沁沁麫 (已結業)

今日打風同老公唔想周圍去，落樓下發現屋企附近有間新開既餐廳。抱住試下既心入去，一入到去就聞到好濃既人蔘味，老闆就向我地推介沁沁麪，而我老公想食飯，老闆就推介個秘制臘味雞煲飯。我就叫左個沁沁麪🍲，而我老公就叫左個飯，仲叫多左一款配料，一個小食。沁沁麪有半隻溏心蛋、西蘭花、芫茜，湯底係人蔘雞湯，本身期望不高，因為好多自稱正宗人蔘雞湯，都係聞落香，食落好淡無味。但呢個沁沁麪，除左個湯好濃郁，連啲麪吸左啲湯，剩係食麪都好好味😍。老公試左個飯，啲臘味出曬油，個飯好香，有雞，臘鴨，潤腸等等，而份量都好足。而個配料冬菇，好大驚喜因為係滷水既花菇，同平時食到既好唔同，而因為會影響到個湯所以另上，呢個係一個好貼心既服務。仲有個芝士蜜糖雞鎚🍗，味道唔錯，芝士醬可以多少小。最後我們叫左自家制既羅漢果茶🍵，有冷，熱，室溫既選擇，酸酸甜甜又解渴，連我本身不太喜歡呢啲飲品既，都飲曬。而我們埋單既時候，老闆都有 諮詢我地既意見，好友善。我地會再去幫襯，下次帶埋朋友去試。👫

上星期收工經過西灣河，本應打算求求其其食個車仔麵就算數，眼見隔離開左間新野，價錢又吾貴，所以就膽粗粗走左入去！本身打算食麵既我，俾佢個飯吸引左：臘味雞煲飯！於是我就叫左呢個飯！個老闆都幾nice，等既途中都傾左一陣，原來佢地既野係吾落味精，全部都係原汁原味，仲要好多都係老闆既手工菜最衰當時得我一個，如果吾係我真係好想試！飯到喇，份量比我預期中多，本身仲有潤腸嫁，不過因為我本人吾食，所以就無要到！出奇地我食呢碗飯既時候，好有住家感覺，好似係屋企食飯咁，連個口味都好似，d飯好入味，d臘味既精華焗左入飯，但一d都吾肥膩，抵讚睇得出老闆都幾用心機！臘腸都吾會好似一般市面上食到既咁肥，所以食落口吾會好似一堆油咁！雞好滑，夠晒入味！係街食到既臘味飯黎講，佢都算冠軍最後埋單都只不過係39蚊，能夠用39蚊食到一個咁有住家feel既臘味飯，我覺得係超級值