正宗水上人蒸氣鍋專門店 (已結業)

之前喉嚨不舒服，有熱氣，未完全好，食咩好？第一次想起吃蒸氣石鍋⋯早上先搵呢間店，難得見有得網上訂位又有午市，即訂2:15pm，提早點幾去到，無人喔（後來有一台人甘大把），個場好似我地包左甘XD~我們只有2人,所以不吃套餐,散叫。所有食物都新鮮!尤其條魚，好滑好好食啊！好回味呢！南瓜豬骨粥開頭放底，看住職員倒落鍋底，最後吃，好綿滑，似＂冷佬粥＂。所有食物（除馬拉糕）本身無調味，天然又健康，又不會煮得＂老＂。所有蒸野由職員處理，比如蒸幾耐⋯南瓜豬筒骨珍珠米粥1鍋: 放到最後先吃,又綿又滑,無味的,所以叫店員放了一點鹽,放少少已經好夠味,因為食它的 “鮮味”。特大元貝2隻: 用蒜蓉蒸, 濃厚的蒜味,元貝蒸得剛好黯然銷魂魚1條(細龍躉):蒸得好,又滑又新鮮,全無腥味,吃完想再吃海中蝦3兩(2隻):份量不多,無雪味的新鮮蝦田園菜遠(菜心)1份: 蒸得不會乾身或太老,夠天然馬拉糕1份: 好滑好鬆軟, 蒸熱進食一流呢!食到不停口花生,茶芥醬油連加一後,再有七折,合共$622貴在 “花生,茶芥醬油”,但這類店一般都收這些…價錢不便宜,但食材新鮮,這裡合理,我們很滿意這一餐,食物美味,又吃得很飽

其實好耐之前都食過正宗水上人但果陣就係旺角店，而味道都係好正，好味到要一再encore。今次就朋友返工，所以黎到尖沙咀店食晚餐。 餐牌同旺角店一樣，最後都係點返個套餐 ($498加一)。而餐廳內都有十幾款醬汁同配料選擇。 今次粥底都係南瓜豬骨粥，先將材料放係最底個煲入面，再係上面蒸海鮮。南非龍蝦每樣海鮮都有特定蒸既時間，而南非龍蝦蒸完都係好鮮甜彈牙。 胭脂蚌及花蛤皇海鮮本身鮮甜，唔洗調味都好好食。而且以胭脂蚌講真係非常大隻。 花蟹蟹身唔算多肉，但就好多蟹膏，好滿足呀。 黑松露蒸元貝元貝新鮮，加埋黑松一齊蒸，真係相當名貴，而且味道都好唔錯。 貴妃蚌上鋪左芝士，令貴妃蚌更加惹味。黃金汁係由黃椒，紅椒等等打爛而成，加埋聖子皇一齊食幾特別。店舖做緊優惠，只要check in同打卡就送野食，今晚送既係一人一隻蝦。 雪花肥牛每人有兩片，而佢牛脂非常甘香肥美。 娃娃菜蔬菜方面我地選擇左娃娃菜，上面更有一層肉沬，清新之餘亦好惹味。 南瓜豬骨粥粥底夠哂綿而且仲有哂先前海鮮精華非常咁鮮甜。

今日放工約了兩老(男友的pa & ma)和男友食飯，所以在餐廳選擇上都花了點心思.......男友提議食九層塔蒸海鮮但被我否決了，因時間溫度掌握得不好，有些海鮮會不夠熟，有些又會過老，我決定去試公司附近的氣鍋專門店 - 正宗水上人氣鍋專門店。一進餐廳，裝修格調豪華，又吊燈又雲石枱，氣派十足，座位寬敞，可以舒舒服服聚餐。簡單地點了兩個殿堂級A餐(包括有:波士頓龍蝦，奄仔蟹，蒜元貝，貴妃蚌，鑽石蜆，花蛤，蒸豚肉，自選蔬菜及南瓜豬骨粥) 再追加數款小菜就預備開餐啦店員先將蜆和花蛤一齊蒸熟，雖然餐廳有提供超過20款醬料，但我選擇食海鮮的原味，試真D有幾鮮!!! 花蛤和蜆帶有少少的海水咸味而且好爽口有"趙"頭龍蝦就開邊蒸，蒸約6分鐘，出爐彈牙爽嫩，龍蝦味濃郁，火喉恰到好處，一丁點老感都沒有，嫩滑鮮甜，啖啖肉，認真抵食。再黎再黎，就將元貝和貴紀蚌一齊蒸熟，元貝的食法幾新式，加了粉絲和黑松露去調味，未放入口已經聞到好濃郁的黑松露味增添了味覺的接觸，而元貝的size真系大大隻，食落又有口感，我地兩個人share一隻都夠食，好鮮嫩。好滋味！貴妃蚌又是另一美食，肉質豐厚，鮮到不得了，再配合芝士一齊蒸，味道

我倆一向愛吃海鮮，這晚來到電視節目都有介紹的水上人。水上人有兩間分店，旺角和尖沙咀，兩間位置都十分方便。吃海鮮最重要就是新鮮，特別是吃海鮮蒸氣鍋，講求的正是海鮮原味，所以一到餐廳見到大大的海鮮缸，一眾游水海鮮如：蟹、龍蝦、魚全都非常生猛，也見到店員新鮮撈起入廚房處理，我已充滿期待。單點火鍋配料和海鮮較貴，晚市時段還是套餐較化算，套餐$398/$498/$598(兩位起)，主要是海鮮款式和數量不同。我們選了$398套餐再另加一碟手打墨魚丸($88/8粒)。店員也溫馨提示我們Facebook讚好，送每位中蝦一隻。既是 舉手之勞，何樂而不為？先吃貝殼類：貴妃蚌、鑽石蜆、花蛤皇我不懂分屬於哪一款，但每隻都肉地夠厚，鮮甜味出，不錯。黑松露蒸元貝元貝開邊上，一邊用黑松露蒸，一邊則用芝士。兩者都各有特色，黑松露份量慷慨，所以味道比較香，而芝士則少少鹹香，味道較為惹味。波士頓龍蝦龍蝦輕易就能起肉，也起到不少份量呢！龍蝦肉質豐厚彈牙，火候控制剛好，吃來啖啖鮮味，絕對新鮮！珠江奄仔蟹我特別愛吃蟹膏，這隻奄仔蟹蟹膏豐腴，多至滿瀉，正！蟹的鮮甜味道同樣突出濃郁，我吃得又滋味又滿足。怪味禾豚肉名字叫怪味，但我個

好耐未去過打邊爐，但係又唔想咁熱氣，所以揀咗健健康康嘅蒸氣養生鍋。約埋三五知己最重要位置方便大家，揀咗尖沙咀正宗水上人蒸氣鍋。最好嘅就係有套餐，唔使諗得咁辛苦。餐種類多可以食哂不同的海鮮。花甲，帶子，花蟹非常新鮮好味，一點也不覺得有沙，非常乾淨。最後個粥底，把所有海鮮的鮮味融入在內，好味到唔停得口

話說蒸氣火鍋係香港流行左咁耐，我都未曾試過，認真慚愧趁住啱啱出糧，就請屋企人去試一次啦！正宗水上人氣鍋專門店位於尖沙咀加拿分道，從地鐵站B2出口走去只需5分鐘，非常易搵入到鋪內就看見呢個一層層的魚缸，非常震撼！裏面的海鮮游來游去，生猛十足！首先睇下菜單，目測都有80多種，有選擇困難症的我，真的無從入手幸好菜單反過來有套餐可以選擇，真的適合懶惰的我最後我哋揀咗套餐A（要注意：套餐是以每位計的，而且至少要兩位起）另外再加埋臘香鮑魚糯米飯和手打四寶丸店員首先將南瓜豬骨粥的材料放在石鍋，然後在上面放上蒸格然後他會將一碟碟食材放上蒸格，蓋上草帽然後開始計時，時間一到他又會走來將食物分給我們真係坐喺度擘大口就有得食！完全唔驚因為自己唔識調控時間而浪費了食材～打頭陣的是鑽石蜆同花蛤皇火候恰到好處，好鮮嫩，不用沾醬反而更能突顯海鮮的鮮味跟住就係黑松露蒸元貝同貴妃蚌平時蒜蓉蒸元貝就食得多，原來黑松露蒸元貝又是一種風味，黑松露增添了味覺的觸感，吃起來更有層次貴妃蚌配合芝士汁，肉質豐厚，鮮到不得了唔好比佢停，跟住出嚟嘅係波士頓龍蝦龍蝦啖啖肉，不消一會兒，就全部掉進我們肚裏珠江奄仔蟹蟹就唔算太大隻，但當將佢切

以前加拿大認識既朋友黎左香港，作為地主之誼帶左佢哋食一 d 新奇少少既野，其實一向幾鍾意食蒸氣鍋，因為感覺健康一啲，海鮮亦唔會太肥去到由於訂咗位，好快就被安排坐係一個卡位，首先枱面個蓋好 eye catching, 而且佢唔係好多層嗰種蒸氣鍋，每次只會蒸一種嘢食我哋選擇咗中間價錢嘅套餐，貪佢唔使自己諗，大部份海鮮想食嘅都係入邊全程都係店員負責蒸同埋上碟，一開始佢都係放啲米落去煮粥，就開始蒸海鮮首先食花甲同埋蜆，全部都好大隻，咁多種海鮮入面我覺得最好食係蒸貝殼類，因為係最鮮味，正花蟹同龍蝦就每人有半隻，可能因為好新鮮，完全食到鮮味，肉質亦都係爽口，基本上都唔係好需要點醬汁之後就係黑松露元貝同埋黃金汁蟶子皇，呢兩種食物佢都係加左自製嘅醬汁，我覺得更加能突出食物既鮮味，元貝撈埋個醬汁食好 creamy, 加左金菇係底亦都好配合，蟶子皇加粉絲佢就唔係用蒜蓉去蒸，而係用左隻酸酸甜甜嘅汁，感覺幾特別基本上食晒全部海鮮，牛肉同菜都已經好飽，所以我哋最後都食唔晒個粥，但其實不嬲都覺得食蒸氣鍋個粥先係最重要，先係最鮮，今次個粥都係鮮到不得了，飽到不得了都要食兩碗總括而言，外國朋友好滿意呢一餐，而我亦覺得

上兩個月食完旺角店，好味到要一再encore。今次就朋友返工，所以黎到尖沙咀店食晚餐。餐牌繼續係花多眼亂，選擇完一輪，最後都係點返個套餐 ($498加一)。套餐唔包飲品，亦都要另付茶芥、醬汁費用。不過碟花生好好味，真係少少咸卜卜脆。而且有十幾款醬汁同配料選擇。今次粥底都係南瓜豬骨粥，先將啲材料放係最底個煲入面，再係上面蒸海鮮。鑽石蜆無晒，變為六隻都係胭脂蚌，仲有花蛤皇。海鮮本身鮮甜，唔洗調味都好好食。朋友細食，想留肚所以我一共食左十隻蚌同花蛤，哇哈哈。再黎南非龍蝦。每樣海鮮都有特定蒸既時間，但基本上侍應哥哥姐姐由上菜、蒸焗、分切到上碟，全部都一手包辦，我地只係負責食、食、食。花蟹仔。食住啲蟹膏，就醒起，又就黎係食大閘蟹既季節喇。黑松露蒸元貝。黑松味重，加埋元貝一齊食非常鮮味。貴妃蚌。估唔到上面會鋪左芝士。而貴妃蚌都幾彈牙。仲有雪花肥牛，每人有兩片，不過食海鮮已經食飽左。蔬菜方面我地選擇左娃娃菜。菜上面會有一層肉沬，估唔到真係堅好食。唔知係咪太肚餓，我地食得好快，快到個粥都未正式煮好，仲要加熱水。可能係咁，個粥底無上次咁綿咁鮮甜。不過好彩，本身既南瓜同豬骨都有味，總算唔錯。

因為要準備旅行和考車的關係, 暫別了朋友的飯聚一段時間, 閉關了一陣子, 終於給我遇上幸運之神, 讓我得到成功, 自己都不敢相信! 為了慶祝, 相約了友人, 去吃一頓好的, 向來我愛吃海鮮, 又注重健康, 近年流行的蒸海鮮鍋, 最合我口味的了! 在尖沙咀厚福街的水上人, 是樓上餐廳, 格調高雅, 服務到位, 適合對蒸海鮮有要求的人, 朋友吃過大為推薦。 波浪形的大魚缸, 裝滿各種游水海鮮, 未吃已先期待。 點菜可以叫套餐, 又可以散叫, 我們就選擇自己喜歡的來吃吧。 按讚及分享有海鮮送, 當然照辦的啦。 這裡有少見的二人座卡位, 自成一角, 但桌子比一般卡位長, 對於慣了輕聲細語的女生, 聊天是有點用力。這裡蒸鍋用上草帽款式的蓋子, 有趣又實用, 倒下來的蒸氣水不會滴在食物上。 茶芥醬油每位 $28, 不拿點醬汁不化算, 可是拿了後又不太捨得蘸上海鮮上, 因為想原汁原味的吃著海鮮的鮮味。 南瓜豬筒骨珍珠米粥 $88 豬筒骨都很大件, 份量十足, 黏連著一點點肉, 蒸海鮮前, 先在底下放入煮粥的材料, 在蒸海鮮的過程中, 順便把粥煮熟。 胭脂蚌 $88 (一份) 胭脂蚌

同事食完水上人讚不絕口，我又一向鍾意食海鮮，咁就上個星期去咗尖沙咀分店試下。呢度海鮮有套餐揀，每位$398/$498/$598（兩位起），雖然無得自己選擇想食嘅海鮮，但係比單點價錢便宜好多，唔使驚食食吓會食得太貴，超咗預算。我哋兩個就決定要一個$398套餐，共有6款海鮮，加一碟肉，一款菜，最後仲有個南瓜豬筒骨粥。我最鍾意食龍蝦，呢隻波士頓龍蝦（半隻）肉質好彈牙，而且好多肉，食來啖啖肉，好有鮮味。珠江奄仔蟹（半隻）好正，完全係『爆膏』！而蟹肉肉質都好緊實，唔易散開，其實就咁清蒸已經可以發揮到係蟹嘅鮮味，好味！黑松露蒸元貝（1隻）大大隻，元貝大隻豐厚，加上黑松露醬更加多咗一份香氣和惹味。欣賞侍應嘅時間控制好好，元貝唔會煮得過老變韌。貴妃蚌（1隻）、鑽石蜆（3隻）、花蛤皇（3隻）味道差不多，但係全部都鮮味十足。食咗咁多海鮮都有啲飽飽地，但係呢個怪味禾豚肉（2兩）卻令我精神為之一振，因為味道確係特別，原來係豚肉加上沙茶醬，估唔到兩者味道夾埋都幾配合，味道好惹味，豚肉都好嫰滑唔鞋口！不過份量就少咗啲，每人只係得3小片。然後侍應上咗一籠菜心，菜心無任何調味會略嫌單調，可以自己出去拿配料和醬油。最後

蒸氣鍋專門店有不同餐廳，但個人就較喜歡用草帽個種，今晚就去了一間好多名星都到過嘅草帽蒸氣鍋專門店一試！位置非常方便，就係厚福街，望似門面有一道樓梯，接待員按排上去，又另一個世界，就在上樓梯嘅右邊大大個漁池，養住了好多活海鮮，餐廳內亦有圓枱，同有房間，今次係座卡位，座位就向左邊走，座下店員就放下餐牌，同香脆花生望望餐牌主要係活海鮮為主，當然亦有其他選擇，今晚點了個南瓜豬筒骨粥底$88 作為尾聲總結食法正常要由海鮮蒸先點了花蛤皇$88大大隻，肉質彈牙鮮甜花螺$108肉質超爽口，一口一啖大元貝皇 黑松露$58*2放滿了黑松露嘅大元貝，一開蓋就已經聞到香味撲鼻嘅松露香，加埋入口彈牙爽口嘅元貝，正！見到頂級重皮奄蟹做緊半價＄98隻蒸完打開，喺蟹蓋內充滿蟹膏，而蟹肉又好鮮甜海鮮吃過後就再蒸肉至愛手打四寶丸$128粒粒彈牙，夠晒煙韌，好有口感最後加埋個金蒜蒸勝瓜$78吃過肉，食過菜清清，勝瓜軟熟多汁，配埋金蒜香確實絕佳配搭吃完已經差不多，重有個粥，粥底吸收了食物嘅肉汁，加少少大頭菜點綴，入口感覺到夠晒味道，當然因已經吃飽嘅關係，就吃了一碗多少少！環境寬敞，地方整潔，食物質素高，確實係一班朋友一聚好地

尖沙咀真係美食滿街，應有盡有！可以每次都食唔同嘅嘢，今次黎食吓蒸海鮮！行厚福街一上樓梯，又見到一個小型水族館，入面嘅海鮮應有盡有， 且仲係好生猛游水嘅！立即信心大增！海鮮可按自己喜好散叫，但怕麻煩嘅話，套餐都有3款選擇，我哋選咗中間嘅價錢套餐。首先入窩嘅有鑽石蜆，花蛤皇同蜆，全部都勁鮮甜，喜出望外！心諗好彩呢度煮法係蒸，如果去豉椒炒簡直是浪費！套餐每人包半隻龍蝦，肉質晶瑩，感覺好新鮮！蒸熟左之後依然好飽滿！肉質彈牙又甜！食海鮮又點少得大元貝？呢度唔係用一貫平時嘅蒜蓉粉絲去蒸，改咗用黑松露醬粉絲，我唔到又出奇地match！松露味好香，加埋元貝嘅鮮味粉絲都格外好食！大蟶子王用上秘製嘅蛋黃醬加粉絲去蒸，入口咸香，蟶子彈牙。幾特別。而貴妃蚌用芝士去蒸，雖然感覺都好新鮮，但唔係個個都接受到。好彩蚌夠鮮味搭夠。平時火鍋食灼牛肉就食得多，蒸牛肉係第一次試！估唔到都好食，無調味下牛肉味分外突出，一d都唔韌！食左咁多海鮮同肉，最尾終於有一盤菜清一清味蕾！菜好多汁又甜！原味十足！上面有d似咸菜豬肉嘅醬調味。蒸完一晚，所有海鮮嘅精華都跌落去最底部嘅呢鍋粥入面，粥底係南瓜豬骨粥。但食落充滿海鮮鮮味，雖然已經好

開心星期五收工去左食蒸海鮮，平時都少食依類型既野，今晚決定豪一豪滿足下店內裝修都以竹騰為主，感覺清幽簡約，卡位旁有USB插口可以電話充電，幾貼心同朋友叫左套餐B，有十一款食物同清楚寫明份量，如果分享同打卡仲有多款食物送醬料係自助式拎取，超過數十種醬料供應，連泰式生蝦汁都有，我都拎左個黎沾下<<花蛤皇、鑽石蜆、胭脂蚌>>口感爽滑彈牙，全部都大大隻，食落好鮮甜多汁，唔洗沾醬料都已經好好味<<黑松露蒸元貝>>松露醬加左少少蒜淋係元貝上一齊蒸，味道唔會太濃烈，調味適中，元貝口感嫩滑同好鮮<<貴妃蚌>>貴妃蚌底部放左金菇，金菇本身既菇味香同幾甜，第一次清蒸食幾好味，貴妃蚌食落爽口新鮮<<黃金汁聖子皇>>黃金汁用左南瓜蓉再加少少辣椒碎淋係聖子同粉絲上一齊蒸，食落有南瓜本身既甜同帶少許既辣味，聖子肉質鮮美，整體味道幾夾<<南非龍蝦、花蟹仔>>龍蝦肉質爽口彈牙，沾少少泰式生蝦汁好夾，花蟹仔蒸得剛剛好，連左少少蟹膏，肉質好重蟹味<<

勁多醬料選擇,多到眼都花,正d海鮮都好新鮮，又甜又夠肉。雪花和牛雪花和牛脂肪分佈非常平均顏色都好靚入口有即溶嘅感覺，非常美味，好似風咁，啲和牛就咁食曬。銀絲王食咗咁多嘢好彩都有啲蔬菜落肚 用肉醬去配蔬菜一齊蒸, 時間啱啱好，啲菜開始變軟，還帶點兒爽口，加上肉醬味道非常夾個肉醬有啲似台式肉燥飯嘅肉醬，幾有風味。南瓜豬筒粥蒸氣鍋過底原來係個沙鍋,頭先喺沙鍋上面蒸個嘅海鮮清華, 都會流曬落個沙鍋上面，佢直接用返同一個砂鍋，加上米豬骨南瓜煲粥，不過係需要少少時間等待，煲完個粥帶有啲香甜嘅海鮮味, 成鍋都食曬。