永年士多港式車仔麵 (加拿分道)

营业中

休息中

#LuBie尖沙咀想食呢間元朗咁出名既車仔麵又唔一定要入元朗先食到既 佢地係尖沙咀都有分店，唔洗山長水遠咁入到去元朗都有得食。鋪頭唔算大 大約都可以坐到二三十人既，堂食既就搵左位 再去落order,透明既玻璃可以睇到廚房既製作過程。雖然有好多order 但唔洗等好耐 就拎到我地點既野食 都算幾快幾有效率🔽🍜三餸一麵（$39）（🤤:7/10)揀左豬腸 豬皮 流心蛋 同粗麵，湯底無加辣 就咁飲一啖夠味 咸度適中 而且帶微微既清甜，夾河粉會更加適合，粗麵唔會煮到硬度岩岩好 唔會太難咬斷。餸方面 豬腸普通 唔算太入味 但就幾大嚿 口感唔錯。豬皮有彈性 唔會因爲煮得太耐而散晒。流心蛋既流心效果做得非常好 成隻蛋黃都係流心既 不過隻蛋就無咩味。🔽🍲韭菜豬紅（$18）（🤤:6.5/10)個豬紅既量都幾多 而且帶有微辣既香味 個韭菜豬紅湯汁香濃唔會好油，豬紅幾滑口 唔會好死實 無一夾就散，韭菜都無渣。呢碗野都算食得過。🔽🍹紅豆奶茶冰（跟餐+$15）（🤤：5/10）味道上黎講唔難飲 但個人覺得紅豆同個奶茶唔太夾 兩者唔太溶合到。奶茶既奶茶偏重 茶味唔太出 夠滑 就咁飲奶茶都ok既 紅豆大部分都煮到成蓉

呢間位置the one隔離既車仔麵，聽講係元朗都出名，返工係附近所以都間唔時會黎食。今日帶左朋友黎個快食晚餐，所以特別想寫底。叫左油麵，餸係豬皮（甜甜地，爽口，乾淨），鳳爪（炆得入味，唔會林到爛）同蘿蔔（又甜又入味，夠大嚿），（少少辣）呢度既辣醬係幾辣下，唔食得辣既要小心叫。唔好睇佢細細碗，其實食完同譚仔果d size甘飽。另外仲叫左一份邪惡多士(d飽又厚又鬆軟，一定要湊熱食,多醬真係幾正，同人share無甘大罪惡感。

每次Lunch見到都大排長龍，今日晏咗少少嚟到得幾個人排首先要排隊俾錢揀好嘢食，就拎張單去等，等拎嘢食個位好迫，要小心人地拎住嘢食行過蘿白唔入味，冬菇都比較淡口，其實呢餐都係但求飽肚，同以前係元朗食真係差好遠

如果連一間餐廳連最基本嘅水都提供唔到嘅，仲要話「水要出去櫃檯買返」。小弟作為飲食業同行表示無奈及憤概。希望小店能留意返，我只係想杯水去解辣，我係咪對小店作出巨大嘅困擾先？水咋喎！

每次去尖沙咀做facial自己一個唔知食咩嘅時候就會諗起永年 車仔麵係我日日食都唔會厭嘅嘢 車仔麵全香港有好多間 但係要搵到間好食既好難 所以我食到好食嘅就會食死幾個幾間 永年就係其中嘅一間雖然佢鋪頭細細 枱凳又逼逼夾夾 黎親都要排隊同等位 但為咗食都冇辦法啦今次又係叫車仔麵嘅例牌 最吸味既豬紅 蘿蔔 同雞翼尖 粗麵 永年嘅湯底係甜甜地嘅滷水汁 好香好濃好好食 佢嘅蘿蔔非常甜又無筋 豬紅同雞尖入晒味 同埋最正嘅係朱紅冇哂嗰陣內臟嘅味 好多車仔麵舖都做唔到㗎 同埋佢餸嘅份量都唔少㗎 下次我叫多個朋友嚟我會另外再嗌韭菜豬紅 因為佢啲豬紅真係正🤣

朋友連續提左3星期，話一定要帶我黎試，話好好食，所以特以同佢去試下黎到果然無失望，$39碗車仔麵，每樣配料都入晒味，蘿蔔同豬紅最正雞翼都忟到一咬就d肉就散，而且湯底超濃味但米粉底略厭少左d，男士可能要加底，或叫多個小食。另外，芝奶柚子好驚喜，芝士味濃，柚子汁又好清新，好好飲，一定要試，每杯只不過$15。不過，咖央多就略厭普通，但$14算平。總括而言，性價比高，其中仲撞到幾位熟人，所以間舖應該好出名。

   同事說很好味﹐ 當然要試試。 搞笑的是﹐ 我之前住過元朗但未試過永年﹐ 連在那裡都不知道。  首先很高興﹐ 因為很多人排隊﹐ 起碼新鮮。 始終是車仔麵所以很快便有位。  reception 服務態度非常麻麻﹐ 因為我們找不到糖﹐ 問一問即黑面﹐ 叫她要兩包但堅持給我們一包﹐ 真奇怪。   兩個人剛剛好張單100元正﹐ 尖沙咀來說不便宜也不貴﹐一坐下覺得地方很清潔很整齊﹐ 來試試我的  ~ 墨九冬菰魚蛋油麵 (對﹐ 我小時候讀錯九就慣了一直寫九)  麵 - 無特別  冬菰 - 好大但好硬  墨九 - 無墨味  魚蛋 - 是我比較喜歡的細粒而硬的﹐ 因為我很怕大大粒空氣魚蛋  湯 - 要讚﹐ 熱到離譜﹐ 味道適中﹐ 因為有些車仔麵檔咸得要命 吃後完全不覺得有什麼特別﹐ 以價錢來說真的不值得﹐ 重點是﹕ 味精實在太多﹐ 過了2小時還很口渴。    

今日要出去尖沙咀整啲嘢，整完就啱啱好係下午茶時間想食少少野又唔會太飽嘅～問個朋友想食乜嘢？佢就話想食車仔麵！咁岩我哋又係The One附近咁就唔使唔諗啦咁就腳梗係食永年啦😋依家食永年就少咗人排隊唔使等咁耐，去到排隊都係得10個人左右好快就叫到嘢食再搵個位坐低。我哋每人叫咗一碗3餸雞尖 蘿蔔 豬紅 粗麵豬腸 牛筋 韭菜餃 油麵 + 少辣汁我始終都覺得食車仔麵係要配返油面先至夾嘅!可能係由細食到大都係咁 情意結黎 冇得解釋既 哈哈😆去到永年就一定要食豬紅啦！豬紅味道好鮮甜 個表面完全唔軔做得好好食，絕對唔係平時食 一嚿食落豬紅質感但完全冇味嘅嘢！第二就係豬腸比較鍾意食，食落夠入味又爽口，永年整啲滷水野都唔錯嘅！不過留意返永年整啲辣汁都幾辣，唔係其他食麵地方有時少辣汁係微辣，少辣汁真係算辣架～

聽過好多人話永年好食，經過開尖沙咀，見到12點時人龍唔多，便同同事去食（同事食過元朗店聲稱好好味）排隊條龍去得好快，大家排隊前要快點諗好食乜，不然到你時仲諗一諗嘅話會好大壓力-主要來自店員，會令你覺得阻住地球轉🤪三餸車仔麵$39+$11凍檸茶流心蛋、豬皮、蘿白河粉（中辣）見同事點了中辣，未食過的我便跟埋一份⋯點知辣到好辛苦，正常人食小辣夠喇如果你唔想火燒胃嘅話。除左太辣，湯頭都算ok有味，但不算好香濃那種。-豬皮好彈牙入味-蘿蔔則完全白雪雪唔入味，好似唔屬於碗麵咁-流心蛋ok,尚算流心同事食完話元朗店好味d，而我嘅感覺係我再行過都唔會再想食佢。唔係難食，但真係普通。價錢亦偏貴

今日下午茶時間咁啱路過搵野食，見到呢間有人龍，就跟隊。買完飛要自己攞，舖唔算大，我估食飯時間應該幾難搵位。叫咗碗雞翼尖+魷魚+豬紅+牛柏葉湯油麵，微辣，真心覺得好食！油麵唔太淋但彈牙柔軟，每樣餸都新鮮完整，(其他舖好多時甩皮甩骨，尤其是雞翼尖通常都太淋而唔完整，好似餸渣咁)，辣汁味湯啱啱好又香，仲附送兩條菜心，都係爽口冇渣。冇影相因爲我好小寫食評，但食食下忍唔住要讚下佢嘅用心！希望佢可以keep 住個水準！

計人氣車仔麵文記後，又一出名既永年士多，佢第一間分店係元朗，之前要入到去元朗先食到，依加尖沙咀就有得食裏面地方好細，通常都要等位，成日門口都有人龍排隊買野食，但佢地堂食既人流都散得好快，因為d人食完就好快走~講番食物先，因當日不太肚餓，我只叫了剩餸，蘿蔔，菜，豬紅，這些都是我喜愛的食物，蘿蔔好甜好淋好入味，菜好綠好嫩好爽口，豬紅咸咸地，好好食男友就點了雞翼，墨魚丸，貢丸，芝士腸，菜同豬大腸鹵水雞翼入味好吃而且不熱氣，墨魚丸啖啖墨魚肉，貢丸彈牙，芝士腸冇特別，豬大腸一般~總結食物都可以，佢d調味醬幾香，加埋落車仔麵簡直一流，會再次光顧

黃昏時候，又係肚仔餓既時候，唔想食到咁飽，係尖沙咀左行右行，永年士多車仔麵既招牌就出現係我地眼前，永年係元朗好出名，出身大西北既我梗係試過老店水準，男朋友聽到之後雙眼發光，即刻話要沖去排隊，鋪頭採用快餐店模式，排隊落單，再到櫃檯拎食物，想試多啲餸既我地，決定試試聚十寶於一碗既 — 十寶大碗麵。唔好睇個湯底好似好清，以為佢無料到唔夠味，食落濃味到嚇親你，湯底帶有滷水既甜味，唔會死咸，加上鋪頭特製既辣汁，微辣已經好有勁道，愈食愈過癮。最出色既餸莫過於豬大腸，小小一條豬腸蘊含著無窮美味，豬腸處理得好好，唔會有太多肥膏，滷到好稔，好夠味。另外蘿蔔都係世界級，蘿蔔吸收晒滷水汁既精華，咬落去爽甜唔會有渣，其他餸好似豬血、陳皮魚蛋、雞翼、魷魚等都滷得好好味，無伏位。唯一美中不足就係杯抹茶紅豆冰，賣相雖然幾靚，但紅豆煮得唔夠甜，冰又加得太多，搞到杯野太淡，可惜。

呢間車仔麵檔聽朋友推介左好耐今日終於有機會去一試聽朋友講呢間永年士多喺元朗好出名而呢間就係佢喺尖沙咀亦都係元朗以外嘅第一間分店元朗對我哋呢啲住市區嘅人實在太遠啦所以知道佢係尖沙咀開咗分店之後就知道自己一定要搵機會去試一試佢最出名嘅蘿蔔、魷魚同埋豬紅！鋪頭入面座位唔算多如果繁忙時間嚟等位都要等一陣一入到鋪頭先喺收銀同店員落單之後再排隊去攞食物好似快餐店咁試咗佢嘅咖喱汁同魷魚魷魚好彈牙果然係名物我同朋友都係豬紅控另外帶咗碗豬紅share豬紅好好味一啲腥味都冇仲有而家各大冰室士多必備嘅樽仔奶茶點可以唔試一試

本人喜歡食拿渣麵。銅鑼灣有2間無敵車仔麵，但其中一間而家食碗幾煮車仔麵都要成60-70 蚊或以上。呢間永年車仔麵第一次幫襯，試左經典四寶麵。有豬紅、蘿蔔、豬皮同豬腸，小辣。真心講，4個餸都好入咪，個湯都幾好。唯獨是個小辣，越食越辣嫁！希望佢哋會係港島區開返間啦！下下都去尖咀都幾唔邊便。

由最初專登搭車入元朗食，到舊年開始可以係尖沙咀食到，就係因為“永年士多”嘅辣汁係最好味嘅👍🏼👍🏼 所以每次係尖沙咀經過時，都忍唔住要入去食番碗麵😁除因辣汁外，仲有佢哋嘅豬大腸係非常入味同肥美，枝竹球軟滑好食得嚟又可以吸收湯汁，魚蛋雖是細細粒但咀嚼後係有陳皮餘香㗎，另外豬皮、豬紅、牛筋、魷魚、流心雞蛋等等都係我嘅心頭好😍😍今日我仲試埋冷泡烏龍茶，味道唔錯喎，食完辣辣湯麵再飲番枝凍嘢確實係幾好嘅，但略嫌細枝咗小小，唔多夠喉呀😅