永年士多港式車仔麵 (加拿分道)

营业中

休息中

見有咁多好評，即刻去試下。自助搵位叫餐取食物，$39/3個餸，價錢不算平。叫左蘿蔔、豬紅、牛柏葉幼麵（小辣），凍飲加$11。雖然叫左小辣 ，但亦覺得好辣。沒有想像中咁好食，食物一般。

不論點餐或出餐店員都十分無禮貌，好似好趕時間咁，但明明無咩客。野食分量少，啲送好多都過熟，而且不入味，千萬不要點牛柏葉，硬過擦紙膠！野飲一般。不值一試，寧願過對面食好過

聞名不如見麵！車仔麵好出名嘅「永年士多」衝出元朗黎到尖沙咀！唔只將味道帶到尖沙咀仲將人氣都帶埋過黎🍜🍜，啲餸幾好又入味，個人推介豬腸蘿蔔魚蛋，而且估唔到都算扺食，三餸麵都只係$39！鍾意食辣嘅朋友可以叫中辣，自己就覺得少辣都已經好夠！咖央多士就冇乜特別，不過整體算唔錯可以encore😆😆有興趣想知唔同地區更多美食！快啲去IG follow hesheat.hk 喇 🍴🍴

常聽永年車仔面的大名今天終於有機會一試 全自助式的服務叫了最基本的湯底叫了幼面3樣送為 - 紫菜 墨魚丸和羅白羅白鮮甜 煮得好淋紫菜正常墨魚丸彈牙配上紅豆冰紅豆冰唔甜 有大大粒紅豆 飲落清涼爽口

假日一定係女孩子Shopping嘅日子，當買完戰利品後又到晚餐時間。一踏出尖沙咀商場轉個彎就見到好耐冇食嘅車仔麵，亦要為剛剛大出血荷包君著想。以前係元朗讀書，久不久都會經過食永年，而家少左入去亦少左機會食到。每次係元朗食永年都係先下單後拎麵再搵位然後怱怱忙忙食完就走。反而今日6點半店內人流都唔算多，仍然有好多空位剩。同行朋友都跟我一樣點了3餸一麵，分別係豬腸、蘿蔔、魷魚及流心蛋、蘿蔔、雞翼。如果有食過嘅朋友應該都知道豬腸同蘿蔔都係必點之一。幼麵配搭辣汁既爽口又剌激喉嚨美中不足係流心蛋已經熟哂…不過味道依舊無得頂

今日係the one行完街係附近揾野食，見到永年門口都幾多人排隊，就同朋友去試下。我地分工合作，我排隊買野食，朋友就負責去揾定位。車仔麵有好多餸可以揀，有經典食物、素菜類、小食類，玩多眼亂。我揀左雞翼、鳳爪、魷魚加油麵，辣度就要左小辣，幾惹味，都只係39蚊。

作為一個新界西人，其實不太好意思說自己未食過永年。久仰大名，但從未見面。無辦法，元朗好吃的小食太多，每每未吃正餐已飽足。當永年來到尖沙咀，終於有機會一試。-貪心的我們點了大碗面，標榜「聚十寶於其中」。Share一碗怕吃不飽，也點了韭菜豬紅。大碗面內有：豬腸/魚蛋/蘿蔔/豬紅/豬皮/雞翼/翼尖/魷魚/紅腸/菜，滷水類雞翼豬腸翼尖都滷夠時間，軟糯入味。每種都好味，最重要是湯底食材都好乾淨車仔面很怕有股雜亂的怪味，永年就沒有，兼且環境好乾淨，食得放心d。-至於韭菜豬紅是我吃過數一數二最合口味的，豬紅好入味有口感，醬汁帶絲絲甜味。-真的，聞名不如吃面啦。

岩岩去食LUNCH, 久唔久都會過去食LUNCH, 平時覺得唔錯,點知今日食正條菜心, 有D怪味, 似漂白水又似洗潔精, 咬多兩下, 超勁殺蟲水味!!!!!!!!!!!!!!!!!!!!!!!!!!!!但見隔離D人食菜唔見有異樣, 可能甘岩個條有, 但係都已經冇哂胃口覺得成碗面都係殺蟲水, 點知一個鐘頭後肚痛囉!!!!!!!!!!!!!!!!!!!!!!!!!!!!!請鋪頭留意 下, 已經唔係平, 仲要甘唔衛生, 殺蟲水會食壞人嫁

記得第一次喺元朗食永年嘅滷水豬大腸同埋又稔又入味嘅豬紅同蘿蔔🤤配上辣汁夠晒重口味~ 忍唔住再食多一碗😋今日第一次去尖沙咀呢間食又係叫咗豬大腸蘿蔔豬紅同埋魷魚覺得冇乜分別 啲豬大腸都係咁正浸淫左係啲辣汁入面索晒啲辣香味但係又保留住豬大腸嘅滷水味 簡直係天衣無縫😂不過啲辣汁好似冇元朗咁濃唔知係加多咗湯定點如果呢一間都係咁濃就好因為濃啲會辣啲重口味啲😍

工作太辛苦，成日趕收工都趕唔切去食，今日一於放棄工作，早D放工去食吖😠強逼歡樂組組長同貓同事陪我一齊我要食十餸麵，好滿足😎😏真係好解到辛苦嘅工作壓力，所以我叫佢解苦餐不過想講菜心老左D，通菜Okay 腐乳醬甜甜地，like👍🏻十餸有：雞翼，雞翼尖，魷魚，冬菇，魚蛋，豬紅，豬腸，紅腸，蘿蔔，通菜樣樣都好好食，全部都好入味👍🏻Likelikelikelikelikelike！好扺食好減壓！

永年士多可說是元朗車仔麵的始祖，人氣超高🔥，住新界的朋友們都說必試！其實我以前在元朗總店吃過2次，都覺得沒甚麼特別🤷🏻‍♀️！上年開了分店於尖沙咀，我想都開在市區了，怎樣也得再給它一次機會多試一次。豬腸.豬皮.魚蛋.魷魚.雞翼.墨丸.米粉 $63豬腸算正常都新鮮彈牙！豬皮同魚蛋都係普通質素，魷魚就無乜鮮味😕，雞翼又奄得唔夠入味☹️，湯底又淡又唔好味🙄！辣醬係就係辣，不過係死辣feel😠，成碗野整體真係唔太掂！紅豆奶茶冰 $15個奶茶底好難飲🤢，我完全唔知自己飲左d乜，我明明記得元朗個間個味都無咁差！📝名大於實，絕對不會再回頭光顧！

麵麵麵麵麵麵，繼續食麵，不過今次食車仔麵😋 三餸一麵$39，烏冬要加多$2，但烏冬一啲都唔彈牙☹️🍜麵底選擇比較少，得油麵、粗麵、幼麵、米粉同烏冬，連河粉都冇😢湯底有驚喜，唔算太油。細味之下個湯甜甜哋，忍唔住一飲再飲😂而且夜晚冇特別口渴👍🏻🍥🍡🍢🍗🍖餸方面選擇都唔算太多，連牛腩都冇😢🥕蘿蔔超好味，好稔好入味好清甜冇渣🤤🍗 滷水雞翼都好好食，滷得好入味好香，肉質都算滑😋🐮 牛筋麻麻地，雖然入味但有啲硬，食牛筋就係要追求嗰種入口即化嘅口感😭其實$39係尖沙咀食得飽，仲要食物質素唔差真係好難得👍🏻

今日上完瑜伽堂，由於好出力嘅關係，上完堂真係好肚餓，就喺尖沙咀附近周圍搵嘢食啦！朋友知我鍾意食車仔麵，早排提議不如一齊試吓尖沙咀嘅永年士多，不過一直都未能成行，不過今日咁啱俾我行行吓見到！仲唔坐低試吓？ ！我叫咗個三餸麵，三餸分別係時菜豬紅同牛柏葉，好似$37左右。辣度我就叫咗中辣。我都係第一次食有咁多菜嘅車仔麵，驟眼睇落去都唔少，呢點唔錯。朱紅好入味，正！不過牛柏葉就靱得滯，我唔會建議食呢個。個辣汁真係好正， 一路流着汗一路咁食，早知就叫小辣啦，哈哈！好彩頭先做完運動有水飲剩姐。

以前食永年通常都是在元朗，今次第一次在尖沙咀的分店試一下，熱辣辣的天氣最好配上凍冰冰的菠蘿冰😁味道不是太甜，有很多菠蘿😊好像吃水果一樣😉車仔麵每樣餸都很美味，加上少少咖喱汁，因為我不吃太辣，所以加小小的咖喱已足夠！豬腸是不能缺少的中間洗得很乾淨，非常滿意蘿蔔又夠甜

多年前去過元朗永年，聽聞尖咀開左分店，剛剛落緊雨，就入左黎食一碗同避下雨。門口細細，入口排隊order，裡面密密地方四人方枱，四個唔識坐埋一齊好正常。我点左三個餸，蘿蔔魷魚牛肚在免費送我兩條菜 小辣蘿蔔入味，不老水魷，冇特別，只有三塊。無計啦，旺區租貴。牛肚，是草肚，入味夠淋。我叫小辣，但比較出面呢個應該唔止，所以食唔慣唔好叫小辣。$33，旺區價錢，可以接受。同埋Download apps送你多士或凍檸茶