，但一點都不油，沒有多餘的油份，只有臘味本身原食物的油，食完完全唔會滯，就算夏天食都冇問題👍沁沁麵$41正宗人蔘雞湯面，用正宗韓國仙人參，雞等材料煲足五個鐘，一上枱的時候，老闆話要先試過湯，真的非常好飲，飲落清甜甘香，

發現好食既小店，總是隱藏在小巷。最近很喜歡在舊區影相，遊走街市地帶發現這間隱世食物。"正宗人蔘雞湯" 這6個字足以讓我走入去了。餐牌簡單易看，快速的選了招牌推薦。沁沁麵：等待的過程，就感受到香濃的人參雞湯飄散在空氣中。首先，品嘗一下濃郁的人蔘雞湯，根據老闆的說明 - 這個湯底絕不是味精，可以全飲掉!! 而且有介說人蔘的好處，人蔘雞湯對女性特別滋補。湯底濃郁，配合的上海拉麵沾上湯汁，非常惹味。雞肉絲都充滿藥材味道，而且真的用料十足。並且份量都不少，絕對滿足到肚子xd食到採用正宗人蔘雞湯，已經很難得，這個價錢是值回票價。考慮了一會，最後還是點選了一個小食，很少看到餐廳有的項目 - 醉雞卷，好像很特別。醉雞卷：確實很不錯w 作為冷盤，雞肉的味道沒有遺失，酒香的味道亦非常香濃，酒香與雞肉都是絕配，這個超值得點選，讓人回味！！下次再入這區，都必定再吃一回。

今日去食的時候，因為他們把玻璃門開了，所以便問他們為什麼要把門開了，因為我們覺得有點嘈吵，而門是那種可以推和拉的透明門。可是，那侍應就用很惡劣的語氣跟我們說因為他們要做生意，不可能為了三個客人而不其他人的生意，可是其實整間店舖只有我們三人，而且上次來光顧的時候也沒有開門，所以我們感到很奇怪便提問。然後他再加一句說如果我們覺得很很嘈吵可以立即離開不用光顧，原本我們本來打算息事寧人，繼續留下來吃，說：「我們已下了單。」他立即說如果要走我可以叫師傅不用做你們的餐，你們可以立即走。全程他不斷用惡劣的態度跟我們說話，這只是節錄，他可能說了四五次叫我們立即走。真是十分糟糕的侍應，從來沒有光顧過一間如此差服務的餐廳，不斷趕我們走，而我們只是問了一句為什麼要關門，真的很生氣，不會再光顧。

今日去左接表妹放學，平時好少會留意附近既店，不過午餐時間帶住小朋友冇理由周圍行(;´༎ຶД༎ຶ`)，所以係附近揀下食咩好！e間沁沁麵既名好特別，而且價錢好貼地，俾佢個餐牌吸引住！泥到沁沁麵當然要揀沁沁麵la( *｀ω´)，麵既配料有雞，雲耳，西蘭花，溏心蛋，仲有人蔘^ ^，而佢既湯底係人蔘湯底泥嫁，價錢唔貴仲大大碗好足料！٩(˃̶͈̀௰˂̶͈́)و人蔘味好易入口，我好仲意佢既溏心蛋，配上麵條真係一流，雲耳好大塊好爽脆，脆卜卜好好食，西蘭花都有4-5棵，雞肉唔鞋，入左d人蔘味，加返麵條，成碗麵好好夾！_(´ཀ`」 ∠)_嘢飲方面我要左杯凍羅漢果茶，夏天飲甜地甘甘地好解渴，而且仲好健康tim(///▽///)

西灣河除咗有太安樓呢一個小夜市出名之外其實位於西灣河街都有一間好值得推介嘅良心小店鋪你一間就係沁沁麵聽個名似乎係食面但係其實佢入面最推介嘅反而係飯咁雖然選擇就唔係好多不過睇得出呢一到好有良心咁樣做生意連態度服務都可以稱得上係十分之高咁今次我一坐低老闆就極力推介雞油臘味飯，因為啲飯係啱啱煲起咁我都一於決定試一試結果飯一到果然冇失望啲飯係絕對香軟而且香味四撲雖然啲餸嘅份量唔多但係如果一個人食嘅話係絕對夠飽而且睇返價錢都只係30幾蚊可能大家樂都已經唔夠食咁先講返碗飯佢啲臘味有臘腸臘鴨潤腸同埋滑雞你四樣口味同埋味道都非常之夾嘅食材而味道亦都好香重點就係一啲都唔覺得鹹或者好油因為呢度所有食物都係冇味精至於飲品健康就梗係最好啦所以要咗個羅漢果茶同樣完全飲唔出有添加任何成分至少唔會落糖完完全全係同普通涼茶舖飲到嘅係冇分別咁佢都有動或者熱又或者常溫俾你揀非常體貼嘅服務

經過openrice search一輪，最終決定一試這間看似抵食又多好評的沁沁麵。沁沁麵是一間小店，只有約20個坐位。我跟老婆一坐下，侍應立刻熱情地推介沁沁飯，說這個時間剛好出爐最好吃。於是我們點了沁沁飯跟大胃王秘汁撈麵。沁沁飯基本上這是一個臘味飯，有臘鴨，臘雞，臘腸和潤腸。白飯吸收了眾臘味的味道，再加上些蔥粒，充滿油香又不會過鹹。大胃王秘汁撈麵有上海拉麵，米線，烏冬等選擇，我選了上海拉麵。我是沒有選錯的，上海拉麵很好吃，超有咬口，亦很掛汁。大胃王亦不負眾望，真的有很多餸。有大大塊豬肉，腸仔，豆卜，香菇，雞翼和西蘭花。不是說笑，全部餸都很好吃。那個醬汁不是普通的滷水汁，還多了一種特別的味道，跟上海拉麵和餸菜很匹配。豬肉，豆卜跟香菇都很入味，雞翼很滑，連腸仔亦不像坊間的腸仔般死鹹。唯一要挑剔的地方是汁太多，減少些應該味道更適中。羅漢果茶沒有看錯，大大杯只需$5, 超值啊，而且是好喝的！這裡員工很有禮貌，食物價錢絕對是街坊價。後來我還看到餐廳是標榜無味精的，難怪即使吃了超多汁的麵也沒有口渴的感覺。希望小店生意越做越好

路過以為係一般粉麵店，望下餐牌覺得呢間餐廳既食物幾有特色，仲有人蔘雞湯飲，價錢又親民，都幾吸引。當時大概3點左右，餐廳只有兩三枱客人。睇完餐牌，梗係食返佢主打既人蔘雞湯麵啦😝等嘅時候無野做周圍望，見到好多客人都有嗌大冬菇食，賣相好吸引。可惜我得一個人，個肚只裝得落一碗麵，唯有作罷。期待已久嘅人蔘雞湯麵🍜湯底好清甜，温泉蛋調味得宜，非常入味。仲有蔬菜同雞做配料，雞肉份量都幾多，但係口感有啲鞋。一啖湯一啖麵咁食，非常滿足～個人覺得呢間店舖都相當有水準，性價比高，而且店員好有禮貌。於是我就叫咗外賣俾屋企人食，分別係沁沁飯同醉雞卷。沁沁飯姐係臘味雞油焗飯，重口味既我覺得仲好食過人蔘湯麵，個飯超香雞油味，又唔會太乾同太濕，岩岩好。而且潤腸，臘腸，臘鴨全部都好正😍醉雞卷$23就有五件，酒味濃郁，但又唔會好苦，凍食一流！極度推薦呢間餐廳😍😍😍

貓貓啱啱起身，唔咩胃口食野。就落街食左個車仔麵。貓貓當時覺得沁沁麵係一間普通既車仔麵。但食完貓貓發覺原來間麵館真係有一手。貓貓好熱，所以要左一杯羅漢果。好清甜，貓貓feel到自己即刻降溫。貓貓order個大胃王秘汁撈麵。個汁整得唔會太甜，亦唔會重口味。撈麵質感超級彈牙。這個撈麵真係好爽口好啱夏天食。貓貓最鍾意係，這個撈麵有好多料可以食。又有豬扒又有雞翼，腸仔冬菇豆卜。真係大胃王。不過重點都係個撈麵。麵既口感真係令貓貓佩服。貓貓又濕左個嘴。貓貓無諗過原本無乜胃口但依家好肚餓。貓貓又order左個炸秘制肉丸。肉丸本身有陣獨特既香味。加左泰式辣醬就好開胃。但唔加醬就食到原汁原味獨特既味道。貓貓好鍾意。雖然沁沁麵舖頭細，但野食好食。貓貓鍾意。

今日食左個超好味既鮮茄濃湯拉麵。睇唔出呢間細細既普通，野食好真材實料，食得出佢個心思。拉麵番茄湯底好濃郁。好鍾意個湯底既味道。因為食得出唔係罐頭既味道。而係成個番茄原汁原味整出黎既湯既味道。厚切既番茄係中間，吸曬湯底既味道。好欣賞呢個中式既拉麵。因為味道真係整得好好食。拉麵質感啱啱好，唔會太硬。同埋濃湯令拉麵更易吸曬啲汁，令拉麵特別好味。仲有豬肉，木耳，冬菇。全部都同番茄湯底味道好夾。好值得食呢個一碗特別既麵。有心思。叫左個凍羅漢果茶。有屋企既味道，因為係自己煲。呢杯飲品消暑真係一流。

住咗喺東區都好多年，但好多小巷無論幾易去都好，都係永遠唔會踏入嘅「盲點」。補完習約埋屋企人食Lunch然後行街。炎炎夏日，一位溫文嘅老闆企喺餐廳門口落力推介店內菜式，盛情難卻，我哋就入咗呢間叫「沁沁麵」嘅餐廳仔。坐低冇幾耐，老闆就推介「沁沁飯」(臘味雞油飯)，話係啱啱煲起，值得一試。三十幾度高溫，其實真係冇預計會食臘味飯。但呢碗飯簡簡單單，卻有令人一啖又一啖放入口嘅魔力。每粒飯色澤均勻，食落唔單止有豉油甜，臘味同雞油滲入飯粒，令啖啖飯都帶點鹹味。由存貨睇到餐廳係用金舫米煲飯。唔知點解煲咗出嚟白米都好似糯米咁黏咁香。老闆對每一枱新客都同一股熱情咁話：「呢啲臘鴨係特別喺工場訂，叫佢哋留啲啱啱曬好，唔太乾嘅畀我哋。」臘鴨夠晒鹹香，又唔會韌。不過飯就咁食就好正，搞到最後唔夠飯送臘味食XD另外仲點咗個醉雞卷。醉雞食得多，雞卷就冇乜見過。$23小食有7大件雞卷，份量都合理。雞卷去晒骨，啖啖肉，啱晒我呢啲食雞唔吐骨嘅懶人。醉雞汁除咗有花雕甘香，仲食得出紅棗甜味。雞卷卷得紮實唔怕散，肉質亦唔鞋。薄薄嘅雞皮吸滿汁，冰涼爽口，啱晒夏天食。舖仔雖少，但人情味十足。難得見到老闆同老闆娘對食物嘅執著。從佢哋同熟

今次嚟到西灣河並冇去出晒名嘅太安樓掃街，反而去咗對面一兩條街近街市嘅一間叫沁沁麵嘅小店開餐。雖然呢間餐廳招牌幾顯眼，但驟眼睇就同一般車仔麵檔無異。西灣河附近已經有唔少出名嘅車仔麵檔，如果唔係朋友介紹，我應該都會同唔少人一樣錯過咗呢間用心經營嘅小店。餐牌主食選擇唔多，只有人蔘雞湯同蕃茄湯底兩種，相比下，小食種類反而唔少。$8至$23嘅小食，大部分都係要花時間準備同烹調，例如溏心蛋、三色蛋、魚柳...小食頗具特色，但款式數量比得上車仔麵啲餸(大部分只係現成急凍肉丸)，其實都唔容易。以麵食嚟講沁沁麵賣$41的確唔平，份量、配料並唔多 (雖然見到隔籬位飯加大咗唔洗加錢)，但飲咗一啖湯，就覺得要喺貴租下賣呢種高成本嘅麵真係情有可原。老闆娘對每位食客都話：「啲湯可以飲晒架！」呢句話聽落有啲可笑，本來湯就係可以飲架啦，但每日出街食過咁多麵，甚至去茶餐廳飲碗例湯，又有幾多係飲完冇罪疚感呢？舖頭用咗白蔘嚟煲湯，味道冇花旗蔘咁甘咁搶，但入口好順喉，有種層次豐富嘅天然甜味。食晒碗麵之後真係可以一飲而盡！配料之一溏心蛋亦係高質之選。蛋黃、蛋白都食得到滷水甜味，蛋白近黃嘅部分都仲係半凝固狀態！加$8嘅腩肉肥瘦相

本身都幾鍾意飲人蔘雞湯，次次去親韓國都一定要食，所以一見到呢間小店標榜賣無味精既人蔘雞湯就即刻入去試下店內坐位唔多，但尚算寬敞雖然係小店咋，但款式都有幾多選擇咖沁沁麪其實就係招牌既秘製人蔘湯麵，本身就跟左肉絲、溏心蛋、西蘭花同埋黑木耳。老闆溫馨提示因爲湯底無落味精，所以可以放心大啖大啖飲湯雖然唔係話超濃，但就有淡淡既人蔘味，送麵食就岩岩好，我最後係忍唔住飲晒既麵就係上海拉麵，唔會太靭肉絲其實都唔係絲，好大舊下，而且一啲都唔鞋塊木耳大塊到 咬落去係爽口既特大冬菇名不虛傳，用刀叉食冬菇真係第一次一客有兩粒，好厚肉，而且滷水汁好入味，夠晒甜羅漢果茶私心推介，feel到真係真材實料，羅漢果味好濃，落到喉嚨甘甘地，好飲

This is my first time typing a comment! Of course, there’s something special to share~I guess not many customers buy take-away from their shop so the manager also raise his eyebrows when I said so. He was friendly and nice! He introduced every dish in menu and recommend me some. I found his side dishes quite attractive, so I picked one rice and three dishes and apparently I was too full to finish them.the rice was recommended by the manager, and he suggested me reheat it by microwave. But its s

哩間細細地嘅車仔麵同一般車仔麵唔同，佢有自己嘅特色。細細間鋪頭老闆亦都好親民，我哋一坐低已經係咁同我地傾計，又會推薦下佢鋪頭嘅招牌食品。除咗佢本身特色嘅沁沁之外，我今次愛上左佢嘅鮮茄茸濃湯烏冬。 蕃茄湯底嘅烏冬我都非常之推薦大家試吓，超級濃郁嘅湯底好香番茄味，飲落去好似食緊蕃茄，真係冇誇張，睇得出落咗好多蕃茄去淆制而成。 烏冬亦都唔會太硬唔會太軟，同樣糖心蛋又係好出色，蛋黃係有味嫁，係調味過嘅蛋黃。成碗烏冬我係連湯都唔會淨，食晒又飲晒！ 仲有醉雞卷，佢係一款凍食，雞塊係超級入味，而且好幼滑。濃濃嘅酒味非常之吸引，夏天食非常適合。 呢間車仔麵平價之餘又高質，真心覺得住西灣河嘅人好幸福，咁多好嘢食。記得行過西灣河，除咗太安樓都可以過嚟一間車仔麵試吓。

西灣河區不嬲出名多嘢食，尤其是太安樓，不過太安樓附近一間沁沁面都好出色㗎！無論係湯底定係材料都做到好仔細好足料！今次我試咗招牌沁沁麵。先講下沁沁麵嘅湯底，湯底非常之杰身，而且好香人參味，飲落去好香甜，好味之餘又好有營養，女士們要飲多啲啦！佢嘅面亦都做到軟硬適中，木耳等等材料亦都好多，尤其是佢嘅糖心蛋做得非常之出色，出面食嘅糖心蛋通常蛋黃都冇乜味，但佢呢個連蛋黃都做到好有味，好正！我仲食咗佢嘅炸雲吞，非常之香脆而且唔會油，做到外脆內軟，沾上小小嘅酸辣汁更加惹味！怕熱氣愛健康嘅朋友可以試吓佢嘅羅漢果水，係自家制嘅，甜甜地易入口，而且幾解暑！支持小店一定要試吓呢一間特色車仔麵，親民價食到高級食品，真心推介。