沁沁麫 (已結業)

小妹很想你便整個澳門的人細美食分享給大家，但今次加插一編香港區的美食，這間便是在西灣河區的沁沁麫，因為今天食過以後對這間小店很有感覺，所以便加插一編香港吧😝一早在雜誌見到這一間小店，他的麵是人蔘雞湯為湯底只賣＄39便很想來試，距離我家只有兩個港鐵站也很方便，出站只行一兩分鐘便到，一進小店店長便立刻招呼我與朋友坐下，我對他店中醉雞卷相片吸引便點了，我還點了秘製肉丸，朋友也對秘製肉丸所吸引😤本想他會點其他小食能夠互相交換😤激死我了😡醉雞卷先上，只睇已經知道很嫩滑，雞皮上結了由雞油與湯汁結成的膏狀，放入口時使雞卷滑上加滑，酒味剛到好處，湯汁除酒味外還有清甜味、藥材味及薑味。各樣細節做得不錯👍吃得出很有心機做。秘製肉丸沁沁麵上了，第一口是試他的湯，蔘味夠有雞味又有老火湯甜味，好飲👍🏻麵就普通沒什麼特別，但肯定的是沒有味精，因小妹天生是有味精敏感，一試便知。秘製肉丸很滑入口即溶，很其怪從未食過這種肉丸，味道是夠，我問店長這是什麼肉丸，他說是以平常的碎豬肉與午餐肉混合打成肉丸，這種配撘很不錯喎！店長很好客也是值得一讚👍🏻總體來說，小店做了一些大飲食集團不會做的事，就是以平價出售成本高的食材，以平價

今晚一支公唔知食咩好，記得街坊話呢間新開嘅舖頭D嘢幾好味，無味精，$30幾蚊有碗正宗人蔘雞湯飲，好過自己煲幾粒鐘，就去試下啦！入到舖頭已經聞到好香嘅蔘味，地方好乾淨舒服，仲有電視睇。我係超級鹵水王，見店內有幾個鹵水餸，就叫哂黎食，再加個白飯同碗人蔘湯。鹵水蘿白牛坑腩最令我一試難忘，鹵水汁將牛肉味提升起來，牛香味鮮味都好濃，肉質又軟嫩唔痴牙，明顯見到肉同脂肪層係平均分佈，食到咀Lam Lam。蘿白都樣好正，無根又爽甜，可惜得兩舊唔夠喉！炆冬菇食得多，鹵水冬菇我都係第一次食。隻冬菇有手掌心咁大，鹵水汁又將冬菇嘅鮮味香味提升左，好神奇呀！$10一碟咁抵，於是我就叫多碟。鹵水雞翼同豬扒都好入味， 雞翼漲卜卜，雞肉剛好離骨，好易食。至於豬扒就稍為硬左D，如果塊肉多少少脂肪就會鬆軟可口囉！街坊推介嘅真材實料人蔘雞湯又真係好正喎！色凙同味道都好濃，入口有回甘嘅感覺，老火湯一碗，有雞肉豬肉丶人蔘丶杞子丶紅棗等。我自己好鬼鍾意食湯料，原來可以叫廚房比多D湯料嫁!

面對美食雲集既太安樓，我比較有興趣選擇試呢間新開既小店鋪，全因爲一張醉雞卷既圖。我好明白圖片只供參考呢個道理，所以都係抱住嘗試呢個心態，就踏入左間鋪🙆🏽‍♂️坐低左，鋪面燈光足夠，但又唔會覺得好刺眼，係舒服既，冷氣都足夠，又唔會覺得好凍！坐低左之後，聞到好香既味道，原來就係呢間鋪既人蔘湯😌所以我地一行三人都叫左麵食，再加左幾個餸，有我最想試既醉雞卷，老闆推介既鹵水蘿蔔牛坑腩，鹵水雞翼，同秘製肉丸😳沁沁麵既人蔘雞湯底同呢隻上海麵都幾夾，湯底都幾濃郁，本身麵既配菜送上半隻溏心蛋，隻蛋好入味好好食😭😭😭可以改善既係麵既軟硬度，其實呢個軟硬度我接受到既，不過我中意再食硬d😌秘製肉丸係呢間鋪既老闆諗出黎既野，叫之前有問過店員係咩黎，店員話係手打既肉丸，食既時候你會feel到一陣好熟悉既味道🤔不過老闆諗到將佢咁做法都幾新穎🕺🏼鹵水雞翼就無咩特別既評價喇，只可以講佢好入味同好抵食🍗至於呢個鹵水蘿蔔牛坑腩就相當出色，因為牛坑腩本身就有好分明既牛脂係中間，所以會導致到牛味更加香。呢個牛坑腩一d都吾硬，吾會食到痴晒牙，加上佢炆到好淋，滷水入味之餘，又吾會無左本身既牛香味，真係好正🤤我最期待既醉雞卷出場喇！！

經開西灣河唔知食咩好見到新開咗間「沁沁麵」就入去試下。可能新開張入到去只有一個客食緊。幾位員工都好nice服務亦好好。見到個餐牌淨麵$39嚇咗一跳，不過入咗去坐就廢事走，（唔知有冇關係：與此同時有一枱啱啱入嚟嘅客未叫野就走咗）。於是揀咗「沁沁麵」再加祕製肉丸、咸豬腩肉同特大冬菇三樣餸。湯：等咗一陣就有得食，一碗麵嘅靈魂在於個湯，而間野亦標謗「人參湯」。原本以為味道會同韓國人蔘雞湯相似，點知完全唔同。有陣陣嘅酸味，隱約有少少人參嘅味道，但完全唔濃，雖然稱不上難飲不過如果作為招牌主打就真係令我失望。唯一可以稱讚嘅係完全飲唔到味精嘅味道。麵：試完湯再試吓麵，「哇X」碗麵由上枱到擺落口唔夠半分鐘，竟然可以淋得咁交關，就算啲牙甩晒食依碗麵都唔會有問題，真係完全接受唔到。由於個湯較稀，所以個麵掛唔到湯。人蔘湯同上海麵兩樣野又九唔搭八，食咗幾啖已經有想放棄嘅感覺。肉丸：肉丸嘅質地比較鬆散，用筷子一夾已經散開兩半。食落去好似丸狀嘅蒸肉餅咁，不過不失，不過攞嚟餸麵就有啲奇怪。咸豬腩肉：冇乜特別，唔會留下深刻印象。大冬菇：全間舖唯一值得推介，夠晒大隻，好飽肚。略嫌唔夠入味。

翻屋企其間經過望左二眼 員工好好笑容出黎同我講:新開張咼 得閒黎試下 見今日屋企無煮飯 就睇下有咩！見到餐牌 20蚊有一個餸 甘抵！但吾知道份量如何 最後就買左一款老闆推介比我既鯖魚翻去試下！一打開 估吾到真係同店鋪裏面貼出黎既相係一樣架！蒜片炸成金黃色 魚皮亦煎到好香口🤤條魚一d腥既味都無 最底既汁甜甜地 中和左油既感覺👍🏼 非常好味員工仲有推介我其他吾同既野 不過又吾係幾肚餓 唯有留翻下次再計啦！下次一定會再試其他既野！

店員行出門外介紹，話佢地個麵湯底係人蔘雞湯做，嘩！咁重本🤔？真定假呀？反正我同老公好耐都無煲湯，今晚就補一補。我地叫左碗蔘湯麵加餃子同豆卜丶三色蛋丶時菜丶鹵水雞翼丶鹵水冬菇。鹵水雞翼🐔：大隻有肉丶好重鹵水汁味丶$10三隻抵食鹵水冬菇🍄：超大隻丶要用刀叉切🍴，好誇張，鮮味濃三色蛋：皮蛋丶咸蛋丶雞蛋，店員教夾酸薑食會有不一樣的味道，堅真！蔘湯麵：真材實料，濃厚人蔘味，香味撲鼻，見到湯裏面有蔘片丶蔘鬚丶杞子，一定唔係人做化學嘅湯，健康之選。上海麵吸哂人蔘湯，估唔到又幾match，個麵仲好煙靭彈牙。豆卜豆卜一定要叫呀！貪佢索湯入味，咬落口蔘湯仲會流出黎。既然我地倆口子好少喺屋企煮飯，又唔想成日食味精，就將沁沁麫列入我地飯當名單啦

做開街坊，見到有新開舖頭緊係試下啦聲稱人參湯，以為會好似韓國製的人參湯那樣充滿期待、熱衷去品嚐但點知如此不知所謂Menu有淨沁沁湯(聲稱人參湯)、沁沁麵、沁沁飯另加餸有雞翼、豬扒等等$10@餸另加外帶餸醉雞卷、蘿蔔牛腩、柚子鯖魚等等$20@餸我地叫左沁沁飯、沁沁麵加豬扒醉雞卷、蘿蔔牛腩、柚子鯖魚沁沁麵，得半隻所謂流心蛋沁沁飯，得兩舊臘腸同雞仲要又硬柚子鯖魚呢個有驚喜蘿蔔牛腩，嘩牛腩掟得落樓下呀！醉雞卷，得5舊真係好少少，味道就好一般另外果個係加餸既豬扒，硬到吖，完全不知所謂

今日，在OpenRice 見到西灣河有新小麵店開業，便專登到西灣河食一下，他是以人蔘湯底做賣點才能吸引我，因為在香港人蔘湯底做賣點的確是沒有，即管便試試看。我點了招牌麵加炸秘製肉丸加餃子，餃子是店員推介，他說是老闆在港九各地搜尋很久才找到一間很好味的餃子作材料，我見只是＄10便試他一試麵送上來，一眼便看得出湯底很濃，餃子有三隻都總算幾大隻，湯麵奉送糖心蛋一眼便看得出很糖心，才只有一棵西蘭花比較少，芫荽都總算多，我便是一口麵，店員說麵試上海拉麵，麵質總算爽口，當然地重點是是他的湯底，喝得出很濃的人蔘味，也有很龍的雞味，湯底做得很好，是一啖餃子，也10分美味，喜愛食湯麵的我，是我最喜愛的湯麵自一。之後上了炸秘製肉丸，即管看他有什麼特別，一試肉丸很脆，確是不是一般的肉丸，我很想問店員肉丸你別說什麼肉，但店員不肯說，只是說用兩種豬肉去搓成的肉丸，什麼叫兩種豬肉呢？？總體來說，肉丸很好吃也很特別，但不是我最吃過最好吃的肉丸，但人蔘湯麵確是我吃過最好吃的湯麵，湯是香港沒有見過，麵也是沒有在香港的食店見過，我甚至乎連他的湯都完全喝清。新開張的小店值得推介。

住係附近見新開同屋企人去試下。。上一手食日本野 不錯*轉手做車仔面 同隔離鋪競爭 真係差好遠。。係想像唔到既失望。。醉雞卷 - 見其他食評推薦，價錢唔夠，真心中伏了。沒酒味 沒雞味 沁沁面 - 人參湯底？完全冇人參味。。OMG面餅係對面賣面鋪頭買的(老闆自己講的)特大冬菇 - 全餐飯入面最正常 因為鹵水汁是無敵的炸秘製肉丸 - 依個勁 完全唔知自己食緊咩冇味 炸到肉散曬 平價之選，不過唔會推介。。唯一一樣可以真心推介的：自家製羅漢果茶仲有夜晚唔洗等位。。完*

上一次係咁岩經過新開，所以入左黎試！今次我係特登黎食佢個招牌沁沁麵上次試左沁沁飯之後，其實對呢間鋪頭都充滿期待，因為都會覺得其他手工菜都會好好食！今次除左叫左招牌既沁沁麵之外，仲加左特大冬菇同蘿白牛坑腩呢兩個小食！先講個麵先，湯底係人蔘雞湯配上一種類似上海麵既麵，個湯飲落口有好甘香既人蔘味，雖然個湯係用雞煲 但一d都吾油膩個麵食落口好爽身，而且好彈牙，老闆都有介紹係用緊佛記麵，我即時覺得老闆真係好有心機呀！其實除左老闆揀麵有心機，我覺得負責淥麵既員工都要一讚，因為軟硬度剛剛好再黎就係特大冬菇，個冬菇吾係特大咁簡單，係拳頭咁大，放落口都有難度，真係要用刀叉！不過，雖然冬菇又大又厚，但都可以將佢滷到入晒味，好佩服，吾只得外表，仲有內涵最後就要講佢個蘿白牛坑腩，係出面都幾難食到好味既牛坑腩，d牛腩好淋，放入口可以好輕鬆咁咬，完全無咬吾開呢個問題，加上佢又入晒味，真係好出色無得頂，牛腩都咁入味，咁蘿白就更加吾洗講喇總括而言，小店一定比大企業優勝，因為人地係拎個心出黎做菜下一次 我會食醉雞卷

仲以爲呢間係一般的麵店，點知原來係以人蔘為主題嘅健康食店。點左餐單上兩款主打食物：沁沁飯及沁沁麪，還有三款特色小食：蜜糖芝士雞鎚🍗、香蒜檸汁鯖魚🐟丶醉雞卷🐣，睇吓小店點樣烹煮呢D食物。沁沁飯係臘味雞飯，有我至愛嘅臘腸😍。飯粒分明，完全吸收臘味的香味。主角沁沁麫🍜，湯底以朝白蔘丶紅棗丶雞等材料餚製成，好濃蔘味，仲比我發現有條人蔘，當然要食埋去😋。成個麪連湯比我KO哂，因為佢零味精，食多D都唔驚😝醉雞卷真係要比讚👍👍，竟然有水晶層出現，雞肉充滿濃香酒味又夠滑，小店好少會有呢樣小食。檸汁鯖魚🐟上邊嘅炸蒜片，脆卜卜好好味，夾一口鯖魚再點少少柚子檸汁💦，口感好新奇，呢個食法原來係老闆諗出黎，好OK囉👌👌。再試埋蜜芝雞鎚，味道同口感都滿意，啖啖肉😋。見到隔離枱叫左羅漢果茶，一邊飲一邊話味道好濃郁，咁我又忍唔住叫返杯，$5蚊雞健康過飲汽水。整體而言，呢間食店收費算係離地平🤣，但每樣食物都好認真製作，係對客人嘅尊重👏，對食物嘅愛惜👏👏，加油呀！認真係會鸁嫁💪💪

樓下新開的一間小店，本來抱住食一次就唔會再食既心態食，點知食完真係要番轉頭，首先老闆好nice,店裡很乾淨，跟住叫左個沁沁飯同滷水雞翼同糖心蛋。🤓🤓🤓🤓1.首先講滷水雞翼，賣相已經好好，食落口真係係世上我食過最好味既滷水雞翼！2.沁沁飯，一打開就已經聞到好香，之後食左一口個香味同d雞油係個口中散開3.糖心蛋，真係好味到，真係糖心蛋！介紹比大家，真心好味，下次一定要試埋個沁沁麵😋😋😋😋😋

一向支持小店嘅我一知道有新店開， 就緊係幫襯啦， 小小嘅店舖主打人參雞湯， 以為係韓國餐館， 但入到去主要係3款主菜， 沁沁飯， 沁沁麵同人參雞湯， 其他就係配菜同小食， 有 d 似車仔麵咁於是我跟老公就飯麵各一嚟食吓啦， 沁沁麵嘅湯底係人參雞湯， 有人參嘅味道， 但唔算濃， 配上有 d似嘅上海幼麵， 幼麵軟硬啱啱好。 本身湯麵有溏心蛋(半隻) ， 西蘭花同芫茜(我唔食嘅所以走咗芫茜) , 但個人覺得西蘭花太少了。 沁沁飯就係臘味雞煲飯， 似煲仔飯， 唔算好特別。 除咗食呢2個主食之外， 仲叫咗 d小食嘅。 呢個醉雞卷， 酒味濃， 雞卷嫩滑， 好味。另外就係特大冬菇， 真係好大隻，而且好入味。 鹵水雞翼真係唔使介紹， 就咁睇得都覺得好食。 仲有老公必飲嘅可樂。 餐巾都好特別㗎。 小店食物唔算多， 但集中做好主打食物就已經足夠喇。

中伏系列之人參🐔湯麵🤦🏻‍♂️🤦🏻‍♂️西灣河掃太安樓掃得多，今次打算求其食附近食個麵，點知中左個大伏😭😭🍲湯底:酸酸地，完全食唔出有任何人參嘅味道😓雖然60幾蚊都唔預有人參濃湯嘅程度，不過真係少少少少嘅參味都冇，就真係有D差🙄🙄🍜麵質:勁腍😩一上枱就已經腍到好過份。就算我D朋友冇影相即刻食碗麵，都腍到爆炸.....真心好似麵糊咁😂😂配料:叫左個秘製肉丸同醉雞卷，雞卷雖然唔夠嫩不過都叫正常😭不過個肉丸又係腍到過份，一夾起就要散開咁濟，一啲咬勁都冇，味道又有D淡....👉🏻老老實實，老闆嘅服務態度好Nice嘅，不過食物質素真心要搞搞佢。否則，真係好難搞😓😓

去到西灣河行下，途經舊街市見到一間小食店新開將，就八卦睇下，原本是以人蔘湯底為賣點的麵店，心想個老闆都幾夠薑，夠膽死喺西灣河老牌麵店 超級無敵車仔麵 隔離開麵店，可說是自尋死路😆見佢咁夠薑就即管入去一試，推門一進已經聞到濃濃的人蔘味芬香摸鼻。有煲過人蔘湯的經驗都知煲人蔘時聞到的味是淡淡的，要有如此濃烈味道，老闆必然是不計成本地重手落人蔘.......坐底睇下餐牌，人蔘湯麵賣$39？？😳令我感到老闆更加夠薑😆店員全是二十餘歲的小妹妹，走過來就竟然推介我試那個沁沁飯，說是油飯很好味道，今天只賣剩兩個，餐牌上寫是臘味雞煲飯，那我就打消了食麵的念頭，試下那個飯吧！然後就在餐牌上點了幾個幾特色的小食。飯到，其貌不揚，不特別精緻，只是中間是油飯旁邊圍住臘味及雞，只可說餸的份量足夠，不似在酒樓食臘味蒸飯只有少少的臘味。一啖試了油飯，真的真的很好食，飯中充滿了臘味味道，也有雞油味道，更有一些不知名的配料味道，真的從來未食過，也未食過這樣好味的飯😱臘腸潤腸肥瘦、軟硬適中，臘味香濃，好味👍🏻臘鴨肶切成件，也是味道很好，這樣做一個飯，真是大開眼界👀小食方面，我點了醉雞卷、特大冬菇與芝士蜜糖魚柳.....醉雞