永年士多 (寶城洋樓)

营业中

休息中

聽住元朗既朋友講, 有間歷史悠久既車仔麵!!!趁假日就走入黎趁下熱鬧~~~未夠12點開門時間, 佢地門口已經有好多人排緊隊等買車仔麵"*店鋪翻新過後感覺時尚很多, 座位與座位之間都很寬敞;車仔麵既特色之處就係可以自己揀餸~~佢地款式有好多, 價錢唔算貴, 比係港島區算平添!!朋友們推介一定要食佢地既豬腸同埋豬紅;咁我就點左豬腸豬紅流心蛋潮洲魚蛋粗麵 (微辣)佢地秘製湯底同埋辣汁的確與別不同～豬腸肥美又冇腥味, 仲冇渣; 豬紅軟硬適, 唔會一夾就散開, 真係好味!!!而流心蛋係原隻上, 唔怕比湯底整熟左;一咬開蛋黃就流哂出黎"*另外仲叫左個腐乳通菜;份量幾多下, 亦唔會好孤寒咁比好少腐乳!!味道正正常常啦, 冇咩特別~~果然呢度既車仔麵真係好有水準, 叫多幾個款都唔會太貴!!!多人黎食得黎好快有位座, 唔會話等太耐, 大家都好識做呢~

幸運永年元朗區工作，最開心係試到啲未食過嘅餐廳，今日去呢間人氣車仔麵，本來星期六都驚要等好耐，第一幸運有車位， 第二幸運係只有5-6個人排隊，第三幸運係搵到場內難得一張6人枱（我哋5人）之後去落單，再排隊等出菜，因為收銀處已有單直入廚房，排到時已出到菜，好有效率，樓面店員就努力收碟，等盡快清空座位比新入嘅客人店面唔大，形格嘅麵檔風格！環境比想像中好，不過因為太多客人，搵位沿用企座位旁邊等，所以有十對眼瞪著，都唔會坐到耐！豬腸豬紅蘿蔔粗麵（$35）黑色膠碗，叫了小辣，正常車仔麵賣相，豬腸抵讚，斜切增加體積，增加咬口，又彈又無壓味，蘿蔔入味無渣，幾甜，豬紅就失色啲，瑋夾就散，粗麵ok，湯底鹹香惹味，加咗辣醬都幾辣！好味紅豆冰（$13）紅豆大粒炆得淋身，唔會太甜，奶味唔會太重，同冰碎夾埋一齊好味腐乳通菜（$23）通菜無清晒啲水，通菜梗爽口但無味，菜葉太淋，腐乳醬鹹香！ok韮菜豬紅（$18）我唔食韮菜，食咗豬紅，一樣都係太易碎，醬汁鹹香帶甜味！幾好！同事食嘅車仔麵：奶茶紅豆冰：人氣特飲！收銀姨姨有耐性，我哋落5個人麵都幾長，佢都無燥底！排咗好長龍，佢好爽手聽清楚再覆單先出票！樓面收碟前一定問一

星期六早上約大學同學聚舊食lunch , 同學仔家住元朗，她介紹去食好出名的永年車仔麵。專登由九龍區入元朗食個車仔麵都值得的，事關永年的秘製辣汁真是第二間車仔麵食不到的。愛食辣的我點了豬腸雞翼蘿蔔米粉，加凍奶茶，三餸一麵$35, 跟餐凍熱飲品加$11 ，埋單$46! 豬腸好乾淨，沒有"壓"味，蘿蔔淋得黎好甜蘿蔔味，雞翼也鹵得好入味，配上勁辣辣汁，果種又愛又恨，刺激味蕾的感覺，真是好過癮，精神為之一振，再飲淡凍奶茶，好滿足哦~

從少的我己是車仔面忠粉, 自從搬入大西北地區後, 老公便帶我食勻元朗車仔面,我最愛的永遠是永年士多,縱然每次來到要排20分鐘, 我仍然不會放棄,證明有很多識食之人都愛上永年!幾年前永年大翻新, 令我幾個月吃不到, 抑鬱得很,重開之後, 就差不多每個WEEKEND都要去吃一次。每次來到,我都必點: 豬紅, 豬腸, 雞亦尖,蘿白。菠蘿冰-->多多大大粒菠蘿,我等菠蘿控最愛! 用上碎冰. 不太甜, 非常散熱解渴, 夏天必喝!紅荳奶茶(跟餐加點)---->香濃奶茶, 加上粒粒紅荳, 層次口感豐富! 絕配!豬紅-->香甜嫩滑而又結實唔易散, 係我食過最好食GE豬紅, 其他任何面店我未食到如此好食的。有時興起, 我會連點2份!蘿白香甜入味, 無筋!!豬皮爽口彈牙!!車仔面配埋招牌辣汁, 無得頂!! 本來仲想點個咖央好多事做甜點. 可以一個十餸大碗面己經完美KO了我每次食完永年都很覺得滿足幸福!

住元朗的友人知道我是一名標準車仔麵控，他問我有否幫襯過元朗歷史悠久的兩家車仔麵名店，一家是許祥昌，而另一家是永年士多，我跟他說許祥昌光顧過不少次，麵及餸味道都好，紅荳涼粉奶茶更是超出色； 但另一老店永年士多聞名己久，但卻從未幫襯，我跟他說：『 我對於一些裝修格局變潮後的老店帶有抗拒，總覺得拆下舊裝修後，連帶古早老味都一併去蕪存菁，恐怕原有味道變得不倫不類，所以一直沒有幫襯。』友人說：『 你年紀大了，總認為新不如舊，而且人變得固執，自己認為對的事，人家怎說都改變不了你的想法。我現在告訴你，永年的出品，絶對是傳統口味，出品質素並不在許祥記之下，你不去是損失！』友人說得那麼實牙實齒，而為了証明自己年輕（不是年紀大變得固執），所以就選了一個中午時段，帶同母親同往，吃個午飯。未評食物前，先說一些在網上查找，關於永年士多的典故，這些都是決定到訪永年後在網上查找的。永年士多扎根元朗超過三十年，第一代老闆早期在圍村推木頭車，販賣白粥粉麵為生，後來小販管理隊對小販管治越來越嚴，老闆遂於七十年代末搬入現址，販賣香煙汽水。到了九十年代末，超市紛紛湧現，老板把心一橫，在士多店開檔賣車仔麵，第二代老板就在開始賣

有時一班人食飯唔一定要食價格高昂，外表精緻嘅美食。成日聽隔離同事話元朗有間車仔麵好好食，好好到就算喺中環收工都要特地入元朗食完先返九龍屋企。聽就聽得多，成班同事決定入去一嚐呢間車仔麵，睇下究竟有乜咁特別。我點左豬腸牛柏葉，雞翼同時菜。豬腸好好味，牛柏葉一啲都唔靭，雞翼正常，最值得一提嘅係菜心，顏色翠綠，份量比一般車仔麵嘅時菜多。除咗車仔麵，我和同事亦點了奶油多士， 同事10分欣賞，因為多士嘅切法10分適合2人分享。值得一試總結，味道及份量比一般車仔麵優勝，環境乾淨，店員友善，但同時價錢亦比一般車仔麵貴 50%。如果住附近的話我想我都會經常幫襯，但也未至於值得特地入元朗食。

今日老公放假，所以就帶咗我出元朗搵好嘢食!揸車落去兜咗一輪都未諗到食咩， 最終經過永年士多就決定揀呢間。 呢間車仔麵我對上一次食已經係一年半之前，而家佢裝修咗一個好靚嘅門面，間舖立即升格咗靚好多同以往一樣，呢間車仔麵永遠門口都係排滿曬人要排長龍，我記得我之前食呢間車仔麵前叫左小辣 ，最終係完全辣到噴火嘅情況下勉強先食得曬，失左原味 !所以今次就吸取咗對上一次嘅教訓叫咗唔辣 我最欣賞呢部車仔麵係豬大腸同埋雞翼，因為佢嘅豬大腸係唔會有臭豬味而且非常之入味同埋好彈牙， 雞翼又係相當之入味， 而佢最正嘅係個湯底味道恰到好處唔會太鹹我哋另外亦點咗叻央西多，雖然份量少但係 都鬆脆好味!

相信大西北人對永年士多絕不會陌生，自三年前大翻新後，有人覺得少了一份本土情懷，我卻覺得環境更乾淨座位更舒適，只要能保持食物質素，改革一下有何不可？今天天氣反覆， 不用等位之餘還有卡位！藍灰色裝潢、落地玻璃、沙發雅座、電子餐牌，誰會想到這是當年紙皮石地板配摺枱摺櫈的永年士多？三餸麵 $35 + 烏冬 $2 + 餸 $8@熱柚子蜜 跟餐+$13微辣，流心蛋、韭菜餃、雞翼、魚蛋、芝士腸當年的發泡膠碗和即棄木筷換成簡潔的黑色防滑托盤和碗筷，不變的是那一抹招牌秘製辣汁，分大中小微辣，咖喱香十足，絕對是精髓所在。烏冬軟滑，滷水雞翼炆得入味，韭菜餃皮略厚。流心蛋是我的最愛，一咬開蛋漿四溢，蛋香幼滑，忍不住連吃兩隻。小辣，豬紅、豬腸、魷魚、雞翼、蘿蔔、紫菜豬紅清甜幼滑，豬腸燜煮得入味，蘿蔔甘甜無渣，魷魚爽滑彈牙。蠔油菜心 $16 本想點腐乳通菜，可惜賣光，改點油菜，蠔油稍鹹。咖央多士 $12 開心大發現！厚多士異常鬆軟，面層烘得金黃鬆脆，中心塗上薄薄一層咖央醬，甜度適中，熱騰騰香噴噴，下次要試試鮮油多。嗱喳麵不一定要嗱喳，翻新後的永年環境整潔光鮮，味道依舊，唯獨是少了霸氣老闆高佬，換了一名同樣霸氣，眼

話晒車仔麵店「永年士多」係元朗名物之一，未食過都想試下。是晚去到人龍唔算好長，排左幾分鐘就到。首先係收銀處落order畀錢，跟住自己去搵位，再搵同行者出返去交單，煮完自己攞埋位，完全全自助。匆匆上網睇下有咩比較好食，都係不離蘿蔔、豬大腸等等尋常嘢，其實佢賣點係自製辣醬，咁就叫個辣的試下，不過只係微辣，因為聽聞佢的辣係非一般的。第一樣要先選麵底，我通常會食河粉，但望勻menu竟然冇。河。粉！一來個心已經沉左一下，無奈地唯有選幼麵。配料選左魚蛋、豬腸、蘿蔔（三餸麵$35），蘿蔔的確唔錯，腍甜之餘冇渣，豬腸唔太深色，但都算滷得入味，裡面有頗多邪惡的肥膏，充滿油香。炸魚蛋細細粒，咬落味道好似炸鯪魚球，唔係預期中的感覺有點奇怪。湯加入辣醬拌勻係幾香嘅，微辣都已經幾辣，唔食得辣的最好要避免。另一碗係豬腸、豬皮同豬紅，豬皮幾爽口，我唔鍾意食豬紅，都勉強咬左一小啖，但都係接受唔到果種口感同腥味。總括講，永年質素都係一般般，經過一吃無妨，專程去食就可免了。車仔麵心水，始終都係銅鑼灣新記。

來到元朗不得不提的就是這間永年士多價錢實惠、味道出眾，雖然地方細細，排隊等位多，但無減食客的熱情以前細細個黎食既感覺就是霉霉、簡陋的，現在就一個大翻修，時尚企理得很一目了然的餐牌，以為係普普通通的車仔麵檔，我諗你錯了!!!一碗35蚊三餸.........雞翼、蘿白、豬腸，呢三款係必食之一蘿白食落無渣又清甜，加上用左祕制上湯浸著，吸曬湯的甜味滷水雞翼的滷水不係那種陳年滷水，但食落又覺得雞翼入曬滷水味。滷水汁帶偏甜的，影響到個雞翼最內層都鮮甜嫩滑豬腸裡面既肥膏、離質清走曬，所以全無罪惡感地大口大口吃!!同埋唔知係唔係用祕制上湯浸住，所以豬腸都能食出甜味來!!!韮菜豬血更是不能錯過，因為佢粒粒都完整得黎又不會過老，真的像食豆腐一樣，不會感覺到血腥味，因為佢同樣用左祕制上湯，也是帶著甜味我個人真的太喜歡那麼不苦帶清甜的味道，所以這餐很對胃口!!!韮菜，也是這餐的小菜，平平地又一餐!!永年士多做得最出色的也有它的辣度!!!因為落醬少卻依然的帶來極大的麻辣感紅豆奶茶冰係最新出的飲品成半杯都是紅豆，真係俾左力吸引你點架! 紅豆煮到綿一綿，是那種紅豆蓉似的，一攪拌下兩者溶為一體港式奶茶的味道夠濃，同紅

 難得入元朗試下元朗美食，點知都浪得虛名。。依個嫁yeah多士，真係好一般，一碟得兩舊，我覺得土司xx仲好味。佢中間既涵料真係好少。。。少到冇份量冇嘜味道，食落淨係知食緊個包車仔麵感覺吸引，係感覺咋。。。成碗麵得麻油味，重味精就係咁多，快餐都唔洗咁絕掛個鳳爪就幾好既，好淋，好入味滷水，大腸就冇特別，豬血都一般啦，因為d湯底得個油字，本人唔覺得吸引加杯紅豆冰都唔平嫁，不過紅豆冰就幾真材實料，大粒紅豆，男仔可可水量少d，睇你點睇。

環境不錯！乾淨又幾舒服。點餐很快，服務態度還可以。效率很快，就算人很多也不會排很久。食物很好吃！尤其蘿蔔好有味～ 好食！😋如果不能吃辣的話，建議選不辣，因為小辣也挺辣的😅😅

區外友人入左黎元朗，話想試下元朗地度野，諗左陣，不如去食永年，裝修後自己都無食過。午餐時段黎到，好多人好多學生，人龍一路排到去豐樂里。流水式作業，又唔係等左好耐咋喎，一條排隊買野，一條排隊拎，人多仲可以入去搵定位，一、兩位要撘枱都好快。三餸麵（$35），加餸每樣（$8），今時今日已經係公價黎，要了一碗車仔麵少辣同紅豆奶茶。先試個豬腸，雖然好肥，但咬落去又唔覺膩，好入味。再黎係豬紅，結實但不失嫩滑，略甜了點。跟住仲有蘿蔔，呢個勁正，鮮甜無渣，蘿蔔仲有佢自身味道，無醃得過份。麵條方面要了油麵，彈牙，吸湯一流。湯亦清甜，食完都無口渴，倒是那個咖哩汁不得了，要了少辣都好辣下，哈哈，但無辣又唔好味嘛。加了紅豆奶茶，跟麵要奶茶咖啡都要加$10，特飲都係加$12，感覺上抵啲奶茶香滑，紅豆軟腍微甜，隔離位先生都係叫呢杯，佢同樣大讚呢。雖然好多人都話舊時嘅永年好味啲，不過唔記得了，個人覺得而加都好味喎。

友人一場黎到元朗~緊係要帶佢食好西啦~~~永年士多.平時見到好多人排晒隊已經好想試~今日就一於同友人去食啦~地點都好易搵呀~朗屏站行一陣就到~同友人分頭行事,一個搵位一個買野食~門口條隊長長地~但D姐姐手腳都好快~所以唔洗5分鐘就買到野食啦~~~坐無虛席~好在友人夠醒目~~2個人叫左一個大碗麵、一個多士、兩個奶茶紅豆冰~食到好飽飽~大碗麵 -$58首先我要講~~真係好足料!!!!(希望仲背得晒有咩~)有好鮮甜GE菜心~~真係用魚打GE魚蛋~~糖心GE蘿蔔~~乾淨GE豬大腸~粒粒豬紅~~份味GE雞翼~~同埋雞翼尖~爽口GE魷魚~~仲有紅腸~~個湯底仲好清甜丫~咁GE價錢10樣餸~~好抵啦~出面食個碟頭飯都$40蚊啦~珈央多士$12個包仲熱仲脆~姐係係新鮮烘而唔係烘定架啦~~~個醬都唔孤寒~有好大pat~好味一人一杯奶茶紅豆冰~跟麵加$12個茶味又香又濃~重點係有好多紅豆!!而且仲煲起晒沙!!!呢餐好滿足!!下次又黎食過先~

Hitch up #bff during the last few moment before her departure 😇. Transforming from a traditional tea house to a modernised food place with industrial renovation ☺️love the comfy seating for nice chitchatting on a random weekday afternoon .Pregnant girl's crave could be absurd 👉🏻#dirtynoodle👈🏻. Popular #hklocalfood at #yuenlong 😋homemade herbal soup tastes sweeter than regular broth and special fragrance in it. 1. Squid - way soft and thin 2. Turnip - soft and juicy 3. Pork blood - slightly tender