沁沁麫 (已結業)

同男友又出動。今次黎到西灣河。今次我地試下呢間新開嘅小店。都幾有驚喜嫁！入到去，雖然冇華麗嘅裝修，但好有家的感覺！而且，菜式都有啲家常小菜feel我哋揀咗幾樣嘢食。香蒜檸汁鯖魚、大胃王秘汁撈麵同埋沁沁飯。香蒜檸汁鯖魚係最好食架！首先個汁唔會淨係得甜味！好多時，餐廳為咗迎合客人，會整到個汁好甜，但檸汁就應該酸酸地架嘛！呢個就做到喇！仲有呀，佢啲蒜片就算撈咗落啲汁到，都唔會腍咗，我就覺得依然咁脆口，咁好味，咁香口！魚亦煎得好香，好滑！大胃王秘汁撈麵！呢個有啲遜色，個麵有啲腍同埋無乜味，啲配料太普通！雖然好有家的味道haha！但係我哋覺得啲送有啲鹹，特別的豆卜！仲有舊豬扒有啲"鞋"！雞翼又反而ok喎，幾滑喎！沁沁飯！呢個嘅idea係唔錯嘅，但食落啲飯有啲腍。而啲雞又好鹹同埋好乾。好"鞋"嘅肉質。不過係真係好香呀！

收工同朋友去食飯🍴終於約到呢個大忙人😢今日去左試呢間😥真係驚喜重重👍入到去，細細間，好warm🏠老板身兼多職，全部落手落腳去做👍仲推介餐廳嘅美食俾我地😏我地當然都聽老板嘅推介！揀左招牌菜式‘沁沁飯-秘製臘味雞油焗飯'🐥同‘大胃王秘汁撈麵'👅仲額外叫左‘豆卜'同‘醉雞卷'🐥沁沁飯果然好似老板咁講好香。臘味嘅香味同油同雞嘅油都滲咗落啲飯度。食到停唔到😂😂臘味同埋雞嘅分量都唔少，夠曬誠意👍夠曬驚喜😜大胃王秘汁撈麵🍝料真係好多😍味道都好夠。最中意嘅係佢裏面嘅豆卜同雞翼😍雞翼好滑，啲肉亦索曬啲味👍正呀！撈麵整得諗左小小，如果再硬啲就好👍不過朋友就話岩岩好😂叫多碟豆卜因為我地係撈麵時覺得好好味，所以再額外叫😂唔係講笑，真係好好味。豆卜索左啲秘汁，好入味，而且又唔會諗曬咁，食落口仲係脆卜卜嘅口感，但又唔係硬個種喎😂仲有，雖然索左啲秘汁，但一啲都唔鹹。總之係好味啦😍醉雞卷🐥呢個係我地嘅最愛😍上菜時已經聞到陣陣嘅酒香味🍶醉雞嘅皮唔算好厚，而肉就比較多，而且好滑，小小鹹味，多多酒味。我呢啲食肉獸同唔愛食鹹野嘅人真係完完全全地覺得perfect啦😍仲有呢碟真係好平，雖然份量唔多，但呢個價錢呢種份量真係好ok

工作不定時，地點亦都不太穩定，所以很多時都會去附近食下午茶。最近聽講西灣河有一間專門食人蔘湯麵的小店，呢個主意幾不錯，下午時間得自己一個去試試。最出名是秘製人蔘雞湯面，而且價錢不貴，同大型連鎖麵店價錢差不多，但材料就豐富很多，主打沒有味精，不用擔心食完口乾乾。沁沁麪（秘製人蔘雞湯面） 有肉絲、糖心蛋、西蘭花、黑木耳配上海拉麵配料樣樣都有些，不過份量不算太多，份量合理。肉絲就是比較像煲湯的一種豬肉、糖心蛋有半隻，有少少滷水香味，中間就比較甜、西蘭花一隻大大隻，剛剛夠熟、黑木耳比較爽脆、 Size適中。麵是上海湯麵，都有少少彈牙的口感，最正是湯底好有老火湯感覺，有杞子同埋紅棗、也有吃得到的人蔘！見到佢餸菜都友貴，所以都加了兩款，牛柏葉和滷水雞翼滷水雞翼＄10有三隻，入味之餘不會好乾柴，仲能保持到個水份，不用擔心會太鹹，味道都比較清的。牛柏葉就比起想像中爽得多，我想這個程度阿婆都食到。自製羅漢果茶＄5比較貼心可以選擇熱、室溫或凍。室溫的羅漢果茶依然是好甜，不過不需要擔心，因為羅漢果本身已經有甜味，所以無需要加任何糖已經可以杯飲品好甜，配搭人蔘湯成件事健康又唔貴。

身為西九龍人嘅我，甚少過黎港島東依邊，今日撞岩搞完d野已經就快8點，拿拿臨響附近餐廳醫下肚先行過依間叫‘沁沁麫’嘅小店，見個名好特別，仲有得食我最愛嘅湯麫，就等我入去試試啦見到鋪頭嘅牆上面都有唔少雜誌訪問嘅報導，最出名原來係人參湯底嘅上海拉麫，就叫碗試下啦我另外加左個醉雞卷，實夠飽啦！個熱辣辣嘅麫一上，我就覺得好有家的感覺！因為個人參湯非常真材實料，見到有d參同煲完湯嘅肉，十足十我響屋企飲嘅湯，好溫暖嘅感覺至於個醉雞卷味道都唔錯，酒味幾香。而鋪頭貌似係家庭式經營，個個店員服務態度都好好，老闆好nice，態度友善總括黎講係一間值得再食嘅小店，繼續努力

新店試食價中，好抵食，又美味有雜誌介紹，行過見到呢間西灣河新食肆，有唔少特色人蔘食品～ 暫時不用排隊試左個招牌沁沁麵，不太大碗，女士夠食。味道不錯，香港很少食到人蔘味的麵。叫左個芝士蜜糖雞鎚，有驚喜。芝士味適中，加上甜甜的蜜糖，好有新鮮感，呢個組合印象中未食過。我地果碟靚過我對面果碟馳名醉雞卷好有酒香及蔘味，如果大件d就更好了裝潢簡單，有鄰家小店feel! 希望做得住啦～ 支持特色小店。值得下次會再來！

呢日行完街之後，有D肚餓就是旦搵左間野食下野，估唔到都幾正。我地叫左個沁沁麵，鮮茄拉麵。我叫個個係鮮茄拉麵，好似係新出品黎架，鮮茄味濃，呢款麵幾健康，入面只有少量既肉片，當中木耳好爽口，隻溏心蛋亦錦中添花，好香滑，而麵既份量亦剛好，如果想食得健康d，呢個都係一個唔錯既選擇。另外，我地叫多左一款小食，就係個醉雞，好足料呀，因為酒味真係比較濃，即刻要問下個fd有冇醉到haha，雞肉亦都好嫩滑，值得一試。同埋我地都叫左羅漢果茶，岩哂我呢度燥底既人類，可以清熱潤肺，杯茶唔會話太甘也不太甜，下次黎都可能試下其他野飲，幾特別。

有一日咁岩行過個FD話想食呢間野,所以一行3人就去左食呢間野,一入到去老闆親切招待,環境不錯,坐位寬敞。我地３個人分別叫左沁沁麵，鮮茄茸濃湯拉麵，大胃王秘汁撈麵再加多個醉雞卷。我個fd本來想叫沁沁飯,但因為太好賣賣哂啦,所以冇得食！等野食既時間吾算太耐,太概5-10分鐘就黎哂,我叫果個大胃王秘汁撈麵味道吾錯,個汁好濃味,好岩鍾意食濃味野既人,個麵仲有6樣餸,分別有:冬菇、雞翼、豬扒、雞肉腸、西蘭花、豆卜,餸既份量適中,啲餸吸哂啲秘制汁既味道，好好味，吾太鹹！但係我覺得個麵份量可以多D,因為本人比較大食XD不過個麵幾滑幾煙韌同埋吾太乾,除左麵之外仲可以揀米線、烏冬同埋白飯,價錢$45,不太貴! 我地仲叫左３杯自家製羅漢果茶有分凍飲、暖飲同熱飲,真係好細心：），羅漢果茶味道吾會太甜，甜度剛好，而我地係叫暖飲，所以味道更佳：）

本身想食附近間車仔麵，但去到未開，行前小小見呢間幾多人就入去試下。入到去未有位住係門口等左陣，等個陣順便諗食咩😂😂⭕️超級大胃王撈麵 $45d餸真係勁多，有雞翼豆卜冬菇腸西蘭花豬扒個d。雞翼好入味又夠淋，豆卜吸哂汁正，冬菇幾大隻又夠厚！豬肉就略嫌爛咬左小小。🙈呢度個汁同出面既滷水汁唔到，偏甜同唔會死咸！麵就要左上海麵，撈埋汁食真心正！⭕️溏心蛋 $10堅溏心！又有滷水釀過，好味！⭕️醉雞卷 $20醉雞不過係全雞肉，冇骨的！好重花雕味不錯👍👍⭕️熱羅漢果茶 $5好足料，同屋企煲既一樣味！仲有熱，常溫，凍選擇，都幾貼心！👍🏻

補習完就同妹妹嚟到美食天堂西灣河食lunch💁🏻💁🏻 見新開左呢開沁沁麵就試下啦！ 主打人蔘雞湯麵同番茄湯麵，然後再揀餸，好似車仔麵咁🙆🏻‍♂️🙆🏻‍♂️ 作為番茄怪就梗係揀番茄湯啦，要左米線底，冇再加餸因爲入面已經有肉片，溏心蛋，西蘭花，木耳同半個大番茄👏🏻 湯底偏甜，好濃嘅番茄味😝😝 米線都幾多，不過斷得幾多下😯 溏心蛋好出色！入面流心做得幾好😀 另外嗌左醉雞卷($20),酒味濃，雞肉嫩❤️飲品要左杯熱羅漢果茶($5)🍀 清甜滋潤解渴！飲得出好比心機煲，唔係hea野😊值得一提新開所以都幾多人食，但老闆都好用心serve客人，係好有心嘅小店😇 成日食連鎖店不如試下呢d真係放個心出嚟做嘅餐廳仲好🙆🏻‍♂️

今日同個frd去完西灣河掃街，之後咁岩係西灣河街到搵到一間叫沁沁麵，個名咁得意就決定入去試下。兩個人食得唔多，我哋叫咗三色蛋、醉雞卷、芝士蜜糖雞鎚，仲有招牌麵沁沁麵，同佢哋期間限定嘅鮮茄茸濃湯拉麵。三色蛋係三種蛋混合整成，老闆好好人教我地食，佢話第一啖唔洗點薑，第二啖先點，個未會出啲。味道好特別，又有少少鹹味又有少少酸味，佢地會嚴選食材，唔係求其用大陸蛋。芝士蜜糖雞鎚，個皮好脆，每一隻雞鎚都有一片芝士，滿足到我呢個芝士迷，配埋蜜糖超正！肉質鮮嫩，細細隻，唔會太膩。醉雞卷有別於醉雞，就係幫你去埋骨，酒味十足，肉質鮮美。沁沁麵ge湯底係秘製人蔘湯底，唔會太苦，但好夠味，聞落已經有陣陣ge人蔘味。配料仲有我至愛ge溏心蛋、木耳、肉片。鮮茄茸濃湯拉麵ge配料同沁沁麵ge差唔多，只係湯底ge分別。番茄湯底亦都好足料，味道道甜，唔會太酸。佢地個麵林林地，唔太硬，幼身ge。飲品呢，我就飲左羅漢果，成餐晚飯嘅感覺更加健康。環境方面，細細地，成間餐廳都有五、六張枱，不過好舒適。老闆亦都親力親為，好好招呼，知道我地係新客仲同我地介紹佢地嘅招牌菜，仲講解埋啲食材，下次一定要再帶朋友尼試下先！

Sadly my appetite wasn't at its best that day so I only had a soup and two appetizers.The noodles would have been good because the broth was quite strong with a ginseng and lots of chicken with smoky red dates.The egg appetizer is a must order because it is silky loaded with salted egg and preserved egg so it was very tasty.It is served with pickled ginger to compliment it but it was good enough that I didn't need it.The drunken chicken with skin attached was also good laced with red dates and w

秘製人蔘湯麵配醉雞卷- 湯底呈褐色，每口也散發出淡雅的朝白蔘甘甜味，湯中有碎蔘，嗒落仍有甘香餘蘊，杞子則已味道盡出，甜酸味都沒有了，還看到一粒棗核。湯好喝但太少- 輕盈的上海幼拉麵配老火湯，吃後胃部沒有負擔，很舒服。每吸一口麵，都感受到一股淡雅的白蔘味在口腔縈迴，久久不散，甚至擁進鼻腔，彷彿呼出的每口氣也有蔘香- 配料木耳及西蘭花均沒調味；鹵水溏心蛋上佳，蛋白吸盡了鹹香鹵水味，蛋黃呈啫喱狀；瘦豬肉略嚡口，像湯渣，不放可能更好- 醉雞卷酒香味濃，有很小一撮薑蓉，肉嚡略韌不彈牙，在我而言鹹味稍為不足*老闆兩度叫員工重新煮麵，說不完美的食物不可奉客

今日星期五我懷著輕鬆的心情，因為準備放假！今天我很想食一些有特色嘅午餐，最後便找到了這間位於西灣河新開張嘅《沁沁麫》。店舖用上了橙色和深啡色，感覺有點溫暖，燈飾也用上了像雀巢般似的，頗有特色。一般麫鋪都給人快食和擠迫的感覺，但是這間食枱很大和整潔，枱與枱之間有距離，讓客人坐得很舒適！👍大胃王秘汁撈麫：這款撈麫是香噴噴的，這是喜歡食肉嘅朋友必食之選！所選的麫底食落有彈牙嘅感覺，味道還不錯啊！😋鹵水雞翼好香好入味！兩只大冬菇：超厚肉和爽口嘅鹵水冬菇！雲呑浸住啲湯一齊食會更好味道！自家製羅漢果茶：店主自家品牌，屬必飲嘅飲品！餐廳有各款主食、小食和飲品：

平時少入西灣河，路經一間沁沁麵小店，見佢鋪名咁得意咪入去試下，點知都幾驚喜。我叫咗嘅主打人參雞湯沁沁麵湯底好濃郁好正，原本以為會好大藥材味，但結果岀奇地鮮甜，而且唔會太大人參味，恰到好處。麵底都不錯，係我中意嘅軟度，唔會太硬身。我朋友就叫咗番茄湯底嘅麵，個湯底真係十分重茄味，係用番茄蓉製成，足料！小食方面，我地叫咗醉雞卷，三色蛋同埋芝士蜜糖雞鎚，真係唔錯。醉雞卷酒味濃郁，我自己不太中意酒味，但真心欣賞佢啲雞卷全部去骨，而且軟身得黎肉仲好嫩滑。而三色蛋，老闆好有心機咁用三種唔同蛋做餡，都排得仲好有層次，配埋生薑真係好Fresh，感覺幾特別，值得一試。至於雞鎚，一啖咬落去真係好脆，芝士味都好突出，不過稍嫌蜜糖少咗啲，多少少蜜糖會更加惹味！仲有！老闆態度真係好好，佢會好詳細解釋各種菜式嘅材料，同埋好有禮貌，值得一讚。下次入去要再試埋佢其他嘅招牌菜！

行過西灣河, 本來想去太安樓食LUNCH, 不過去到先知,  以前食開果間食店已經摺左。穿過太安樓再覓食, 比我新發現呢間主打廉價人參雞湯麵嘅小店。因為好肚餓, 想食飯, order 人參雞湯加個飯, 再加咗個小食鹵水雞翼。等緊野食嘅時候, 望到貼在牆上嘅食物介紹, 原來呢度啲人蔘雞湯係用白參。 白參補氣與生津, 湯底以白蔘, 紅棗, 雞等材料製成。白蔘老火湯，有白蔘丶雞肉丶杞子丶紅棗等。味道同韓國人蔘雞湯完全唔同, 有人參嘅味道, 唔算太濃。 味道其實唔錯, 不是我唔太喜歡杞子果陣嘅酸味。鹵水雞翼都幾入味, 餸飯幾好, 10 蚊 3 隻雞翼都算幾抵食, 不過鹵水汁比較咸。今次食飯, 無食招牌麵,下次一定要試試佢。