正 麻辣·茶·雲吞 (已結業)

今日做完Hot Yoga之後黎到長沙灣呢個住宅比較多嘅社區搵食，因為啱啱做完運動，所以想食得清淡d。一諗就想食餃子，因為好嘅餃子通常菜同肉嘅比例啱啱好，係我心目中eat clean嘅選擇見到呢間餐廳個名幾特別再加上好多人讚係有heart既心機小店，所以就決定交我個胃俾佢喇🤙🏻一場黎到，樣樣都想試不過避免眼闊肚窄，所以有d唯有留番下次上完堂再試啦！叫左兩碗米線，薑汁椰菜豬肉雲吞湯米線，男朋友就要檸辣汁撈韮菜豬肉雲吞米線。湯米線個湯好夠濃，忍唔住飲左好多而個撈米線嘅檸辣都幾特別，酸酸辣辣令人好開胃，如果係涼拌會更岀色！雲吞黎講，兩款菜同肉嘅比例都剛剛好，雖然薑汁味晤算太突岀，但夾埋椰菜同豬肉嘅配搭都幾新穎🤓熱熱地最消暑嘅莫過於涼拌雲耳同涼拌青瓜，仲有川味掠拌口水雞絲三樣涼菜我地都食晤停口好快清碟🙊佢個醬汁有蒜蓉、酸醋仲有麻辣味，說好的食清d好明顯已經俾佢地打敗咗再跟餐加左杯熱黑糖玫瑰花茶share. 通常餐廳都會配薑，但首次有玫瑰嘅選擇，玫瑰清香再加黑糖，原來另有一番好味，睇menu話可以有助血液循環添原來連湯底都咁有heart，怪不得飲左大半碗都晤會口渴啦支持小店❣️

價錢合理＋食物美味＋服務有禮，我都會再幫襯，可惜通常再去，多多少少D質素會下降，而今日再次食長沙灣正麻辣茶雲吞就令我大大改變呢個模式，仲响各方面都比我第一次嚟得更好，所以特登寫幾句俾個「」佢哋。下午茶不論湯或撈雲吞，都無得選擇雲吞餡，全權由廚師負責，加添期待色彩特色撈雲吞叫左兩客 $25/客，麻醬撈雲吞，用左韭菜豬肉，麻醬香、韭菜濃，兩者交疊，食到舔舔脷；配羅漢果野生靈芝茶，比上次嚟飲，味更加濃郁麻辣撈雲吞，今次係薑汁椰菜豬肉雲吞，講真，好彩配上清淡餡料，唔會同個麻辣搶味，麻與辣各自各精彩，加左$10配玫瑰黑糖，上次無呢款茶，好吸引，黑糖茶加上香艷粉紅玫瑰，已經好靚，飲落甜味啱啱好，飲飲下發現有薑粒，可能玫瑰嘅香味蓋過薑味，但呢個唔太重份量嘅薑喺入秋飲非常香煎麻醬煎腸粉 $24，百吃不厭，今次要讚一讚個速度，煎得快過上次，又keep得住焦脆雞扒 $22，上次無食過，無得比較，話雖如此，雞皮及肉邊都煎得香涼拌青瓜 $15，青瓜唔係用切，係用拍，如此古法，現今無乜人咁樣花時間做，好處係汁料能從隙間吸收，啖啖微麻香辣

其實係其他地方睇過介紹都已經想試，咁啱呢期用open rice book位有asia mile送，終於都踏出第一步去試食，雖然位置比較偏僻，鋪面唔大位又唔多，但整體間鋪都係乾淨企理既。放工後，七點去食當晚餐，當時人都唔算好多，我話book左位，侍應姐姐好似有少少愕然，叫我隨便坐就得。咁我坐低之後就叫左一碟麻辣雲耳小食，一碗檸辣雲吞米線，雲吞同米線係分開上既，雲吞好大粒，一客有七粒，食完超飽，米線都差啲食唔落。檸辣好特別，似食泰菜哥隻酸辣味，配埋撈米線黎食感覺幾fresh，整體黎講，都比想像中好食，下次應該會再幫襯。檸辣唔係好辣，聽到隔離枱話好辣，下次要挑戰下佢地既麻辣雲吞，睇下有幾辣先得!

同靚女係穌屋邨探完朋友，正想上 open rice (OP)找食，朋友就介紹這間，已 OP 都有好多笑面，所以我地就去一試啦！門口光潔簡單，門外貼上餐牌及有關報導一推門，就有職員帶著笑容問人數同帶位，室內裝修以白色為主，簡潔舒服，坐位寬闊，有高椅櫈可看著廚師整食物，亦可以坐普通坐位，最正是輕播著流行曲菜單圖文並茂，種類多，還有套餐都係36蚊/39蚊起，我地選擇困難症又發，幸好職員都很友善，無催還介紹哪些好味最後我地點左薑汁椰菜豬肉雲吞配香濃豬骨湯米線配是日健康飲品(熱金桔檸檬蜜) 同 麻醬清瓜雞絲冷麵配烏梅山楂洛神花茶飲品先上，嘩！豐好玩味，杯上印有keep clam and carry on 等句子，很特別熱金桔檸檬蜜(後：橙色嗰杯)($19) ： 金桔味濃檸檬蜜滋潤，熱熱的飲後舒服滋喉烏梅山楂洛神花茶(前：紅色嗰杯)($18)： 酸酸的師開胃粉麵到薑汁椰菜豬肉雲吞($35)： 雲吞大大粒，豬肉同椰菜比例適中，薑汁味不太濃，這樣才嚐到肉香，配上椰菜嘅爽，口感一流， 米線滑，湯底豬骨味足，配菜，香茜同芝麻再提升味道 麻醬清瓜雞絲冷麵($36)： 天氣炎熱，冷麵不可少，一上枱，不得了…不

係斜路上既一間小店，入面坐左唔少客人，朋友鍾意食雲吞，見menu不錯，就入去試試。前菜叫咗涼拌青瓜，由於要食好多野所以揀個開胃啲嘅嘢食，平平哋細細份只係需要$15。叫咗其中一個雲吞叫做薑汁椰菜豬肉雲吞，啲雲吞夠大粒又足料，個雲吞皮唔會太厚，食落都算啱啱好，而薑絲唔係好多，所以唔會搶晒豬肉嘅味道，湯底清淡得嚟好配合雲吞嘅味道。然後另外一個試咗檸辣撈雲吞，幾有驚喜，本身會覺得好有辣味，但係加埋青檸汁之後感覺非常清新。仲帶試咗川煎麻醬鮮腸粉，腸粉口感好煙韌，好有口感，煎得啱啱好又唔會好燶，而且用咗有辣味嘅麻醬，令腸粉味道再提升。飲品叫咗羅漢果野生靈芝茶同埋烏梅山楂洛神花茶，羅漢果甜甜地又潤肺解渴，洛神花茶可以調節血壓又消滯，所以兩杯飲落都好舒服，舒緩食雲吞嘅飽滯感覺。

我由細到大都好鍾意食麻辣野的！經過麗寶花園見有間新店寫住 <正 茶 麻辣 雲吞 >已經雙眼發光見中午時間也幾多人！唔理啦！即刻行入去有位就坐底啦！睇下餐牌有咩食先！好！就食大辣椰菜雲吞米線加隻糖心蛋和一碟娃娃菜，飲金桔檸檬！椰菜雲吞吸收曬d麻辣湯好正，皮又滑，最緊要食落新鮮，食得出一定是即叫即淥！米線好好食，就算浸了一段時間也不會淋！七隻雲吞$28，去邊搵！加米線也只是$7 糖心蛋我叫佢唔好切開一半，因為我喜歡成隻食口感仲正！果然真是流心！賣$9 一隻好抵！好多地方賣$15 一隻！娃娃菜我將佢放埋入去碗麵到，嘩！襯托出d菜更加甜！仲要$12 一大碟！金桔檸檬係特飲！味道好又解渴！$19 好過飲冇益既可樂，紙包飲品！但食完唔覺得口渴真係小有！啊！原來佢哋標榜湯底也是冇味精的！唔怪之得啦！連麻辣醬也是老闆自己炒的！佢哋既麻辣唔會太麻，反而更啱我胃口！好滿足呀！一定經常來幫襯！老闆同員工態度也很好，仲要環境乾淨衛生

今天有事和朋友到長沙灣，走了一會看到這間四川菜，我和朋友也很喜歡吃辣的東西，所以一起進店試試。看看餐牌，它的食物很有特色很吸引我們。叫了一個雲吞麻辣幼麵加了墨魚丸和蘿蔔，湯底很濃郁，我很喜歡吃麻辣味！蘿蔔吸收了汁很好吃，雲吞大大粒很足料！加埋麻辣味很香口！ 然後叫了一個麻醬雞絲青瓜撈面，冰冰凍凍，又酸甜令人好開胃！因為天氣好熱都鍾意食啲冰冰涼涼嘅東西。撈面的麻醬味道很夠，青瓜很爽口，有很多雞絲。 另外叫咗兩個小食，一個是麻辣雲耳，另一個係麻辣青瓜，依2個小食我非常喜歡！因為很重口味，大量麻辣加蒜蓉，好適合重口味人士。另叫了飲品，是自家製羅漢果，感覺很健康。這店的食物也很有獨特的個人風格，和外面的川菜不一樣，感覺到自家製小店的食物很有誠意。下次也會再來試試其他食物，也會介紹比其他朋友一齊尼食

本身係openrice book左7點半 但同男友6點半就去到 店內唔多人 就坐低左 環境小小 但都尚算坐得舒適 有bar台設計 新店既關係 落單既妹妹可能仲新手 可能會有少少出錯 我叫左麻辣撈雲吞 另加米線 是日飲品係黑糖玫瑰水 男友要秘制麻辣撈米線 飲柑吉檸檬 仲叫左小食 麻辣煎腸粉 同川味口水雞 我睇錯左麻醬煎腸粉做麻辣煎腸粉 臨時要改單 老闆都好快手幫我改單 但隔離台就落錯單 麻醬撈雲吞變左麻醬撈雲吞加米線 不過老闆都冇收多錢等左一陣 野食都好快黎 麻辣撈雲吞另加米線 雲吞幾大隻 有6粒左右 仲有少少椰菜 份量好夠 不過米線可能煮得淋左少少 但都好食 麻辣味愈食愈辣黑糖玫瑰水應該自家煲 微甜 有玫瑰味 好岩我胃口男友既秘制麻辣撈米線仲好食 麻辣度比我個碗仲辣最尾男友辣到要同我交換食柑吉檸檬都ok 川辣口水雞撈左d青瓜絲 又係好好食最推介係麻辣煎腸粉份量多 又夠麻辣最尾兩個人食到飽飽 埋單都係百二蚊左右咋好耐冇打過食評 依間小店真係值得推介同支持

小妹雖然唔係幾食得辣，但就一向鍾意麻辣嘅麻香。今日去屋企附近依間小店，佢坐位唔多，鋪頭一眼望哂，但都幾多人走去食。見到門口有張貼雜誌報導，標榜冇味精，所以就嚟試一試。先嚟嘅係涼菜。涼伴雲耳$15有一碟。夠味得嚟有少少辣。糖心雞蛋$9有兩隻，雖然佢睇落似係老咗，但其實入面仲有流心，有少少入口即化嘅感覺，夠滑，幾好食。既然標榜冇味精就要試下個湯餃。揀咗唔辣嘅香濃豬骨湯底，香菇素雲吞$28/7隻。價錢幾實惠。有別與一般嘅雲吞，佢個皮較為晶瑩剔透，見到入面橙橙地色嘅蘿蔔絲顏色好靚，入面仲有香菇同椰菜。雖然係素菇，但佢都唔係淡口的。配埋個湯一齊食好舒服，食完真係冇覺得口乾。另一款韭菜豬肉雲吞就因為有韭菜喺入面，就比較出味d，咬落韭菜嘅份量算好多，而且唔會好油膩。麻醬青瓜雞絲冷麵，冷麵青瓜同雞絲以一層層放好，上面淋咗麻醬。個冷麵有少少乾身，但撈埋個麻醬食就都ok. 雞絲分量好多，多到有d食唔完😂最後以一杯羅漢果靈芝茶作結。雖然有靈芝但唔會好苦，感覺真材實料。

曾經係飲食報道裏面見過呢間餐廳，知道佢係屋企嘅10分鐘範圍，所以一直都想搵機會試試。適逢阿媽唔得閒煮飯，擇日不如就今日啦。呢間餐廳似乎係家庭式經營，兩老兩兄弟夾手夾腳。餐廳細細間，大概坐到20人左右。以咁小型嘅餐廳來講，食物嘅種類都算多元化。清湯和麻辣，水餃，湯麵，撈麵，形形色色嘅小食，最吸引嘅係飲品方面，每日提供嘅兩三種健康茶都係家常製作，非常健康先來一客涼拌青瓜（$15），份量都算多。調味唔鹹，小小麻辣，主要係豆瓣醬嘅味道。川味口水雞絲（ $38 ），以小食來講都算大碟。雞絲配上青瓜，芝麻，櫻花蝦等等，唔重口味，口感豐富仲有自然健康嘅感覺。川煎麻辣腸粉（ 只係$24 ！），係店家推介嘅小食， 食落果然係非同凡響。首先煎得夠金黃色又夠平均，而且乾身，帶少少鑊氣。雖然係佈滿麻辣醬， 認真品嚐仍然食得出米香。論腸粉嘅口感，少少彈牙，層次分明。絕對係我食過數一數二嘅腸粉，沒有誇張。豬骨湯薑汁豬肉餃子（ $32 / 7隻），湯底鮮甜，餃子起皮薄餡靚，製作認真，用嘅都係新鮮豬肉，清新又健康。麻辣撈雲吞（$32/7），都係店家嘅推介。同樣都係皮薄餡靚，隻隻都咁飽滿。名副其實地麻辣。鋪滿櫻花蝦同埋

今日早放工 去咗試食呢間雲吞出名嘅鋪頭—麻辣·茶·雲吞 🍲一入到去 環境非常舒服 座位好似食迴旋壽司咁 又有歌聽 自己一個黎好優閒☺️ 一坐低叫咗杯羅漢果水 香煎芝心雲吞同雲吞撈麵🙌🏻 下午茶既價錢都好平 見餐牌都係$20幾蚊 好抵！羅漢果水飲落感覺好天然🥤 唔太甜 同埋餐廳食物比較入味 食完再飲返啖真係好清新😍 我好中意佢隻杯😋另外試左老闆娘特登推介既雲吞🥟 果然係出名主打 炸到外脆內軟又唔太油 入面仲有好香芝士味🧀 真係好特別 同好好食！ 另外仲叫咗一個雲吞麻醬撈麵🍲 有花生蔥同菜既配菜 麻醬好香好重 撈麵食真係好好味 上面既雲吞同之前既唔同 果然呢到係出名雲吞 呢隻啲肉好多汁 皮又薄 好似小籠包咁 🤤 另外要講一講嘢就係佢既位置 雖然位置有啲遠但係真係值得去試嘅 佢既雲吞真係好好食

最中意穩d小店試下食下呢排穩到間有人情味既小店望落感覺係乾淨同親切既唔怪得有甘多客人行到入去 已經好涼好舒服係好有心意既街坊乾淨小店 見待應同客人們都已經好熟落 有講有笑光猛 乾淨仲有d相片集老板心思不錯餐單手撕雞原本以為手撕雞係用雞胸肉整 但估唔到佢係用雞脾肉撕的所以比起普通既雞肉嫩而且好大盤夠我同朋友2個人食得好滿足中意食辣既朋友我惗會中意食佢餃子亦係惹味之選係店面見到係手打豬肉所以想試試d心機汁好惹味裏面既豬肉比例略多 啖啖肉一盤有大約七，八個仲有我最愛既酸菜同芫荽冷麵落既麻醬份量頗適中仲有青瓜同雞肉夏日炎炎食好解暑係飲品方面如果心大心細 可以選擇今日特選 係老闆選擇精心調較既飲品整體來說，店員態度同飯菜心思是不錯的還會推薦大家來吃

很久沒有試過四川菜了。這一家感覺特別溫馨。當第一口入口的時候，感覺到麻辣的熾熱。其次享受到野菜配合薑汁，以及豬肉的味道，簡直是天衣無縫。再加上他們的雲吞皮是用手包的，感受到暖暖的情意結。入口啖啖滋味。另外我點了麻辣青瓜以及雲耳，這兩道富有四川特色的麻辣風味，令人精神為之一振。我口渴的時候，點了一杯他們特製的酸梅湯，將所有口腔裏刺熱的感覺，頓感清涼無比，簡直好似理光速飛翔在北村的山上。前一秒刺熱，後一秒清涼無比，加上店內暖暖的人情味，仿佛好像在家裏妻子煮飯的感覺。好！

呢排勁想食麻辣，之後周圍搵有啲咩餐廳可以食！咁啱睇到新聞推介開咗呢間新餐廳，即刻去試下！佢地點係長沙灣同深水埗之間，出咗地鐵站要行一陣，不過都好快到。店舖環境的的適適，但感覺剛好，店外感覺清新。入到去食晏時間，已經坐滿晒人，不過都好快又有新一輪嘅客人，流量幾高。一早睇定餐牌叫咗麻辣米線🍜同埋烏梅山渣洛神花茶，呢個飲品對女仔好好，尤其是月經來臨之前，可以舒緩𣈱通，味道唔會太甜，有天然味道幾好，最緊要唔好過甜，感覺幾好清新，月經來前飲一杯真係最適合不過。我朋友就叫咗今日特選嘢飲係玫瑰桂圓可以揀熱或者凍，幾細心。尤其是女士應該飲熱飲因為玫瑰亦都係可以幫助舒緩痛經，味道清新唔錯。麻辣米線好香，有啲似台灣一隻「曾拌麵」味道，麻辣真係好香好多由其面有幾片菜同埋一啲腌菜，另外枱上邊見到店舖自家製左辣椒茶甫，鍾意食辣嘅我即刻試吓啦，勁辣呀果然！！係全店最辣嘅菜式之一，係招牌麻辣都冇咁嗆咁辣呀，正呀！來之前真係要好好準備紙巾😂😂另外一定要食呢個重口味雲吞啦！因為佢係麻醬同麻辣醬一齊，我平時都覺得呢兩種味夾埋好好架，因為平時係出邊食一啲撈麵都會咁，呢度都唔例外。雖然話好似得七隻雲吞好似好少，但係其實隻隻都

放工又係出動搵野食既時候，想係長沙灣附近食d 麻辣風味既野食，終於比我搵到呢間個名都幾長幾饒口既 "正 麻辣。茶。雲吞".店鋪位於一條小街，離地鐵站都有一段距離，大概步行10分鐘左右終於搵到。店鋪入面都有d 小裝修坐低之後叫左碗"正牌湯麵", 麵底可以揀米線/上海麵/烏冬，湯底就有得揀豬骨/麻辣，我就揀左麻辣既上海麵底。餸菜配料都幾多種類，入面有丸類，白蘿蔔，菜，烤雞扒，雲吞，同埋豬腩肉，算係一碗過橋上海麵，即係咩都有d 咁。飲底都算惹味，上海麵麵身偏硬，口感唔錯。另外仲叫左兩個小食同野飲，分別係"香煎芝心雲吞", "川煎麻辣腸粉", 同埋"烏梅山渣洛神花茶". 芝心雲吞入面無咩芝士味，腸粉加左xo 醬都幾香口惹味，杯野飲就正正常常。