正 麻辣·茶·雲吞 (已結業)

今晚放工沒約朋友，簡單與媽媽到屋企附近的川菜食店Dinner，地方企理，方便就腳~涼拌青瓜，清涼爽脆，醬汁入味，酸辣醒胃，充滿四川風味~川煎麻辣腸粉，即叫即煎，口感煙韌，爽口少油，加上特製麻辣醬、酸菜、芝麻友及銀🦐皮調味，麻辣鹹香，非常惹味!窩蛋雞絲麻辣麵，賣相吸引，柔韌的米線盡索鹹香麻辣的湯汁，流心的🍳汁為湯底增添一份馥郁的蛋香，🐔絲豐富口感，再加入花椒、芝麻、青葱及紫菜等調味，更添鮮香，香口惹味!黑糖玫瑰花茶，溫熱暖和，濃厚幽香的🌹與微甜的黑糖味道襯絕，甜香不膩，健康味美，原價$23，跟餐加配只需$15，抵飲!可樂，冰涼止渴。整體食物很有水準，滋味十足，而且食物辣度溫順易入口，媽媽也讚不絕口，改天再來晚餐或下午茶也不錯呢~

今日放假男朋友渣車出深水埗買野，諗住順便係呢區食埋晚餐先走，但深水埗好多人又逼唔想留係到。最後搵到呢間係蘇屋邨附近既川味小店，感覺比較清靜D、冇咁嘈雜，間餐廳係街尾都幾易搵到，佢放左D凳係門口，排隊的食客等既時候可以坐低休息下先。雖然餐廳唔係好大，最多坐十幾人，但感覺舒服。佢個裝修好靚同光猛，就算係開放式廚房都KEEP得乾淨、企理。打開餐牌見到好多款式，保留左傳統既菜色之餘又加左Ｄ創意落去，搞到我地樣樣都想試下，撈雲吞...麻辣麵...撈麵...拍青瓜...九菜餅...口水雞..仲有腸粉添！我地兩個人怕叫得太多食唔晒，最後叫左一人一個麵，一個小食再加多兩杯飲品。由於今日想食下辣野，見到餐牌個雞絲麻辣麵再加多隻窩蛋係上面好似好得意，所以就叫左（$48）。男朋友就叫左雞絲擔擔麵（$43）一開頭黎左個擔擔麵先，我仲以為係麻辣，因為紅紅地，點知一夾起啲麵既時候聞到好香花生醬味就知唔係麻辣。 個湯底係有少少辣，唔會好傑，但麻醬味超香！同平時出面食既好唔同，一啲油膩感都冇，男朋友都一路食一路話好味！而個麵煮得岩岩好，幾煙un。最值得一讚係個雞絲，非常之滑，平時出面食既雞絲既口感好似係雞胸肉滾熟佢落

同事想食辣野，所以經佢一番搜索下，搵到呢間離公司有點小距離的川辣小店。黎到果陣岩岩好1點，人流唔多，可以直接入座。黎到先發現原來呢度舖仔細細，大概可以坐到16人左右；職員亦得兩位，所以多人果陣落單會有少少混亂；至於上菜速度又唔算太耐，大概等2個字就食得。檸辣雲吞十隻 $45雲吞MENU中只有呢款味最特別，係其他雲吞度都見過，所以點左佢。雲吞SIZE正常；雲吞皮比較薄，透到裡面既肉餡；內餡包得結實，肉味重，調味亦唔會過鹹，唔錯。至於檸辣，食落似泰式酸辣汁，可以一解川辣既油膩感。川辣拌麵 $24上枱果陣係幾有麻香味，入口都夠麻，辣味係香辣，食落似台式麻辣乾拌麵，而唔係四川麻辣，如果食過”曾拌麵”既人應該明白係咩味。麵上灑上櫻花蝦，但辣味太搶，所以唔太食得出蝦味。川辣煎腸粉 $28腸粉即點即煎，所以要等15分鐘左右。腸粉表面煎到微脆，入口有外脆內軟既口感。我個人幾中意佢個辣醬味，辣度比拌麵再辣D、麻D、香D，估唔到咁整個腸粉都幾好味，有衝動買包腸粉番屋企自己煎黎食~😂菜脯估唔到呢度都有自家製菜脯，但特別在加左豆豉一齊醃，但入口又唔會有好重豆豉味，反而辣度係以上咁多款菜式中最辣既一個😲。

這次帶了一個朋友跟我到長沙灣叭叭走。我一說要去食好西，她就跟上了。願者上釣原來就是這個意思！偶爾經過一間台式小店，裝修得簡約舒服，就和她進去了。我要了手打雲吞麵，跟餐健康茶可以二選一，山渣或羅漢果，可以加錢轉花茶。這裡的雲吞是上海雲吞，跟廣東以肥瘦豬肉，鮮蝦仁以鹼水和蛋做皮包成的不一樣。上海式以菜肉為主，外皮不會放鹼水，形狀不會散尾，多數呈元寶狀。是日特選是薑汁椰菜豬肉雲吞，椰菜跟豬肉的比例恰當，每粒都包得好滿，鹹度適中，薑略帶微辣。豬骨湯底清澈，不會掩蓋原來的味道，還昇華了雲吞的鮮甜。另外想多試一款雲吞，侍應就推薦我們點了這款檸辣雲吞。上碟配上醃好的青瓜絲，蝦米，花生碎，辣椒。同樣是菜肉雲吞，但口感更加清新，青檸汁有調配過，不會很酸，口感很特別。羅漢果茶則甜度適中，又有清肺止咳之效。 耳猶未盡點了一份重口味腸粉。腸粉即叫即煎，而且是「混醬」一起煎，每一條都煎得均勻，既乾身又入味，外皮焦脆香口。腸粉口感煙韌厚實，完全無半點油膉。上碟前再配上麻醬，豆豉醬，芝麻，蝦米，花生碎加重口味。最後一提，去食記得試埋枱面個麻辣菜脯，又辣又爽口，餐前開胃必試。

<麻辣 撈麵 餃 茶 各有各出色😆>如果識揾食既朋友會發覺荔枝角同長沙灣會有好多小店好正 😈 呢間「正麻辣茶雲吞」 就十分唔錯 細細既鋪頭有哂撈麵 麻辣 餃子 同埋特色既茶飲 而且近距離會望到師傅整野食同沖野 夠哂放心😆❄夏日推介❄🍴麻醬青瓜雞絲冷麵36 蚊🐥🥒夏天最啱食 清新凍食既冷麵 36 蚊甘大兜抵食 麵質爽口 好有質感 盡吸麻醬 而麻醬唔會話好濃 剛剛好🙂 食落淡淡 香雞肉 🐤 雞肉好有心機整到好絲 食落有口感 加埋芝麻增加香味 正😗😄🍴麻辣魚蛋 12 蚊 6 粒 🐟🌶6 粒魚蛋大大粒 麻辣醬係有 d似四川麻辣湯既味 😀 出面充滿香辣香料 魚蛋口感幾彈牙 唔錯🍴香煎芝心雲吞 39 蚊 5 隻🧀🥟外表有 d長身 外面充滿住香脆既麵包糠 🍞 入面充滿住 juicy豬肉🐷 芝士就唔係好濃嗰 d但係夠芝士香 🧀仲隱約食到 d菜絲🌿 好食 個人覺得加埋佢 d辣菜莆仲正 🙂🍴薑汁椰菜豬肉雲吞 7 隻 28 蚊 🐷 米線加7 蚊🍜 溏心雞蛋加9 蚊🥚 秘製麻辣汁🌶每一隻餃都係自家包 大大隻🙂 餃皮香滑厚度適中 , 入面充滿住新鮮椰菜同爽口豬肉 🐷盡吸湯汁 湯汁中辣既辣度都

今日去咗長沙灣呢頭探親戚 親戚就帶咗我嚟呢間餐廳食野一入門口 就已經一眼望晒成間餐廳 舖面唔算好大 但係好有小店嘅感覺 店員好親切 同每個客人都會打招呼🙋 係一間好有人情味嘅舖頭今日我地嗌咗兩碗粉麵同一份小食 其中一碗係今日嘅特製雲吞 佢有兩款揀嘅 洋蔥豬肉雲吞或者玉米豬肉雲吞 我地揀咗十隻玉米豬肉雲吞 要豬骨湯嘅 再加米線 玉米雲吞粒粒都漲卜卜 好多餡 入面嘅玉米好甜🌽 幾好食 米線幾林另一碗係正牌五寶湯麵 要麻辣湯嘅 入面有白蘿蔔 韮菜豬肉雲吞 腩肉 雞扒 同墨魚丸 麻辣湯唔算好辣 每樣餸都至少有兩件 份量幾多 而白蘿蔔好入味👍🏻 有咁多款餸算幾抵食小食就係麻辣腩肉⭐️ 呢碟就比麻辣湯麻辣 但都唔算好辣 腩肉肥瘦比例適中 份量亦都多🐷 賣相吸引到連隔離枱都問呢碟係咩😂 兩個人食兩大碗麵已經飽晒 好經濟嘅一餐😋 下次想試窩蛋肥牛麻辣麵🌶

說起不舒服，M先生同事推介一間食物算是不煎炸肥膩的，比較是吃得「清淡」，但也挺美味的小店，在他們工作的附近果然小店內都挺多人，基本上坐檯都差不多滿了，只剩Bar檯有位置，所以我和M先生就坐在一邊下單薑汁椰菜豬肉雲吞7隻 (HKD 32)+瑤柱豬骨湯底烏冬 (HKD9)看到這款是餐廳recommend的，雲吞是包成三角形，挺有趣的，應該是自家製，裡面有椰菜絲、豬肉，皮滑飽滿，瑤柱豬骨湯底有陣陣栗米香甜味道，味道較清甜麻醬青瓜雞絲冷麵 (HKD 38)+腩肉 (HKD 9)麻醬配冷麵是最棒的，配上青瓜和雞絲，切得夠薄，雞絲一D都唔鞋口，感覺更清新，麻醬份量又足夠撈勻成碗冷麵腩肉好入味，而且炆得好林，認真好食香煎脆脆韮菜餅5隻 (HKD 33)好有趣地的是以煎炸餅的形式，一改平常是煎薄餅的形態，炸得好脆好薄，好像我們平常食的炸雲吞一樣，裡面超香韮菜味道，又算多汁，很好味！溏心蛋 (HKD 9)有少少滷過的味道，裡面真正軟心，一咬開蛋黃心就在流，超軟滑金橘檸檬蜜 (HKD 22)可以預防感冒、止咳化痰的金橘檸檬蜜，喝下去竟然有陣陣話梅味，甜甜微酸的，很易入口海鹽青檸檬茶 (HKD 23)可以清

星期四約了客人在長沙灣傾生意，傾完後已六點、七點了，於是自己一個在附找餐廳食飯。經過昌華街見到這間餐廳個名幾特別，辣同雲吞亦好啱我口味，所以入去試一試。入到去見到有三張枱也坐滿人，所以坐了近開放式廚房的枱上，有D似日本的拉麵店，可以睇到師傅煮野食，煮完即刻送上你枱面。我點了一個＂擔擔麵＋珍珠雲吞＂，餐飲點了＂金橘檸檬蜜＂，再加一個麻醬雲吞。麻醬雲吞有七丶八粒，上面淋了芝麻醬丶蝦米乾同莞茜，雲吞涵料新鮮，係自家包的，配上麻醬好特別！😋擔擔麵大大碗，渴汁香濃唔太辣，D麵又唔會煮得太腍，原來＂珍珠雲吞＂係細細粒的炸雲吞，放落湯汁入面浸一陣又香又脆。👍🏻食完香濃嘅食物再飲返杯＂金橘檸檬蜜＂可以解除油膩，好適合宜秋冬乾燥時飲，滋潤下喉嚨。呢間小店雖然唔太大，但環境雅緻，食物質素唔錯，價錢合理，下星期約左客戶再喺長沙灣傾生意，一定再來試下其他的食物！

行到攰入左呢間小店食tea嘆冷氣。呢間小店設有吧枱，一個人黎食都唔怕要搭枱，你眼望我眼咁尷尬。店鋪細細，但好多選擇，麵食(分熱食、涼拌）、小食(拍青瓜、皮蛋、煎腸粉、魚旦、雲耳、雲吞等等）、另外仲好貼心設有秋冬潤喉飲品。大部分食物都可自選口味，有麻辣、川味、麻醬等。一睇個店名就知主打食麻辣，雲吞啦，所以我地都唔執輸，點左: 麻辣5寶米線(牛腩蘿蔔好入味，有好香嘅花椒八角味，仲炆到好淋，易入口)， 檸檬撈雲呑（菜肉雲吞大大粒，撈埋檸檬辣椒汁，青新得黎又有新鮮感），麻醬雞絲伴冷麵（勁多雞絲，足料！麵再淋d就perfect喇)，麻辣手拍青瓜(入味爽口)，麻辣咖哩魚旦（正常水準）。—》〉另外想提一提枱面上嘅麻辣菜甫，送麵一流，任食唔嬲，但係偏辣，食得辣嘅朋友岩晒！😋

長沙灣同深水埗經常穩藏著不少美食小店，無意見遇見一試會有驚喜。今次就比我遇到😊係長沙灣昌盛街，小斜路旁的一間麵食店，主打食麻同辣的，仲有日日新鮮嘅雲吞，小食種類都好多，飲品仲有自家煲嘅涼茶特色飲品。雲吞款式都多，我地揀左青檸撈雲吞，粒粒都好大粒，係椰菜豬肉餡，醬汁揀左小辣，辣得黎酸酸地好開胃，雲吞皮口感岩岩好，爽口彈牙。另外叫左三款小食，川煎麻辣腸粉值得推介，腸粉滑滑之除仲煎到好香口，辣得黎好好味，佐料中食到一點咸菜，令到味道充滿咸香味，增加獨特風味。涼拌黑木耳好爽口，小辣已經好好味。涼拌川味口水雞絲好特別，有口水雞風味之除仲有麻醬香，辣得黎有少少甜，味道配搭得好好👍🏻最後唔少得飲品，要左一杯海鹽青檸檬茶，味道係咸咸地令到青檸嘅酸味中和到，而且唔甜，好岩食先飯飲杯幫助消化。

今日同朋友黎長沙灣睇完傢俬，攰攰地，又想食d惹味嘅野，經過見到呢間小店，就決定試一試。窩蛋肥牛麻辣麵麻辣湯好惹味，又唔會太辣，麵質滑而不腍身，配上窩蛋牛肉非常夾。重口味撈雲吞（追加腩肉）一碟入面有粟米豬肉同椰菜豬肉兩款餡料嘅雲吞，個麻辣汁好重花椒味，過足麻辣癮，仲要加咗麻醬，令味道更香更豐富。溏心蛋賣相好靚，蛋黃係流心嘅，而且非常入味，very good 海鹽青檸檬茶食辣野一定要飲番杯清新嘅凍飲，呢杯飲品味道微鹹微酸，清清地，感覺好fresh

今日同朋友來長沙灣做義工，晚餐她想食餃子，來到一間麻辣雲吞，此餐廳離地鐵站有一定距離，行路15分鐘可以到。餐廳環境不錯，細細間，有雙人檯亦有四人檯，地方較小，最好預約先😄坐下之後全程聽著輕鬆柔情音樂，等待點餐。餐廳的招牌菜芝心炸雲吞👍🏻，新鮮出爐的雲吞，熱辣辣，脆卜卜，香脆可口，一碟五隻。另外有款雞絲撈凍麵，配上濃濃芝麻沙律醬，少少青瓜絲，入口不油膩，麵不會很硬，而且這個分量很足，我和朋友share一齊食😋餐廳推薦另一款，多寶熱烏冬，材料超豐富，腩肉，牛肉，蘿蔔，青菜，餃子，魚蛋煮烏冬，湯底的味道很香，分量有點大，只需要$48，值得食。最後仲點了兩杯特色飲品，一杯凍山楂茶，酸酸甜甜😍另外一杯咸金桔檸檬，，十分潤喉！

長沙灣都可以話有好多臥虎藏龍嘅餐廳，今次呢間小店都有一樣比左好多驚喜比我，我同朋友去左昌華街搵好野食入面麻雀雖小但五臟俱全，入到去就見到有個開放式廚房，廚師煮啲咩都可以一目了然。呢到就主打雲吞同四片辣味小食，我地都叫左幾款小食食，分別係川煎麻辣腸粉、涼拌川味口水雞絲同涼拌雲耳。仲有點少得呢度出名嘅手打雲吞，我就想試新野，就叫左個今日特製雲吞，係入黎之前已經係黑板上寫左今日有兩款特製雲吞，就係洋蔥豬肉雲吞同粟米豬肉雲吞我就揀左粟米豬肉雲吞(7隻)配瑤柱豬骨湯底，我仲加杯飲品就係金橘檸檬蜜。餐廳有幾款健康飲品，係自家製，金橘檸檬蜜入口酸中帶甜，好開胃。涼拌川味口水雞絲份量都有唔少，好足料我同朋友兩個食就岩岩好，我地叫左小辣，入口就有先麻後辣，雞肉都幾嫩，啖啖肉好正。涼拌雲耳都有小小香辣味，雲耳好爽口，除左有辣椒外，仲有左小小芝麻增加口感，更加香。川煎麻辣腸粉即叫即煎，黎到熱辣辣，腸粉外面煎得好香，仲有麻辣香味腸粉好煙韌，好好味~ 好有驚喜到左我最期待嘅粟米豬肉雲吞瑤柱豬骨湯清清地，幾好飲，飲得出無落味精而雲吞隻隻都脹卜卜，咬落去就見到真材實料，入面包左有好多粟米同豬肉，食落有一絲絲粟米香甜

· 鍾意食麻辣同雲吞嘅食飯好去處 🍴行行吓深水埗, 想食米線諗食咩好睇到呢間正 麻辣 個名吸引咗睇下啲Menu見到餐廳環境細細間但位與位之間都夠寬落唔會好迫坐得幾舒服👍👍👍👍入到去有啲似日式拉麵店又有啲似小咖啡店🏠老闆娘好靚女😍 服務員介紹都好詳盡👍👍👍如果我住附近我一定成日外賣碗湯米線同雲吞番屋企😋 🔼五寶湯米線 ⭐⭐⭐⭐⭐(推薦!!)服務員無介紹錯!呢個豬骨湯底好好飲!麵線煮得剛剛好, 五寶都係大大件👍五寶有雲吞· 雞扒· 墨丸· 腩肉· 蘿蔔雲吞啖啖肉好正好好食😍雞扒係照燒雞扒嚟~好香好Juicy!墨丸真係手打魚肉墨丸黎,好彈牙!腩肉入口即溶,一啖麵同湯咁食好味道!蘿蔔反而覺得唔夠清甜有點腍~麵大大碗大胃嘅你一定夠飽👍 🔼重口味撈雲吞 ⭐⭐⭐⭐Menu上面有所有雲吞口味10隻只係簡其中一隻味嘅雲吞有10隻嘅意思📜呢隻話明重口味,大啖肉之餘麻辣味都夠重💗不過我地追加左米線黎撈 建議剩雲吞咁食好食啲😋 🔼涼拌川味口水雞絲⭐⭐⭐⭐呢個開胃菜咁食好好味!!好香又夠麻~ 🔼溏心蛋⭐⭐⭐⭐(推薦!!)蛋控必點💗 好溏心好滑溜😍早知叫2隻·· 依加諗番好想食添😣 🔼黑糖玫瑰花茶⭐⭐⭐⭐⭐有凍有

星期日行左去蘇屋附近，見到呢間食麻辣嘢既，對於我同女朋友都喜好食麻辣又鐘意食水餃，梗係入去試下啦。鋪頭雖然唔大，但係好有在家嘅感覺，最鍾意就係呢啲溫馨嘅小舖。前菜我哋就叫咗麻辣雲耳同麻辣青瓜，兩個都係比較清新而且爽脆，麻辣度適中，唔會太辣，就算唔係太食得辣嘅朋友都可以黎試吓。由於女朋友對花生敏感，店員都好好咁樣同我地講話有麻醬同擔擔面都唔啱我地，口水雞就可以走花生。所以我哋就叫咗個麻辣口水雞。個口水雞有啲青瓜伴住，所以食落都幾清新 ，唔合過份濃味。我哋仲叫咗兩個水餃做煮食，一個薑汁椰菜豬肉雲吞配豬骨湯底，另一個就叫咗檸辣撈韭菜豬肉雲吞。韭菜餃好香韭菜味，肉味鮮甜，配合佢個檸檬汁加辣椒出奇地好食，有啲置身於泰國食酸辣野嘅感覺。而薑汁椰菜豬肉雲吞，都隱約發出陣陣嘅薑汁味，但又唔會太辛辣，反而可以帶出肉嘅鮮味。最後叫咗杯玫瑰黑糖熱茶飲。可能呢排做嘢壓力大，玫瑰清香，飲完之後個人精神都放鬆左唔少。