永年士多港式車仔麵 (加拿分道)

营业中

休息中

尋日去尖沙咀兩間想食既都無開門, 見到永年入去試下, 之前食過元朗果間都正常, 都係求其食下價錢算少貴但尖沙咀租金係貴既, 但問題係真係咸到爆, 食完係要買支水飲, 唔知點解同元朗果間差咁遠

Lunch去左呢期大熱的永年士多朝聖，搶眼的招牌同長長的人龍一向是它尖沙咀分店的signature。由於幾日經過都好多人，今次同同事仔醒左2pm下午茶時段先去。雖然都接受滿座，但好好彩比我地搵到位。黎到永年，一定係食車仔麵同韭菜豬紅。三餸車仔麵加杯凍奶茶，$50有找。朋友揀咗四送，每款餸只係加$8。麵底夠份量，油麵幾有口感。湯底幾清，帶少少甜味，車仔麵湯底來講算是唔錯。醬汁揀咗小辣，但其實小辣辣度都唔小。三款餸當中我揀咗牛筋、豬腸同蘿蔔。牛筋不過不失，但冇乜驚喜，反而另外兩款餸比較出色。豬腸肥美，洗得乾淨冇怪味，口感亦唔錯。蘿蔔非常出色，一啲渣都冇，煮得好腍又吸收晒湯汁，好清甜。為咗健康，我哋亦點左一份腐乳通菜。估唔到油菜的份量都幾足，兩個人share都好夠食。好戲在後頭！最精彩的是韮菜豬紅！絕對無誇張，呢個係我食過最好食的豬紅！口感好滑，但又唔易爛。最特別係佢的味道甜甜地，同事仔幫佢改左個名叫「溏心豬紅」。食物有分優劣，簡單如車仔麵亦有分高低。呢間小店確係做得唔錯。

來尖沙咀，終於再唔洗苦惱食乜好！因為我最愛的車仔麵衝出元朗來到尖沙咀！真沒想過有這一日！幼麵雞翼蘿蔔豬皮微辣💖本來想要流心蛋，但已經賣哂了~~ 可惜，唯有下次再試~~ 3餸一麵$37 加凍飲$11 豬皮一樣夠淋夠入味，蘿蔔多汁夠甜入哂味😋 雞翼都同元朗嘅一樣味💕湯一樣甜甜的~~ 我差不多飲哂成碗😂星期一的晚上，人不太多，排隊來講呢個時間已成習慣，15分鐘起碼~ 不過店的面積較細，比較迫，不過咁好食，迫下都冇所謂啦😁

免得排長龍, 所以早少少就過黎食~ 之前聽過呢間車仔麵係元朗好出名, 以為都只係浪得虛名, 最近難得佢開到入市區, 當然要試下啦~! 牛肚、韭菜餃、馳名豬紅油麵 - 牛肚既爽軟度適中; 豬紅果然出色 , 好有口感, 一咬落去就食到清湯果隻甜味; 韭菜餃得兩隻, 相對就失色左d, 無乜特別; 至於油麵份量都幾多, 平時一兩啖就無晒, 但今次係食到好飽...! 腐乳通菜 - 個腐乳醬都唔錯, 通菜都新鮮, 唔會瘀瘀黑黑咁~!

之前一直見咁多人話元朗嗰間好好味， 但元朗太遠喇， 見尖沙咀近開左， 就專登走黎食吓。餐廳很細，枱不多，排隊龍排到很遠，等成半個鐘先到。但食就食15分鐘，因見咁多人等位，想慢慢飲麻杯野都唔好意思!$37蚊3餸一面，加餸每款另加$8，同區來說是抵的！我地兩人分別叫左:一碗 (我) - 豬腸+雞翼+蘿白 (辣汁) + 檸茶另一碗 (男友) - 豬腸+雞翼+魚旦 (辣汁) + 另加面底 + 可樂另再叫份咖映多士 - 不太脆口，椰汁味不濃，同X記比，差好遠試後，總括來說，味道真係好一般，你話豬腸、雞翼、蘿白入味，這些以車仔麵店來說，係好基本一定必要。湯汁味精較重，因之後勁口渴，要飲好多水。另男仕食，一定要加底先夠飽，辣汁亦沒有預期中的驚喜，有好多其他車仔麵好味過佢。

之前呢間人氣車仔麵係元朗咁遠，冇機會食，最近開左黎尖沙咀，專登黎試下先。12:30黎到都算多人要等位，店舖唔算多位，比較窄，如果企係到等位要成日避黎避去，比較麻煩有好多餸可以揀擇：三餸一麵（$37）1.雞翼、魚皮餃、牛筋油麵2.魚旦、豬紅、豬皮油麵•湯底偏甜，可能是滷水汁的關係雞翼也是比較甜的。•豬紅也是偏甜。•牛筋不錯，很林很有膠質•魚旦有少少辣少少陳皮味，好多粒！•豬皮冇毛好乾淨，可以放心食。最差嘅係魚皮餃，皮好爛，裡面d肉好林，完全冇魚皮餃嘅質感。建議大家唔好叫！！ 覺得冇人地講到咁好食，要排咁耐隊食更加不值得，可能係分店水準不及元朗店。 希望遲d會有進步！

老公小時候住元朗，話俾我知依間車仔麵好正好出名，日日大排長龍，再加上前幾日東張西望又有播道依間野wor，搞到我滿心期待咁去試。琴日我點左豬皮、魚蛋、豬紅小辣米粉, 魚蛋(普通陳皮魚蛋味)和豬紅都ok, 但d豬皮一d都唔林，仲有d硬身...過份的是那個辣汁,得個辣,完全一點都唔好食,一點也不香😑😑老公說同元朗舖水凖差好遠！最恐佈的是老公當日食完痾左三次，而我琴晚亦搞肚痛😖😖這食店有點名過於實呀！

呢排活躍係各大社交平台的一間車仔麵店!!我終於都等到, 講真係尖沙咀黎講真係冇一間車仔麵係好食,由佢裝修緊個時我已經好想去食, 到呢排佢開左但日日都見到好長龍~今日星期6我12點就去左準備買個lunch 返公司食諗住唔洗等~點知都係要等20分鐘到!!第一次食緊係點佢推介個d 餸啦~我叫左個豬腸,豬血同埋魚蛋! 3個餸就$37再加埋佢個杯特飲紅豆奶茶冰$15，外賣再加$1， 總共就$54！ 我覺得係尖沙咀黎講算係嫁啦！ 佢杯野飲幾好, 唔會太甜岩岩好!都幾飽肚!!車仔麵都好好~係豬腸就比較肥~佢d 餸都唔小,豬紅同魚蛋都有5舊! 呢個價錢黎講叫滿意嫁啦!!!推介

裝修期間已知衣度開車仔麵，大大隻字寫永年，原來係元朗好出名，聽聞到衣家都排長龍！已經好期待佢開業後要黎捧下場！8月1號正常開業，我都係2-3日後先知，結果我開業後第4日黎左離遠已見人龍，大概1:15左右到，主要要排2條隊，第一條係落order的。第二條係排拎食物的。由開始排至落單位置需要20mins，落單後至食物可以拎到座位需15mins，雖然都排左35mins，但整體感覺都唔覺好耐的店內環境感覺乾乾淨淨，比我想像中叫多座位，另一邊有吧枱位添雖然係全店滿座，但唔會話坐得好迫，都寬敞的。最重要係衣個咁多人既情況最驚要食得勁快，有人等位趕住你走，但衣個情況係冇發生到！完全可以放心舒舒服服咁enjoy太多太多野想試喇，又話有d係必食，朋友食過有d又推介，真係心大心細，最後叫左流心蛋、魷魚、牛肚同豬腸配油麵(小辣)，新張期間滿$45 like and share fb 有免費可樂或凍檸茶未飲杯檸茶，見佢沖都見茶底都好夠濃郁，結果不負期望，堅好飲牛肚ok啦，魷魚同流心蛋good good good豬腸好多人都讚好食，但我又食落只覺正常，未至於好特出，可能我覺得好大舊！每個麵都有帶少許菜，值得一讚

由認識永年開始,覺得它是我心中最好食的車仔麵~差不多每星期都會幫襯~由於我住九龍區,去元朗會比較遠~早兩日得知係尖沙咀開分店,心直頭開心都跳起,急不可待帶埋男友一直試!男友叫左大碗粗麵唔辣加菠蘿冰,我就蘿蔔、雞翼尖、豬紅米粉微辣加抹茶紅豆冰!當我食了第一口、飲咗一啖湯!我知了不及元朗店!湯底方面除了甜吃不倒其他味道,好似欠缺了一D東西(跟元朗有點不同)翼尖雞毛去唔乾淨豬皮抵讚,夠淋夠入味飲品沒有味道,不知是否因湯底比較甜,再飲飲品時覺得沒有味道??總括:男友覺得很一般,名大於實我就覺得可能是新開,有可能未完全統一,有待改善!

今日趁星期日睇完戲諗唔到食咩就去永年試下。七點九左右到，落單人龍唔算多五個左右，但係俾完錢之後等拎野食既人就比較多，成十幾人排。環境尚可，位就唔算多，但算快餐形式既就尚可接受，好快就有位。估計正常情況下係要搭枱想叫韮菜豬紅但無韮菜 叫左個通菜。非常一般，可以唔叫(要成$25但無特別)叫左個豬腸蘿蔔魷魚，轉烏冬，要小辣。湯底有dd鹹 (聽到隔離枱都係咁講)，但係啲餸係好食。蘿蔔入味同夠淋，豬腸正常而無怪味，魷魚都算唔錯。總括黎講個麵係above average ($37+2) 係尖沙咀呢個價錢同食物質素，性價比相當高。絕對會再黎試其他餸！

話說公司附近開左永年士多，住港島嘅我本身都唔知呢間係元朗非常出名，決定有日午飯去買個外賣試試！門口附近大大個螢幕話哂俾你知有咩餸、辣度、同粉麵。飲品竟然仲有菠蘿冰、柚子檸水添！雖然聽同事講永年最出名辣，可惜我真係食唔到辣，所以最後都係嗌左唔辣，餸方面就係蟹籽丸、魚皮餃同蘿蔔！條菜係送嘅！整體真係幾多味，麵同餸都有啲少，另外咖央多士好味，不過稍貴，一試無妨喇！

近期在facebook睇到差不多洗版下，這間店在尖沙咀開新店，而且在其他媒體大事宣傳下，頓時好紅，好多人都話好好食，有好高評價！咁啱又在我公司附近，所以好想試下。它開張第二日約埋班同事去過，但排長龍，地方細枱不多，覺得有排等，所以放棄了！有見及此，我地又太想食，於是唸好對策，今日再挑戰過！有同事去霸位先，另一同事排隊買，但由買票到等餐足足等左四十五分鐘，本人食飯時間才－個鐘，即是要在十五分鐘內食完碗面及包回公司！有同事已經不耐煩媽聲四起。如果其他人好似我得一個鐘食飯時間的話，要三思了外賣也一樣，因為佢係電腦出單，跟號碼的。講回價錢方面，37蚊三餸一面，加餸另加8蚊，以同區價錢來說是抵的！我叫左:咖映多士＄13一塊厚面包開四，多士微暖，不太脆口，咖映欠香濃椰汁味，一般車仔面魚旦係細細粒陳皮魚旦，陳皮味香濃易入口，第一次食覺得幾特別！蘿白又淋又甜，韮菜餃細粒皮厚，無韮菜香味，一般！湯底做得hea，只有麻油味！而且超多味精可能佢辣味湯會好點。份量方面一般，男士要加餸加底！總括來說，同班同事意見一致，係名大於實！還要排咁耐隊，本人覺得唔值得！以我食過咁多間車仔面來說覺得它不是最好

一早知道永年士多係尖沙咀有分店，開張第二日就黎食喇，環境方面比元朗更舒服，座位唔會太逼，職員每一位都好有禮貌,冷氣好夠凍，天氣咁熱，入到去簡直好舒服。而家開左係九龍區方便更多人去食，而且呢個價錢好合理，味道好。豬肚，蟹柳，豬皮，全部好入味，好食中辣豆卜索晒d汁，蘿蔔好甜，菜心好新鮮。豬肚好''林''。大辣通菜新鮮1/8-8/8一碗滿$45，而且like facebook 即送檸檬茶或可樂,超值。會值得繼續幫襯。