永年士多港式車仔麵 (加拿分道)

聽講元朗間永年出左尖沙咀開分店，今日就特登去試下，唔洗去到元朗咁遠。位置好好，係正the one& mira mall 中間。門面唔算大，不過堂食都唔洗得位，因為大部分人都係買外賣。

一碗3餸麵都係$37，叫左蘿蔔，魚旦同埋豬皮，幼麵小辣。佢小辣都幾辣下，之後先知原來有微、小、中、大辣揀。蘿蔔真係好好食，冇渣，吸晒湯底味，好入味👍🏻 魚旦細細粒不過幾彈牙同有咬口。

$37

另外叫多左個韭菜豬紅，超好食👍🏻平時小食豬血鴨血都覺得呢個好食。佢個質地唔會好老，係好滑身，唔洗用力就咬開左，有入口即溶嘅效果。

韭菜豬紅

$18

另外叫左個抹茶紅豆冰，好飲👍🏻呢個組合真係好夾，用抹茶配紅豆冇一般紅豆冰咁甜,價錢又唔貴。

抹茶紅豆冰

$15