永年士多 (寶城洋樓)

营业中

休息中

久仰大名 今日終於有機會一嚐朋友講既車仔麵。排隊麵排左廿分鐘。叫左三餸～ 車仔麵我至愛的豬腸！永年的豬腸真是無得彈 好乾淨 夠入味 腍身 唔會太UN. 非常推介。牛肚 枝竹 就不過不失。附送的菜心出奇地爽甜。我揀左微辣 自知自己唔食得太辣。個辣汁好香 而且微辣對我來說 已經係極限😂 雖然豬腸係做得好好 不過要山長水遠入到元朗 我又未必會特登入黎食。經過就一定會翻兜。

星期六中午，叫左哥哥做跑腿去永年士多買野食！永年出曬名既應該係麻辣做得非常好！有上癮既感覺，因為清甜得黎又帶點麻辣的刺激！粗麵，因為路程有點遠就有少少淋左，呢個又唔係佢錯既！其實，呢間野價錢同材料都好成比例！三樣材料都打孖黎兼有條菜心食下架，兼食品質素都好！可是，墨丸牛丸還是用普遍超市買到既！牛丸沒有用手打牛丸，食落去係無咩咬口同牛既味道！如果佢用新鮮人手製造的丸類會較為吸引吧！呢一碗就普遍會叫既例牌材料！魯水雞翼既味道係keep到落內膽，豬腸洗得乾乾淨淨，又起魯水個度吸左好耐魯水汁味，好吃到不得了！魚蛋仍用舊式手製形狀，咬落去好有口感！叫左兩碗同阿哥混著不同材料食，還是例牌材料好食！不過下次還會試埋佢既豬皮，豬紅，魷魚先！

天氣悶熱，下午雨勢有時頗大，靜侍在家休息，心情十分輕鬆。今天整天沒有吃什麼，胃已經響起警號，晩上前住舖頭，已經見人龍，永年新裝後時尚了，甚至有落地玻璃單邊座位，格調高了。她們的車仔麵，味道和製作是沒有改變，改進了是每天送貨的自製食物工場。她們的湯底味道富層次，經時候製作的味道。在餐牌上，已經見到有三十多款的餸料，我的最愛是雞翼，她們的鹵水煮得入味。豬皮是晶透的，彈牙大塊夠入味；魚蛋也是皇牌，精巧的魚蛋吸收湯汁的精華，惹味豐富，再配埋招牌辣汁，既刺激又想食。

永年車仔麵 一直都聽元朗朋友推介 話要排好長龍。今日入元朗探朋友 決定冒著炎熱天氣排隊食。叫左豬腸牛肚魚蛋粗麵 微辣。豬腸 真是激讚。好滑 入曬味 又乾淨 超正。未食過咁正既豬腸。牛肚 不過不失 都入味既 但唔會好驚喜。魚蛋 我鐘意呢種實實在在的魚蛋。口感一流。配埋辣汁 爽。個辣汁 真是好辣 我微辣都食到滴汗。但好香辣 車仔麵真是要食辣先得。爽

平時排到出馬路既永年識食一定係食外賣因為快勁多今日咁岩就係星期六，天氣又熱，永年外面排左起碼20個人，我就唯有買番屋企食今次嗌左豬皮，牛柏葉，豬腸，少辣米粉先講D送啦，大大片豬皮係食落幾爽既，唔會太淋，個口感唔會太膠，牛柏葉份量就少D，不過係幾好味，加上佢吸左D汁既味，令到佢食落更加好味，豬腸就不嬲係永年必嗌，又大舊又乾淨！！食落真係爽口彈牙米粉其實唔算話有咩過人之處，不過重點係D汁，少辣對我黎講已經好辣下，不過好鬼野味，米粉吸哂D汁既精華，不過份量我覺得算少，岩岩好又未到好飽既LEVEL！

永年可以話係元朗既其中之一名店。今日黎潮聖～裝修前有食過，但已經係好多年前，亦唔太記得個味道。裝修後，環境明顯靚左新嘅裝修保留舊有風格今日叫咗個三餸米粉33元三個餸，價錢合理～！魚蛋有七粒，尚算彈牙獅子狗就比較粉牛柏葉不過不失湯底偏鹹～整體黎講，33蚊食到大碗麵，其實唔差，只係可能期望過高

元朗最出名既車仔面次次去到都要排隊不過似做街坊生意好多熟客佢既小辣都已經好辣 鍾意食辣既人可以挑戰下!湯底超香濃豬腸 蘿蔔都好入味全部都好出色抵食！

早排見到發哥落左元朗食野，除左華嫂冰室，佢另一間食既野就係呢一間永年士多。於是今次就終於走左去試，原來呢間野已經好有歷史，見佢裝修完同以前D相比較真係靚左好多，而且位置都唔少，可以話係我見過環境最好既一間車仔麵檔。講番D食物，食車仔麵唔少得既當然就係蘿白同豬紅啦，而且一定要嗌油麵，同埋佢呢度最出名既就係佢個辣汁，不過我個人就唔係好食得辣既，所以都係叫左小辣就算。首先講下個湯底，聽老闆講佢個湯底係自己調配左好多年，雖然加埋左個辣汁撈埋一齊，但係都唔會淨係得辣味，仲可以飲得出D花椒八角果D香料既味道，而且個辣汁融入左D湯度令到D送都非常之咁入味，雖然係小辣但係對我黎講都已經好辣，如果食得辣既不妨可以挑戰下中大辣。個油麵就比我平時食開果D車仔麵更加彈牙，而且個麵仲索哂個湯底既辣味，亦都唔會話真係好油膩。而佢D車仔麵餸，見到D新聞原來佢有自家工廠一條龍式每日製作同埋運到黎鋪頭，所以睇得出佢好多餸本身已經整得好好。個豬紅鬆軟彈牙得黎又唔會散，將佢浸一浸落個湯底吸收哂個辣汁既精華，再配合埋佢本身既味道同口感真係冇得彈。至於個蘿白，可以睇得出佢黎到鋪頭之前已經係工廠處理左好耐，所以每一舊都煮得好淋，

做得元朗人又點會未食過永年車仔麵？又唔一定嘅，不過自從我同我老公一齊跟左佢做元朗人之後就認識左永年而且係由佢舊舖食起😎😎講起舊舖同而家真係好大分別架我只可以話每次叫餸都會勁緊張因為如果次序錯左or你講得太慢。。。一來會比後面條人龍啤你，二來落單嘅姐仔都會眼定定望住你佢地嘅次序係先講堂食定外賣之後就咩麵先到咩餸試過舊舖那時候起我前面個學生妹落單（當時唔係電腦入飛，係講完即刻起你面前汁）個學生妹可能好驚當時煮麵嘅哥哥仔一口氣講左幾個餸，之後個哥哥仔呆左望住佢話''咩麵呀？唔講點煮呀''個學生妹嚇到紅都面哂😂😂😂😂😂好。。。故仔講完講番現在而家已經係由姐姐仔落單用電腦落不過次序都係一樣壓迫同無尾音😂😂😂😂😂習慣左了點完比完錢就自取自等位飲品好多元化。。。一般檸茶檸水咖啡奶茶都有仲有d特別d 紅豆冰啦紅豆冰配奶茶啦菠蘿冰啦柚子檸水啦我就飲番凍檸茶，老公點左杯菠蘿冰夏天係食通菜嘅時候 $22一碟都算大碟 d腐乳好香呀，我個人覺得幾好食👍🏻老公因為好肚餓，所以點左大碗麵好多料豬紅雞翼魚蛋豬大腸豬皮雞翼尖蘿蔔紅腸尤魚好似有十種。。。辣就叫左微辣已經好辣。要小心😂😂😂有食開嘅我就會拎幾啖老公d辣湯加落

永年，一間有歷史味道的車仔麵擋，經年年月月洗禮，保留部分舊有裝修，改善了食物品質和味道。一碗$38車仔麵，三餸一麵，每一款菜經店主細心照料的傑作，絕不欺場。籮白香甜可口，魚蛋爽口彈牙，紫菜鮮美有營，豬皮厚切通透，蔬菜淸甜爽脆，豬紅入口即溶，絶無嘩眾取寵！麵底雖份量少，但足夠飽肚。湯麵不知下了什麼靈藥，味道令人一試難忘，清甜味濃，口不乾，似乎沒有下什麼味精，只是湯底用多材料和時間去處理。店主也十分注重細節，碗和托盤尺寸得宜，飲料是半杯份量，但這是一件可食用的藝術品，檸檬幾片高高低低排列裝飾了杯邊，看久了也不捨得飲用。大家如果經過元朗，可以去這間麵檔細味這間歷史悠久但味道一絶的車仔麵！

<永年士多>🍜大碗麵($56)+🐟魚皮餃+炸魚皮+🐣流心蛋($8)💚斑蘭咖央多士($11)❤️紅豆冰($12)-一個大碗麵可以滿足十個願望😂 1️⃣豬腸:軟腍腍，都算入味，而且幾大舊。2️⃣豬皮:爽軟，可以再腍身少少。3️⃣豬紅:比以前食開個啲細粒好多，口感嫩滑易碎。4️⃣魚蛋:傳統街邊嘅細魚蛋，入味彈牙。5️⃣紅腸:2大片，味道正常普通。6️⃣蘿蔔:不夠腍同入味，可以再淆耐啲，而且多根左少少。7️⃣8️⃣雞翼/尖:一隻雞中翼，3隻翼尖，滷水皮嘅雞翼5太仲2🙈色水偏淺左少少。9️⃣魷魚:係水魷泥，都係比平時食開嘅細舊好多，不算韌，有咬口。🔟菜:一條普通菜心💚但麻麻地。🔻加餸：-炸魚皮:有好多 放滿左成碗麵，但一浸得太腍就好難食，有啲5夠脆。-魚皮餃:我仲2食個皮比較彈牙煙韌個種魚皮餃，依到嘅個皮偏軟腍，易爛。-流心蛋:仲2日本拉麵個種有醃過嘅多啲，依個係流心，但蛋黃味比較重，個人5太喜歡。 -🍜麵底揀左油麵，麵身方方的，不是圓身，帶嚼勁。湯底幾香濃，叫左少辣，係辣油個種辣，5同辣醬個種5會食完成口好重口味。-💚斑蘭咖央多士🍞 烘左底嘅正方粒多士，但攞上手係凍凍地。多士表面微脆，內裡只有一層薄薄地

來這裡吃車仔麵跟去新記一樣，不吃辣就食趣大減。這裡的辣非同小可，小辣屬於我僅可接受的辣度，有點霸道，但也是辣得香，味道愈吃愈稱心。吃豬腸我比較喜歡套腸，但這裡的也不錯，滷汁很香。魚皮餃皮爽肉香，豬紅則入味又脆身，都在坊間標準以上。溏心的蛋其實我弄的比它更好，但此品的優劣有一半取決於用料，很難怪它。以前要喝奶茶紅豆冰我總走去九龍城找樂園的，現在多了地方做，也有不少地方做得好，例如這裡的，奶茶香滑，紅豆飽滿粉甜。這處出品也令人滿意，唯獨就是店內常滿，不時更近乎「一位難求」，想坐得安安樂樂就得選對時間到訪了。

未裝修前食過一次 個陣就員工不知所謂 食物仍算抵食大件 但論元朗車仔麵比佢好食既大有人在今次係裝修後第一次幫襯 嘩…四隻字講晒 _佢_味完全唔知食緊乜 隻流心蛋格格不入淡而無味麵底硬過鐵線 啲餸少得可憐 我以前覺得佢最好食既豬腸都已經面目全非 啲辣只係死辣全無層次 成碗麵食完好似無食過嘢咁 何況太難食根本無胃口去食晒佢又普通又貴 只覺得日日經過就見到一大班人云亦云排隊食 真係好好笑 好多人真係唔識去分別好與差我一定唔會食第三次唯一既改善就係個班串過碼頭咕哩家屬員工 已經消失於前線

一個人的晚餐嗌左豬腸，雞翼,支竹一行去拎再放到枱....個人呆左...好多餸...好大兜...起初仲諗38蚊會唔會得好小...但相比番既話...見到份量覺得都仲可以接受...豬腸,,一直都會怕係出面食果d豬腸會好肥好肥好多膏...今次唔記得左嗌瘦豬腸架..但點知一食...正呀..好瘦呀d豬腸..冇肥膏...佢洗得好乾淨同時亦都till走哂d肥膏(加分)到雞翼....好腍好入味呀...但佢腍得黎又唔會好似亞婆食雞翼咁...唔咬d肉都會分開哂...口感一流....杯凍0茶驚喜左....飲得出係真係茶記用手沖出黎果d架..唔係就咁普通茶包沖既..仲要唔甜....今晚有個好快樂的晚餐啊..~

屹立元朗多年的永年士多，一向以車仔麵打響名號，原址翻新後，面目一新，簡潔光鮮，電腦化的點菜系統，取代了傳統的人手落單，遠勝從前。雖然小店外貌改變了，但車仔麵的食材、味道、做法始終如一。我與P先生點了大碗麵，追加一隻流心蛋、一杯凍檸水和一份咖央，只不過盛惠八十元正。所謂的大碗麵，對於有選擇困難症的我倆，最適合不過。這麵聚十寶於其中，有豬腸、魚蛋、蘿蔔、雞翼、豬紅、豬皮、雞翼尖、紅腸、魷魚和菜，份量十足。配料之中，以豬腸、豬紅、豬皮、雞翼和蘿蔔較為出色，豬腸和雞翼滷得入味，肥美豬腸清洗乾淨，沒有丁點臭味，反而滷水味更濃，雞翼咬下去很容易骨肉分離，容易進食，豬紅入口滑溜，豬皮爽口，蘿蔔吸收了湯汁的精華所在，份外爽甜。其他如魚蛋、魷魚亦在水準之上。咬一口流心蛋，蛋汁溢滿口中，眼見蛋白僅熟，蛋黃呈流心形態，蛋白的嫩滑口感，蛋黃的滑溜，做得不錯！咖央多士小小一件的厚度身多士，經烤烘過變得多脆內軟，味道沒有過甜，果然是即叫即製！凍檸水以一杯甜度適宜的凍檸水為這餐作結，一樂也！看見這昔日永年舊舖的模型，重回舊址新貌，味道雖然不比以前遜色，但人總是懷念舊有的味道！