沁沁麫 (已結業)

黃昏在西灣河行吓行吓有點吐餓，經過呢間「沁沁麪」，門外看見其介紹，指其湯底是少有的人參雞湯底，吸引我停下腳步入內一試。叫了一個招牌沁沁麫，果然是人參雞湯湯底，味道足，而且像阿媽煲的那種住家味道，飲完也不會口渴，應該冇落「師傅」。此等湯底配搭無味的上海白麵剛好。配料則有肉絲、溏心蛋、西蘭花及木耳，都幾豐富，但這些簡單又調味不多的配料，正好不會搶去湯底的風頭。另外點了一個香蒜檸汁鯖魚，酸酸甜甜地用了一點柚子醬，連埋蒜粒，加上煎得香口的鯖魚，十分開胃，有驚喜呢！此外，叫了一個醉雞卷也好味，酒真的滲到入晒雞肉內，賣相又美。整體而言此店雖然其貌不揚，但製作用心，抵讚！

妙絕鹵味和撈麵 行街搵野食, 見到門口貼了雜誌報道呢間鹵味撈麵,影到好鬼靚咁, 一於試下, 反正我想食下d平民美食。食後感： 鹵水唔多油, 鹵水甜甜地, 咸咸地, 好濃香料味, d 材料入晒味, 鹵到夠火喉, 最好吃是豆卜和冬菇, 豆卜好味全靠鹵汁, 冬菇乾品鹵, 鮮香十足, 要口感好腍,一定鹵了好耐, 好好食。腸仔ok, 雞翼無雪味, 鹵水記一功。撈麵選用上海拉麵, 因麵底靚, 掛汁一流, 吃時唔係腍晒, 彃牙有口感。鹵水野, 我比九十分, 唔錯。

上班下班OT、OT 身心疲累，屋企人不在家，只得在放假的時候有時間煲湯給自己。那晚又OT了，拖著疲累的身軀，真的好想喝碗湯，忽然想到家附近的這間店，聽那些師奶說有人蔘湯提供。那晚一個人到來試試吧。沁沁湯來了，好香，店員說是用新鮮白人蔘煲的，味道有淡淡鮮蔘的甘，不太苦，比乾蔘湯水清淡，湯內有雞肉、豬骨、紅棗和豬骨等藥材，湯水上有著淡淡藥材味道，湯甜甘中帶鮮，沒半點味精，真的好家感覺，立時暖在心。口痕點了滷水雜拼，豆卜、蘿蔔、冬菇和雞翼。滷水汁做得好香味道特別，吃時帶甜重滲著咸，有香料如茴香、八角的味道，食材滷得相當入味，豆卜豆香又軟腍，激索滷水汁，吃來特別滋味；雞翼夠腍滑，皮吸收了滿滿滷水香潤，好吃度爆燈；冬菇好大隻和厚身，但炆得相當腍，也是吸收了重重的滷水汁，不錯；蘿蔔無渣清甜，咬下去會成碎蓉吸著滷水汁，口感一流。美味何需一定鮑魚、龍蝦、魚翅，原來一碗家的湯水和滷水小吃足以令你吃得滿足。

自己和朋友一直超喜歡吃藥膳面類，這次偶然發現一間在西灣河的隱世面店，真的十分驚喜！沁沁麵（秘製人蔘雞湯麵）$41想不到人蔘味如此香濃，而且非常香甜，配上彈牙的面質，真的十分入味。配料都相當不錯，十分足料，誠意推介！醉雞卷 （$23）酒味香口，滲入滑嫩的肉質之中，而且有一些淡淡的人蔘味，好特別！自家利羅漢果茶 （$5）冬天最怕熱氣，來一杯下火，香甜爽口，配熱食一流！整體上，老闆店員都好友善，常和街坊打成一片，人情味十足，下次有機會經過，都想再來幫襯！

蕃茄味濃到爆午餐到左呢間店食野, 事關阿爸食過佢d蕃茄麵話唔錯, 我今回同朋友仔食下先。我最like食蕃茄, 叫左個茄蓉湯烏冬, 湯好多茄蓉, 有大隻鮮茄在內, 重有滷蛋, 木耳, 瘦肉和西蘭花, 個湯唔油膩, 好岩減肥。d湯料好健康又有營養。 湯酸酸甜甜, 好開胃, 食到好多茄蓉, 無呃秤。烏冬不是手打, 但食落好滑滑, 配蕃茄湯好match。 隻滷蛋係溏心呀,蛋味好正。朋友仔叫了沁沁飯, 店員話d 飯用香料同雞油煮,重加埋d 臘味的油飯, 我有試下, d 飯係幾香, 有少少雞油味, 唔係好肥膩, d 米粒粒分明 d 飯好好食。臘味我只係食左鮮臘鴨, 少少咸香,鴨味濃,(多d就最好),送飯好好食。論價錢, 唔貴呀, d野幾好食。

今晚天氣好凍,凍到心都震埋,想飲番碗熱湯暖暖身,即刻諗到沁沁麵個招牌麵~做得招牌,當然有佢長處啦~~~亦係我鍾意黎呢度嘅原因~~~就係無味精,而且用料充足,唔會水汪汪噤,材料眼見有人蔘,雞,紅朿同杞子,(而湯底中嘅杞子,係用大粒而啞色個隻,老人家話呢D先係靚杞子)啖湯飲落好舒服(尤其天氣噤凍,暖笠笠,好正而呢度我鍾意佢個柚子汁燒鯖魚,(呢個唔記得影相)鯖魚夠脆,又唔會太乾,蜜糖柚子味汁,甜甜地,仲有D蒜片,又夠香~~~而我太太就食左沁沁飯,而個飯有爉腸,雞肉,爉鴨,個爉鴨十分好食,又夠厚肉,而個飯入面有欖菜一齊煮,呢個飯都好特別,又冇味精,又夠味,唔錯

以前比阿媽逼得多，食得多左木耳，而家對木耳呢D都冇咁抗拒，所以黎沁沁麵食野一定唔怕，因為好多款佢都有木耳係到一碗麵有西蘭花、木耳、雞絲、蛋，全部用料超級健康，湯底仲要不加味清，天然人蔘加上雞與豬骨煲製，60幾蚊就食得到，有時自己懶懶地唔想煮，黎呢到食都唔錯，人蔘感覺比較養生另一款鮮茄茸濃湯拉麵，最岩鍾意食蕃茄既朋友，因為佢一大個蕃茄茸，湯底超濃味，其實同沁沁麵差不多，只係換上了蕃茄，少了人蔘同雞湯底，食既時候仲要食到蕃茄既碎碎肉另外再點多左個芝士蜜糖雞翼鎚，芝士燒到軟滑，加上蜜糖醬，成個好夾，好食食過番尋味，之前食過一次，同朋友番黎再食，仲可以分享個小食，價錢都OK

因成每星期都嚟西灣河一次，成日食附近嘅魚米，今次試下後一條街嘅呢間沁沁麵呢度主打正宗人蔘雞湯麵，就梗係要試下1）沁沁麵秘製人蔘雞湯麵 $41 - 湯底順喉，好似屋企煲嘅老火湯，無味精，讚！有少少雞肉，超大塊嘅木耳，同西蘭花，唔油膩，不錯！2）醉雞卷 $23 - 一碟有6件，相當入味3）鹵水燜特大冬菇$13 - 真係超大塊，冬菇扒咁，要用刀叉切開先食到，切開見到超厚肉，味又夠香濃，真係正，超超超抵食！4）香蒜檸汁鯖魚$23 - 好特別，用柚子蜜做醬，甜甜地，開胃d，加埋蒜片仲香

有時食得多屋企飯都想食下街外野，之前過新年，同老友食左唔少好野，一飽口福，不過打得多邊爐BBQ，搞到有少少燥熱，然後今日比我遇上呢間野，主打自家製健康餐，食過都唔會話好dry，又幾好食喎黎到問有咩好推介，店員就介紹左我沁沁麵同沁沁飯，我諗諗下食麵好D啦，麵湯底係人蔘雞湯喎，諗落都幾正食麵之前飲啖湯，好清甜既蔘味雞味，又唔係話好藥材味澀澀地咁，反而好似煲湯既味道D麵都幾軟滑，又未至於去到爛，雞絲唔會好鞋，西蘭花雖然大舊但都唔會太生，黑木耳都好爽口好戲在後頭，至於隻溏心蛋，我就最Like，軟心既蛋黃配上浸入味既蛋白，溶係口入面，無得頂

放假探公公婆婆，認真講我唔熟呢頭佢地話我知近排有間餐廳好爆，可以去試一試我離遠見到都已經好多人差唔多過左半個鐘左右終於冇咁多人我先去睇下係咪真係咁堅！人蔘雞湯沁沁麵人蔘雞湯味好濃，好鮮甜好正好似平時係屋企飲靚湯咁除左麵好軟，其他配菜例如蛋、黑木耳呢D都入哂味，食落唔會好寡冬菇13蚊兩隻咁大隻仲要燜到好軟林林，而且好滑好香菇味滷水味都好正，真心抵食另外仲叫左份鯖魚面頭有D蒜片魚皮煎得脆脆，配左D檸檬汁，酸酸地可能因為有辟左D味所以完全唔腥魚肉有少少調味所以都幾好食總括黎講都不錯，菜式好健康味道又唔錯，咁健康都岩哂公公婆婆去食至少唔洗食咁多味精野先

和朋友去晚餐 地點她揀的餐牌唔多選擇 有d 人參湯底 但病了的我要個清淡的配料都係配搭好的 唔使思考咁多番茄湯 木耳 菜 滷蛋 有幾條肉片揀了拉麵湯底都幾濃和傑 麵有d上海燴麵texture蛋的外表雖然個樣好怪 但都有溏心 味道好似某牌溫泉蛋

果然是秘製醬汁 令撈麵起死回生街頭街尾，總會存在隱世美食，低調無人知，只是那天肚子餓極，來到西灣河工作，在街角遇上了這間麵店，無理衝入去，見有甚麼人蔘雞湯麵咁，我無要，大花巧了，只選了這個大胃王秘汁撈麵，因為見到隔鄰吃著，幾大碟，見他吃得頗滋味，著伙記也要來一客。果然是大大份，先食撈麵，不是一般蛋麵，應該是上海幼麵來，好爽口，亦彈牙(我想有過冷河的)，秘製醬汁全部被麵條吸引了，入晒味，秘汁帶甜甘香，有著中式香料味道，咸中帶甜，味道極有餘韻，應該有滷水加入，味道甘醇，單吃麵已非常好吃。再來滷水雞翼，入晒味，好香甜的滷水味，雞皮好腍滑，肉又滑滑，食到啜埋雞骨；豆腐卜好入味，豆香入面好滿滷水汁香，豬扒不會乾，好鬆軟，又係入晒滷汁又香又甜，八爪魚狀腸仔，也入晒味，好有咸香也甘甜。最後配上羅漢果茶，幾天然，無加糖的，好潤喉解渴，勝過飲無益汽水。如此平凡街頭食品，做到非常有水準，卧虎藏龍，給我遇上了。我不信甚麼米珠蓮推介，我只信自己的味蕾。

我素來都愛健康飲食，喜歡家常一點的菜式，討厭食味精，最近到到過這小店買外賣回家，真心覺得健康又美味。那晚我和媽不想煮飯，我買了沁沁麵、鮮茄茸濃湯拉麵、滷水雞脾和冬菇外賣回家。沁沁麵的人參雞湯，人參味不算太濃，但入面有雞絲，湯會滲著人參的回甘和鮮味，食得出是天然無味精，滷蛋好入味有蛋香，不會滷得太老，配上爽口黑木耳和西蘭花和爽口拉麵，好健康的素菜，天氣冷了作為藥膳補身也不錯。那蕃茄茸濃湯拉麵也甚有住家風味，湯帶蕃茄茸的濃稠，又酸又甜又開胃，配上大大個蕃茄、西蘭花和木耳和瘦肉，以素為主，還有主角是那隻蛋香十足滷蛋，還有拉麵好強的掛湯能力，這碗住家蕃茄麵，吃得窩心又健康。好為食點埋滷水雞脾和冬菇，冬菇好大隻又厚肉，冬菇好腍，滷水味好濃，食落又甜又香；至於雞脾都係好滑，滷水味好濃甜，比炸脾更好味，又沒那麼肥膩啊！這間小店，出品好健康，好店，我和媽媽會永遠記得。

之前睇到D飲食平台介紹「唔洗$40就食到人參雞湯」，睇見都好正，搵日咁岩行開個頭特登走左去食，真係好正！講到明呢款沁沁麵係唔加味精，個湯底真係用人蔘同雞慢慢煲出黎，煲左出黎非常鮮甜，味道濃郁清香，好少可食麵仲可以飲埋個湯。。個麵底比較軟身，望落似幼身烏冬咁，但好索汁，索哂D湯可以好入味。仲有西蘭花同黑木耳做配菜，仲有堆雞絲，成碗麵完全係健康既代表，但又幾好食喎，仲有隻溏心蛋，入左D人蔘雞湯味。至於醉雞卷，D雞肉好軟熟，唔會鞋烚烚，而且因為佢係雞肉卷既關係無骨，岩哂我呢D唔鍾意食有骨既人，清香既酒味同藥材味，每件雞卷都好入味無論個麵定醉雞卷都做得出色，我就至Like可以飲埋個麵湯底，一D都唔浪費。

晏晝經過見到呢間小店，見到好多人排隊，走過去望下，主打健康菜色，睇見都幾吸引wo，我地又食厭左大家樂、老麥，結果兩條友膽粗粗去試下見到有好幾款自家製的，但天氣凍凍地，緊係食款臘味飯啦。沁沁飯聽講係招牌飯，見到隔離檯好多人叫，淨係飯都已經好香，應該用足好多香料去整，而且有陣陣雞同臘味既油份，每粒飯都充滿油香煙韌！臘腸唔會太多油太肥膩，食落去口腔啖啖香味，滑雞肉嫩滑入味，而臘鴨完全唔肥wo，唔會太鹹，肉質煙韌，送飯一流！兩條友成碗飯都食哂，一粒都唔剩呢到仲有其他小食，不過食完碗飯已經好飽啦，碗飯就係夠食，再加多罐七喜，爽哂下次想試埋個醉雞卷，見到隔離上檯都心思思，可以同朋友share叫多幾樣，價錢都唔算太貴