沁沁麫 (已結業)

睇雜誌介紹，係小西灣附近有間食正宗人參雞湯湯底既麵店，聽落幾吸引，價錢仲要一啲都唔貴，所以就同男朋友一齊去試下。出地鐵站就見到張poster la！大燈罩幾有特色！話晒唔洗去韓國都食到正宗人參雞湯，沁沁麵係餐廳的招牌菜，聽老板講，湯底係用真材實料煲成，食完碗麵，可以飲埋D湯，飲完今晚好好訓。對於我呢D食麵一定飲晒D湯既人黎講，簡直係天大的喜訊。啲小食都好平，抗通漲呀！蛋控既我地原本點左三色蛋，可惜我地去到既時候，因為太好賣，所以已經賣晒了，下次再去希望可以食到啦。但係最後我地都叫左條香蒜檸汁靖魚，靖魚煎得好香，不過檸汁先係賣點，酸酸甜甜，以為會好奇怪，原來又幾夾喎，兩個人dep下dep下都幾開心。羅漢果茶，自家煲架，好甜！總括黎講，有heart、健康、平，完全係形容緊呢間舖！