沁沁麫 (已結業)

我是一個不吃飯會死人的飯痴，尤愛蒸飯、焗飯，因家住西灣河附近，最近愛上這店的臘味雞焗油飯。那晚公司加班回到家附近，找了這間店吃晚餐，看到餐牌上有這款臘味雞焗油飯，配了杯羅漢果茶，五十元有找，其實頗化算。先嚐了這油飯，不是滿口油膩，吃到飯內是加了黃薑、香茅、肉桂、南薑等等香料，香味有層次，最重要唔肥膩，不是滿口雞油那種，而且米有飯香，粒粒分明帶爽身，有咬口，我最怕吃到太爛的飯啊！油飯有水準，相信用了不少時間來烹調。另外吃時，亦有著臘味的絲絲油香豐膄，恰如其份，最愛佢樣樣有-潤腸、臘鴨、臘腸和雞。潤腸和臘腸不會太多肥肉，偏瘦，肉味濃但唔乾好好食。雞也不錯，有醃過，肉質夠滑。那臘鴨原本以為會好咸，但不算，少少咸香，油份恰好，不會有油”益”味，可謂有鴨香味，混著油飯食，飯味更昇華，個人認為比加了甜豉油的煲仔飯更好吃，更能嚐到新鮮食材的原有風味。再配那杯清甜羅漢果茶，潤肺養顏，熱氣全消，吃得好滿足。

養生養心 健康滋味 那天約了客人到西灣河談合約，約是中午時份，當然是醫了五臟廟吧！看到這間麵店，門口貼了許多雜誌介紹，啊，原來有人蔘雞湯麵吃，好想是幾健康和養生，反正我真的不想吃那些多汁快餐了，一試吧，反正價錢真的不貴。小店一間，開放式廚房，好企理，有點家庭感覺。那天好想吃點蔬菜，店員介紹他們的招牌麵沁沁麵，是以人蔘雞湯做湯底，我正想嚐嚐，點了一客，還加點了羅漢菓茶(只加五元)。人蔘雞湯不算好濃，有人蔘的淡淡回甘味道，湯水有雞鮮甜，不油膩，也不是滿口味精，感覺清新住家，好家的人蔘湯水，不錯。再嚐上海拉麵，煮得不會太腍，稍為彈牙，有吸湯水的奇妙果效，再吃那溏心蛋，好味道，因有好香鹵水味，不會死咸，蛋的流心滋味，令蛋香在口腔和人蔘的味道在味蕾瀰漫，好滋味的感覺。還有西蘭花香脆可口，木耳的爽口口感，伴隨人蔘雞湯的味道，好清新又可口。那羅漢果茶清甜潤喉，是羅漢菓的天然甜味，沒半點人造糖，這頓麵餐，實在好，極具創意，健康住家，筆者好愛啊！

明明「健康、美味、用心」呢個概念應該係好多餐廳盡力去做嘅，亦都可以話係原則。但今時今日好似好難搵到，今日黎到沁沁麵呢度，覺得係目前可以維持呢個原則嘅餐廳。而且價錢一啲都唔貴架，$40有個飯，小食就由$10-$20不等！店內懷舊的燈罩Menu正當諗緊食咩好，老闆就過嚟介紹人蔘雞湯麵老闆話：「冇落味精，真係煲足好多個鐘架，而且食過人蔘後，會易訓好多。」又真係幾好食喎！好健康嘅感覺，食完喉嚨都唔會kock住，有時飲到啲味精湯會好口渴，呢碗又真係冇，食曬仲可以當湯咁飲添！沁沁飯原來係臘味飯，好足料，有雞、鴨、臘腸、潤腸，好入味，而且啲肉又唔會太un鯖魚入口香脆，個人覺得檸檬汁先係賣點，超級開胃！仲要有d柚子蜜，滋潤又好食！

睇雜誌介紹，係小西灣附近有間食正宗人參雞湯湯底既麵店，聽落幾吸引，價錢仲要一啲都唔貴，所以就同男朋友一齊去試下。出地鐵站就見到張poster la！大燈罩幾有特色！話晒唔洗去韓國都食到正宗人參雞湯，沁沁麵係餐廳的招牌菜，聽老板講，湯底係用真材實料煲成，食完碗麵，可以飲埋D湯，飲完今晚好好訓。對於我呢D食麵一定飲晒D湯既人黎講，簡直係天大的喜訊。啲小食都好平，抗通漲呀！蛋控既我地原本點左三色蛋，可惜我地去到既時候，因為太好賣，所以已經賣晒了，下次再去希望可以食到啦。但係最後我地都叫左條香蒜檸汁靖魚，靖魚煎得好香，不過檸汁先係賣點，酸酸甜甜，以為會好奇怪，原來又幾夾喎，兩個人dep下dep下都幾開心。羅漢果茶，自家煲架，好甜！總括黎講，有heart、健康、平，完全係形容緊呢間舖！

對麵食特別鐘情，拉麵、台灣牛肉麵、車仔麵……等，經常會是我的主食。偶然知道沁沁麵這間食肆，加上大量好評，今晚終於有機會一試。其實選擇不算太多，我亦選了較多好評的人參雞湯沁沁麵，配料有小量雞絲、半只糖心蛋、西蘭花及木耳配上海拉麵。麵到便很失望，完全臭不到有人參味道，喝一口湯亦是好普通的清湯味道，根本不是標題的人參雞湯，到麵條，像上海煨麵咁，而我最怕吃這種軟淋淋質地的麵條，但真是好肚餓，亦不想浪費食物故亦吃完整碗麵，但總括是失望，雖然湯底沒有令我口渴，但整碗麵只有糖心蛋及木耳可以，其他就……。總括一句“失望”，亦不會再有下次。

呢排身子弱久病未癒，出街食飯都想食得清淡啲。朋友知道後就帶左我去呢間沁沁麵，話呢間餐廳最出名既就係人蔘雞湯麵，岩哂我呢個病人。由於係午飯時間，去到嘅時候已經門庭若市，要讚嘅係老闆忙緊嘅時候仍然十分好招呼，好熱情咁安排我地坐係窗邊嘅位置。望下牆身貼住嘅專欄報道，個個都推介招牌人蔘雞湯麵同埋蠔油大冬菇。難得黎到就一於試下個招牌人蔘雞湯麵同大冬菇，仲再叫左個醉雞卷。朋友知我病就介紹埋我飲羅漢果茶叫我調理下身體。等左一陣，人蔘雞湯麵同個大冬菇送左黎。講下個麵先，個麵聞落去有淡淡嘅人蔘香味，望落去好容易就睇到有幾種唔同嘅藥材同人蔘，真材實料。食落清淡，唔會有好濃烈嘅藥材味，但有藥材嘅甘香味道，對於我呢個病人真係岩哂。至於個大冬菇同醉雞卷，大冬菇燜得夠哂入味又夠腍，而且又夠大隻，十分抵食。醉雞卷一上就聞到好濃花雕酒香，食落淡淡肉無骨，值得一試。最驚喜係杯羅漢果茶，味道同我娘親平時煲嘅一模一樣，估唔到係街食都食到媽媽的味道，朋友今次真係無介紹錯。

朋友係西灣河附近番工，好多時都食外賣，今日過去同佢搵地方食飯，想食住家d既野食。lunch 搵到呢間主打無添加既台灣麵店！lunch time 一點黎到，都幾多人，好彩加埋我地，啱啱好坐滿！😁😁😁😁可能剛開張！見到有試食價😍 我地order左沁沁麵（$39），蕃茄茸濃湯拉麵（$39）同三色蛋（$15😮）。以店名命名既沁沁麵湯底係真材實料既人參雞湯，仲食到一絲絲既雞肉，宜家涼涼地，可以順便補一補。我食既蕃茄茸濃湯拉麵入面真係有原隻蕃茄！好甜！兩個麵都有我至愛～～～～溏心蛋🤤🤤真係好台灣😊😊至於三色蛋，個人幾鐘意呢個idea既，仲有酸薑伴菜，有鹹蛋皮蛋雞蛋，全熟的，不過我都係鍾情生生地既蛋多d。 此店值得推薦！$39 lunch真係好少喇，而且高質！

今日身體唔係好舒服，朋友帶咗我去港島區一間平價麵食，佢之前食過已經大讚，話一定要再返嚟食，所以今日佢就推薦左呢一間餐廳俾我。一入到去有種家的感覺，見到有電視機同埋有開放式廚房。有幾位員工喺度默默咁樣工作，而老闆亦都好熱情招待我們，安排了我們坐旁邊近窗的位置。我老實不客氣，叫了這裏的招牌面沁沁麵，這裏最出名的是人蔘，其他所用的是白人蔘，佢想可以補充體力和元氣，適合我這些病人！另外亦叫了這裏出名的燘大冬菇，賣相非常吸引呢！大冬菇好快就到了，但煮出來的卻有三隻，跟圖中兩隻大冬菇還多出了一隻。老闆解釋是因為他認為冬菇未有與圖中那麼大，於是決定送當我們一隻當補數！老闆真是均真和體貼呢。冬菇把醬汁全都吸收了，沒有多餘的油脂，放入口中，可以毫無顧忌大口大口地吃！非常爽，若放進湯𥚃更是一流。另外這裏的沁沁麵大小，跟家中的湯碗差不多，裏面的湯不會太淡，嚐得出是經過烹調和時間淯出來的，裏面富有木耳，西蘭花和溏心蛋，都是我愛吃的餸菜呢。溏心蛋恰到好處，蛋黃從蛋白中流出來，雖然有點點咸，但卻有藥膳的風味。我選了上海麵作面底，麵條粗幼相若，但是他們會沾在一起，這樣反而有很好的效果因為他們把湯的味道全都吸收了，吃

開完會經過西灣河 決定食完野先番公司 由於岩岩剝完牙唔係咁食到硬野😫就入呢間有住家小店feel既餐廳進食😁😁係店面見到有人參雞已經好吸引 又可趁機滋補下🙈麻雀雖小 五臟俱全 店入面開放式廚房睇哂成個製造流程 真係幾親民😝 啲吊燈好似屋企舊式風扇設計 更添住家味道睇完餐牌直接係張紙order 全部都係親民價 款式又多 搞到我揀左好耐😂第一次試決定奉獻俾我既最愛-蕃茄鮮茄茸濃湯米線一上檯就見到豐盛既配料同濃濃的紅色😻😻飲左一啖湯頭 真係好正 酸酸甜甜好開胃 而且堅重蕃茄味 飲得出係無味精的天然🤤最後忍唔住將成碗湯飲哂😛溏心蛋都已經見到佢流緊了 個米線彈牙但又不失柔軟 完全照顧到我的傷口👍👍朋友叫左招牌沁沁麵睇到家的色澤 再嘗到家的味道😲湯料十足 試左啖湯 好鮮甜 用雞豬骨人參熱製而成 然後咁既價位 真係超值！另外叫左個大冬菇 蠔油浸到入哂味 先至$10就有啦😵😵又一照顧傷口之選😂😂煮到「淋」得黎但又Q彈 😁食到飽一飽望下張menu 仲有好多野未試！下次一定要黎試埋啲特色小菜🤗🤗

上星期見到電視介紹呢間食店，開創先河以人蔘雞湯底麵食做招牌麵，落重本，實行貴嘢平賣益街坊。今日個場都好爆，我地等左10分鐘先入到去。招牌麵當然要試吓，另外有個叫沁沁飯嘅臘味香油飯，店員大力推薦，我地又試吓啦！再加個醉雞卷同羅漢果茶。人蔘雞湯麵果然蔘味十足，甘香潤喉，見到有人蔘、紅棗、杞子材料，新鮮餚製嘅湯係會有一種清新的甜味。平時食麵都唔會飲個湯，因為唔想食太多味精，但呢個湯就可以放心飲啦！個飯一送過黎巳經聞到陣陣香味，臘腸係厚切一段段，唔係切薄片，呢到要比個讚👍，好有口感。個飯點解咁香就因為吸收左臘腸、臘鴨同雞嘅油香，但飯粒仲好爽身，唔會油膩同濕淋淋，應該係臘味肥瘦適中嘅效果。我問老闆係唔係秋冬季🍁先有得食？老闆話要突破傳統觀念，所以會全年供應呢個飯👏👏。唔怪得差不多每枱都叫呢個醉雞卷，原來真係堅好味。香醇的酒味滲哂落雞肉，又有黨蔘、紅棗、杞子做醃料，加埋手工製作，呢個又係貴嘢平賣嘅食品。羅漢果茶係自家製，味濃又清甜，係靚食材嘅天然味道。

我從來都唔會寫食評，亦都無諗過會寫，皆因出街食飯我有俾錢，好食就多幫襯，唔好食就以後無計傾，就是這麼簡單，但係今日都忍不住要寫一寫這間叫沁沁麵嘅小麵店，皆因是次幫襯我真係覺得次咗呢間食店。我睇無線J2台介紹這間小店賣人蔘湯麵，我對食麵就無乜興趣，不過對人蔘雞湯就好想試，所以襯今日星期六去幫襯下，睇佢有餐單可以獨立叫個人蔘雞湯就點這個，等咗一分鐘左右，就有個似是老闆的後生仔走過來問，問我飲湯食雞肉時喜不喜歡食雞皮，這個問題有一點奇怪，但係我細心一諗，平時去老媽子家飲湯食煲湯雞是有雞皮都幾滑幾好食，所以我回答:我食等多5分鐘，湯送到來，我一攪攪個湯真係大嚇一跳，飲多一啖簡直係不得了碗湯好濃是老火湯，充滿蔘味雞味和藥材味，人蔘味好鮮甜，煲出來的湯也很甜，最特別係湯中有一隻煲過的雞脾和一隻雞亦，又滑又好味，仲有一件大大件的豬骨，又紅枣又人蔘片，真係真材實料到從未所見，總之個湯連阿媽都煲唔到，只係三十二蚊，以後一定放假必到，亦都希望寫食評支持這小店，祝小店生意興隆。

​ 朝早早餐食得太heavy搞到lunch 食唔落， 到左tea time又有啲肚餓，就去左揾下有無麵食。 行行下畀呢間野吸引左，有本土味道， 啲麵有特色，仲有小食可以嗌，唔同一般麵鋪。 加埋去到時間尚早，無乜人同學生， 可以舒舒服服食個tea，就決定入去。 近排熱氣野食太多就叫左杯果漢果茶飲， 好貼心咁有得揀凍、熱同常温，加分! 我就叫左凍，飲落超羅漢果，同媽媽煲既味差唔多。 叫左招牌沁沁麵，果然無令我失望。 有我最愛既溏心蛋😍煮得岩岩好😍 仲有木耳、西蘭花、杞子一堆超有營養既配菜， 我近排無乜食菜，岩哂。 成個麵聞落好香，有啲似韓國食過啲藥膳煲， 啲麵吸收哂啲精華，食落係勁香人參味。 麵店少有醉雞賣，我見平平地就叫黎試下， 本來都無乜大期望，點知黎到有驚喜。 有紅棗杞子,估唔到仲有人參。 醉雞食落勁香勁有酒味， 雞肉嫩同去左骨，方便我啲懶人食。芝士控口痕忍唔住叫左個蜜糖芝士雞鎚，皮脆肉嫩，蜜糖份量落得岩岩好，芝士係半熔狀態，食落味道好夾又甜而不膩，一份4件我食哂都無罪惡感😛。 沁沁麫 Double Hearts For Noodle地址 西灣河西灣河街112號地下

聽說朋友講開有間唔錯麵線舖價格不貴而且味道亦中上，我心思思睇過下食評也正正常常，聞說該店舖湯底以非常用心為主而且豐富湯料煮聽落以經一口鮮味，因而值得前來一試呀！前往該店搭港島沿線附近出站步行非常方便地址亦好容易揾，而店舖有個紅色大大易拉架非常耀眼，進入店舖面積不太大簡樸素設計，環境寬敞整齊清潔，坐得舒服服務生親切笑容介紹，廚房以半開放可一一觀察！首先看看檯上餐牌食物款式有粉麵類/焗飯/冷盤小食/自家果茶等……唔夠喉亦可自行追加餸非常方便，同埋舖面仲做緊推廣試食價，價格由$15-40元左右，最啱一班想嘗試新口味唔同要求街坊們~首先點選皇牌,湯底足料大大碗附有頗多(肉絲/溏心蛋/西蘭花/黑木耳),如客人亦可自選米線及烏冬等……迎合番自己！香噴噴人蔘湯底好重藥用材料，而且湯底無添加味精，熱湯味濃確有蔘味做原材料食完不覺口乾，各款餸料通通係曬自己面前，感覺唔多野但原來都幾飽肚呀，平時小飲湯水朋友最為適合不過稍後再叫馳名醉雞卷，濃烈花鵰酒浸出得入味，有數粒杞子/紅棗/北芪，醃得夠耐醉雞一點也不老雞肉細嫩，冰凉感爽脆軟滑，製作過程不經油炸煎食得夠健康，滿口紹酒香味是不錯的好選擇

話說前日屋企無飯食，打算落街市買餸自己煮，咁岩經過見到有間麵店叫沁沁麵，一望個菜單，我當堂嚇一跳😨人蔘雞湯麵，一麵只係$39😨我落街市買舊肉都唔止依個價啦，當下把心一橫放棄左買餸既念頭，試下你啲人蔘係真定假🤤登登登凳，依個就係傳說中既人蔘雞湯麵，大大碗，聞落又好重人蔘味，重點！仲有半隻溫泉蛋！估唔到有我最愛溫泉蛋呀😍真係好鬼衰，搞到我未食都流晒口水🤤味道方道，個湯既藥味真係好濃好正😍而且個湯除左人蔘之外仲落左大量杞子，杞子浮係湯面上，清晰可見，真係望落都覺得養生🙈而且個麵入面仲有手撕肉😍係無骨既手撕肉😍連骨麵幫人起埋，令人感受到廚師既用心🤗不過，個人覺得溫泉蛋唔係流心係一個敗筆，但諗深一層，$39蚊既人碗麵，有人蔘，杞子，手撕肉仲有一隻好味既溫泉蛋，夫覆何求呢！流唔流心已經唔再重要🙈配菜方面，作為食肉獸既我淨係食麵入面既手撕雞肉，就覺得有啲不足，所以另外加點左一個醉雞卷。醉雞卷酒味十足，可惜雞味有小小俾酒既味道蓋過左。但係！重點之二係！醉雞卷都係係骨嫁！作為天文第一號懶人既我就覺得好方便好正🤣總體黎講，以依個價錢黎講，依餐飯真係高水準之作，食到飽飽加杯$5既自家制羅漢果茶又係一杯神來之

今日同朋友去捐窿捐罅搵好西食😍去左西灣河食呢間沁沁麵🍲我地覺得佢個名好搞笑，所以我地揀左佢😂😂😂入到去，人流都幾多，睇黎都好受歡迎😍餐廳老板親力親為，推介唔同嘅菜式。而我地都聽左老板嘅推介揀左沁沁飯，即係秘製臘味雞油焗飯，同埋香蒜檸汁鯖魚。另外，我地自己都叫左大胃王秘汁撈麵以及自家製羅漢果茶🍵首先講下秘製臘味雞油焗飯先！三個字‘好！香！呀！’我未食落去已經聞到好香呀！雞嘅油同臘味嘅油同香味浸左落啲飯到，個種味係無得比😍雞嘅調味同臘味嘅調味，調得剛剛好。不淡也不鹹😍😍香蒜檸汁鯖魚🐟好重檸檬味😍酸酸甜甜好開胃，又好野味😛香蒜係師傅切片再炸，而鯖魚係用炸蒜嘅油黎煎，鯖魚配檸汁本身已經係絕配，再加埋炸香蒜就更加有口感，好有趣嘅食法😄大胃王秘汁撈麵🍝真係名副其實嘅大胃王呀！佢除左有撈麵外，仲有雞翼、鹵水豆卜、豬扒、西蘭花、腸仔同特大冬菇。食完已經飽到爆。雖然佢係有鹵水汁，但係唔會好鹹👍冬菇同豆卜都好香好諗，索左啲汁好入味😛👅雞翼同豬扒都整得好好，肉質唔會好‘鞋'好正呀！雖然四圍好多汁，但撈麵唔會痴埋一齊。十個讚呀👍羅漢果茶🍵呢個係真自家製嫁。上枱時，仲係暖笠笠㗎！而且一啲都唔甜😍我最鍾意就係原汁