永年士多 (寶城洋樓)

营业中

休息中

每次去元朗都會掛住永年.. 哈哈.. 好似一個代表元朗區嘅座標.. 第一次食仲諗邊會有飲食舖頭會開係整石碑舖隔離.. 感覺唔多老黎.. 同埋一間車仔麵舖點解會叫士多嘅呢.. 種種都引起我很多好奇.. 而且店舖永遠都排住長長的人龍.. 手寫的餐牌飲品都要自己攞完計數俾錢.. 有種懷舊感.. 直到依家翻新了店舖用了電子餐牌.. 總是抹不去這一點點的回憶.. 諗住裝修完成本都會轉嫁俾消費者.. 不過睇落車仔麵價格都合理.. 仲多左幾樣新小食多士同韮菜豬紅.. 不過唔明點解唔同款嘅菜會唔同價錢.. 仲有一款大碗麵多餸好多.. 都幾適合覺得食麵唔飽嘅男仕們.. 我身為一個女孩子所食嘅份量不比男仔少.. 我竟然叫左一碗車仔麵再加多士試下.. 車仔麵: 豬皮蘿白牛柏葉豬腸烏冬本身諗住裝修完會唔會味道有差別.. 一食之下就覺得水準依然保持到.. 我最鐘意就係食永年嘅辣與別不同.. 只係叫小辣都未必人人食到.. 同埋配落少少甜嘅湯底.. 簡直絕配.. 豬皮好入味又爽口.. 而且清得好乾淨.. 平時出面食嗰啲仲有毛.. 真係嚇死人.. 蘿白夠'臨'亦好甜.. yummy.. 我見推介豬腸所以都叫左試下..

對永年士多, 有著一份特別的感情, 因它是伴我成長的小店, 在元朗該無人不識永年, 連區外人也知道它, 故很多時間也有長長的人龍, 想食一碗麵回味一下舊日風味, 也不太容易, 不過今日有機會了, 因放假可以在平日午間來到, 在學生放飯前有空檔。  三餸一麵叫左蘿蔔、雞翼、豬腸 加杯紅豆奶茶冰 先講紅豆奶茶冰, 嘩, 差不多半杯是紅豆, 真有HEART, 而且紅豆煮到剛好, 是有紅豆蓉那種, 攪均令奶茶都有紅豆味, 兩者溶為一體, 奶茶味道好夠濃, 茶和奶味各佔一半, 港式奶茶中算是十分出色, 最後可食埋粒粒紅豆當作是甜品。  主菜車仔麵, 湯底味道是獨有的, 以豬骨、它雞熬製, 加入果皮、當歸、甘草等, 所以帶有少少藥材的甘甜味, 辣汁也是出名的, 很多人冒名而來為這辣汁, 辣味是有多層次的, 帶點麻, 辣度蠻強, 為喜歡辣的人帶來趣味, 餸料方面, 蘿蔔清甜無渣無根, 軟腍多汁, 雞翼煮到軟滑, 鹵水好入味, 豬腸半肥瘦, 口感有彈性, 洗到乾乾淨淨無污糟味, 仲送少少菜同兩粒魚蛋, 魚蛋是陳皮魚蛋, 陳皮味香濃, 幼麵爽滑無鹼水味。 韭菜豬紅是新菜式, 好吸引都幾抵食,

相信大多數人都唔會對永年士多感到陌生，以車仔麵馳名，晌元朗已經有多年歷史，直至近年重新裝修，昔日街坊式食店變得更光鮮企理。雖然同棺材舖為鄰，亦已經過咗午餐時間，但店外仍有人龍，可見人氣非常厲害。入口收銀處上方有塊電子顯示屏，可以一邊排隊一邊諗食乜。晌收銀處叫咗嘢食同晌取餐處拎咗嘢食之後，就可以自己搵位坐。入面嘅環境整潔，其中一面牆上仲掛咗舊日嘅招牌。落地玻璃窗嗰邊係一列高身吧檯，可以邊食邊望街。我試咗淨餸，分別係豬腸、豬紅、雞翼、冬菇、蘿蔔同菜心，辣度就揀咗小辣。豬腸軟腍冇腥味，豬紅嫩滑爽口，雞翼煮得雞骨同雞肉輕易分離，冬菇香而有咬口，蘿蔔甜香冇渣，菜心翠綠脆身，食物本身都已經有調味，唔係白烚煮熟再拼埋一齊。小辣辣度適中，當中夾雜住香料味，湯底飲起嚟惹味，不過就有少少令人口乾。早有預備咁叫咗杯紅豆奶茶冰試試，紅豆同奶茶嘅比例接近一半半。冰塊打得細碎，紅豆煮到軟身起沙，質感濃稠，奶茶嘅茶味同奶味平均，甜味啱啱好，拎嚟解渴都唔錯。

作為住喺新界西嘅朋友，元朗多正嘢食就個個都知，永年士多係元朗更加係出哂名 。裝修過後嘅永年餓底我都係第一次， 外觀上變得乾淨整齊，面目一新。今日兩點半黎，你以為差唔多下午茶時段黎會人少啲？都係排隊吧啦！你去搵下龍尾先啦～ 呢到係先買後拎，所以排隊就要順便諗定食乜有六十蚊喺身，一於就食大碗面啦!😝😝要我揀餸又唔知燃燒左我幾多青春😎😎 辣度就揀左微辣腩汁。買完飛大概五六分鐘就有得食！永年士多入面裝修得幾有格調，主調為灰色，地方大左，有普通四人枱同望風景似乎無咁lonely嘅單邊自閉位。大碗面有十款餸，都係魚蛋雞翼尖魷魚豬大腸蘿蔔個啲啦。咁大包圍實有幾款你鐘意嘅～😆賣相幾好咁啵，非常足料先食餓底至愛must嗌嘅車仔面配料豬大腸，食落半肥瘦得黎又好滑，簡直食極都唔厭挑哂啲豬大腸黎食之後，有請豬紅～～紅豬就無腥味仲甜甜地，唔會一夾就散。一啖一粒岩岩好！😉😉孖寶兄弟之一魷魚爽口但略嫌細舊( ˘･з･) ( ˘･з･) ( ˘･з･) 孖寶兄弟之豬皮通透彈牙兼大塊，唔會有恐怖黑色嘅豬毛。無渣而清甜，索盡湯汁。雞翼尖有三隻，炆得腍之餘，鹵水煮得好入味。雞翼大隻飽滿，啖啖肉又嫩滑，正！湯底鹹中帶甜，辣汁

No English menu in a busy restaurant is very busy so make sure you go with someone who can read Chinese. I had the soup with chicken wings and blood cubes without noodles. The blood cubes were soft and juicy. Another popular item was milk tea red bean which went so well together - a must try. Keep in mind though that the medium spice level is quite spicy (peppery feel) so if you are not sure if you can take the heat then better go for less spicy.

今日去左元朗永年士多朝聖，聽聞佢地既豬紅，豬皮，豬大腸，魚蛋，蘿蔔，雞翼都非常好食。如果就咁選佢個三餸麵實在太難選擇，所以最後選左聚十寶於其中！有十款永年推介既餸菜同埋一杯紅豆奶茶冰，門口排隊到叫餐，比錢直到取餐埋位 前後十分鐘麵唔洗。但佢地條隊永遠都有人排緊🤤碗麵非常足料，不但有我上面提及既好食餸菜，仲有其他4款必食推介！豬紅陣味甜甜地好特別有別於一般豬紅陣味，魚蛋，白蘿蔔，豬大腸，雞翼都非常有咬口好入味！一個人食完基本上已經好飽。建議兩個人share!再加其他小食。杯紅豆奶茶冰，係我入過咁多杯好豆冰最好飲既一杯，甜度岩岩好估唔到紅豆配奶茶個味道係咁特別咁好味。必定再食之選！

元朗有一個都好出名的車仔麵店，在元朗警署附近，細細個食過就已經覺得很好吃。本來它是一間傳統裝潢的車仔麵店，後來重新裝修到好有格調，連付款出麵都全用電腦，變得電子化，但還保留了原有味道。客人在問口落order之後，就到茶水bar等出麵，過程好快，幾分鐘攪掂。三餸一麵是$35。通常我都會食魚皮餃、咖哩魷魚和牛栢葉，這裡的咖哩魷魚非常好食，尤其是它的秘製辣汁。通常店員都會問要大、中、小辣，建議要小辣好了，因為小辣都已經好辣！（我本身是食好辣的人）加$11可以試紅豆奶茶，好多紅豆！

一早已經知道永年好食，但遲遲都未去朝聖，今日喺附近搵朋友，朋友提議去呢間食，我立即舉腳同意其實永年好近輕鐵站，喺元朗警署附近，所以都容易搵到見到個餐牌，其實貴精不貴多，因為第一次來，所以就叫推介嘅食物，入到去個環境都舒適，喺櫃檯叫完嘢食先至入去搵位嘅多士係必食推介，佢有三種味道可以選擇，我哋選擇咗班蘭咖央，個味幾特別，好有班蘭嘅味道，出邊都好似冇呢隻味，所以一定要黎試吓韭菜豬紅又係必食推介，豬紅整到好入味，亦都幾爽口，加埋少少辣，好食過其他地方嘅10倍，呢個又係一定要試港式紅豆奶茶冰，呢個真係飲過最好飲嘅奶茶，佢入邊係加左紅豆，但係呢杯野飲係一啲都唔會過甜，唔似出邊啲紅豆冰咁，其實真係非筆墨可以形容，真係要試過先至知，呢間一定會再嚟幫襯，價錢又合理，最緊要係我覺得好好食

郭叔話呢間士多d車仔面好出名，要帶我去試。下？士多？車仔面？？原來呢間鋪以前系士多，順便賣埋車仔面啊燒賣個d，近兩年先轉型做餐廳。12點幾一去到（11點開鋪），哇已經要排隊。間鋪系先買野食，後自己搵位，所以都幾擔心冇位坐。好彩d人走得好快，排隊都唔系等左好耐。不過入面都做得幾逼，冇位放袋，要擺地下或者攬住個袋。雖然面系佢最出名既野，但我個日好想食米粉（可惜冇河粉），所以叫左碗米粉。配冬菇，魷魚，牛柏葉（三餸35蚊）冇加野飲（飲品要額外加多十幾蚊細細杯，都幾貴 。）我揀左小辣，食落口，原來小辣都不得了，有少少想噴火，系咖喱味個種辣，唔系平時食米線既川辣。d配料都唔算少，仲送棵油菜。牛柏葉十級爽，好少食到甘爽口但唔韌既牛柏葉。魷魚都系爽口彈牙，同隻辣味幾夾。至於冬菇就有d失色，夠num，但味道一般，煮既汁唔太好食。最後，以35蚊一碗粉黎講，都叫不過不失，唔算太吸引。btw，呢間餐廳既侍應同收銀竟然好多都系後生女，唔系平時既啊嬸。有d都幾靚女！

真心吾明點解咁多人會中意食，定係你地全部同一樣既職業?首先，個湯底真係重味精到不得了。個個程度係一飲D湯已經明顯飲得出個種，一路食個喉嚨就一路渴緊。最誇張係之前路過見到有個人將一大包粉倒落裝湯底個煲到，其他人仲要見到哂，誇到。除此之外，D價錢仲要好貴，面既分量少加兩個送埋單已經要差不多四十蚊，你冇去搶?最後，D職員態度都好惡劣下。叫佢過黎佢好似好吾情願咁，講野串串槓咁。發誓永遠都吾會再幫襯！

簡單、廉價的材料，無非是豬紅、豬皮、豬腸、冬菇與時菜罷了，在這間有名的港式車仔麵店「永年士多」手裡，頓時變成令人回味，心中讚好的美食，出色的湯汁絕對應記一功。此外，高質的食材與充足的準備工夫同樣功不可沒，讓冬菇軟腍無比，豬紅口感適中，豬腸肥美軟滑，豬皮爽口入味，時菜亦青嫩腍甜。一碗走麵剩餸的五餸車仔麵，讓我與太太吃得稱心滿意，這「永年士多」，雖然服務一般，環境也只是普通，但出品絕對有令人一吃再吃的魅力，確有它過人的本事。

是日想食平d, 過開元朗呢頭, 就食"永年士多"喇!除左一人一碗車仔麵, 我地仲叫左紅豆奶茶冰 & 咖央多士share 食食完真係好滿足, 但加加埋埋都只係$107蚊咋!!!!!你話點可以唔比個like呢間鋪頭呢?車仔麵d "送": 我會推介羅白，豬紅，豬腸, 好好味, 好足料又入味!!!!!不過牛柏業就有啲硬囉..下次可以唔洗叫lu~~食完麵仲加埋個咖央多士, 我好中意食咖央多士架, 不過香港唔係度度都有得食所以每次見到d 茶記有得食, 點會叫來食!!食飽飽再0係附近行一陣, 大滿足!!!

每次經過永年都見到大排長龍今日難得見到冇乜人 即刻衝去食返一碗先今次我就嗌左魚卜雞翼豬大腸油麵小辣黎到永年食點可以唔食辣呢 呢度D辣係最最最吸引我既地方之一先講D材料 一貫既水準魚卜吸收哂湯既辣味 辣到我要係咁飲水 好惹味!!!豬大腸就勁淋滑除左辣味之外口感好得, 食落SHARP SHARP聲咁我既最愛始終都係雞翼!!! 好入味之餘煲得好淋 輕輕一咬就可以將佢舊骨分開不過麵底唔係我最鐘意食既河粉如果可以希望佢有一日可以提供埋河粉比我就完美喇!!!

元朗美食第二擊😋😋😋 黎到元朗點可以唔試埋老字號既港式車仔麵🍜叫左3個送: 蘿蔔，豬腸，牛根 (因為都唔平，要忍忍手)講真味道都唔錯，蘿蔔好入味鮮甜，牛根豬腸都夠淋💓但係住得山卡啦既我又覺得又不至於要山長水遠黎食。如果未試過的確可以一試 至於辣度大家要注意喇!!因為佢既小辣原來係好辣!!!我今次就賴野la😰😰食得辣既你地可以去挑戰一下😅反而多士厚得黎仍然做到表面微脆內有軟熟感，睇下個牛油幾正❗❗味道: 3.5/5

終於得閒同朋友入去永年士多吃車仔面, 永年士多的餸夠多, 我點左大碗麵, 朋友點左4餸麵, 腐乳生菜, 九菜豬紅大碗麵豬腸: 幾爽口, 好入味, 算大舊; 豬皮: 不會太硬, 都OK大, 爽口; 豬紅: 口感嫩滑, 唔易夾碎; 魚蛋: 爽口, 彈牙, 夠辣味, 超中意食; 紅腸: 幾大塊, 味道OK; 蘿蔔: 唔會好淋, 唔易夾碎, 無渣, OK既。雞翼/雞翼尖: 最中意食滷水雞翼, 夠滷水味, 好好食呀。魷魚: 爽口, 不算太韌, 味道OK既。菜心: 煮得剛剛好, 唔會太老, 都OK油麵小辣, 油麵麵質幾彈牙, 湯底小辣好野味, 好中意食佢既辣, 所以飲曬成碗湯, 食完之後, 飲柚子檸水, OK, 唔會太甜4餸麵牛柏葉: 幾爽口, 不錯牛筋: 好入味, 夠林, 口感一流潮州魚蛋: 爽口, 彈牙, 好正呀流心蛋: 真係流心, 我中意食蛋黃味比較重, 味道OK, 值得一試腐乳生菜: 好新鮮, 好入味, 正呀九菜豬紅: 口感一流, 豬紅嫩滑, 有水準,一定要食員工服務態度OK, 地方幾乾淨永年士多值得一試 同埋幾抵食, 物超所值