永年士多 (寶城洋樓)

营业中

休息中

每次經過永年都見到大排長龍今日難得見到冇乜人 即刻衝去食返一碗先今次我就嗌左魚卜雞翼豬大腸油麵小辣黎到永年食點可以唔食辣呢 呢度D辣係最最最吸引我既地方之一先講D材料 一貫既水準魚卜吸收哂湯既辣味 辣到我要係咁飲水 好惹味!!!豬大腸就勁淋滑除左辣味之外口感好得, 食落SHARP SHARP聲咁我既最愛始終都係雞翼!!! 好入味之餘煲得好淋 輕輕一咬就可以將佢舊骨分開不過麵底唔係我最鐘意食既河粉如果可以希望佢有一日可以提供埋河粉比我就完美喇!!!

元朗美食第二擊😋😋😋 黎到元朗點可以唔試埋老字號既港式車仔麵🍜叫左3個送: 蘿蔔，豬腸，牛根 (因為都唔平，要忍忍手)講真味道都唔錯，蘿蔔好入味鮮甜，牛根豬腸都夠淋💓但係住得山卡啦既我又覺得又不至於要山長水遠黎食。如果未試過的確可以一試 至於辣度大家要注意喇!!因為佢既小辣原來係好辣!!!我今次就賴野la😰😰食得辣既你地可以去挑戰一下😅反而多士厚得黎仍然做到表面微脆內有軟熟感，睇下個牛油幾正❗❗味道: 3.5/5

終於得閒同朋友入去永年士多吃車仔面, 永年士多的餸夠多, 我點左大碗麵, 朋友點左4餸麵, 腐乳生菜, 九菜豬紅大碗麵豬腸: 幾爽口, 好入味, 算大舊; 豬皮: 不會太硬, 都OK大, 爽口; 豬紅: 口感嫩滑, 唔易夾碎; 魚蛋: 爽口, 彈牙, 夠辣味, 超中意食; 紅腸: 幾大塊, 味道OK; 蘿蔔: 唔會好淋, 唔易夾碎, 無渣, OK既。雞翼/雞翼尖: 最中意食滷水雞翼, 夠滷水味, 好好食呀。魷魚: 爽口, 不算太韌, 味道OK既。菜心: 煮得剛剛好, 唔會太老, 都OK油麵小辣, 油麵麵質幾彈牙, 湯底小辣好野味, 好中意食佢既辣, 所以飲曬成碗湯, 食完之後, 飲柚子檸水, OK, 唔會太甜4餸麵牛柏葉: 幾爽口, 不錯牛筋: 好入味, 夠林, 口感一流潮州魚蛋: 爽口, 彈牙, 好正呀流心蛋: 真係流心, 我中意食蛋黃味比較重, 味道OK, 值得一試腐乳生菜: 好新鮮, 好入味, 正呀九菜豬紅: 口感一流, 豬紅嫩滑, 有水準,一定要食員工服務態度OK, 地方幾乾淨永年士多值得一試 同埋幾抵食, 物超所值 

作為元朗人，永年士多的大名早已聽過，每次中午時段，都見人山人海排長龍， 今日一試，果然冇令我失望。中午時段去到，已經有一條小小的人龍，但大概10分鐘便已經有位，不算等候時間太長，尚可接受，我叫了三餸面，面底選了幼面，食落去與坊間的車仔麵有點不同，很明顯沒有鹼水味，作為lunch,面底啲份量也足夠。三餸選了牛筋，潮州魚蛋，還有他們的招牌流心蛋。潮州魚蛋的份量比我想像中多，魚蛋很爽口，很正宗，還有他們的流心蛋，做得很出色，雖然我放了很久在湯底，但吃下去時，仍然是半熟狀態，內裡的蛋仍然是流心的，值得一讚！碗面仲可以選微辣，小辣，我試了小辣，辣得夠過癮！小食我叫了碗韭菜豬紅，這個小食做得太出色了，真心好食，22元一碗，價錢很合理。本人十分喜歡吃豬紅，到處周圍食，這間的豬紅的湯底很特別，也加了一點蒜蓉，豬紅吃下去也很爽口，韭菜煮得時間剛剛好，不太淋，喜歡豬紅的朋友一定要試吓。飲品方面，除了普通檸檬茶奶茶咖啡之外，也有特飲。我點了鴛鴦，質素不錯。店舖比我想像中大，雖然顧客多，但採用半自助式的提取食物方法，每人有一個細盤，流程尚算順暢，店員亦主動提供協助，幫助找尋位置，整體感覺十分良好，已純粹車仔麵

我由小學時代細細個已經一放假就成日落樓下幫襯,吾單止好食而且份量多多到依家大個,見到間鋪裝修左,員工多左,但野食難食左,完全吾係以前ge味道,湯只有好重ge味精味,宋ge份量不單止小,而且仲好難食,完全變哂,認真,對永年好失望,難食左仲加左價,排隊速度快左又如何,我唸以後吾會再幫襯

永年士多，係元朗住既朋友絕對唔會未聽過或未食過佢地D車仔麵。已有五十幾年歷史，而我都食過好多次。餐廳大約有五十座位，先買後攞餐食，一條龍做餐服務，廚房有system同比較企理，三餸加一杯飲品 $45， 算唔上特別平，但可以接受。我今日一個人叫左油麵，牛肚 (三片)，红腸 (三片)，龍蝦丸 (兩粒)，別外有兩條菜，份量算ok. Overall, 味道幾好。其他地方車仔麵湯底比較油，永年D湯底相對比較清。可以加辣汁，但要小心因為我個人認為D辣汁都幾辣。其他幾種麵我都食過但個人比較喜好油麵個質感。總括我認為永年車仔麵係有水準, 好多唔同種類材料都有得選擇，加上唔同種類既麵同飲品，四十幾元可以話係幾OK。 鍾意食車仔麵，可比入元朗試下。

車仔麵好多地方都有，但配料正就唔係間間都做得到！元朗永年車仔麵，百食不嫌！周末一定排長龍。三十三蚊三個餸，價錢算可以！魚蛋係每次必叫，好傳統既味道！今次仲叫埋牛肚、芝心丸。支竹、滷水雞翼、牛柏業。雞翼好入味！叫多份菜心！夠哂飽！有時會叫杯凍檸茶或紅豆冰。紅豆冰粒粒紅豆，真材實料，唔太甜，質素遠比茶餐廳既好，不妨一試。

最近小男友教小妹游泳魔鬼教練嚴厲式的教導與責備後，可憐小男友因內疚，又會領著小妹去吃好西補償小妹的好學有一次就經過了永年士多老實說，小妹真的甚少留意自己居住該區有什麼人氣好西小妹應該是一個宅宅的乙女？！經過的時候，小男友拉著小妹說這裡很人氣，小妹呆頭呆腦的問道是嗎是嗎？然後就被人拉了進去細看餐牌才知道是吃車仔麵點了2個餸便坐定定，麵來張口小男友點了什麼我都忘了 但是我真的覺得是正正常常的車仔麵一碗，材料新鮮，不過不失 或許下次嚐嚐不同的麵種？？小妹心中車仔麵王是銅鑼灣榮記

講起元朗車仔麵，不得不提超過50年歷史老店《永年士多》。最初由熟食小販推車仔起家，其後開設士多，供應粥粉麵及售賣飲品零食雜貨。80年代尾，再轉型賣車仔麵，大受好評，成為「元朗地標」。2014年，老店大翻新，換上時尚風格，唯一不變的，是門外經常長長的人龍。這天平日下午時份到，幸好不用排隊，店內雖然人多，但仍找到位置坐。先於門口位收銀處下單買票，根據店員推介，選擇了豬紅豬腸蘿白油麵（油麵是個人喜好＾＾）＄33 三餸一麵，價錢合理。拿著票到廚房位，店員「即叫即夾」，速度很快，不消一回就可以捧餐入內了。豬腸乾淨，煮得入味，不會太膩；豬紅味濃爽口；蘿白忟得夠腍又甜。餸的份量不少，完全夠飽。好評得有道理！

星期一上午，我地去咗永年，不過人太多，舖頭太細所以買外賣返朋友屋企食。第一次幫襯，真係多人到大開眼界......12點開門，我地12點4去到已經有廿幾人排緊隊。我買咗3餸麵（小辣）加紅豆凍奶茶。麵底要咗油麵，餸就揀咗雞翼尖、牛筋、豬紅。朋友屋企係永年附近，我地好快就返咗去開餐。估唔到佢個小辣都幾勁，不過辣汁好惹味，配油麵好好味。豬紅好入味，牛筋好淋。係雞翼尖有少少失望。但係總括都好好。係價錢貴少少。

與元朗的朋友相聚後，就到了永年食車仔麵。永年士多是一間車仔麵專門店，為元朗其中一個著名的美食，附近有不少中學，為學生首選的午餐。 永年士多位於元朗廣場附近，有輕鐵方便到達。在中午時必定有一條長長的人龍由門口開始排隊，所以要盡量避開。 作為一間車仔麵，永年的價格比同區為貴。面加三送價值$33，不過著名的咖哩汁不用加錢，凍飲則要加十蚊。 咖哩汁的辣度是非常驚人，亦是永年車仔麵的靈魂所在。豬雜洗得乾淨，餃子和丸都不錯，就是面的份量太少。如果老闆出現，你就會見識到什麼是臭串的服務態度，幸好今次無緣相見，令進食過程愉快。

人生沒有幾回入元朗，是日bay同我專誠飛的去佢大讚許久的車仔面店食中午。由於今天滋味行，佢唸住帶我連食幾間，所以只能每店吃些少。三送面33我倆自強了bay推介同我自己喜的魷魚牛肚豬腸米，仲叫左勁辣汁tim，無得輸既勁辛辣汁刺五香粉調味而成。魷魚好正夠彈牙，豬腸唔肥清得又夠乾淨，整得淋軟，外層薄入面脂肪亦正常不膩，完全掂。牛肚呢？同樣美味，好軟身煮得亦勁入味，米粉索完汁，兩下就ko lu..跟面凍奶茶10叫少冰有少仲要係大喜的碎冰，多奶，茶味濃郁，佢邊食邊讚話：想飲港式奶茶，黎永年啦。佢好賣廣告囉。。。食後感：第一站，比我想像中要好，今日好開始。

永年一向在元朗受歡迎，特別是星期六日，必見排隊人龍，生意好得很，排完隊買飛，還要等位搵位，通常一個人的我，實在處理不到。難得平日放假來上課，去吃永年終於不用排隊，快快來個車仔麵。選了幼麵，配蘿蔔、豬腸、豬皮，共$33，微辣，幼麵麵質好爽口，軟淋適中，蘿蔔清甜無渣，豬腸肥美無異味，豬皮偏爽但不硬，湯底微辣幾惹味，有種令人上癮的味道，不過食完之後，口渴左成晚，味精該不會少，扣返d 分。咖央多士$11 麵包厚得來頗軟熟，咖央有椰香份量足，幾有風味！

成日都見人鬧永年，不過因為佢就腳，所以時不時都會食，貪佢方便又唔太貴。然後今日成日無食過嘢，狼呑虎嚥到最後先見到條蟲喺碗湯到游水，真係即刻想嘔！仲要差唔多食曬先見到！

經過開元朗，一定要來朝聖一下⋯未夠12點開門時間，已經有人排隊，好彩室內都有好多位。原來排隊位，係落單位，佢又幾識物盡其用喎⋯ 排隊人群，又會塞住店舖內既位，又做到墟冚既效果欣賞呢位設計師！側邊靠玻璃位，仲整埋高枱，坐位面向街，令食野既人視覺感大啲，唔會好局促！叫左碗車仔面，豬腸豬皮蘿蔔油麵+紅豆冰，蘿蔔好甜，豬皮爽口，最大特色，佢唔似出啲啲車仔面咁，油林林，啲餸清一色一種味，仲要煮到爛晒！永年既餸，明顯新鮮！唔怪之得咁出名啦